انا في الكويت

السلام عليكم
بحفظ الله ورعايته وصلت الى مدينة الكويت قادما من السعودية كأول زيارة للكويت في التاريخ
لزيارة الأقارب وقضاء العيد السعيد معهم....
الأخوان الكويتيين ممكن تذكرون لنا اماكن سياحية نقضي العيد فيهااا.....
انا ساكن عند دوار دسمان..
سلملم.
بس سؤال ليش الشوارع فاضية؟؟
وين العالم؟ :D

الحمدلله على السلامه ..

Aljazeera
الحمدالله على السلامة بديرتك الثانية ...

ممكن نعرف نظامك، يعني شباب ولا عائلة ولا شنو ؟

الفترة هذي فترة مخيمات كل الشباب بالبر....
اماكن سياحية في حدائق الشعب و المدينة الترفيهية ..
ويوجد اسواق انصحك بزيارتها... مثل سوق شرق ومارينا مول والفنار وغيره ...
أغلب الشباب تحصلهم بفترة الاعياد في السينما و الاسواق...
وخذ لك جولة على شارع الخليج من اوله الى آخره :)

انا ابن عمى عايش فى الكويت ولاكن مصرى وكل اجازه يقول لى انه بيروح مركز سلطان وشارع الخليج

طبعا أخوك سعودي

لكن بينصحك نصيحه

لا يفوتك الإبراج

عن جد أبراج الكويت معلم من معالم الكويت

في مطعم في اعلى البرج

روح البرج وتعشى هناك ولاهنت إذا رحت وأستانست

رد في هذا الموضوع وقول أعجبك الوضع ولا لأ

أنت في الكويت إذاً أنت محظوظ .
جلست فترة طويلة أعيد ( العيدين ) في الكويت , وكنت أرتاح نفسياً ..

مدينة طيبة واهلها طيبين , وتجد مكان تتمشى وتشتري بكل أريحية , وأنواع الماركات .

منورين الكويت:D

اولا بالنسبة للمولات
عندك مارينا .. شرق .. الفنار .. البستان .. الكوت .. كويت ماجك .. الصالحية .. الثريا .. الرايا ..

مطاعم
شارع الخليج متروووس
و مطاعم انصحك بزيارتها .. فيلا فيروز اذا لك بالشيشة و الجو اللبناني .. بيت الحمام .. مطاعم مارينا صوب البحر .. والله وايد ببالي ..

طبعا زور الابراج .. و زور المركز العلمي "بتنستانسون وايد" و خاصة اذا معاكم اطفال ..
الترفيهية .. الشعب .. سينمات ..

و هم اذا ببالك شي معين اسال و حياكم الله و عيدكم مبارك :)

أستاذ Designer04 .
بسألك عن ( الاحواض ) او المكان اللي فيه حديقة أسماك , اللي تكون أنت جنب القرش على طول , وين ؟ هل في شارع الخليج العربي , وأسم المحل أيش .



على فكرة يا Aljazeera لا تنسى تزور سفينة الهاشمي ( ترى رايقة ;) ) ..

جمال

هذي بالمركز العلمي

زرتها قبل ثلاث سنوات لما رحت للكويت

بصراحه قضيت وقت جداً ممتع بالمركز و انصح بزيارته

موجود بشارع الخليج

صح ... نسيت اقولك عن المركز العلمي،،، ولا تنسى تدخل السينما 3D لأنها روعة ...
المركز العلمي للجميع ... صغار وكبار .. http://www.tsck.org.kw

تسلم يا ببسي مان ;)
افكر اليوم في الذهاب للكويت :(
نفسي تراودني .

نفس ماقالك بيبسي اهوه نفسه المركز العلمي
و افا عليك لا تفكر و لا شي
دق سيارتك سلف و حياك الله :D

حياك الله بالكويت :)

و الشباب ما قصروا عن الأماكن

حياك الله بالكويت..
والشباب ما قصروا

اما الـ 3d ماكس خطيرة

لا تفوتك بالنادي العلمي

حياك الله أخي في بلدك الثاني الكويت

إذا تبي تجلس بالكويت الى يوم الجمعه

زر الأماكن التالية هي بسيطة جدا جدا لكن و الله ممتعة

سوق الجمعة - ولاتنسى تمر على سوق الطيور

منطقة الوفرة جميله في هذا الوقت ولا تنسى تزور مزرعة الكمال

إذا كنت تريد شراء برامج ومستلزمات كمبيوتر أفضل مكان محلات الكمبيوتر بمنطقة حولي تجد ماتريد هناك

لاتنسى تزور حديقة الحيوان بمنطقة العميرية ايضا

الله يحييكم , راح أجي عن قريب أن شاء الله .
أطفيت شغفي بالذهاب للنعيرية اليوم , وكانت مليانة ( كوييتين - قطارى ) :)
والله يبارك فيكم ... ;)

أحم احم
نكلمكم من امام احد قصور الامير
دوار دسمان دوت كوم والجوووووو امطار وخير من الله
اليوم رحت للبر ولد خالي عنده غنم وحلال بالصبية
ورحت الليل للأبراج انا والاهل طبعا
ودرت بشارع الخليج العربي وشفت الشباب المهبل
وامس رحت للمركز العلمي وشفت حوض السمك اكبر حوض سمك في الشرق الاوسط سمك وقرش وحيتان يوجد صور تنشر لاحقا
نظامي للي سال عن النظام عوايل بالنهار وعزابية بالليل
البلد وايد حلوة واكثر ما عجبني ترتيب البيوت بالاحياء بالقطعة طبعا هذا النظام مطبق بحي واحد بالرياض وهو حي الجزيرة وما ادري عن باقي مناطقنا
كذلك ادنى واقصى سرعة بالطرق لفت انتباهي ادنى سرعة لدينا اقصى سرعة للمخالفة

لاكن الي قاهرني وباط جبدي هالانترنت يمعوووود دماار وبطئ ذكرتوني بأيام زمان
وسنوافيكم بتقرير كامل عن الكوييييييييييييت

اقتباس:

---

وامس رحت للمركز العلمي وشفت حوض السمك اكبر حوض سمك في الشرق الاوسط سمك وقرش وحيتان يوجد صور تنشر لاحقا

---

ما نشرت الصور يا Aljazeera :)
أرجوك وافيني فيها لأني قريباً سوف أسافر الكويت وأبي شي يحمسني :D