abadi ksa
اعجبني ردك جداً جداً


أنا إتلسعت ومازلت أتلسع من شركة الإستضافة servage.com

احجز عندها دايماً لما أحتاج موقع رخيص لمهمة معينة يعني يكون الموقع مو مهم مرة

يا أخي اكثر شي عجبني عندهم اول ماحجزت معهم ال support
مايمديك تكتب بطاقة خمس دقايق إلا الرد واصلك
لكن إكتشفت بعدين


إنه الظاهر الدعم الفني حقهم شكله آلي ,, فيه فورمات معينة
يرسلونها للزبون بخصوص أي موضوع
اذكر اكثر من مرة اكتب لهم مشكلة يرسلون لي رد
اقول لهم طيب ردكم هذا مانفعني
يرسلون لي نفس الرد
اقول لهم أنتم مكينة ؟؟ مو بشر ؟؟
يرجع لي نفس الرد هههههههههههه
ياخي شي يضحك

موقعــي إخترقه واحد ,, وأخذ الدومين من عندهم
اقول لهم دوميني كان عندكم شيكوا ال logs
يقولون الدومين مو لنا ,, مسجل بإسم شخص آخر ,,
اقول لهم طيب تأكدو إنه كان عندكم
يقولون ماننفعك بشي إذا الدومين مو لنا
اقول طيب ياحيوانات الدومين كان عندكم وش وداه لغيركم ؟ إنتم اللي اخذتوه لي مع العلم إني ماكملت 3 شهور

يرجعون لي بنفس الرد
الدومين مش لنا ,, وتقدر تتأكد من موقع whois ,,, حاجة تضحك صراحة وتبكي بنفس الوقت




ماقول غير الله يوفق العرب والمستضيفين العرب
مشكلتهم ياجماعة إنه يكون شخص واحد في الشركات الصغيرة أو شخصين ثلاثة بالشركات الكبيرة
ويصير عليهم ضغط
وتقفل معاهم الأخلاق ,,

فيه زباين أحيانا يسألون أسئلة مالها داعي

يعني مثلا ,,
كيف أركب منتدى ؟؟
تقول له أركب لك منتدى ب 100 ريال مثلا ,, يقول لا انا ابي اركبه
تقول له طيب تلاقي مواقع تساعدك بهالشغلة يقول لا ابي الشرح
تجيب له الشرح
يطلع لك بمليون مشكلة ومشكلة في النص


طيب يا أخي إذا إنت مو قد الموقع ,, ومو عارف كيف تدير موقعك الخاص بلحالك ,, ليه تاخذ موقع ؟؟؟
يبغى لك تسوي منظمـة كاملة يساعدونك في تركيب الموقع مبرمجين ومصممين وووووو
بينما أنا المستضيف ,,
عندي ناس غيرك بعد يبي لي ارد عليهم واساعدهم ,,


يعني

اللي مو قد إنه يسوي موقع وياخذ له باك ابات بشكل دوري ,, لاياخذ موقع ,,
شركة الإستضافة تسوي اللي تقدر عليه عشان تدلعك يالزبون ,, بس إنت لا تمصخها عاد


تحياتي