سيــــــــــــــــد شـــنبــو
سيــــــــــــــــد شـــنبــو
--------------------------------------------------------------------------------
سيد شنبو وحكايته مع زوجته
عمنا سيد حكايته حكايه
طيب وغلبان ومسالم
ومشكلة حياته انه نفسه يربي شنبه والست هانم حرمه رافضه
وده خلى الخلافات بينهم حاده ومستمره
وتنتهى دايما باستسلام سيد بك شنبو
لكن مفيش مانع برده من شوية مناوشات من فتره للتانيه
اصل ساعات اصحابه وقرايبه يعايروه ويضحكوا عليه ويهزأوه
وساعتها تاخد عمنا سيد الجلاله ويستأسد ويقرر يربي شنبه
لكن في ثواني
ينسى سيد حكاية الاستئساد دي وينخ قدام اول نظرة مرعبه من حرمه اللدود
ويرجع لاصحابه مطاطي راسه ويداري خيبته
بشوية كلام ملون عن الطيبه وحسن معامله الزوجة
وان كل زوج لازم ينفذ رغبات زوجته طالما مش بتضر بمصلحته
ولان عمنا سيد مغيب عن الواقع والحقيقه
والحقيقه ان ربنا انعم عليه بنعم كثير مش لزوجته
واهمها انه هو الاقوى طبيعيا وانه هو الراجل وهيا الست
وان لديه كل مقومات فرض الراي والسيطرة والهيمنه المنزليه
لكن ساعات بتظهر الحقيقه دي قدامه
لكن بسرعه ينط قدام عنيه منظر مراته وهيا بتمنع عنه المصروف
فيخاف ويكش ويرجع قطه تنونو ومتخربش
وحتي اذا نونوت لازم تنونو النونوه الي مراته تحبها
ولانه لسه مغيب عن الواقع
سيادته مش واخدباله ان هوا بنفسه اول الشهر الي بيديها المرتب كله
ياعم سيد ليه كده
هوا انت متحبش الا خناقك
مرة تانيه رجع عمنا سيد وحاول يربي شنبه بس المرة دي عمل نفسه ذكي
ربى شنبه نفسيا
يعني اتمرد وراح يصاحب الي على مزاجه ويسمع الي على كيفه
لكن طبعا فين مين ليه كيف
دي الست مراته فاهمه وعارفه
وعلى طول فرضت عليه ثقافتها
واصبح طول النهار والليل مبلم قدام التلفزيون يشوف فيديو كليب
من نوعية الست بتاعت الحصان وروبي وبح خلاص
طبعا ماهي واعيه وفاهمه
انه لو طول مع اصحابه هيخرج من حاله الغيبوبه لكن هيا عايزاه دايما مغيب
ويرجع لقرايبه وزمايله يتريقوا عليه ويهزأوه
وكل واحد شغال عليه لوم وعتاب ونصايح
بس عمنا سيد كل ما يفتكر منظر على شنبو ابن عمه
بعد ما استجرأ على الست حرمه وربى شنبه
كل ما يفتكر منظره بعد ما حرمه ولعت في شنبه
وحرمته من المصروف حتى تمن موس الحلاقه ممنوع
واخرتها ماشي في الشوارع يكلم نفسه
كل ما يفتكر عمنا سيد يكش وينخ ويرجع لقرايبه واصحابه يقولهم دى مراتي حبيبتي
لازم ارضيها ولازم ترضى عني وكل طلباتها اوامر
ويبتدي يعدد في مواصفات جميله وكلها وهميه طبعا عن زوجته
يا ترى حد فيكم لاحظ وجه الشبه بين الست حرم عمنا سيد وبين امريكا
ووجه الشبه بين مصر وبين عمنا سيد
ممكن حد يقولي اشمعنا مصر يعني
لان مصر هي فعلا الي ربنا انعم عليها بكتير زى عمنا سيد بالظبط
واولها الثروة البشريه
واحد هيقولى دي عبأ مش ثروة
ياعم بص معايا وفكر
واحد شايل ماكينة خياطة على ظهره وبيتحرك بيها ويرجع يقولك عبأ وحمل ثقيل
مع انه لو نزلها من على ظهره وشغلها هتحل له كل مشاكله
وساعتها مش هيبقي حمل ابدا لو بقت المكنة اتنين او ثلاثه او اربعه او الف بالعكس
يا راجل ده لو ادينا كل يوم متر واحد قماش بفته وقام طبقه نصين وخيط الجزأ ده
يبقي عملنا 60 مليون كيس مخده كل يوم
شوف باه ممكن نعمل كام قلم رصاص وكام شمعه وكام درج خشبي
لكن مش هنعمل اي حاجه طول ما احنا متنحين قدام التلفزيون ومستنين معونة امريكا
مصر خيرها كتير وحرميتها اكتر طيبه اهلها بكره تكبر وعلى التغيير هتقدر
__________________
__________________
فقط قم بزيارتنا ولن تندم
http://ardalsharq.com
ماني فاهم شي
