الاتصال بنا



النتائج 1 إلى 6 من 6

الموضوع: يوميات شاب خليجي ..........

  1. #1


    قمت من النوم الساعه (( 6 )) الصبح وانا كلي نشاط وحيويه
    ....تروشت ... حلقت ... فرشت سنوني ... نظفت غرفتي ..
    ورتبت سريري !!

    نزلت تحت لقيت الوالده مزينه الفطور !!!

    قعدت مع ابوي واخواني على طاولة الفطور


    ابوي قاعد على رأس الطاوله وانا واخواني حولوه ....

    ابوي يحبنا ... يقطع لهذا خبزه ويقرب صحن ( الحمبص )
    لهذا ويصب ( عصير برتقال فرش ) لهذاك ....

    امي الله يخليه لي ولكم قاعدتن ترتب اغراض خواتي " وتكد
    " شعورهن استعدادا للمدرسه .....

    قضيت مفطر .... حبيت راس ابوي وامي وحببت اخواني واحد
    واحد دورت الشغاله مالقيته

    ركبت سيارتي وربطة حزام الامان ومشيت ..... الشوارع
    فاضيه مابوه الى انا وابوي نمشيبه

    سرعتي ما تعدت 15 كلم ... وصلت العمل وحبيت راس المدير
    همن رحت للقهوجي " مهب حق الاهلي " وحبيت راسوه وقلتلوه
    الله لا يهينك بيالة شاهي علماشي

    دخلت المكتب خلصت المعاملات اللي علي وقضيت شغل
    المراجعين بسرعه!!!

    جت الساعه " 2 " ونص الظهر وقعت وطلعت راجعن للبيت

    يوم دخلت البيت والقا ابوي ... وانا اللي امطخوه مع
    راسوه وادور امي بسرعه ابي امطخه ... وامسك اخواني واحد
    واحد وامطخهم بس الشغاله يقولون فوق تنشر الملابس قلت ما
    يحتاج !!

    العصريه اذاكر لاخواني ... وعقب المغرب زيارات عائليه ..
    وبعد صلاة العشاء اقعد على الكمبيوتر اسوي برامج خاصة
    بالشغل

    هذا جدولي اليومي الكذبى تبون الصدقى ...؟؟؟؟

    شوفو .......!!!!

    اقوم من النوم الساعه "8 " ونص " 9 " .. وانا مقفلة معي
    لو يقولي واحد صباح الخير قلت كل تبن

    عيوني مغمصه ومتأخر على الدوام يعني مهب لازم تغسل

    انزل تحت ولا مابوه احد ... امي نيمه .. ابوي اخذ اخواني
    للمدرسه ... وراح للشغل

    القى شاهي مزينينوه قبل ثلاثة ايام .. يوم تجي جارتنا
    لامي ... اشرب الشاهي واركب السياره

    افتح الدرايش ...موت حر ...

    <==== ما معاه مكيف بالسياره

    امسك طريق الملك خريص ..... بس ما هنا سرعه يعني 140 ــ
    150 بس

    انواع المجاكر والتخطيم على العالم ... وانواع الحركات
    باليدين اذا احد ضرب بوري


    آآآآصل الشغل ... القى المدير يحترين عند الباب ....
    مبرطم تقل هو اللي يكد علي

    يسألن ... وشبك متأخر ؟؟؟

    اقول .. والله جدتي انفقعت ...

    <==== هذا يبي يقول ... جدتي ماتت .. والكفر انفقع

    عقب هالاجابه الدوبلوماسيه ... يفلقن بخصم

    تجي الساعه 11 ونص وامسك الباب يقالي ابروح اجيب اخواني
    ... والصدز اني اعسل

    ارجع الساعه " 1 " الظهر ... مالي نفس بشي ...

    <==== هذا راسوه منتفخ من المعسل ... اثر الشيشه تنسم

    يجون المراجعين اناظرهم بطرف عين واقول راجعنا الى حجة
    البقر !!!

    <==== ما يحب العجله

    اوقع الساعه " 2 " الظهر واروح للبيت القى ابوي يحترين
    مابعد تغدى .. بس مهب عشاني عشان اللي معي

    <==== متصله عليه اموه تقول جب لبن معك مابوه لبن

    نتغدى انا وياه ويقحن من هاللبن لين يفقد الوعي .....
    وينام جنب " السماط "

    اقوم وانا دايخ .. اروح آآخذلي غطه الى عقب صلاة العشاء

    <==== لا صلاة ولا عباده

    اقوم من النوم وانواع السعسعه ... الى الساعه 3 الفجر
    همن اجي وانكمخ

    كل واحد فيكم يعترف صح والا لا






    __________________
    ياصغيّر مايكبرني لقب***ولايصغّرني اذا انكرني صغير****ماخذين الصيت بالسيف الحدب***لابقربة شيخ او نسابة وزير
    AL^PRINCE غير متواجد حالياً


  2. #2
    عضو نشيط جدا
    تاريخ التسجيل
    Apr 2001
    المشاركات
    597


    والله جالسة اقرا واقول وش ذا الخراط
    عموما برنامجي يا عزيزي سهر ال الساعة 2 على التلفزيون
    وبعدين لين الساعة 4 او 5 على سوالف الغفلة ال قلبت حياتي
    المهم بعدين نومة الين الساعة 2 العصر
    بعدين اتذكر الغدا واقوم اركض اشوف الساعة اقول مافي وقت
    ومسكين الرجال ما في غير كودو على بالك ضمن المقاطعين بس حسب المزاج
    المهم ال ضايعة معاي بني حياتي ما في غير ذي الرضاعة (احبهاكثيييييييييييييييييييييييييييييييييييييييييي ير)





    __________________
    أصدق حب حب الأم لطفلها
    LOVE غير متواجد حالياً

  3. #3


    الله يكون في عونك بصراحه احس انه مرض لان الله لعن الذين جعلوا ليلهم نهارا ونهارا ليلا .

    خليك مثلي انام من الساعه 12 بالليل واقعد الساعه 12 الظهر يعني حاجه حلوه وادري اني نصاب على ودنه لكن يالله نحاول نقنع حالنا اننا مانسوي الا الشي الصحيح







    __________________
    ياصغيّر مايكبرني لقب***ولايصغّرني اذا انكرني صغير****ماخذين الصيت بالسيف الحدب***لابقربة شيخ او نسابة وزير
    AL^PRINCE غير متواجد حالياً

  4. #4


    الله يخليلك بنتك انشالله وتتربى بعزك بس لاتكثرين لها الحليب عشان ماتطلع دبببببببببه





    __________________
    ياصغيّر مايكبرني لقب***ولايصغّرني اذا انكرني صغير****ماخذين الصيت بالسيف الحدب***لابقربة شيخ او نسابة وزير
    AL^PRINCE غير متواجد حالياً

  5. #5
    عضو نشيط جدا
    تاريخ التسجيل
    Apr 2001
    المشاركات
    597


    تسلم عقبال ما نشوف عيالك يناقزون قدامك
    قل امين





    __________________
    أصدق حب حب الأم لطفلها
    LOVE غير متواجد حالياً

  6. #6


    آمين يارب العالمين والسامعين والحاضرين والموجودين والغايبين والمسلمين اجمعين





    __________________
    ياصغيّر مايكبرني لقب***ولايصغّرني اذا انكرني صغير****ماخذين الصيت بالسيف الحدب***لابقربة شيخ او نسابة وزير
    AL^PRINCE غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0