راجع ردى فى موضوع تقرير cairo ict
لسه راجع من المعرض حالا واول ما دخلت توجهت لعربى وقابلت الاخ قيس مدير فريق عربى وبصراحة الراجل غير وجهة نظرى تماما عن الى كنت فاكره عن عربى اولا اكتشفت انهم هينزلوا حاجات كتير جديدة فى التحديث القادم بشهر 4 او شهر 5 منها :
فلترة الاعلانات مثل جوجل
اعلانات حسب المحتوى (يعنى الاعلانات لها علاقة بالمحتوى) مثل جوجل
تغيير النظام كله من يدوى الى نظام اتوماتيكى
تسريع ظهور الاعلانات على الموقع
رفع سعر الضغطة بتغيير نظام المعلنين الى نظام اتوماتيكى جديد يطول شرحه ولكن خلاصته ان المعلن سيستفيد حتى مع زيادة سعر الضغطة وطبعا الناشر سيستفيد
تعديل نظام الدفع وتحسينه نظرا للمشاكل السابقة بخصوص تاخير الدفع
امكانية تعديل شكل الاعلانات وتغييرها لتلائم شكل وتصميم الموقع مثل جوجل
فيه حاجات مش فاكرها بس فيه كمان اتجاه احتمال كبير لتشغيل نظام cpm
سالته عن ال ctr الحالى لعربى كمتوسط لكل الناشرين فقال لى ان ال ctr الحالى 0.20 وهو جيد اذا اخذنا فى الاعتبار ان الاعلانات حتى الان تظهر بشكل عشوائى وليست اعلانات متعلقة بالمحتوى وهو يتوقع زيادة المعدل بعد التحديث القادم للنظام فى شهر 4 او 5
المناقشة دامت قرابة النصف ساعة وبصراحة اكتشفت ان عربى فى طريقهم لتطوير نظامهم بشكل افضل فى المرحلة السابقة والكلمة الى خرجت من الاستاز قيس قالى احنا بس بنحاول نطمن الناشرين ان الى جاى افضل واننا محتاجين دايما نقاش معاكوا وانهم متابعين لسوالف للوقوف على مشاكل الاعضاء واقتراحاتهم مع عربى وانه من الظلم مقارنة عربى صاحب عمر 7 شهور بجوجل ادسنس فى المرحلة دى لان عربى لسه بيبتدى وفى طريقه للتحسن خطوة بخطوة بس هما محتاجين دعمنا كاصحاب مواقع عربية
كما قال ان فيه احتمال كبير فى خلال السنة دى انهم يعملوا سيمينار فى مصر يجمع الناشرين والمهتمين بالخدمة الهدف منه تحسين مستوى الناشرين فى الخدمة وتعليمهم كيفية الحصول على اعلى دخل من عربى واخدوا بياناتى عشان ان ربنا اراد قبل السيمينار بوقت كافى يبلغونى للحضور ان شاء الله اول ما اعرف هطرح المعاد فى موضوع هنا للفائدة
كما ذكر لى ان احد الناشرين استلم مبلغ 7000 دولار عن 3 شهور
حبيت ارد بس فى الموضوع عشان اطمن اخواننا فى كل حتة انه نظام عربى ناس مش نايمة وماشيين فى طريق كويس لتحسين الخدمة دى خلاصة المقابلة الى انا فاكرها اتمنى اكون افدتكوا وعلى فكرة قابلت اعضاء من سوالف هناك حوالى 4 بالصدفة منهم الاخ حسام القاضى وكانوا برضو مهتمين بنفس الموضوع اعتقد انهم رجعوا بعد انا ما خلصت كلامى مع الاستاز قيس عشان يكملوا اسالتهم معاه وان شاء الله يكتبوا انطباعهم والى حصل معاهم هنا
صورة لى من امام جناح عربى
