تعرف تطعس؟؟؟؟؟؟

سلام شبااااااااب

اللحين بعد ما ارتحت من هم الشغلااات اللي سويتها لجيبي اللاند كروزر وبعد ما وديته المغسله اللي في شااارع الضباااااب :D اللحين ابي اروح اطعس فيه لكني ما عمري دخلت للطعووووس
كنت اوقف عند طعوووس التحدي في الثمامه ونتفرج على اللي يطعسوون
حتى بعد ما اشتريت الجيب تشوفوني اوقف تحت مع انه معي جيب :D واللي معي في السياره ازعجوووني (ياللي ما تعرف تسوووق, عطني الموتر وتعلم مني!!!!!!, ياااا غشيم, ياااا دب, شف اللي يطعس بالكورولا يا راعي اللاند كروزر, الخخخخخخخخ من الاهاناااات :D )

المهم ابي اعرف كيف ادخل بالجيب للطعوس مثل العاااالم وكيف اصير اقدر اطلع للطعوس التحدي حق ابو الثمامه؟؟؟؟؟؟؟ :D


وعندكم هذي الاسئله لاني لو قعدت اتكلم والله اللي جبت لكم الهم والضغط والقلب والسكر الخخخخخخخخخخخخخخ

1: هل جيب اللاندكروزر مستوااااه وسواقته في البر سهله او لا؟؟ لانه بعض الجيووووب مثل ما نسمع انها بس شكل واسم اما التصميم والا القوه والا المواصفات الخخخخخخ موش كويسه يعني

2: اذا رحت ادخل في التغاريز :D هل استخدم الدبل او لا؟ :D

3: في الدبل فيه ثلاثة وضعيات او اشياء اللي هي H و N و L اوكي؟ اللحين وش تعريف كل حرف؟؟ وايش وظيفة كل حرف؟؟ ومتى استخدم كل حرف؟؟ :D

ايه ويقولووون انه اذا استخدمت الدبل في الطرق الممهده راح تنقز فيا السياره ويمكن تنقلب!!!!!! هذا على كلااام واااحد من الشباااااااب

4: فيه عند القير زرين مادري وش هم؟؟ وايش وظيفتهم؟؟ ومتى استخدم كل واحد منهم؟؟ اللي هم PWR و 2nd

5: هل التطعيس يأثر على السياره من اي ناحيه؟ اذا التطعيس يأثر على السياره من اي ناحية ياليت تذكرونها لي؟؟ يعني مثلا الكفراات هل تستهلك بشكل كبير يعني انا مادري

امممممم مادري ما عندي استفساارااات ثانيه لكن اذا عندكم اي نصااايح الخخخخ لااا تبخلوون عليا فيها :)

احمد

هلا وعليكم السلام


راح اجاوب عليك وياليت اي خطأ يصححه لنا الاخوان ..

اقتباس:

---

1: هل جيب اللاندكروزر مستوااااه وسواقته في البر سهله او لا؟؟ لانه بعض الجيووووب مثل ما نسمع انها بس شكل واسم اما التصميم والا القوه والا المواصفات الخخخخخخ موش كويسه

---

الاندكروزر قوية سمعته ولكن لااستطيع ان احكم عليه وانا ليس لدي الخبرة الكافيه فيه ..

اقتباس:

---

2: اذا رحت ادخل في التغاريز هل استخدم الدبل او لا؟

---

لاتستعمل الدبل على طول.. عزم المكينه يكفي دام ان الموتر زين .. لابلشت وحسيت انك ماتقدر تطلع استخدم الدبل ..

اقتباس:

---

3: في الدبل فيه ثلاثة وضعيات او اشياء اللي هي H و N و L اوكي؟ اللحين وش تعريف كل حرف؟؟ وايش وظيفة كل حرف؟؟ ومتى استخدم كل حرف؟؟

---

H = High
L = Low
N = غير معشق
وراح تلقي بالدبل كذا
L2 = دبل خفيف دفع ثنائي
L4 = دبل خفيف دفع رباعي العجلات
-----
H2 = دبل ثقيل دفع ثنائي
H4 = دبل نقيل دفع رباعي

بس انتبه تسرع فوق 8 ثمانية ( ثمانية وليس ثمانين ) وانت معشق دبل H ..

اقتباس:

---

ايه ويقولووون انه اذا استخدمت الدبل في الطرق الممهده راح تنقز فيا السياره ويمكن تنقلب!!!!!! هذا على كلااام واااحد من الشباااااااب

---

انصحك ماتجرب .. يمكن هو يقصد اذا كنت مقفل الدفرنس ومشيت بسرعه ولفيت اي لفه اكيد راح تنقلب ..

اقتباس:

---

: فيه عند القير زرين مادري وش هم؟؟ وايش وظيفتهم؟؟ ومتى استخدم كل واحد منهم؟؟ اللي هم PWR و 2nd

---

ماعرفه بس يمكن زر الهزاز ..

اقتباس:

---

5: هل التطعيس يأثر على السياره من اي ناحيه؟ اذا التطعيس يأثر على السياره من اي ناحية ياليت تذكرونها لي؟؟ يعني مثلا الكفراات هل تستهلك بشكل كبير يعني انا مادري

---

مادري عن هالنقطة بس اكيد راح ينعدم اي شيء اذا استخدمته غلط مثل الدبل اذا استخدمته غلط او اذا عطيته فوق قوته راح ينكسر

وانصحك اذا تبي تروح للنفود وتطعس لاول مره لاتروح لوحدك .. رح انت وواحد من اصحابك( اللى تمون عليهم ) علشان لما تبلش فيها يكون عندك من يساعدك

والله اعلم ..

انا ما ابي اكدر عليك بس شوف هذا الفلم

وراح تحب التطعيس مضبوووووووووط

http://beta.yousendit.com/transfer.p...256060f967c372

الفلم حجمه شوي كبير بس والله يستحق التحميل

تبي اعطيك دورة :rolleyes:
المهم باعلمك اشياء ضرورية مع اني مني محترف بس خبرة ماعليها وتجارب مرة :p

نسم الكفرات ولا تقول معي جيب ومدري وشو نسم عشان تريح الموتر خلها مثلا 20 وحتى لو اقل عادي وانت طالع عبها مرة ثانية ب5ريال :)

وانت تسوق لا تسرع مرة وخلك واثق من نفسك ولا تضرب فرامل ترى تتورط على طول

اذا حسيت السيارة ثقلت في الرملة حرك الدركسون يمين ويسار :con2:

زي ماقلت فوق لا تسرع وانتبه من السيوف لانك ممكن تتفاجأ فيها وانتبه تنزل منها اذا منت عارف كيف او ما معك احد يوجهك يبغالها تتدريب شوية :nice:

الدبل انصحك تشغله على الخفيف ولو ماشغلته عادي لان السيارة قوية ماشاء الله :nice:

انتبه من حقين الدبابات :anger2:

اذا غرزت وطاح الفاس بالراس لا تقعد تدعس بنزين بقوة ترا تغرز زيادة عشان كذا هد اعصابك وانزل وبرح للكفرات شوي ثم ادعس على خفيف دعسات متتالية يعني كنك تهز السيارة وبتطلع ان شاء الله او خل احد يدف معك اذا هي متعلقة مثلا :cool:

وهذي صورة من ارشيفي :shy:

يارجال وش تبي تطعس على لاند كروزر جديد

اذا فيك مزاج تطعس رح استاجر لك ربع ولا

شاص قير عايدي وجلس طعس به اللين تدوخ

وراس مالها 200 ريال في اليوم ولاتنكسر

قير موترك او ينحاس معك الدبل وخصوصأ

انك منت براعي تطعيس ومقامز

والله يعين

سهل تطعيس مايبي لـه شىء


تعال اركب معي بالجيب الشيروكي حقى

هههههههههههههههه قسمن لأطير مخك


<---مهبول تطعيس

لاأنصحك به بما إنك مبتدأ...


واول حاجه وضروريه الكفرات ماتكون صلبه يعني نسم لها علشان تفحج وتمشي بالغراز..وماتستخدم الدبل اذا نسمت لها..

أخوي الشباب ماقصرو معك


اهم شي لاترتبك وخلك هادي وواثق :D

انتبه لاتروح لثمامة على طول دامك جديد في التطعيس لأنها دايم زحمة :nice:

رح لطريق نساح للمحلية تعلم ولاتبعد من الخط انتبه :)




تمنياتي لك بتطعيس ممتع وسعيد

الاخوان ماقصروا معاك ,, بس لين تبي تطعس خذ لك سنّه ,, ولين انت تطعس شوي دوس عشان موترك مايخثر ,, وتمنياتي لك بتطعيس ممتع وسعيد :D

كلام الدوسري مظبوط وشكله راعي تطعيس لأني مرة شفت صور في موقعه للباثفندر في البر .. :D

END

اقتباس:

---

لاتستعمل الدبل على طول.. عزم المكينه يكفي دام ان الموتر زين .. لابلشت وحسيت انك ماتقدر تطلع استخدم الدبل ..

---

والله شكلي ابغرز عند السياره اللي تبيع الفشار اللي قدام طعوس التحدي :D

اقتباس:

---

H = High
L = Low
N = غير معشق
وراح تلقي بالدبل كذا
L2 = دبل خفيف دفع ثنائي
L4 = دبل خفيف دفع رباعي العجلات
-----
H2 = دبل ثقيل دفع ثنائي
H4 = دبل نقيل دفع رباعي

بس انتبه تسرع فوق 8 ثمانية ( ثمانية وليس ثمانين ) وانت معشق دبل H ..

---

يقولون الواحد يقدر يسرع بالدبل الى سرعة 30 كيلو بالساعد كسرعه اقصى مو بس ثمانيه حسب كلام الشباب اللي شكلهم راح يجيبون في سيارتي العيد

وقالو لي انه حرف H مو بس للبر!!!!!!!!اقدر استخدمه في داخل المدينه يعني اذا كان فيه مطبه عاليه او رصيف عالي ابي ارقاااه :D او ميااااااه عاليه الخخخخخخ احطها على الاتش وترتفع السياره بارتفاع مدري كم

ونفس الشي لحرف L اقدر استخدمه في داخل المدينه اذا مثلا ابي اطلع اغراض للسياره او اطلع جدي والا جدتي للسياره احط على L وتنزل السياره تحت اشويه او اذا بغيت اطيح السياره اذا وقفتها عند اي اشاره في شارع التحليه مثلا :D او اذا وقفتها عند البيت وابي انزل احطها على L واطفي السياره وتكون السياره مهبطه :D واذا بغيت اشغل السياره هي بنفسها ترجع لوضعها الاصلي او انا ارجعها على N!!!!!!!! مادري الكلام هذا صح او الشبااااااب ناوين على سيارتي؟؟؟؟؟

اقتباس:

---

انصحك ماتجرب .. يمكن هو يقصد اذا كنت مقفل الدفرنس ومشيت بسرعه ولفيت اي لفه اكيد راح تنقلب ..

---

ايش هو الدفرنس؟؟؟؟؟؟؟ :D

اقتباس:

---

مادري عن هالنقطة بس اكيد راح ينعدم اي شيء اذا استخدمته غلط مثل الدبل اذا استخدمته غلط او اذا عطيته فوق قوته راح ينكسر

وانصحك اذا تبي تروح للنفود وتطعس لاول مره لاتروح لوحدك .. رح انت وواحد من اصحابك( اللى تمون عليهم ) علشان لما تبلش فيها يكون عندك من يساعدك

والله اعلم ..

---

والله من ناحية انه اخلي واحد من الشبااب يسوق سيارتي مستحيل :D لاسباب تتعلق بمحافظتي على سيارتي حتى في الوكاله اعلهم هناااك وما اخلي اي واحد يسوق سيارتي والا طبيت في بطنه :D

اما انه سياره تكون معي تسحبني اذا غرست والله اني مو متأكد منها وخااايف لانه قد مره شفت واحد معاه جيب مثل حقي غرس مع عايلته وجاه واحد من الشباااب يبي يفزع له ويسحبه وربط الحبل وفي الاخير شال وكسر صدام الرجاااال :D لووووووووووووووووووووووووووووووووووووووووول

أخوي العزيز أحمد ، إذا كنت بتروح تتطعس مرني أعطيك دوره ياشيخ اخليك تتحدى حقين الراليات
ههههههههههه

<< واثق

رح اشتر لك معيار ممتاز ونسم كفراتك واوزنهن على 15 واشبك الدبل الخفيف وابد تدلع على النفود وإذا غرز تعال عندي عشان آخذ منك المفاتيح :D

أهم شي أنتبه انك تتردد ولا تسمع كلام الي يقولك لف يمين ولا لف يسار أنت تعلم من نفسك ومن أخطائك والله يوفقك إن شاء الله

وبالنسبه للزرين هاذي

PWR على ما اضن يعطي تركيز القوه للمكينه
2nd يخلي التعشيقات طويله وهذا الي ينفع للنفود


ولد عمي معه هايلوكس 93 يتحدى بها أكبر الجيوب ، السالفه على السواق ;)
سميك أحمد :cool:

رح للقصيم بأم دبابه وشف وتعلم