(الحوار حديث - بدأ بتاريخ 22 فبراير 2005)
عمو جيتو
أنا عمال اتابع ترتيب موقعي في الكسا .. دلوقتي ترتيبه 360 ألف .. هو الرقم ده صحيح؟
طيب وبالنسبة للوصول لكام مليون زائر .. ده صحيح برضو واللا ضرب داتا؟
ستايمي
ياعم أرقام ألكسا دي كلها في الهجايص مش بس عشان معتمدة على شريحة محددة وصغيرة جدا إنما كمان عشان سهل جدا التلاعب فيها ..
عمو جيتو
أمال ايه احسن طريقة عشان اتابع تطور موقعي وقد ايه هو مشهور وكده؟ انا مش قادر اشوف رقم جوجل عشان باستخدم فايرفوكس .. (المترجم: طبعا دي معلومة غلط لأن فيه فعلا بلاجين جوجل للفايرفوكس)
ستايمي
بص .. مافيش طريقة حتى يومنا هذا تعرف بيها ترتيب موقعك بين مواقع الانترنت من حيث الزيارات .. حتى جوجل الرقم بتاعه بيدل على شهرة موقعك من حيث الروابط اللي في المواقع التانية .. يعني برضو مش من حيث عدد الزيارات ..
واحد اللي هو
انت عايز تتابع زيارات موقعك انت واللا مواقع تانية؟
عمو جيتو
موقعي انا ..
كرون اثلون
شوف .. لو موقعك فعلا عليه زيارات كتير قوي يعني انت في الميت الف الاولانيين مثلا فيه رقم في الكسا ممكن يفيدك تقارن بين موقعك ومواقع المنافسين .. هو الوصول للزوار بالمليون reach per milliom .. إنما مثلا عدد مرات زيارات الصفحات والكلام ده سهل يتلعب فيه .. (المترجم: الكلام ده ممكن يكون مقبول لأنه زي ما هو واضح من وجهة نظر الراجل ان عدد الوصول للزوار بالمليون كل ما كان كبير قوي كل ما كان اللعب في الرقم أصعب)
ام ام جي
الكسا ممتازة ودقيقة في الحاجة اللي هي بتقول انها بتعملها: انها تقيس المواقع وترتبها اللي تمت زيارتها بواسطة الناس اللي مركبين التولبار .. اللي مش صحيح ومش دقيق هو انك تعمم الترتيب بتاعها أو يكون هو الترتيب الصحيح لكل المواقع .. بس في المواقع اللي من نوع واحد ممكن يكون الترتيب صحيح نسبيا .. (المترجم: ده الكلام اللي بنقوله من زمان - الكسا بتحسب زيارات اللي عندهم تولبار)
تحميلات
ألكسا دي أي كلام .. أرقامها مش صح ابدا لان فيه برامج ممكن تعمل لك قفزات كبيرة جدا في ترتيب ألكسا .. بس ممكن تستخدم الكسا كمؤشر بس على شهرة الموقع أو زياراته كرقم يرشدك بس مش كمقياس أو رقم حقيقي .. مثلا أكيد المواقع اللي في العشر تلاف أشهر فعلا من اللي في الخمسين ألف ..
الاستضافة الكاملة
الكسا ممتازة ودقيقة؟ ههههههه هههههههههههههههههه دي عاملة زي راجل كفيف خرج يصطاد .. (المترجم: ماجبتش حاجة من عندي؟)
روندو
انا سمعت ان من طرق تحسين ترتيبك انك تحط في موقعك العداد بتاعهم ..
2010
أنا معترض على موضوع ان المواقع اللي من نوع واحد ممكن تعتمد على تنافسها في ترتيب الكسا .. لو واحد صاحب موقع ركب التولبار واستخدمه كويس ح يغير الترتيب جدا .. (المترجم: مش ده اللي انا قلته؟)
هورو ويتز
مش سهل يا جماعة خداع الكسا زي ما انتو متصورين .. صحيح هي بتحسب زيارات التولبار بس كل تولبار فيه رقم سيريال .. يعني المفروض برامج الكسا ما تحسنش النتيجة ولا حاجة .. بس طبعا بما ان اصحاب المواقع هم اكتر ناس بيستخدموا التولبار فده بيسبب فعلا ان ترتيب مواقعهم تعلا عن اصحاب المواقع اللي مش بيستخدموه .. انا معاكم الكسا مش دقيقة .. بس احسن الموجودين .. وفي النهاية .. المواقع اللي في الخمسين الف ادق من اللي في الميت الف .. واللي بعد الميت الف مش دقيقة خالص .. (المترجم: لو الاخ هورو جرب برنامج من برامج خداع الكسا ح يغير اقواله)
هورو ويتز
ماهو لو بس جوجل ربنا يهديه ويعمل النظام ده ..
كرون اثلون
زي ما قلتلكم .. انسوا الترتيب وانسوا عدد الزيارات .. الرقم اللي ممكن تستخدموه هو الوصول لكام مليون زائر لان ده اللي صعب يتغير ..(المترجم: كلام مقنع)
روندو
انا لما اجي اعلن في موقع بابص على ترتيب الكسا اول حاجة .. زي كل الناس ما بتعمل ..
2010
مين قال الكلام ده؟ المعلنين ماحدش فيهم بيبص على ترتيب الكسا .. اصحاب المواقع الجداد اللي ماعندهمش خبرة همه بس اللي بيهتموا بترتيب ألكسا ..
أحسن جهاز
على فكرة ممكن تركب بار جوجل لفايرفوكس .. (المترجم: عارفين .. شكرا)
كفاية عشان المترجم تعب
