1 يتكلم : لا يأس مع الحياه ولا حياة مع اليأس
2 يتكلم : كلام حبر وورق ، ليه ما تيأس !!
1 يتكلم : صبر يا حبيبي ، مسيرها يوم تتعدل
2 يتكلم : متى ؟
1 يتكلم : الله اعلم ، وليش مستعجل ، لسه العمر قدامك
2 يتكلم : والله تراك بشرتني بخير ، لسه العمر قدامك ، بخ
1 يتكلم : منت مصدق العمر قدامك !!
2 يتكلم : لا مصدق بس وش راح اشوف اكثر ،وش راح يصير اكثر ، يكفي اللي شفته ، ويكفي اللي صار
1 يتكلم : ليش وش شفت
2 يتكلم : كل شي يخطر ببالك
1 يتكلم : يعني حبيت مثلا
2 يتكلم : حبيت لين مل الحب مني ، هيهيه اكتفيت حب ! في الجاهليه
1 يتكلم : زين سافرت ؟
2 يتكلم : السفر عاد ، كل بلدان الدنيا زرتها، ما خليت ارض الا دستها
1 يتكلم : خليني افكر ، رحت الحج ، يعني حجيت
2 يتكلم : اقول لك ما خليت محل الا رحتها تسألني حجيت ، حجيت 7 مرات
1 يتكلم : زين تزوجت ؟
2 يتكلم : لا تجيب لي طاري الزواج ، وف تراك ازعجتنا !
1 يتكلم : ليه ؟
2 يتكلم : شايف امثله قدامي ، اربعه اخوان متزوجين ، واللي اذكره انهم ما كان عندهم ولا شعره بيضه قبل الزواج !!!
1 يتكلم : هيهيهيه فهمت ، بس هذا مو شرط
2 يتكلم : سكر الموضوع ، لا تظن اني اقصد انهم من الزواج شيبوا ، لا خوفهم على الاهل وتفكيرهم بالمستقبل !!
1 يتكلم : انا راح اختصر المسافه ، ليش متشائم
2 يتكلم : انا متشائم ، لا ، اذا عندك كلمه اكبر قولها
1 يتكلم : اعوذ بالله ليه كل هذا
2 يتكلم : مثل ما يقولوا شايل همي وهم غيري !!
1 يتكلم : كيف ؟؟
2 يتكلم : اقول بس لا تضحك
1 يتكلم : قول ، ما راح اضحك
2 يتكلم : قرب ، قرب اكثر ما ابي احد يسمع
1 يتكلم :
شالسالفه ، ما حد يقدر يسمعنا
2 يتكلم : انا اعرفك من يوم كنت صغير
1 يتكلم : صح
2 يتكلم : ليش قلبك ضعيف ، ولا تقدر تشوف اي طير ينذبح ، والدم بينك وبينه عداوه ، ليش اذا شفت طفل يبكي تضيق الدنيا في عينك ، ليش اذا شفت حادث سياره ، ترتجف ، وتقول اللهم لا شماته ، وتظل طول الليل تفكر في اللي صار له الحادث كأنه من باقي اهلك ، ليش تفكر في بنت الجيران اللي تكبرك بخمس سنين ، بس لانها ما تزوجت وعنست ، ليش تفكر في الطفل اللي جابته امه معوق ، ليش تفكر في التلوث اللي يقضي على الاسماك والحيوانات والطيور ،ليش تفكر في الطوفان العظيم ، ليش تفكر في أم خلت ابنها للشغاله كله علشان الوظيفه ، ليش تفكر في طفل جالس على الرصيف وعليه فردة حذاء وحده مسكين ، ليش تفكر في خسوف القمر وكسوف الشمس ، ليش تفكر في اثنين تزوجوا بعض بس مصلحه ، ليش تفكر في ام ولدت طفل ميت ، ليش تفكر في حرب مشتعله ، ليش تفكر في قتل الابرياء وحصار ضد الضعفاء ، ليش تفكر في بلد كامل لا يملك الا الحجاره ، ليش تفكر في العز والرفاهيه أنت أمير !، ليش تفكر في اذبحوا بقره ، ليش تفكر في فتاة باعت نفسها من الجوع ، ليش تفكر في اذا الموئوده سألت ، ليش تفكر في خير أمة اخرجت للناس ، ليش تفكر في خير امه اخرج مالها لغيرها ، ليش تفكر في بحر من الدموع ، ليش تفكر بأموال قارون ، ليش تفكر في حمى الوادي المتصدع والايدز ، ليش تفكر في الهواء الذي تتنفسه بنقود ، ليش تفكر في ملك الموت ، ليش تفكر في عذاب القبر ، ليش تفكر في يوم القيامه ، ليش تفكر في عذاب جهنم ،
ليش تفكر وليش وليش !!!
منعت نفسك من التفكير بجنة الخلد اعدت للصابرين !!!
على العموم شكرا للتفكير
1 = انسان
2 = ضمير الانسان
