انا بقولكم تجربتي بصراحه
انا تعاملت مع موقع علي بابا alibaba.com
واكتشفت متاخر انهم فعلا علي بابا
انصب علي بحوالي 15 الف ريال من شركتين
الشركه الاولى طلبت منها لابتوب لقيته بموقع الشركه عن طريق علي بابا وللاسف البائع هذا مصنف عندهم كموزع ذهبي
دفعت المبلغ عن طريق حواله ويسترن ينيون
وارسلو لي جهاز قديم جدا جدا جدا لا ومستعمل بعد
ولما راسلتهم واستفسرت قالو هذا اللي انت طالبه ولما اثبت لهم بالايميلات والمحادثات قالو انت ما دفعت المبلغ الكافي قلت هذا اللي انتم ذاكرينه في موقعكم قالو لا كان فيه خطأ بالموقع , رجع الابتوب القديم وارسل لنا المبلغ المتبقي (المتبقي ضعف المبلغ اللي دفعته او ازود بشوي) وبعدها نفكر نرسل لك طلبك
الشركه الثانيه طلبت منها 15 جوال اصلي وبشروط معينه ووافقو ولما وصلتني الطلبيه وصلني 5 فقط وكلها نسخه ماهي اصليه ولما راسلتهم قالو فعلا ارسلناها لك عن طريق الخطأ وقلت لهم طيب والحل ؟ قالو انت صرف اللي عندك واطلب طلبيه ثانيه ورايح نتاكد منها , قلت طيب وشرايكم ارجع لكم الاجهزه وقيمه شحنها علي وقيمه شحن بضاعتي من عندكم علي بعد وترسلون لي الاجهزه اللي طلبتها انا تحديدا مادام انه وصلت عن طريق الخطأ , قالو لي لا انت كذا بتخسر الشركه ومانقبل الطريقه هذي نهائيا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!
قلت طيب والحل قالو حول حق بضاعه جديده !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
من بعدها انا يأست وخليتهم
