شفت الموضوع جيت جري ..
انا طال عمرك كنت بربيخ - ضرنط - دب بحق وحقيق
اذكر وزني تجاوز الـ100 بس ماني قايل لك كم خايف من العين
طيب قل ماشاء الله
اولا انس انك بتنزل وزنك بشهرين .. اعط نفسك مجال
الطريقة التي اتبعتها ..
خف من الاكل تناول الفاكهة اذا جعت وقرب الوسادة واديها نومه معتبره
بتقوم جوعان ادري خابر معاناة الدببه ..
امزع لك كوب لبن والا برتقالايه
والبس البوت والله يعينك اذا لازم تفصلها
احم
المشي ثم المشي ثم المشي
اخوك اللي هو انا كان يضرب مشوار خمس كيلو يوميا
اشتريت كتاب اظنه ريجيم هوليود <-- اذا ماكتبتها صح لاتدقق جوعان
صحيح ينقص الوزن بوقت قياسي بس يبي صبر دجه يارجل .. خاف تاكل اهلك
الخلاصة
الدخاتر يقولون الرجيم وحده لايكفي
عاد انا تمسكت بهالعبارة
سويت رجيم ومشيت طبلوني ..
المهم جدا
الاستمرار على الريجيم
الاستمرار جدااااااا على المشي اجعل لك ساعه تمشي فيها
استغل المشي بالاستغفار والدعاء ان الله يعينك على مشروعك التنحيفي
ولاتنسى تدعي لنا
تحياتي والله عارف معاناتك