السلام عليكم
اخواني اسمحولي بالمداخله هذه بس بوضح نقطه بسيطه
وكلامي بناء على تجارب شخصيه + انه عملي بمجال الانترنت ايضا ..
الحين لو اي واحد فيكم يبي يستضيف موقع يسأل عن الدعم الفني ..
والمفروض من ندور شركه نشترك فيها هم نسأل عن دعهما
كيمز KEMS
خدمه الدعم 24 ساعه
الناس الي ترد عليك فاهمه وواعيه ويصكون التليفون الا واهم معطينك الاجابه على اي سؤال
وعمري ما سمعت منهم او احد اصدقائي انه احد من الدعم الفني قالهم اييبوا الجهاز واحنا نسويه لكم
المبيعات ناس تقدم كل الحسنات والسيئات باي خدمه من خدماتها
( الزاكنت او الشونيت كيمز تقدمها ايضا)
شركه كيمز ما تقطع اي اشتراك الا من يكون فعلا على صاحب الاشتراك غلطه ( abuse )
مميزات كيمز:
بعد عمليه الشبك ما يفصل الا بعد 4 ساعات
* لحد ايي ويقول لا انا كل ربع ساعه او انا كل ساعتين الحجي الي اقوله تجربه شخصيه ومقارن
السرعه العاليه
لا تشوف السرعه الي تطلعلك على الشاشتين تحت وخلاص
لا حاول تسوي لاي ملف داون لود
( واذا حبتوا تقارنون بين الشركات اختار 3 اوقات مختلفه باليوم وسوي لملف معين داون لود بين الشركات وشوف منهو الي اسرع وخلال اسبوع راح تعرف الفرق )
* ارخص شركه بالكويت
سيئاتها
عمليه الشبك تطول اشويه
الاسباب :
* نظره العالم انه عدد الخطوط لا تكفي المشتر
ولكن السبب انه الوزاره رافضه عمليه زياده الفايبر لكيمز
الشركه الثانيه الكوالتي نت
دعم فني 24 ساعه ولكن
ياكثر الحالات الي يقولولك حياك اييب الجهاز عندنا ( عدم الكفائه)
المبيعات ناس فاهمه وواعيه وترضي الزبون فعلا ..
مميزاتها:
الاتصال من اول مره ( راح اذكر السبب )
السرعه العاليه ( ولكن بعد المقارنه راح تلاحظ تفوق كيمز بسرعه الدوان لود )
سيئاتها
الفصل بعد 3 ساعات
السعر الغالي .. ( للي ماعندهم نقابات ولا تابعين لجمعيات نفع عام
)
عمليه قطع الاشتراك تصير لاتفه الاسباب هذا اذا صار فيها اسباب ..
* ماراح اذكر باجي الشركات لانهم مو ISP
ذكرتوا انه كيمز اول ما بدت بدت بسرعه 14KB
بس كيمز بدت سنه 92 بعد ما اهي الي بنت البنيه التحتيه لها
بعد ما اعادت شبكه الاتصالات بالكويت ..
عكس الكوالتي نت
الي بدت من خلال شبكه الوزاره
يمكن بعضكم يتذكر المناقصه الي صارت
وكانت اهي سبب بدايه الكوالتي
انه الكوالتي شرت شبكه الوزاره الي كانت مسويتها
ذه نقطه تنحسب على الوزاره الي قاعده تقول انه يهمها راحت المواطنين وانها تهدد بانشاء شركه خاصه فيها
واهي الي باعت شبكتها الجاهزه ..
ذكرت اخوي الذهبي انه كيمز صاحبه القمار والدعاره
هل هذا لانه ماعندها بروكسي ...
ولكن كيمز اكثر من مره تحط البروكسي لمده يومين ثلاثه وتشيله
وسبب الشيل انه يأثر من سرعه التصفح
لا تقوليلي انه كيمز تصكرت علشان الفلوس .... قصه كيمز معروفه للجميع ( لمتابع السالفه من بدايتها .. للعاملين بالوزاره الكبار للي عاملين بالمجال )
وبخصوص عمليه التصفح في الشونيت بطئيه لا تنسى اخوي انه عمليه ال upload تتم من خلال خط التليفون مو الستلايت هذا السبب
الاشتراكات الي استخدمتها
1- Dialup
2- Zaknet
3- DSL
4- DataStream with DSL ( هذه حاليا )
واعذروني اخواني
والمجال مفتوح لكم بحريه الاختيار بين الشركات
والله يوفق الجميع