الاتصال بنا



صفحة 1 من 2 12 الأخيرةالأخيرة
النتائج 1 إلى 15 من 29

الموضوع: شكـــراً شبـــكة نــــت Shabakah NET !

  1. #1
    عضو سوبر نشيط
    تاريخ التسجيل
    Oct 2005
    المشاركات
    932

    شكـــراً شبـــكة نــــت Shabakah NET !



    السلام عليكم ورحمة الله وبركاته ..

    صراحة مدري وش أقول ومن وين أبدا.

    بس سلمكم الله أنا لي 4 سنين ونص وعندي DSL

    وهذي قصة بدايتي مع الـ DSL :

    طبعاً انا مثلي مثل غيري ( اللي يستخدمون الانترنت عشرين ساعه أربع ) بالبيت نت وبالعمل نت وبكل مكان تلقى شغلة نت ..

    عموما أنا جلست أدور وادور واشوف اذا فية طريقة تزيد السرعه وانا بصراحة قبل ماقد سمعت بالـ DSL .

    بعد فترة وحنا جالسين باستراحتنا الواقعه بحي الشفا بالرياض ( استراحة شباب )
    جلسنا نسولف وفالينها ونطقطق بالسواليف

    الا شوي وجابوا طاري الانترنت وانا طبعا ماكذبت خبر
    الا وواحد من الشباب يقول ان فية شيء جديد اسمه DSL يخلي سعر اشتراكك ثابت ومايتغير والسرعات اعلى بكثير بحيث انها توصل الى 256 كيلو ، صراحة ماصدقت !!
    وانا انقز في حلقة
    واقول تعال يابو الشباب وشلون اشترك فيها ؟ قالي والله مادري بس هذي موجودة عند مزودين الخدمة مثل اول نت ونسما نت وشبكة نت وغيرها.
    قلت اهاااا ، طيب وش الشركات الزينه ؟
    قال مافية شركة DSL عندنا زينه قلت قل قسم ؟ قال قسم ؟ وانا اكمخة ( اكمخة = اضربة ) بالطفاية اللي عندي <<< احلى ياقوي
    قلت له احترم نفسك ، كل شركاتنا زينه وتبي تزيد ان شاء الله <<< هالكلام قبل اربع سنين وشوي وللحين مازانت

    المهم يوم طلعنا من الاستراحة ، وانا ارجع للبيت رحت دخلت دليل مواقع كبير وفية قسم خاص بمقدمين خدمة الانترنت ، وانا افتح ملف ( مفكرة ) واكتب فية كل ارقامهم وعناوينهم وما الى آخره.
    وانا انتظر الصبح يجي بفارغ الصبر

    المهم يوم جاء الصبح وانا في الدوام اروح امسكهم واحد واحد واتصل على كل الموجودين هذاك الوقت واسئالهم واشوف اسعارهم ، المهم يوم فهمت زبدة وطريقة عمل الـ DSL قلت زين يالله الحين نبي نختار الشركة

    عاد وانا جالس بالعمل جالس افكر وش اختار ؟
    اختار نسما نت لا لا نسما مدري مايمدحونها ، اختار سعودي نت لا لا سعودي نت رخيصين ويخوفون ! والناس ماتمدحها ، اختار اول نت امممم مدري والله ، ولا وش رايكم اختار شبكة نت ؟
    وانا اشوف ان عنوانهم ( الاندلس التجاري - شارع العليا العام ) وبما ان عملي كان قريب مره هناك يعني اروح للاندلس مشي لو ابي :nice: قلت خل اروح لهم واسئلهم . وفعلا رحت لهم وقلت لهم فية اي سي دي ال <<< والله يااني حست ام الاسم ، قالي الموظف لا مافية ! قلت افا ، قلت وشلون مخلص ؟ قال لا مافية شيء اسمه اي سي دي ال ! انا طيرت عيوني ! وقلت اجل ابو حميد ( خويي ) يلعب علي ! يقول ان فية شيء سريع وسعره ثابت ، قال ايه ايه تقصد DSL قلت ايــــــه عليك لمبة
    وكان فية هندي اسمه ( مير ) <<< لاتظحكون على الاسم بس والله ياانه فلته ذا الادمي
    ويجلس يبربر ( يبربر = يتكلم ) فوق راسي وانا واقف زي الاهبل مدري وش يقول !
    المهم اعجبتني الشغلة وقلت يالله ابي اقدم وعطاني ورقة كبيرة وقعدت اعبيها .
    قال كم تبي السرعه ؟ <<< انا والله احسبة اختار على كيفي ، قلت له ابي 3000 كيلو
    يوم شفته قرب يدة للطفاية قلت لا لا ، مابي 3000 ابي 1000 بس
    المهم وهو يطمر في حلزي ويقول مافية الا 256 وتخب ! قلت ايه 256 ارحم من 56 << دايم اول اتصالي 56 ، وانا اعبي كل الاستماره هذي
    ويوم خلصت الا وفية واحد جنبي جالس يعبي وجالس يناظرني وانا جيت وحطيت يدي على ورقتي مابية يعش مني ، ايه الغش حرام

    يوم خلصت وانا اعطية الورقة ، قلت طيب متى اجي استلم الـ DSL <<<< انا احسبة شيء ملموس وكبير وحركات

    قال الدي اس ال انشاءلله يركب عندك بعد اسبوعين او حولها
    قلت بسيطة

    وانا اطلع منهم مستانس مررره ، واستنشق الهواء الطلق واقول ( والله منتب سهل يامحمد ، اجل ركبت الـDSL

    المهم مر اسبوع
    اسبوعين
    واتصل عليهم ويقولون للحين ماركب
    وانتظر شهر
    شهرين
    ثلاثة
    وبعد 3 اشهر اتصلوا علي
    وقالوا ابشر الدي اس ال وصل لك ، قلت زين متى التركيب ؟ قالوا بكرا ان شاء الله
    قلت زين .
    وانتظر لين بكرا ، وفعلا صدقوا بموعدهم وجوا ركبوه
    وراحوا

    وانا طاير من الفرحة ، ماني مصدق ! وادخل الا التصفح سرررررريع ، ورووووعه ،

    المهم انا اخذت عندهم سنه كاملة
    بعد مرور السنه ان الله احيانا واحياكم <<< وش يبي ذا
    المهم مرت السنه
    رحت جددت عندهم 3 اشهر
    ومرت الـ 3 اشهر
    وبعدين جددت 3 اشهر ثانية
    ومرت الـ 3 اشهر
    وبعدين جددت لمدة 6 اشهر
    ومرت الـ 6 اشهر بعد
    ماراح تصدقون اني مسغل الـ DSL طوال اليوم يعني 24 ساعه ، حتى بالماسنجر دايم داخل ولا عمري طلعت ابد !!
    وماراح تصدقون اذا قلت لكم انه مافصل عندي طوال السنتين هذي الا 3 مرات بس ، والله العظيم بس 3 مرات
    المره الاولى وقف يمكن لمدة 20 دقيقة ورجع على طول
    والمره الثانية يمكن 10 دقايق ورجع
    والمره الاخيرة لمدة 5 دقايق أو اقل

    عاد انا قلت شبكة زززززفت وقفت 3 مرات
    قلت خل اجرب شركة ثانية
    رحت لنسما نت
    كانو كل يومين فاصل على الاقل ساعه
    وجربتها 3 اشهر وكل شهر ازفت من الثاني

    وجربت بعدها سعودي نت !
    صراحة زفت بمعنى الكلمة ، مشاكل البروكسي واجد معها و 3/4 المواقع محجوبة باتصال سعودي نت
    كل يوم والثاني فاصل على 5 و 6 ساعات

    وجربت بعدها أول نت
    ياحليكم يااول نت
    اول نت كانو كل يوم يفصل ، اتصل عليهم ، خير ان شاء الله ؟ يقولون تحديث :nice:
    اعنبوكم تحديث كل يوم

    جربت بعدها جيل
    جيل كانو حليلين بس فصل اعتقد بحدود 20 مره

    جربت بعدها زاجل
    زاجل حدث ولا حرج

    جربت بعدها صحارى نت
    صحارى نت ، تقول كانه دي اس ال بالعصر الحجري <<< على اسمهم صحارى/ي :anger2:

    جربت بعدها سول نت
    صراحة سول من السوا الاتصالات اللي جربتها ، وطبعا بعد سعودي واول نت :nice:


    وبناءاً على ذلك أقدم لكم هذا الترتيب ، الذي من شأنه أن يساعدكم على اختيار شركات الـ DSL



    هذا التقييم يعبر عن تجربة شخصية

    ولست مسؤلاً عن الاخرين

    يعني لايجيني واحد يقول انا اتصالي مدري ايش وماشي تمام

    سبب كتابة هذا الموضوع هو عدم شهره شبكة نت امام مثيلاتها ! وهذا شيء غريب !
    مع انها تعد من أفضل مزودي خدمة الانترنت..

    وفعلا هم رواد الانترنت كما يقولون

    شبكة نت تابعه لمجموعه الراجحي السعودي
    وبريادة الاستاذ / عبدالوهاب الراجحي ..
    رقمهم المجاني : 920010022


    والان اغلب مانسمع عن سعودي نت واول نت ! فما السبب ؟ هل لان اسعارهم رخيصة أم ماذا ؟

    لان شبكة نت تعتبر من اغلى الشركات السعودية
    واسعار الدي اس ال المحدود لدى شبكة اغلى من دي اس ال سعودي نت الغير محدود :nice:

    علشان كذا ، اقدر اقول باعلى صووووووتي :

    شــــــــكـــــــــراً شبـــــــــــكــــــــة نـــــــــــت !!

    اضافات :

    ملاحظة للعموم : شبكة نت تعتبر اقدم مزود خدمة انترنت
    فهي ظهرت أولا وبعدها جت سعودي نت واول نت وجيل وغيرهم

    ملاحظة اخرى : شبكة نت تشتهر كثيرا بين الشركات
    فأغلب الشركات خطوط اتصالهم من شبكة ! سواً دي اس ال أو خطوط مؤجره .. إلخ
    وكما تعتبر من أكبر الشركات عدداً للعملاء ..


    آسف للإطاله ، ولكن فقط حبيت أوضح تجربتي ،
    ولا مانع من اضافة تجربة الاخرين بنفس الموضوع

    شكراً يزيارتك الموضوع

    وآسف جدا على الاخطاء الاملائية ان وجدت ، وكذلك اسف للخبطة الموضوع وعدم ترتيبة ، وذلك لإستعجالي..

    فمـــــــان اللـــــــه ..








  2. #2
    فضلاً اكتب اسمك الحقيقي هنا
    زائر|عبدالمجيد|


    شــــــــكرا دايل اب :nice:






  3. #3
    عضو فعال
    تاريخ التسجيل
    Aug 2004
    المشاركات
    1,424


    مشكور اخوي محمد علي
    لتنويرنا بجانب أجهله
    عموما شبكة نت لا اعرف عنها شيء غير السمعة السئية < صريح الولد D:
    اعرف ان هالموضوع مبني على تجارب شخصية والتجارب اقوى واصدق من الكلام
    ولكن قريت من مده اساتفتاء بمنتدى صديق يهتم بأمور الـ ADSL
    وكان الريت لشبكة نت منخفض
    وحقيقه حمستني اجربهم لان اليوم رديت على احد الاخوان بموضوع بالمنتدى
    بخصوص الشركات المزوده ونصحته ب جيل ونصحته ينحاش من اول نت < لانخفاض مستواهم الجيد
    من ناحيه سرعه + سبورت
    وتفجات برد فعل عكسيه من اخوان اخرين ان الافضل اول نت و السيئة جيل :S
    اتوقع والله اعلم ان مناطق المملكة تختلف من ناحيه الخدمات الجيده
    لاحظت سمعة اول نت جيده بالوسطى ومنخفضة بالشرقيه
    والعكس مع جيل
    تحياتي اخوي





    __________________
    Under Construction
    No 4 Spam
    للمراسلة
    http://allawi.baridy.com

  4. #4
    فضلاً اكتب اسمك الحقيقي هنا
    زائرنويصر


    دعاية جميله ...

    تقنعنا بشكل كبير اننا نكون على الديل أب ... افضل

    تحياتي لك ...






  5. #5
    عضو فعال جدا
    تاريخ التسجيل
    Oct 2005
    المشاركات
    3,330


    اقتباس المشاركة الأصلية كتبت بواسطة ابونوره
    وتفجات برد فعل عكسيه من اخوان اخرين ان الافضل اول نت و السيئة جيل :S
    وخر هناك
    أول نت وبس والباقي خس :app:

    --------------------------

    أخوي محمد علي أول شيء والله موضوع متعوب عليه :nice:
    ذكرني بـأحد كتاب الزعيم الهزليين :funny:

    بالنسبة لشبكة نت والله أنا ما قد سمعت احد يمدحها
    و ترا ما شدني للموضوع إلا إني اول مرة أشوف واحد يشكرها و يثني عليها :looking:
    بس تبي الصدق شجعتني أنا بينتهي إشتراكي في أول نت قريب
    و بأخذ شبكة نت 3 شهور على ذمتك
    يعني قسمن عظمن لو تطلع خدمتهم شينية يا شيخ :anger1:

    تحياتي لك :nice:







  6. #6
    Banned
    تاريخ التسجيل
    Sep 2005
    المشاركات
    214


    جيل
    سرعة التصفح : ممتازة
    سرعة التحميل : ممتازة جداً
    الدعم الفني : ممتاز
    المشاكل : 24 ساعة مشاكل






  7. #7
    عضو سوبر نشيط
    تاريخ التسجيل
    Oct 2005
    المشاركات
    932


    اقتباس المشاركة الأصلية كتبت بواسطة |عبدالمجيد|
    شــــــــكرا دايل اب :nice:

    ياحبيلك بس :nice:

    حياك الله






  8. #8
    عضو سوبر نشيط
    تاريخ التسجيل
    Oct 2005
    المشاركات
    932


    اقتباس المشاركة الأصلية كتبت بواسطة ابونوره
    مشكور اخوي محمد علي
    لتنويرنا بجانب أجهله
    عموما شبكة نت لا اعرف عنها شيء غير السمعة السئية < صريح الولد D:
    اعرف ان هالموضوع مبني على تجارب شخصية والتجارب اقوى واصدق من الكلام
    ولكن قريت من مده اساتفتاء بمنتدى صديق يهتم بأمور الـ ADSL
    وكان الريت لشبكة نت منخفض
    وحقيقه حمستني اجربهم لان اليوم رديت على احد الاخوان بموضوع بالمنتدى
    بخصوص الشركات المزوده ونصحته ب جيل ونصحته ينحاش من اول نت < لانخفاض مستواهم الجيد
    من ناحيه سرعه + سبورت
    وتفجات برد فعل عكسيه من اخوان اخرين ان الافضل اول نت و السيئة جيل :S
    اتوقع والله اعلم ان مناطق المملكة تختلف من ناحيه الخدمات الجيده
    لاحظت سمعة اول نت جيده بالوسطى ومنخفضة بالشرقيه
    والعكس مع جيل
    تحياتي اخوي
    انا من الرياض و أول نت زفت ، وسعودي نت زفت بعد <<< اسوى شركتين

    وفعلا الحي له دور او الكبينه بمعنى اصح لها دور ودور كبير ..

    فمان الله






  9. #9
    عضو سوبر نشيط
    تاريخ التسجيل
    Oct 2005
    المشاركات
    932


    اقتباس المشاركة الأصلية كتبت بواسطة نويصر
    دعاية جميله ...

    تقنعنا بشكل كبير اننا نكون على الديل أب ... افضل

    تحياتي لك ...
    من قالك انها دعاية ؟

    انا مالي اي علاقة بشبكة نت نهائياً

    بس الحق يقال






  10. #10
    عضو سوبر نشيط
    تاريخ التسجيل
    Oct 2005
    المشاركات
    932


    اقتباس المشاركة الأصلية كتبت بواسطة Troy


    وخر هناك
    أول نت وبس والباقي خس :app:

    --------------------------

    أخوي محمد علي أول شيء والله موضوع متعوب عليه :nice:
    ذكرني بـأحد كتاب الزعيم الهزليين :funny:

    بالنسبة لشبكة نت والله أنا ما قد سمعت احد يمدحها
    و ترا ما شدني للموضوع إلا إني اول مرة أشوف واحد يشكرها و يثني عليها :looking:
    بس تبي الصدق شجعتني أنا بينتهي إشتراكي في أول نت قريب
    و بأخذ شبكة نت 3 شهور على ذمتك
    يعني قسمن عظمن لو تطلع خدمتهم شينية يا شيخ :anger1:

    تحياتي لك :nice:
    والله اول نت زفت مرررره <<< من الرياض

    - ايه بقوة متعوب علية :nice:

    - والله أعرف اكثر من 8 اشخاص عندهم من شبكة نت ومرتاحين مررررره ولا يفكرون يغيرون.

    - عاد مو على ذمتي :nice:
    لان مثل ماقلنا المكان احياناً يكون له دور ودور كبير بعد !!
    وبعدين حتى تقدر تجرب شهر واحد مو لازم 3 شهور
    بس تراهم نار ، ضعف اسعار سعودي نت ..









  11. #11
    عضو سوبر نشيط
    تاريخ التسجيل
    Oct 2005
    المشاركات
    932


    اقتباس المشاركة الأصلية كتبت بواسطة X-Ray™
    جيل
    سرعة التصفح : ممتازة
    سرعة التحميل : ممتازة جداً
    الدعم الفني : ممتاز
    المشاكل : 24 ساعة مشاكل
    جزاك الله خير

    ملاحظة للعموم : شبكة نت تعتبر اقدم مزود خدمة انترنت
    فهي ظهرت أولا وبعدها جت سعودي نت واول نت وجيل وغيرهم

    ملاحظة اخرى : شبكة نت تشتهر كثيرا بين الشركات
    فأغلب الشركات خطوط اتصالهم من شبكة ! سواً دي اس ال أو خطوط مؤجره .. إلخ
    وكما تعتبر من أكبر الشركات عدداً للعملاء ..

    فمان الله






  12. #12
    عضو فعال جدا
    تاريخ التسجيل
    Oct 2005
    المشاركات
    3,330


    اقتباس المشاركة الأصلية كتبت بواسطة Mhohmmad Ali
    بس تراهم نار ، ضعف اسعار سعودي نت ..
    طيب ما ودك تذكر لنا الأسعار :nice:
    لأني دخلت موقعهم الفشلة اقسم بالله انسدت نفسي :anger2:
    http://www.shabakah.net.sa/
    شف هذا شكل موقع لشركة رسمية سعودية :funny:

    عطنا الأسعار لأني ما أدري متى يفتح موقعهم ذا

    بغيت اسعار سرعة kb126 لمدة 6 شهور
    و kb256 لمدة 6 شهور لاهنت :1power:







  13. #13
    عضو سوبر نشيط
    تاريخ التسجيل
    Oct 2005
    المشاركات
    932


    اتصل عليهم : 920010022

    وبخصوص موقعهم هو فعلا يفشل

    بس شكلهم يبون يسوون شيء قوي

    وبعدين ماتشوف يقولون لك حفريات


    فمان الله






  14. #14
    عضو سوبر نشيط
    تاريخ التسجيل
    Nov 2005
    المشاركات
    811


    مرحبا ،
    انا من فلسطين ومركب دي اس ال من سنتين او اكثر
    وسرعة التحميل ممتازة والتصفح ممتازة ايضا وصدقوا من كل هالمدة مرة واحدة قطع لاقل من 3 دقائق
    وبعدها رجع تمام ..





    __________________
    KadHost.Com

  15. #15
    عضو سوبر نشيط
    تاريخ التسجيل
    Oct 2005
    المشاركات
    932


    اقتباس المشاركة الأصلية كتبت بواسطة KAD
    مرحبا ،
    انا من فلسطين ومركب دي اس ال من سنتين او اكثر
    وسرعة التحميل ممتازة والتصفح ممتازة ايضا وصدقوا من كل هالمدة مرة واحدة قطع لاقل من 3 دقائق
    وبعدها رجع تمام ..

    بالتوفيق






صفحة 1 من 2 12 الأخيرةالأخيرة




ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0