مرحباً عزيزي
آسف على تأخري في الرد عليك

لي فترة مادخلت سوالف


بالنسبـة للآي بي


أنت جهازك الآن اللي تدخل منه الإنترنت له آي بي أدرس واحد ,, صحيح ؟
حسناً

الآي بي أدرس الرئيسي يحتاجه كل جهاز يتصل بالإنترنت سواء كان سيرفر أو جهاز شخصي
يكون ثابت مع الجهاز ويكون بمثابـة رقم تعريف لهذا الجهاز بالشبكـة


خلني أطرح لك مثال عشان تقرب الفكرة: <<يموت بطرح الأمثلـة


أنت لو حجزت موقع على الإنترنت ,, طبيعـي أو أكثر شي مطلوب إنه يكون له دومين خاص
مثلاً
HardLayers الطبقات الصلبة للإستضافة

صح ؟ صح ,, حلو ,, هذا هو الدومين الرئيسي والوحيد
لنفرض أنك تبي تحجز أكثر من دومين لهذا الموقع ؟
مثلا
www.hardlayers.net
www.hardlayers.org
www.hardlayers.info
,هكذا


هذي تعتبر دومينات إضافية

ممكن تخليها توجـه لنفس الصفحـة ,,
أو تخلي كل واحد منهم يوجه لصفحة مختلفة ,, مثلا واحد للمنتدى حق موقعك وواحد لمركز التحميل وهكذا



هذا شبيه جداً لمسألة ال ip address الإضافي

ممكن تاخذ واحد او اثنين او عشرة او 128


الهدف منها
لو كنت صاحب سيرفر
تحتفظ ب آيبيين أو ثلاثـة أو أربعة

ولما يجيك زبون ريسلـر ,, تقدر تقول له احطك على آي بي خاص
وتعطيه آي بي واحد يحط عليه دي إن إساته
ولو واحد سوا إستعلام عن الآي بي والمواقع المثبتـة عليه
راح يحصل المواقع اللي في الريسلر

وماراح يجيب كل المواقع اللي عالسيرفر


فيه مواقع كثيرة تقدم خدمة الإستعلام عن الآي بي والمواقع المثبتـة عليه
مثال: myIPneighbors.com Reverse IP Domain Check DNS Tool





الآن لمسـألة الدي إن إس

تقدر تسوي ثنين أو 3 أو 4 أو أكثر ,, وأعتقد تقدر تسوي واحد بس

المهم في الموضوع
إنك تربط الدي إن إس بآيبيات مختلفة أو بآي بي واحد
مثلا آيبيات مختلفة
ns1.hardlayers.com 192.168.0.1
ns2.hardlayers.com 192.168.0.2

أو آي بي واحد
ns1.hardlayers.com 192.168.0.1
ns2.hardlayers.com 192.168.0.1


الهدف منها
لما تحجز دومين بالمستقبل
لازم توجه هذا الدومين لسيرفر معين
تقول الدومين هذا ,, لما احد يطلبه , يتوجه للسيرفر الفلاني
لو حطيت آي بي واحد ,, ممكن الآي بي هذا يتعطل ,, وهذا يعني إنه راح يطفي الموقع لما يتعطل الآي بي

لو حطيت آيبيات مختلفة ,, لو تعطل آي بي واحد ,, الايبيات الباقية تكون شغالة ويستمر عمل الموقع

وطبعاً بعد توجيه الدومين للسيرفر

لازم تروح للسيرفر وتنشئ حساب لهذا الدومين
علشان السيرفر لو مثلا واحد طلب HardLayers الطبقات الصلبة للإستضافة
وتوجه للسيرفر 192.168.0.1
تخيل معي التالي
السيرفر يجيه واحد يقول له انا ابي hardlayers.com
السيرفر بيقول وشو هذا ؟؟؟ ماعرفه ولا يعرفني ,, وبيعطي صفحة خطأ

لكن لما تنشئ حساب
بيجي واحد يقول ابي hardlayers.com
السيرفر بيقول إيييه عرفتـه ,, ساكن في المساحة الفلانية ويحولك عليه ويفتح لك صفحتـه




أتمنى شرحي كان خفيف وواضح ووافي

تحياتي لك
مهند العتيبي