تطوير جديد # مكتبة خطوط # .. مطلوب رأيكم

[بو مبارك]

السلام عليكم

انا ابحث عن مكتبة للخطوط من فترة ولا لقيت شي مناسب وقلت مالي الا اطور سكربت يقوم بهذي المهمه

طبعاً السكربت هو دليل المواقع links .. من تعريب وتطوير الاستاذ المبدع ابو منار

وانا طورت على السكربت بحيث يسهل اضافة الخط وصورة الخط وبعض التغييرات البسيطة ...

ياليت تعطوني رايكم بالتطوير
http://www.gwafi.com/font/index.php

وباقي طبعاً تطويرات راح اضيفها مثل الاحصائيات الشاملة وشروح عن اضافة الخطوط للوندوز وغيرها من التطويرات الي اكيد راح احتاج احد يساعدني فيها

واذا انتهيت من تطويره نهايئاً وأعجبكم راح ارفقه للجميع هنا وممكن يكون هدية عيد الاضحى

بانتظار ارائكم

[Alshajjar]

دوماً مبدع

يا قوافي

[بو مبارك]

هلا shajjarnet

مشكور على كلامك الطيب يغالي

وشاكر لك مرورك

[Ft@ @l7j@z]

خالد الفكرة جدا ممتازه

بس ماتضن ان الاستايل فاضي؟

ناقصه تصميم حلو وخفيف ويضبط

اذا ودك اقدر اساعدك بتصميم بسيط

[بوعابد]

لله درك يابووليد

شغل عدل ومرتب

وماناقصه إلا تصميم خفيف وحلو

تسلم يدياتك

والصفحة تم تجهيز القدوع والقهوه لها

وإستقبالها في مفضلة جهازنا الموقر

[Alhawe Graphic]

شغل حلو جدا ً ...
وفي إنتظار السكربت المطور ..
ولكن لدي استفسار ...
هل لابد من ان يكون كل خط منفصل ... ولا ينفع احط مثلا ُ مجموعة من الخطوط مع صورة لها وتتحمل ...

[NewGsm]

مبدع كما الاحظك دئماً


بس عندي سؤال

ماهو البرنامج الذي استخدمته في تصوير الخطوط ان إمكن اخوي
مثل هذه الصورة

[بو مبارك]

هلا

رد مقتبس من Ft@ @l7j@z
خالد الفكرة جدا ممتازه

بس ماتضن ان الاستايل فاضي؟

ناقصه تصميم حلو وخفيف ويضبط

اذا ودك اقدر اساعدك بتصميم بسيط

اخوي فتى الحجاز .. الله يعطيك العافية على مرورك ورايك

وبخصوص التصميم كلامك صحيح والمشكلة اني مالي في تصميم الجرافيكس

واذا بتساعدني بالتصميم ماتقصر واذا ماعندك مانع راح ارسل لك ملفات السكربت بعد التطوير على ايميلك الي في التوقبع وتصمم له ستايل مع العلم ان التصميم اعتقد في ملف واحد الي هو header.php

وطبعاً حقوق تصميمك راح تكون في السكربت اذا نزلته في المنتدى للاخوان

رد مقتبس من بوعابد
لله درك يابووليد

شغل عدل ومرتب

وماناقصه إلا تصميم خفيف وحلو

تسلم يدياتك

والصفحة تم تجهيز القدوع والقهوه لها

وإستقبالها في مفضلة جهازنا الموقر

هههههههههههههههههه طيب اعزمنا نتقهوى معك

والله يعطيك العافية على مرورك وابداء رأيك وان شاءالله تكون الخطوط حلوه

مع العلم ان باقي عندي تقريباً أكثر من 150 خط ماأضفتها للحين

رد مقتبس من Alhawe Graphic
شغل حلو جدا ً ...
وفي إنتظار السكربت المطور ..
ولكن لدي استفسار ...
هل لابد من ان يكون كل خط منفصل ... ولا ينفع احط مثلا ُ مجموعة من الخطوط مع صورة لها وتتحمل ...

هلا اخوي

مشكور على رأيك المشجع وان شاءالله راح تلاقونه مرفق اذا تم الانتهاء من التطوير والتصميم

وبخصوص استفسارك .. انا طورت السكربت بحيث يوجد مجلد للملفات المضغوطه ومجلد للصور .. وانت تعمل الصور للخطوط الي تبيها وتقدر تضع أكثر من خط في كل ملف وانت حر

مع العلم انك اذا بغيت تضيف خط المطلوب منك تكتب عنوان الصورة مثلاً ( font.gif ) وعنوان الملف المضغوط مثلاً ( font.zip ) وراح يتعرف البرنامج على العناوين الكاملة للصورة والملف المضغوط

وان شاءالله اذا جربته راح تكتشف انه سهل التعامل والتطوير والاضافات

رد مقتبس من NewGsm
مبدع كما الاحظك دئماً


بس عندي سؤال

ماهو البرنامج الذي استخدمته في تصوير الخطوط ان إمكن اخوي
مثل هذه الصورة

هلا NewGsm

مشكور على كلمة مبدع وصدقني اذا انت تشوف ان هذا ابداع فمعناه اني اكتسبته من هذا المنتدى واعضاءه المميزين

وبخصوص صور الخطوط انا عن نفسي استخدم برنامج Animation Shop المرفق مع برنامج البوينت شوب 7

وانت تقدر تستخدم اي برنامج مثل الفوتوشوب أو اي برنامج رسومي


واشكركم جميعاً على ردودكم المشجعة وانتظر اي شخص خبير php يشوف انه فاضي يساعدني ببعض التطويرات للسكربت علشان يكتمل

[زائر..... بحر الشوق]

رائع جدا

فنان


يامبدع

[ArabParadise]

شكرا لك أخي الكريم شي رائع بس وين رابط التحميل أعجبتني جدا جدا

[riya]

100% وللافضل انشاء الله
شكرا لك

[بو مبارك]

رد مقتبس من ..... بحر الشوق
رائع جدا

فنان


يامبدع

احرجتاااااااني يابحر

وانت أول واحد عطاني رأيه وشجعني

الله يوفقك يامبدع

رد مقتبس من uae4ever
100% وللافضل انشاء الله
شكرا لك

تسلم ياغالي وشاكر لك مرورك وكلامك الطيب

رد مقتبس من ArabParadise
شكرا لك أخي الكريم شي رائع بس وين رابط التحميل أعجبتني جدا جدا

هلا ياغالي والعفو ماسويت شي

وبخصوص رابط التحميل انا كتبت في الموضوع انه باقي بعض التطويرات والتصميم وراح اطرحه هنا للجميع

بالتوفيق وشكراً لكم جميعاً

[المشوار]

مكتبة جميله وتوفر على الكثير عناء البحث
وفكره مميزه من شخص مميز ليس بمجاملة
اخوي ان شاء الله نشوف يوم من الايام مجموع
الخطوط يصل الي ارقام خياليه وبتوفيق واذا تبغي
خطوط ممكن نوفرها لك اذ احتجت .

[NaMr]

الصراحه روعه الشكل والمحتوى

الله يوفقك ان شاء الله

وهذا ثاني موقع يدخل مفضلتي

[soso4design]

كيف حالك اخوي عساك طيب مبدع دائما بعيني وبعين الحسود مبدع غصب عنه

وانا انشاء الله اذا بغيت تصميم من تصميماتي راح اسوي لك واذا اتفقتوا مع فتى الحجاز فأنا انسحب (( ماودي اخرب على الرجالزي بعض لناس ))


عموماُ ايميلي تحت فارجو ان تضيفني لامر ضروري


بـــــــأمـــــــــان الله