بخصوص الشحن عن طريق ارامكس فى مصر انا لسة جاى من عندهم حالا وهاقولكم على كل الى عرفتة << عامل نفسى فاهم
- اولا فية نظامين عندهم
--
النظام الاول
اول نص كيلو = 55 دولار
كل نص بعد كدا = 12 دولار
المدة = يومين
--
النظام التانى
ودا اسمة عرض شوب اند شيب Shop & Ship
فكرته كالتالى
هاتعمل صندوق بريدى فى امريكا عن طريق ارامكس ودا تكلفتة 35 دولار مرة وحداة مدى الحياة
واى حاجة عاوز تجيبها تديهم العنوان الى ارامكس هاتدهولك وبكدا تقدر تشترى اى سلعة وتوصلك على البريد دا وارامكس تجبهالك لمصر
نيجى للتكاليف
اول نص كيلو = 9.5 دولار
كل نص كيلو بعد كدا ب 6.5 دولار
المدة = 6 ايام
اقصى حجم 20 كيلو فى المرة
بالنسبة للجمارك وكلة بيسأل على دى
اولا مفيش جمارك على اى سلعة هاتجيبها
بس فية ضريبة مبيعات " يافرحة ماتمت "
بس هى كويسة جدا بالمقارنة مع السعر هنا
يعنى انا شوفت لاب توب توشيبا على الانترنت سعرة الف دولار يعنى تقريبا 5500 جنية مصرى
طبعا المفجاءة لما لقيت سعرة هنا 8300 جنية
طبعا لو هاتشترى مثلا لاب توب ب هايكلفك مثلا 5500 جنية وضيف عليهم مثلا 400 جنية شحن و 600 جمارك يكون تمنة 6500 بدلا من 8300
خدمة اخرى ممكن اققدمها لاخوانا الى معندهمش كردت كارد ممكن ادفعلة التكاليف مقابل عمولة تحويل وعمولة البنك ودا الايميل للتواصل
pxdev(@) hotmail.com