سؤال بخصوص عمل سيرفر

[noralain]

السلام عليكم

أخوانى إذا الواحد حاب يسوي سيرفر على كمبيوتره الخاص ويخلى الناس أدش عليه ويعطيهم مساحه منه مثل الريسلر .......... شو ممكن يحتاج ؟

المساحه معروفه وهيه مساحة الهارد دسك
بس الباندويث من وين ؟؟؟

وكيف الواحد ممكن يسوي هذه الحركه

على حد معلوماتى لزم يركب اليونكس على الكمبيوتر موب الوندوز

إذا حد عنده خبره خلونا نتبادل المعلومات لأنى حاب أجرب هذه الحركه

يرجى النظر في أخر رد لى وشكرا

[Ad For Host]

طبعاً حسب ماتبي النظام .. ان كان ليونكس او ويندوز ..
والباندويث من خط النت .. تحتاج خط قوي ( مثلا دي اس ال 2 ميجا ) وآي بي ثابت
ولو تبي Cpanel ،، ركب ليونكس .. وركب السي بانل

وخلاص صار عندك سيرفر

[noralain]

هلا أخوي Ad For Host
أشكرك على ردك

الحين انا عندى dsl وأقدر أرفعه إلى 2 ميجا
لكن بخصوص الباندويث ؟؟؟؟؟؟؟ اهم شئ الباندويث
كيف أحصله وإذا كان عندى dsl من نوع 2 ميجا كم بكون الباندويث او مايسمي بالترفيك؟

[Ad For Host]

والله في هذي ماعندي فكرة
لكن الترافيك اظن بيكون غير محدود .. لانه اتصالات الامارات تعطيك ترافيك انليميتد مع الدي اس ال

وتقدر تتصل فيهم وتسألهم

8006100



تحياتي

[E7sasHost.Net]

ما اعتقد ان هالشي مسموح بخط الانترنت dsl العادي بس اسال وجرب حظك مع ان اعتقد يرضون

[noralain]

هلا أخوانى

اتصلت فيهم قالولى أن أن الترفك unlimited في DSL

اوكى الحين شو الأشياء المهمه الثانيه في عمل السيرفر

إلى أعرفه لحد الحين
1- كمبيوتر بمواصفات عاليه
2- خط DSL
3- نظام اليونكس عسب يكون عندى cpanel

هل في أشياء ثانيه هامه غير هذيلا ؟

وعندى سؤال بخصوص الإميلات والخدمات مثل ftp والأشياء الثانيه هذه كيف الواحد يحصل عليها ؟
لأن الواحد لو عمل سيرفر لزم يعمله بمواصفات عاليه

ننتظر منكم الأستفاده

[Ad For Host]

بالنسبة للسيرفر المنزلي ما انصحك فيه ابدا ، لعده اسباب :

1- بتدفع 650 درهم شهرياً على خط الدي اس ال
2- بتدفع 200 درهم شهرياً على السي بانل
3- لازم يكون عندك خبرة كافية في نظام الليونكس وعمله وتركيب البرامج المهمة ...إلخ
4- تحتاج الى سيرفر حقيقي وانت عندك كمبيوتر عادي ممكن بأي لحظة يعلق او تستوي له مشكلة والمواقع تتوقف!
5- قبل لا تتورط وترقي الشامل الى 2 ميجا ، تاكد انه فيه تعريف للمودم لنظام الليونكس

وطبعاً تقدر تأخذ سيرفر من اي داتا سنتر وبسعر اقل من الي بتدفعه في السيرفر المنزلي
وبمواصفات اعلى وخط اقوى ودعم فني وخبراء في ادارة السيرفرات.


تحياتي

[noralain]

كلامك صحيح أخوي Ad For Host

بس انا حاب أتعلم كيف الناس تسوي هذه الشغله لا أكثر ولا أقل . وإذا حبيت مستقبلان تكون عندى المعلومات الكافيه

أهم شئ الواحد يكون عارف. يعنى هذه الشركات تسوي نفس الشغله إلى انا رمست عنها يعنى سيرفرات منزليه وتبيعها ولا كيف ؟ هذا السؤال إلى ابي اعرفه
وبخصوص بعض السيرفرات تدعم shh وبعضها ماتدعمه ؟ فشو السبب

[Ad For Host]

بالنسبة للشركات الكبيرة طبعاً ماتكون سيرفراتهم بالبيت

والسيرفرات عبارة عن اجهزة مخصصة عشان تسميها ( سيرفر ) يعني مو كمبيوتر شخصي!!
الي عندك الحين وتبغى تخليه سيرفر هو عبارة عن كمبيوتر شخصي ..

اما السيرفر يختلف تماماً .. ومصمم عشان يكون سيرفر
وسعر اغلى من الكمبيوتر ،، يعني لو بتآخذ سيرفر من شركة ممتازة مثل ديل او اتش بي
بيكلفك على الاقل 2000 - 2500 دولار اذا مو اكثر..

وبالنسبة للشركات الكبيرة تستخدم خطوط تصل ل 100 ميجا ( مو 2 ميجا )


ومافي شئ اسمه تدعم وماتدعم ssh !
اذا كان السيرفر ليونكس ،، بيكون فيه منفذ للشيل

واذا كان ويندوز ،، تدشه عن طريق الريموت ..




تحياتي

[noralain]

كلامك روعه أخوي Ad For Host

بس انا ملحظ شئ وهوه ان أغلبيت المواقع إلى تعطيك الرايسلر تعطيك أياه بمواصفات موب اوكى وايد وبسعر غالى :funny:

على سبيل المثال الرايسلر 50 جيجا وترفك 200 جيجا سعره بيتجاوز 2000 بالسنه

وبنقول أنك بتقسم الرايسلر هذا عدة أقسام عسب تنشره للناس
يعنى حول 2 جيجا وكيف بتقسم الترافك
أكيد بكون شئ بسيط لكل موقع وأهم شئ للمواقع الترفك يكون عالى

لكن لو تجرب أدش على هذا الموقع :www.canaca.com
بتشوف أن عروض الهوست عندهم مذهله الصراحه
وانا شخصيا حاجز عندهم خدمتهم فنانه بعد

شوف المواقع وبكم أسعارهم وايد فنانه
يعنى صاحب الرايسلر بهذه الحاله خسران أكيد ؟

لأن الناس بيتجهون للشركات إلى تعطيك المساحه الكبيره + الباندويث او الترفك الكبير

ومابياخذون المواصفات إلى يقدمها اصحاب الريسلر للناس

[Ad For Host]

ومنو قال انه عندهم الريسلرات رخيصة ؟
سعر ال 5 جيجا مساحة وترافيك 100 جيجا ( ريسلر )
ب 50 دولار شهري يعني سنوياً حوالي 2200 درهم!

لكن اسعار الاستضافة المشتركة رخيصة فعلا !
ولا تنسى ان اول عرض(5 جيجا) في اشياء وايد مو متاحه !
مثل قواعد البيانات و phpmyadmin ...إلخ

ولوحة التحكم مو CPANEL ،، الي عندهم اينسيم

[noralain]

لا اخوي انا ما اقصد الرايسلر فيه

انا اقصد عرض الأستضافه

لو في أنسان ثانى شارى الريسلر مثلان ويقدم عروض

أكيد مابتكون العروض بنفس ماتقدمه هذه الشركه من عروض

لو تلاحظ 20 قيقا وترفقك 200 قيقا بسعر مايتعدى 650 درهم

وأي واحد شارى رايسلر في هذه الحاله مابيحصل زباين لأن الرايسلر هوه ماخذنه بحول تقريبا 2000 درهم ولو وزعه بيعطى الناس عروض أكيد أقل من هذا ويمكن يكون السعر بنفس السعر هذك

هذا قصدى
ان الرايسلر لو بتعطى الناس منه بيكون أكيد العروض غلى تقدمها عاديه وموب متميزه مثلان للمواقع الكبيره
لأنهم بيحتاجون لترفك كبير ويمكن الرايسلر الواحد يادوب يكون لموقع واحد فقط

[Ad For Host]

حسب الشركة
حسب الترافيك
حسب الزبون
حسب خطة العمل
حسب وحسب وحسب

الي قاعد تقوله مو قاعدة لازم تتطبق ،، ممكن تآخذ الريسلر وتبيع نصه بقيمة الريسلر مرتين
ومو شرط الزبون يكون عارف عنوان الشركة الي انت ماخذ الريسلر منها .. خصوصا لو كان عندك دي ان اس خاص فيك
وانت تحكم على عروض شركة وحدة . بالعالم فيه مليون شركة . واسعارهم متفاوته والخطط مختلفة
وفي الرخيص وفي الغالي يالغالي

[Ad For Host]

الظاهر محد غيرنا بالروم >>>>> عباله شات

[noralain]

صح Ad For Host يتحرونه الشبيبه شكلهم دردشه خاصه فينا
صح كلامك وفي وايد شركات
ومشكور على كل المعلومات والوقت إلى كلمتني فيه
أخوك نورالعين