مشكله قاعدة بيانات المنتدى

[أبـو خــــالــــد]

انا لا احمل خبره في مجال البرمجه والمنتدى بشكل العموم
اللهم اني مجرد مصمم فقط

لذا لدي منتدى لا يستجيب لبعض الاوامر فمثلا اريد اعادة فتح المنتدى للزوار والتحميل دون التسجيل ولكن للأسف لا يفعل التغييرات فهو مغلق الا بالتسجيل

كلمت العديد من لديهم الخبره في هذا المجال ولكن دون جدوى

من الواضح ان هناك مشاكل في قاعدة بيانات المنتدى بفعل الانتقال من سيرفر لآخر


المطلوب :
اما اصلاح قاعدة البيانات
--
او التحويل الى آي بي مع المرفقات
--
او التحويل الى phpbb2
--
او سوف احذف قاعدة بيانات المنتدى والتي تضم 2500 عضو

لأني اعاني منها من سنه تقريبا

=======================
اما طرح الحل هنا
او عبر الماسنجر.. البريد بالتوقيع
شكرا مقدما

[aziz33]

وش اصدارمنتداك

[أبـو خــــالــــد]

3.0.3

[DevelopWay]

حياك اخوي ابو خالد
مو مشكله حط رابط منتداك او ارسله على ايميلي وبشوفه لك انا مبرمج ومتخصص ..


حياك الله باي وقت

اهم شي يكون المنتدى لك اما اذا كان لزبون لك فعذرني فمن تكفل بشيء يجب ان يكون بمقدراه

تحياتي

[أبـو خــــالــــد]

ههههه لا ابشرك المنتدى لي وموقعي معروف مايحتاج

كان الموقع في طور الصيانه وانتهت الحمدلله لكن باقي علي هالمنتدى
فتأخرت بالإعلان عن التفعيل من جديد بسبب المنتدى

---------
الشاهد:
مااقدر انزل رابط المنتدى للعموم لأنه في طور الصيانه ولكن يا تجيني ماسنجر يا أجيك انا

[jalal]

ابو خالد شرايك تبيعيني الـ 2500

والله يا ابو خالد انك خشمٍ طيب وتستاهل الفزعة لكن اذا الاخوان ما حلوا المشكلة دق علي بيجر
اقصد مسنجري بالتوقيع ولا يهمك ان شاء الله اصلح لك كل المشاكل الي يعاني منها منتداك

تحياتي لأمير للمبدعين

[حمد 2030]

اذا لم تحل المشكلة ..فعندي حلها !!

[أبـو خــــالــــد]

تعرفني احب المدح ياخي
امير المبدعين جايه حلوه علي... تصدق
تبي الجد
يعلم الله اني حاولت احولها الى منتدى اي بي ورحت للمسؤولين في مملكة الآي بي ومع احترامي ماعندك احد
كل شي تحول الا المرفقات
<<< مرفقات المنتدى دسمه
---
قلت ماااااااااااااشي راح نجرب phpbb2
وفعلا تحولت ولكن خرب المؤرخ للمواضيع الجديد قديم والقديم بالوسط والوسط صار جديد صارت فوضى بالاضافه الى المرفقات الدسمه
---
قلنا ماااااااااااااااااااااااااااااااااااااااااشي
راح نحولها الى phpbb2 المدمج مع النيوك ونفس الحكايه
---




تدري وش الشي الضريف في الموضوع
ان صممت نفس الستايل لمنتداي لجميع انواع المنتديات
هههههههههههههههههههههه
حسبي الله عليها من قاعده
===========

تخيل احيانا افكر ألغي المنتدى حتى طرحت موضوع في المنتدى عندي بأني الغي المنتدى ونبدأ من الصفر
في خلال 24 ساعه من طرح الموضوع واجهت اربع محاولات اغتيال من الاعضاء

=============

وش اسوي طيب


اللحين جالس مع اخونا عالم التقنيه فلعل وعسى
على يده الحل
=============
ياشيخ لو تزين القاعده لأنزل ثيم عمر اهل النت ماشافو زيه
<<<<<<<<من شدة القهر :funny:
تراودني حكاية بيع الموقع والاعتزال
ملل

[jalal]

تراودني حكاية بيع الموقع والاعتزال

لالالالالالالالالالالالالالالالا الا الاعتزال يا ابو خالد ما رح نرضى
من للنيوك بعدك يا ابو خالد ههههههههههههههههههههههه
تبي الحل السريع

خذ نسخة من جدول اليوزر وجدول الثريد وجدول البوست وجدول الفورم ووووو الخ من الجداول المهمه
ومن ثم اعمل قاعدة بينانات جديدة وركب منتدى جديد .. انستول عادي وبعد ما يركب المنتدى قم بحذف الجداول الي ذكرت لك من المنتدى الجديد وبعدين قم بزراعة جداولك القديمة ورح يرجع الاعضاء والمواضيع والردود وكل شيء وترووووووووووووووووح المشكلة لان اعتقد قاعدة بيانات المنتدى مو سليمة حسب ما فهمت من كلامك .........

طبعا حلي هذا خلة اااااخر شيء اذا يئست من الحلول الاخرى ......

وتحت امرك لو احتجت شيء لانك والله تستاهل يا ابو خالد صدق مو مجاملة وربي

[almoed]

تأكد من مجلد Admincp وغيره من الملجدات

ممكن فيه نقص في احد الملفات يوم إنتقلت لأستضافه جديده

[أبـو خــــالــــد]

لا أبشركم
ونعم والله بعالم التقنيه والمهندس اللي عرفني عليه
طلع بلاوي من منتداي الله لا يفضحنا

صلحها كلها باقي بعض التحديثات



تدرون وش مشكلة المنتدى مايفتح للزوار؟


قبل لا أقول ترى اللي بيجلس يعلق علي او يضحك بزعل عليه من جد
خذو العضه مني فقط لا غير


المشكله هي:


حاذف مجموعة الزوار انا وجالس طول السنين اعدل في مجموعة صغار السن حقين الاتفاقيات وخل ابوك يوقع ومدري وش :funny:


وانا اقول ليش مواضيع السياكل ومواضيع التفحيط ومواضيع حبني واحبك كاثره بالمنتدى اثاري الربع كلهم من حقين 1410هـ 1990م

==========
مثل ماقلت من انذر فقد اعذر اللي بيجلس يعلق ويضحك لا يلوم الا نفسه
تعرفوني شديد:anger2: ماعندي لف ودوران...اقطع عنكم البترول

[oO(الباسل)oO]

العتب مو عليك يابوخالد .. على الي مسويها :funny: :funny:

اتفاقيه ومدري وشو .. وين قاعدين تحقيق ولا مستشفى ممنوع دخول الاطفال

ومبرووووووووووووووووووووووووووووووووك عليك

<<< بغى يجيب الصعايده والعبريه كلهم فزعات لك

[أبـو خــــالــــد]

jalal

تصدق توني اشوف ردك الله لا يعمينا


اقول اليوم مافيه الا قوة اضافات هات بريدك اضيفه واحطم الرقم القياسي في الصداقات الانترنتيه
خلاص حبيتك انا
تعال ماسنجر اعطيك جدول اعمالي واعزمك على الاستراحه اللي في حي عرقه ( غرب الرياض 3كيلومتر ) يقال انها بعيده:funny:
-----------------------------




تلاحظون ما شاركت بالقسم هذا الا بعد ماحصل الاختراق الحميد لسوالف
خضني بطني قلت سوالف واخترقوها اجل انا وش بيسوون فيني
بيفتحون منتداي مجمع كباري؟

----
حلوه اختراق حميد... صنفوا هذا النوع من الاختراقات واعتمدوه

[jalal]

ههههههههههههههههههههههههههه مبرووووووووووك ومنك المال ومنه العيال ههههههههههههههههه وربي متخيل اعضاك كل واحد جاي وجايب ابوه معه خخخخخخخخخخخخ
ولييي صااااااااار مدرسة ابتدائبة

شكلي بنطق فعلا بس والله متخيل الموقف

على العموم مبروك يا ابو خالد وتشوف الخير منه ..

واتشرف والله بمعرفتك مسنجري بالتوقيع

تحت اول لفة على اليسار

[DevelopWay]

بارك الله فيك اخوي jalal
على جوابك ولكن في مثل يقول وعرف الماء بعد جهد بالماء

المشكله اصلا بقواعد البيانات يعني ايش راح نستفيد لو سوينا كوبي وبست اذا ملفات المواضيع والاعضاء فيها اعطاب المساله اكبر من مجرد جداول وبس

ولكن بارك الله فيك انك عرضت حلك على الاقل افضل من غيرك يدخل ولا يعرض مساعدته .


اشكرك اخوي almoed
على حلك ولكن النسخه تشتغل تمام لو كانت على قاعدة بيانات ثانيه ومعنى هذا ان كل الملفات اوكي ومن غير اي مشاكل ..


هذا ردي ترا نيابة عن اخوي ابو خالد فعذروني ولكن لعن الله كاتم العلم ووجب علينا التصحيح