هلا اخوي
اخي بالنسبه للمشاكل فاعتقد سوالف وغيرها شكاوى العملاء لدى الشركات العربية اكثر من شكاوى عملاء الشركات الأجنبية

ايضا بالنسبة للشركات الاجنبيه يااخوان في نقطه مهمه لازم تعرفوها مو اي شركة اجنبيه يعني خلاص صايره توب في شركات عربية افضل من العديد من الشركات الاجنبية لذلك يوم تحجز من شركة اجنبيه لازم تتاكد بانها شركة رائدة في مجالها مو شركة عاديه ولا عندهم كم من سيرفر يعني خلاص ناخذ منهم لانهم اجانب
لازم تبحث وتشوف شو احسن الشركات الاجنبيه وبعدها تتوكل على الله وتاخذ منهم
وانا في هالموضوع تقريبا حطيت افضل شركات على النت وهي شركات رائده ومشهود لها وما عليها كلام

بالنسبه لحكاية اللود اخي العزيز هذا ان دل على شي فانما يدل على التنظيم يعني الجماعه محددين لك شخص لود معين وبهذي الطريقه سيرفراتهم تبقى شغاله بدون انقطاع وبدون اي مشاكل مو مثل بعض الشركات العربية يحجزله سيرفر او ريسلر ولا في بي اس ويحاول يطلع قيمته باي طريقه تلاقيه مستضيف مليون موقع عليه وشهر ولا شهرين وقف وبدت المشاكل او تسمع منه حكاية جاري الانتقال الى سيرفر افضل واقوى عفان الله ما صارت سيرفرات افضل اللي ينتقلون لها استوت نفس مجلة ماجد كل يوم والثاني وهم منتقلين لسيرفر افضل

بالنسبة للشركات الاجنبيه لما تقولك رقي الى الخطة الاخرى تبغي الصراحه حتى الخطط الكبيره عندهم ارخص من الخطط الصغيره عند العرب

يعني ادخل على الشركات اللي انا حاطها وبتلقى عندهم سيرفرات وفي بي اس والله ثم والله ان اسعاره ارخص من كثير من الشركات العربية يعني اذا كانت المشكله في اللود فخذلك خطه كبيره لو موقعك كبير ولا تخاف من السعر لانه يبقى ارخص من خطة استضافة مشتركة لدى الشركات العربية

بالنسبه لحكاية الفلوس ولو تاخرت بالدفع هذا شي طبيعي الناس منظمين وفاتحين علشان يكسبون فلوس مب فاتحين لاجل خاطر سواد عيوننا

بالنسبة لقولك :
بعض الشركات العربية
اقول بعض
اشعر معهم بالاخوة والمحبة وعظيم التعاون والتفاهم
بعكس الاجانب ومعاملتهم الجاااافة

هذا انت قلتلها البعض وانا اقولك بالنسبه للاجانب ايضا قد تكون هناك بعض الحالات الشاذه بس في شي ما يعرفه كثير من الناس يتراسلون ويا الاجانب بالاميلات او نظام التيكت ادخل على اللايف شات لاي شركه وشوف تعاملهم الراقي جرب ادخل الحين وشوف اللايف شات مالهم وشوف اسلوبهم في التعامل
بالنسبة لاخوانا العرب والله ما نكرهلهم الخير
يعني نحن نفرح من نشوف شي عربي او شخص عربي مسوي شي بس ياخي العرب مستوين نصابين ( البعض وليس الكل ) يعني تشترك مع شخص عربي قدامك واحد من هالطرق :
1- شركة محترمه وبسمعه رائعه وتعامل اكثر من رائع بس المشكله الاسعار سياحيه يعني لو تاخذلك من شركة اجنبيه ربما تلقى سيرفر بسعر الاستضافة اللي مقدمتها الشركات العربية الحقيقه وليست المزيفه ....
2- شركة تعامل رائع وكلام معسول اول كم من شهر وفتره شلوا عفشهم وقفلوا وبعضهم يستمر لمدة سنة ونظرا لانه ما لقى عملاء عددهم كبير يغطي تكاليف السيرفر يضطر لابتزاز بعض العملاء باغلاق موقعهم
3- طبعا تعرفوهم النصابييين كلام معسول قبل الدفع وبعد الدفع قابلني ان شفت وجهه
4- وهذي الشركات اعتبرها احسن حالا من النوع الثاني والثالث
تجد عنده تعامل حلووو ويقدملك دعم فني ويخدمك ويقدملك خدمات رائعه بس المشكله تتوهق معاه بين فتره والثانيه الموقع مغلق جاري تحديث السيرفر
الموقع مغلق جاري تحديث بي اتش بي
الموقع مغلق جاري تحديث قواعد البيانات
الموقع مغلق جاري الانتقال الى سيرفر افضل ...

ومثل ما ذكرت اخوي

هذا رأى شخصى وعن تجربة بل تجارب مريرة مع الاجانب
والاختلاف فى وجهات النظر لا يفسد الود


ايضا انا هذا رايي الشخصي ومن تجارب مع العرب للاسف

ورايك اخوي على عيني وراسي
والاختلاف ايضا لا يفسد للود قضيه
نقاشك شرفني اخوي ...
اتمنالك التوفيق ...