هلا وعليكم السلام
راح اجاوب عليك وياليت اي خطأ يصححه لنا الاخوان ..
اقتباس:
1: هل جيب اللاندكروزر مستوااااه وسواقته في البر سهله او لا؟؟ لانه بعض الجيووووب مثل ما نسمع انها بس شكل واسم اما التصميم والا القوه والا المواصفات الخخخخخخ موش كويسه
الاندكروزر قوية سمعته ولكن لااستطيع ان احكم عليه وانا ليس لدي الخبرة الكافيه فيه ..
اقتباس:
2: اذا رحت ادخل في التغاريز هل استخدم الدبل او لا؟
لاتستعمل الدبل على طول.. عزم المكينه يكفي دام ان الموتر زين .. لابلشت وحسيت انك ماتقدر تطلع استخدم الدبل ..
اقتباس:
3: في الدبل فيه ثلاثة وضعيات او اشياء اللي هي H و N و L اوكي؟ اللحين وش تعريف كل حرف؟؟ وايش وظيفة كل حرف؟؟ ومتى استخدم كل حرف؟؟
H = High
L = Low
N = غير معشق
وراح تلقي بالدبل كذا
L2 = دبل خفيف دفع ثنائي
L4 = دبل خفيف دفع رباعي العجلات
-----
H2 = دبل ثقيل دفع ثنائي
H4 = دبل نقيل دفع رباعي
بس انتبه تسرع فوق 8 ثمانية ( ثمانية وليس ثمانين ) وانت معشق دبل H ..
اقتباس:
ايه ويقولووون انه اذا استخدمت الدبل في الطرق الممهده راح تنقز فيا السياره ويمكن تنقلب!!!!!! هذا على كلااام واااحد من الشباااااااب
انصحك ماتجرب .. يمكن هو يقصد اذا كنت مقفل الدفرنس ومشيت بسرعه ولفيت اي لفه اكيد راح تنقلب ..
اقتباس:
: فيه عند القير زرين مادري وش هم؟؟ وايش وظيفتهم؟؟ ومتى استخدم كل واحد منهم؟؟ اللي هم PWR و 2nd
ماعرفه بس يمكن زر الهزاز ..
اقتباس:
5: هل التطعيس يأثر على السياره من اي ناحيه؟ اذا التطعيس يأثر على السياره من اي ناحية ياليت تذكرونها لي؟؟ يعني مثلا الكفراات هل تستهلك بشكل كبير يعني انا مادري
مادري عن هالنقطة بس اكيد راح ينعدم اي شيء اذا استخدمته غلط مثل الدبل اذا استخدمته غلط او اذا عطيته فوق قوته راح ينكسر
وانصحك اذا تبي تروح للنفود وتطعس لاول مره لاتروح لوحدك .. رح انت وواحد من اصحابك( اللى تمون عليهم ) علشان لما تبلش فيها يكون عندك من يساعدك
والله اعلم ..