الغالي mkman ..

مشكلة بصراحه اذا هذي طريقة تفكيرك .. مع إحترامي لرأيك ، بس يا أخي الفلوس ما هي كل شي ، العلم و المعرفة هي الي تصنع الإنسان و تصنع الفلوس ، يعني اذا انت تبي تستهلك كل شي من عندهم علشان معاك فلوس و تعتبر انك بهالشي تذلهم فهم مبسوطين جدا بهالذله لأنهم جالسين يبيعون عليك معرفتهم و علمهم الي ما نمتلكه في منطقتنا ، يعني بمعنى آخر كلامك متناقض ، في البداية تقول لا ناخذ من عندهم و لا شي و لا نبيهم و لا نبي علهم و لا نبي نحتاج لهم بشي ، بعدين تقول لا أنا اذلهم بفلوسي و انا استهلك من عندهم كل شي بس بفلوسي !!!! يا الغالي ما سالت نفسك ليش إقتصادهم أقوى من إقتصادنا ، ليش ميزانية أمريكا على سبيل المثال تعادل ميزانية الدول العربية مجتمعه (بما فيها السعودية ) لمدة 6 سنوات !! ، ما سالت نفسك ليش كل المخترعات الي تناظرها حواليك و أولها الكمبيوتر الي كتبت عليه ردك هو من إختراعهم و تطويرهم ؟ مو عيب اننا نسنتخدم تقنياتهم و مخترعاتهم ، العيب اننا نستهلكها و بس ! ليش ما نحاول نتعلم منها مفاهيم و أمور تساعدنا في تطوير انفسنا ، علشان نلحق بهم و نصير فعلا مو محتاجينهم بشي ، يعني لو نرجع للتاريخ ، ليش الأوروبيين ترجموا كل المؤلفات العربية و الأندلسية بالتحديد و أجبروا شبابهم على تعلمها و وصلوا للشي الى وصلوا له ، اذا بنجلس نكابر و نقول حنا أحسن منهم و أفهم منهم و ما نبي منهم شي و احنا فلوسنا الي تشتريهم ما راح نتحرك خطوة وحده قدام صدقني ، النعمه زواله و المعرفة و العلم هم الي يصنعون الإنسان مو العكس !