مع احترامي الشديد لشخص الكاتب الكريم الا انني اقول وبالله التوفيق
من هم الذين يرسمون ويحددون لنا الويب
الى متى هذا الاستعباد والانقياديه لهذه الطغمة الفاسدة
في اجتماع لا يخلو من المسكرات يحددون لنا معايير الويب ... الله اكبر .. ونحن ننتظر مايقررون
قالوا يجب علينا ان نتحول الى لغة برمجية XML علشان نكون ويب 2 .. من انت حتى تحدد لي الويب 2 فالويب ليست ملك لا أحد .. قد تكون صناعة وزارة الدفاع الامريكية يوما ولكنه انفرطت السبحة الان ولن يستطيعوا ان يوقفوا الانترنت حتى ولو اوقفت امريكا جميع سيرفراتها ..
يجب ان نتعلم البرمجة حتى نكون في الويب 2 .. ما بقا الا يقول وحلق اباطك بعد ..
يجب عليك ان توقف الاعلانات حقت موقعك وتطلب وتستجدي العم قوقل علشان يعطيك خدمة ال ادسنس وهو اصلا ما يعترب باللغة العربيه وايميلاته ما تدعم العربي للحين .... الله اكبر ..
الويب 2 هو اصطلاح استعماري استعبادي يهدف الى فرض الهيمنة الغربيه والامريكيه علينا ويجب ان نكون نحن من يحدد معايير الويب 2 يجب ان نضرب بكل كلامهم عرض الحائط فسيرفراتنا عندنا وطز بهم ...
نحن من سيضع معايير الويب 2
يجب ان يتعلموا اللغة العربيه ليصبحوا بالويب 2 ..
لو تعلمون كم اجد من المواقع الاجنبيه يحاول ترجمة موقعي ما صدقتوا وليست دعاية ولكنها الحقيقه وهو الذي دفعني الى وضع النسخة الانجليزيه للموقع ..
متى نفرض انفسنا عليهم ونحدد نحن المعايير .. تلقا هاللي يحدد المعايير بزر ما غسل وجهه تناقل المواقع العربيه مقالاته وتترجمها ... ولو كانوا في شركات يعني طلع له جنحان
انا ادعوا الاخوان الى عدم الانبهار وانتظار الغربيين يحددون لنا المعايير .. وش الانهزاميه عندنا انه يجيك واحد سافل يفرض رايه على مليار مسلم ولو كان ليس فرض يعني قلت عندنا الخبرات اننا نحدد وش نبي .. كل خرابيطه مثل سوالف تريترا ... اذا تعرف التصميم لازم تحاول تعلم البرمجه .. تبي خبير اجنبي علشان الواحد يفكر زي كذا .. ما عندنا مخ وش عندك فكس
والله لو الواحد دلخ ... اذا تبيع كتب وتلقا اكثر الناس يشترون كتب فيزياء حط قسم فيزياء ... الله وكبر استنتاج عبقري ... انا ما ادري وش كان يبي يسوي الواحد لولا هالمشورة .. يعني الواحد منا اللي عنده مكتبه وتشرى منه كتب الفيزياء يروح يفتح قسم بيع سروايل
محطاتنا اذا صار الببسي يمشي يوقفون ويبيعون طماط علشان كذا لازم نستورد كاتب المقال الانجليزي علشان يرشدهم فانهم قوم لا يعقلون ...
عندنا مبرمجين افضل منهم واحسن منهم ..
والله انكم معطينهم وجه اكثر من الازم .. ولو المقال كاتبه ( مطلق ) والله ما طلع موقعه لو هو يدفع فوقه فلوس .. قالوا ويب 2 ..
خلصوا الرجاجيل حتى يجينا من **** امريكا يحدد لنا الويب 2.. وش المفروض نسوي ..
خسارة