لحظه بولع السقاره وابي احكي لك حكياتي ...

قبل كل شي مافيه مستضيف كامل لان الكمال لله وحده
لكن هناك الجيد والجيدجداً والممتاز

انا خبرتي فالنت 7 سنوات وفي مجال المواقع 4 سنوات
العن ابو جدفي والعن ابو خامسي وانصب علي كل هذي تحصل مع الجميع
خسرت اعضاء بسبب التوقيف ووو من مشاكل وانت تعرف اي يحصل مع كل شخص

بدايتي مع الا ستضافه مع شركة موجوده في قطر ما اذكر اسمها بالتحديد بس فيها كول وكان يديرها شخص اسمه عصام لبناني
كان جيد معي بس توقيفات البربرم بشكل وغير كذا كنت جديد وكان معطيني قاعدة بيانات وحده رغم التكلفه الي اخذها
جلست معه يمكن 5 شهور ورغم كنت دافع له حق سنه
ثمن رحت على الاول للاستضافه الي هو الكاسر (بدر المتيعيب)
طبعن مثله مثل غيره كان في توقيفات بربرم واكثر شي كان يتوقف بسبب الباندويث وكل ما اسأله يقول الترفك زاد عليك
وكنت وقتها ادفع شهرياً مرات 600 الى 400 ريال ليما قالي واحد بان الدعوه فيها نصب دورة على غيره بموضوع هنا كتبته في سوالف
ثم استضفت عند سعودي فور هوست ونعم فيهم بس برضو كان فيه توقفات وبما اني شخص ما احب العناد صار بيني وبين احمد مشكله على دفع فاتوره قيمتها 300 ريال
مو تقصير او ماكان متوفر معي سالته عن رقم الحساب الي بودع فيه قال على حساب سعد قلت له ما اعرفه وقال بعدين اعطيك وتفاجئة انوه الموقع قفل وركبتني ام العبيد

الحين عن عيون عربيه وارا سيرفر
والله لو اقولك شي انا حتى الحين مو مصدقه انوه خلال الثلاث شهور الي انا جالس معهم فيها ولا يوم ولله الحمد توقف الموقع
ما اذكر الا مرتين بسبب الباند ويث واشتغل بنفس الوقت
وغير كذا الدعم الفني عندهم تليفون وماسنجر
وانا الحين مرتاح معهم لدرجه غير طبيعيه الله لا يغير علينا

يمكن الي يعيبهم هو اسعارهم انها كبيره بس مو خساره والله اقل شي ضامن موقعي ..

نصيحه لكل صاحب موقع /
استغرب والله الي يدفع استضافه على سنه ياخوي انت جرب وخذ دفع شهري او كل ثلاث شهور وجرب اذا عجبك استمر ما عجبك لف على اقرب مستضيف
وغير كذا لا تبحث عن الارخص بل ابحث عن الاقوى حتى لو كان السعر اكثر

للجميع التحيه
والف شكر لمستضيفي عيون عربيه/ارا سيرف
الاخ نايف طلال
والاخ عبدالله الحربي

لكل شخص حرية الابداء فالرئي وانا هذا رئيي واتمنى ما يزعل احد

تحياتي ...