الاتصال بنا



النتائج 1 إلى 3 من 3

الموضوع: مصافحتي الأولى (( يادار وين اللي على البال يادار ))

  1. #1

    مصافحتي الأولى (( يادار وين اللي على البال يادار ))



    السلام عليكم ورحمة الله وبركاته


    بصراحه شخص جديد عليكم أعتبر ...

    وحبيت أبدأ معكم بهذه الأبيات البسيطة التي كتبتها عل وعسى أن تنال على القليل من إستحسانكم . وكان ودي أحطَها بالشكاوي والإقتراحات بس خفت يطيروني أنا وموضوعي

    جيتك أنا يـادار مـن يمـكِ مـار
    مرور النفوس اللي تذكَّـر صباهـا

    يادار أمسيتـي خـوا اليـوم يـادار
    وأشوف في عيونك نظـرة شقاهـا

    ياوجد حالي كان الهوى كله أمـرار
    يادار ياكيـف أنـا بأنسـى وفاهـا

    أوفت معي يـادار ببـوح وأسـرار
    أوفت وعنّت نفسهـا فـي عناهـا

    أوفت بصافي الوقت وبوقت الأكـدار
    كريمة بالوفا مالهـا مـن شباهـا

    ياكيف بأنساهـا وتذكارهـا الجـار
    ياكيف بأسلاها وأنـا فـي رجاهـا

    ياكيف أنكر حبهـا وأقـول ماصـار
    وشلـون أنكرهـا وقلبـي معاهـا

    يادار هلّي صافـي الدمـع مـدرار
    وهلّي الدموع اللي تحـدر صفاهـا

    يادار أمسى النـزف فينـي أنهـار
    ياكيف سطت روحي ومن هو سطاها

    يادار ياكيف أنا أرجي لهـا أعـذار
    وياكيف نفسي بالهوى تنسى خطاها

    أمسى الحزن فيني مع الهم أسـوار
    وجروح قلبـي إنطقـت بالشفاهـا

    ياما قضينا الليل بسواليـف سمّـار
    وياما لمحت النور بـطلَّـة بهاهـا

    وياما توسدنا المصاعب والأخطـار
    لجل العيـون اللـي تشـد إنتباهـا

    أثر الهوى ظالم ولـه لوعـةٍ نـار
    أنهى فصول الشـوق وتـوه بداهـا

    يادار ماعاد لـي عـون وأنصـار
    يـادار رديّ بسمـةٍ لـي خـذاهـا

    يادار وين أقفت بعـد كـل الأنـوار
    شبّت شموعٍ بالحشا محـدٍ طفاهـا

    يادار ترى ماعاد لي غيـر تذكـار
    وماعاد لك غير كلمـة و صداهـا

    وماعاد لي بك غير بعض الأشعـار
    وماعاد لي غيـر ذكـرى غلاهـا

    يادار ثـار الشـوق بداخلـي ثـار
    وبعض المشاعر ثايره فـي خفاهـا

    يادار أمسى بـي العشـق محتـار
    ليه القلوب لأعطـت يذبـل عطاهـا

    من شافني يادار مصيـوب بالـزار
    ماني مخـاوي جـن لكـن هواهـا

    يادار وين اللي علـى البـال يـادار
    هويتهـا يـادار وغيـري خذاهـا

    باح العزا والصمت أمسا لي شعـار
    يادار قولي النفس وش هـو بلاهـا

    يادار بأرحـل عنـكِ الحيـن يـادار
    وبأعزي النفس وأبكي فـي عزاهـا

    عزاكِ يانفـس فـي هـذي الـدار
    وباقي ثرى بالدار برجلـه وطاهـا

    وعزاي في مزنٍ يهل وابـل أمطـار
    يداعب أنفاسها وهـي فـي ثراهـا





    وسلامتكـــم

    لـ شاب


    وبالختام أتمنى أن تنال على إستحسان من يتذوقون الشعــر في سوالف سوفت .
    وباب النقد مفتوح

    دمتم بود
    شاب








  2. #2
    عضو سوبر نشيط
    تاريخ التسجيل
    Nov 2005
    المشاركات
    922


    ارحبوووووووووا يالغالي



    وحياك الله






  3. #3


    momayaz


    أشكرك على مرورك العذب

    دمت بود
    شاب










ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0