الاتصال بنا



النتائج 1 إلى 9 من 9

الموضوع: انا متبرية من عيون المها

  1. #1
    عضو سوبر نشيط
    تاريخ التسجيل
    Mar 2000
    المشاركات
    988


    السلام عليكم ...

    شخباركم ........؟؟

    شوفوا انا بدخل في الموضوع دايركتلي ... يعني مباشر للي ما يفهمون انجلش ....

    طبعاً الأعضاء اللي صار لهم فترة في سوالف يعرفون ان عيون المها ربيعتي .. و الأعضاء اليداد ما يعرفون هالشي و اكيد انا لما اتكلم عنها يقولون هاي ترمس عن منو يمكن ينت البنية ...
    ولا تتحرون ان نحن نفس الشخص (للي يا في بالهم هالشي) ، لا والله عيون المها صديقتي و مثل اختي بعد ...

    لكن هالدبة السخيفة .. حاطتني في موقف سخيف .. كل ما اقول لها يا بنت الحلال ادخلي سوالف سلمي عليهم يسألون عنج .. تقول لي ما عندي وقت .. يعني كانها مالها وجود .. و بصراحة اللي يشوفني يقول هذي وحدة كذابة تقص علينا و على نفسها ... و انا عاد هددتها قلت لها اذا ما رديتي بكرامتج انا بتبرا منج في سوالف بس ... يعني لا تقارنون اسمي باسمها كل وحدة في طريجها (هذا طبعاً في سوالف لكن برا سوالف بنظل ربع ) ، و الحلوة ما تسمع الكلام .. غريبة مع انها تعرف اني اذا حطيت في بالي شي اسويه بسويه ولو على اطم رأبتي ..
    والله مللتني طفرت منها ... لكن لا حياة لمن تنادي ....

    الحين عاد انا بنفذ كلامي .. انا متبرية من عيون المها لا انا ربيعتها ولا هي تعرفني واذا صادف و تذكرتكم و ردت فبيكون لي معاها كلام ثاني ...
    تسمعين يالدبة ... حطيني على بالج زين انا سهام الحب مو حيالله ..!

    و لو سمحتو رجاءاً ما ابا واسطات بينا .. هذا قرار لا رجعة فيه .. علم ؟

    اللهم هل بلغت ، اللهم اشهد ...

    و السلام عليكم و رحمة الله و بركاته ...







    __________________
    لا أعد سقوطي في أي مجال سقوطاً أبدياً.. إنما هو مجرد انحناءة كتلك التي تسبق القفز الى أعلى ...
    سهام الحب غير متواجد حالياً


  2. #2


    شو هاي سهام الحب ، رساله الى الوالي

    بصراحه مالك حق تتبرين منها في سوالف ، بعدين ترد وتصير هوشات كثيره بينكم ،

    وبعدين اذا هي ما تبي تجي سوالف براحتها ، خليها بعيده ، احسن يكفي علينا سهام الحب !

    يعني اذا جت عيون المها بعد ، رحنا في داهيه

    بس بصراحه ليتها ترد لو موضوع واحد في الشهر ، نشوف شو صار في افكارها ، اكيد اختربت من الدراسه

    على العموم مثل ما قلت يكفي سهام الحب ، واذا بترد ربيعتك حياها الله في اي وقت ، الدار داركم واحنا ضيوف ،

    ولا تنسين تسملي عليها وايد وايد وايد بعد مره وايد، وقولي لها تشرب حليب ابو علم

    هذا واستغفر الله لي ولكم والسلام عليكم ورحمة الله وبركاته






    __________________
    قـــ قوس ـــلم الحـــ الحب ـــب
    قوس الحب غير متواجد حالياً

  3. #3


    احيانا اخطأ
    فأقرا الموضوع
    انا " متربيه " من عيون المها
    قلت خووش والله شئ حلو
    الحين بدخل الموضوع بسمع المدح والشكر والثناء
    وانا داخل شفت الكلام مقلوب عكس على عقب
    قلت خل اتأكد الا الكلمة هي .. متبريه
    بس ليش ؟
    منتو كنتو سمن على عسل
    ليه عاوزو تألبوها خناق
    خلاااص الكل يتسامح من ربيعتو
    وينتهي الموضوع


    _._._._._._._

    وكأني ارى ان دخول المواقع هو لأمر يتعلق بالشخص
    فلا يغصب على دخوله الى الموقع وبالخصوص المحواريه منها
    فخلي قلبك رؤف بالناس يا سهام





    __________________
    كــمـا يـديـن الفـتى يدآن بـــه
    من يزرع الثوم لا يحصد ريحانا
    شعلة لهب غير متواجد حالياً

  4. #4
    عضو نشيط جدا
    تاريخ التسجيل
    Apr 2000
    المشاركات
    385


    آآآآآآآآآ يا قلبي.....يعني سويتيها يالي ما تستحين......

    تتبرين مني ؟!؟!يالشريره الدبه....فضحتينا...مو جدام خلق الله......

    مره ثانيه خلينا نتفاهم بيني و بينج....و أنا بسوي الي تبينه بس مو تتبرين مني مره وحده....

    خلاص ولا تزعل يا قوس الحب كل ما بحصل وقت بدخل عشان خاطرك مو عشان سهام الحب الدبه.....





    عيون المها غير متواجد حالياً

  5. #5


    هلا عيون المها ، عاشت ايامك

    زغروته يا بنات يالله عيون المها ردت / الظاهر انا اللي بزغرت





    __________________
    قـــ قوس ـــلم الحـــ الحب ـــب
    قوس الحب غير متواجد حالياً

  6. #6
    عضو فعال جدا
    تاريخ التسجيل
    Apr 2000
    المشاركات
    2,473


    حللللللللللللوه سهام بس الظاهر طلعتو كلكم دبات كل وحده تقول للثانية دبة بسرعه اعترفوا مين الدبه فيكم

    عيون المها : اهلين ما بغيتي تردين الحمدلله على السلامة شيكتي على ايميلك ؟؟ شكلك ما تفتحينه الا من السنه للسنه ونورت سوالف بوجودك





    __________________
    لو اني تحت غيمة حنانه وضامي..كسير ذابحني العطش ما اترجاه
    لأزحف ولو ماشال جسمي عظامي..عن موقفه وادفن عن الريق مجراه
    سلطان نجد غير متواجد حالياً

  7. #7
    عضو سوبر نشيط
    تاريخ التسجيل
    Sep 2000
    المشاركات
    679




    انــــــــا ماقلت لكم ان الدباااااااااات


    كثار هالاياااااااام


    يالله حط حيلهم بينهم .........



    شوي شوي قطعتي شعر البنت ....لا تعضينها


    حرااااااااااام








    __________________
    عش أنت .. أني مت بعدك ....

    و أطل الى ماشئت صدك ......
    MOTYAM غير متواجد حالياً

  8. #8
    عضو سوبر نشيط
    تاريخ التسجيل
    Mar 2000
    المشاركات
    988


    هلا والله ...... نورتي يا سنيوريتا ...

    توة الناس .. يعني لازم نعطي في الويه ... عالعموم نحن تفاهمنا عالمشكلة و ( تظاربنا ) لكن طبعاً انا اللي فزت في النهاية ..

    و بعدين قلنا ما نبا واسطات ....!!!


    قوس الحب : تسلملي والله ، أدري اني كفاية بس شو اسوي عيون المها ربيعتي ما يهون علي اكون في مكان و هي بعيدة عني ... لا لا .. لا تقول والله ادري اني مالية عليكم الدنيا ..
    اووووووه ياخي احرجتني كفاية ...


    شعلة لهب : اعذرك على الكلمة ... بس اذا في وحدة متربية على ايد الثانية .. اظن ان عيون المها متربية على ايدي و انا بعد تربيت على ايدها يعني تقدر تقول ان نحن نفس التربية ... و نفس الروح نفكر بنفس الطريقة حتى احياناً عيون المها يخطر ببالها شي انا اخبرها على طول مجرد تخمين .. و لما نبا نعلق على شي تيي في بالنا نفس الفكرة .. عشان جذي اللي ما ارضاه لنفسي ما برضاه على ربيعتي .. و اذا انا حسيت انها مقصرة في شي لازم اقول لها عشان انبهها .. مثل ما انبه نفسي ..
    لكن اذا ما سمعت الرمسة عدل في هالحالة ما في مجال الا اني ... اعدلها باسلوبي ...

    سلطان نجد ::::: دبات ها .؟ انا بعترف الصراحة اني امتن من عيون المها .. لكن مو متينة متينة .. لا لا شوي ..و بعدين الدبة ربيعتي تدخل النت كل يوم لكن ما ادري ليش ما تدخل سوالف .. ترا اللي في الجدر يطلعه الملاس...

    متيم : هلا والله بالدب ..يعني من بد كل هالرمسة اللي قلتها ما لقطت علي الا كلمة دبة ... كان الرمسة اللي فوق مو مالية عينك .. انا قلت انك ما تصدق تيود على وحدة ... يا حبك للتعليق ...
    بس ما توصل لدرجة تقطيع الشعر .. انا عقابي لعيون المها اني ما ارمسها مدة طويلة .. على قد ما اقدر ... اعذبها ... تتصل تطرش مسجات .. وانا مطنشة ..

    الله يخليلي عيون المها .....














    __________________
    لا أعد سقوطي في أي مجال سقوطاً أبدياً.. إنما هو مجرد انحناءة كتلك التي تسبق القفز الى أعلى ...
    سهام الحب غير متواجد حالياً

  9. #9



    الله يخليكم لبعض





    __________________
    قـــ قوس ـــلم الحـــ الحب ـــب
    قوس الحب غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0