~ ما هو المطلوب من مصمم الشعارات ~



قد تستغرب وجود هذا الموضوع !!

لكن من وجهة نظري أرى أن له أهمية كبيرة ... في تعاملك الطويل مع التصميم بشكل عام وتصميم الشعارات خاصة



شخصيتك

قد تستغرب وجود محور الشخصية من ضمن هذي الفقرة من الدورة ..

شخصيتك تنعكس في تصميم شعارك ..

أنت انسان رسمي ... حاول تصمم شعار لفرقة مسرحية كوميدية ... بتلاقي صعوبة غير طبيعية في ايجاد وتمثيل الفكرة لتخرج في صورة نهائية ملائمة



أنت انسان متحرر ... تحب الوناسة وعدم القيود ... جرب تصمم شعار اسلامي ..

بتلاقي صعوبة في الامر ... انك تصمم شعار يبرز الطابع الديني للشعار من غير صور اسلامية ..

يعني شعار من دون صورة مسجد ومصحف ومئذنة وغيره ... كيف بتبين انه اسلامي !!

بتقدر إذا كان عندك معلومات وشخصيتك اسلامية ومحافظة ..



يمكن تقولي لا عادي أقدر ... أنا مجرب وأقولك الأمر صعب .. وأنا واجهته بنفسي



الحل الأمثل اللي شفته ... خلك انسان مرن في حياتك ولا تكون متعصب لرأي معين ..

متع ناظريك بإبداعات مصممين غيرك من مصممي الشعارات وشوف أفكارهم وطورها وحاول تقلدها

شوف كيف عبر المصمم الفلاني عن الطابع الاسلامي

وكيف عبّر الشخص الثاني عن الطابع المرح .. وكيف عبّر عن الطابع الرسمي



بالنسبة لشروط وأساسيات أنماط الشعارات بنتكلم عنها في وقت ثاني بإذن الله



طبعا لما يطلب منك شخص شعار .. أو أنت تبغى تصمم شعار

المطلوب بكل بساطة هو " ايجاد شكل خفيف له مواصفات محددة يعبر عن مضمون الفكرة بأشمل شيء "


النظرة المجردة للأمور ...

هل تستطيع إذا عطيتك تصميم ملون وفيه صور ... تتخيل شكله وهو عبارة عن خطوط وحدود بأبيض وأسود .. وتجلس تلونه في خيالك .؟

التحليل والخيال من الأشياء اللي لازم تطورها عندك علشان تزيد قدرتك في هالأمر

إكمال الجزء الناقص ..

لعبة العبها في وقت الفراغ ..

الأمر بسيط ... شوف شعارات غيرك وحاول تكملها لتكون أحسن .. وانتقد بينك وبين نفسك





شيء من لا شيء ..

طبعا ما راح نخالف المسلمة العلمية .. إنه لا يمكن انشاء شيء من لا شيء

لكن مجرد موضوع فلا يطلع لي أحد فيها XP

اجلس عالجهاز ... ولا تفكر بشيء معين

اجلس شخبط وارسم بدون نمط معين

بيطلع لك أشياء تحس انها تكمله لشيء معين ...

اذا صار معاك كذا .. أهنئك أنت سويت بداية شعار ... يحتاج لتكملة الفكرة لا أكثر




في أشياء كثيرة تساعدك تقدر تسويها ... بس تكفيك هذي الأشياء ...
ويبقى تعدل مستواك وتوسع تفكيرك


~ وللحديث بقية~