السلام عليكم ورحمة الله وبركاته
الاخوه اعضاء وزوار سوالف اقدم لكم اليوم استايل اكس ديزاين الرومنسي الاول
وواجهت اكس ديزاين بتصميم احترافي وهيدر فلاشي
مع تصميم لصفحة دخول سوابر الشات الكتابي وصفحة الدردشه الصوتيه
وصفحه فارغه بنفس الهيدر والفوتر لتركيب الصفحات الفرعيه بها
التصميم بالاساس كان خاص لهذا الموقع :
http://www.chat7obi.com
وكان الاتفاق مع هذا الشخص على اساس اصمم استايل خاص
للواجهه والمنتدى وبالمقابل يقوم هو بعمل الازم لتنشيط الموقع
من ناحية انه يجيب اعضاء للمنتدى وكان الاتفاق حول الالفين عضو
ويركب دردشه هذا الكلام قبل ثلاثه اشهر وكل شهر يعتذر
بحجة انه ان شاء الله راح يبيع الموقع
طبعا هو مو خسران شيء الدومين عنده من زمان راكنه على الرف
والمساحه بنفس الرسلر حقه
واخونا بالله مو مهتم لبيع الموقع لانه ما تعب ولا سهر على التصميم
ولا شال ولا حط الى ان قام قبل كم يوم وحط دردشه
وما بلغني الا بالصدفه عرفت يوم كلمته وقلتله انا الان بحاجه لقيمة تعبي بالتصميم
لان الموضوع طال عن حده ثلاث اشهر وما التزم باتفاقنا ولا نشط الموقع ولا جاب
زوار طبعا يجيبهم عن طريق اعلانات يعني الدعوه فيها فلوس
وهو ما يبي يخسر شيء وغير كذا عرض الموقع للبيع بـ 4 الالف ريال
موقع توه جديد ولا فيه اعضاء ولا دردشه بـ 4 الاف وقلتله غالي المبلغ
بس هو وش خسران ؟؟ يحط القيمه الي يبيها ولو ما انباع الا بعد سنه عادي ما تعب بالتصميم
ولا دفع فلوس فيه واكيد ان تصميمي يسوى بس مو اربعه الاف
يعني الزبده هو يبي يبيعه على اساس تعبي انا وتصميمي والا الموقع مافيه شيء عشان ينباع
وغير هذا كله متفق معاه لو باعه لي ياخذ النص مع انها كثيره عليه لان الدعوه كلها على بعضها لو يبي يتكلف فيها ما تكلفه 500 ريال
دومين بخمسين والمساحه بميتين والشات بميتين بس والله ما استخسرتها فيه
نرجع للموضوع
قلتله انا بعرض عليك عرض
تاخذ التصميم وتشتريه ب 800 ريال استايل منتدى وواجهه مع ان التصميم يسوى اكثر من كذا بكثير
بس لاني وقتها كنت مضطر وقلت ابيعه باي مبلغ واذا ما تبيه
خلاص احنا الحين على البر انت ما خسرت شيء بسحب تصميمي
وببيعه قام يهدد وتطير فيها رقاب لو سحبت التصميم والى اخر كلامه
برغم هذا كله كنت ماسك اعصابي
قبل هذا كله انا اساسا لي عنده 400 ريال من بداية الشهر وهو يماطلني فيها
الين جاء بهذي اللحظه الي تكلمنا فيها عن التصميم هذا
وقالي بكل بجاحه مالك شيء عندي شيء طبيعي اذا 400 ريال
انكرها علي راح ينكر حقي الثاني بالتصميم
والان التصميم اطرحه لكم مجانا بدون مقابل سوى الدعاء بان الله يعوضني خير
عن حقي الي هضمه هذا الشخص وانا مو زعلان على الفلوس والله
باخذها من حسناته هذا اذا كان عنده حسنات وموعدنا يوم الحساب
والله لا يحلله لا دنيا ولا اخره والي سواه يشوف نتيجته بماله وبصحته وبنفسه
الشيء المضحك ان اخونا بالله ذا مرسلي مسج على الجوال يهددني
ويقول لو نزلت التصميم بترايدنت او اي موقع لا تلوم الا نفسك
حرامي وعينه قويه
وانا بهذا الموضوع احذر كل شخص يبي يشتري هالموقع المذكور فوق
لا يشتريه على اساس ان التصميم خاص لانه مجااااني
اصلا الموقع كله مافيه شيء يسوى غير التصميم
على فكر ه العضو هذا موجود معانا بسوالف
وانا مو من النوع الي احب اشهر بخلق الله حتى لو كان لي حق عندهم
لانه مو من اخلاقي ولا تربيتي واعترف ان طيبة قلبي هي الي تخلي البعض
ياكل حقي ومن ستر مسلما ستره الله يوم القيامه
والاهم من هذا كله ما طرحت هالموضوع عشان اسبب بلبله ومشاكل طرحته
عشان ما اخليه يبيع هالموقع للعالم ويقولهم التصميم خاص
وعشان كلامه الفاضي وتهديده لي لو نزلت التصميم مجاني
واخيرا عشان حقي الي اكله علي ظلم وبهتان
وباقي حقي الي عنده موعدنا يوم الحساب
واذا هو ما يبي الستر لنفسه ويبي الكل يعرف حقيقته يجي ويرد
لرؤيه مثال على التصاميم :
تصميم الواجهه
اضغط هنا
تصميم الستايل
اضغط هنا
وانتظروني بالتصميم الجديد لا يقل احترافيه عن هذا التصميم
وراح انزله مجانا لنفس الاسباب لان من غبائي صممت موقعين
انا اسميها طيبة قلب وثقه زايده بس تعتبر غباء لان الطيب بهذا الزمان
يقولون عليه غبي
تم تغيير الهيدر والفوتر وازالة صور النساء وتركيب صور اطفال واحلى من صورة النساء ان شاء الله
والان نجي للتحميل
لتحميل الواجهه
اضغط هنا
لتحميل استايل المنتدى
اضغط هنا
الستايل للنسخه 3.6.0 وما فوق والاصدار 3.5.4
الهاكات الي تم تركيبها بالستايل
هاك توحيد الاطارات لعدم تفكك وتمدد اتصميم
هاك فصل المواضيع المثبته بايطار
هاك الاقتباس المطور
هاك اخر تواجد للعضو في البوست بت
هاك عدد مشاركات وردود العضو في البوست بت
هاك الترحيب بالعضو والضيف اسفل شريط الاكسبلورر
هاك روابط ووصلات مضيئة بعدة ألوان
هاك اخر عشر مواضيع
هاك تعطيل الصور الرمزيه في قسم معين
هاك العضو المميز للنسخه 3.6.0 وما فوق فقط
هاك الذين تواجدوا بالمنتدى اخر 24 ساعه واللذين وضعوا مشاركات واخر المسجلين
هاك وضع ايطار حول وصف المنتدى
شرح التركيب مرفق ومشروح بالتفصيل الممل مع كل ملف
نقطه اخيره
اتمنى من منتهكي الحقوق عدم ازالة حقوق التصميم
ومن يزيلها ماراح احلله لا دنيا ولا اخره
وان شاء الله التصاميم تنال رضاكم
تقبلوا تحيتي