الاتصال بنا



النتائج 1 إلى 10 من 10

الموضوع: حوار ساخر (انتخابات مصر سنه 2055) ادخل واضحك من قلبك

  1. #1
    عضو فعال
    تاريخ التسجيل
    Feb 2004
    المشاركات
    1,542

    حوار ساخر (انتخابات مصر سنه 2055) ادخل واضحك من قلبك



    الكلام مش مقصود بيه حاجه غير اننا نفرح واللى فى مصر سارى على الوطن العربى بلا استثناء علشان ماحدش يقول دى مصر لا سوريا والسعوديه والخليج بشكل عام وكله كله بلا استثناء يختلف فقط اسم الددوله من جمهوريه الى مملكه المهم اقروا وقولوا رايكم

    ملحوظهه من البدايه منقول

    انه في يوم 1 سبتمبر عام 2055 وقد اقتربت انتخابات مجلس الشعب(البني ادمين) الجديد دار هذا الحوار بين أب وابنه :-



    الابن : أريت جرايد النهارده يا بابا؟ مش الرئيس محمد مبارك أعلن في مؤتمر صحفي عن انطلاق الخطة الخمسينية الجديدة اللي هيستصلح فيها 10 مليار فدان زراعي ويبنى 150 مليون مصنع بكفاءة ، مصنع لكل مواطن وبذلك يكون وفر فرص عمل لجميع أفراد الشعب وأعلن أن ده برنامج الحزب الوطني في الانتخابات الجاية.



    الأب: ياه ، يا أبني ما تصدقش الكلام دة يا أبني ، دة كلام انتخابات.



    الابن: أزاى يا بابا ده اقسم بذلك أمام كل الناس .



    الأب: يا أبني سيبك من الكلام ده وخد الكلام منى أنا أدرى منك وافهم عنك في الحاجات دى ، يا ابني أنا مواليد القرن اللي فات يا أبني الكلام دة باسمعه من أيام أول انتخابات وعيت عليها سنة 2005 ...انتهت الانتخابات دى وكانت نتيجتها أن حوالي 100 عضو من المجلس الجديد كانوا من جماعة تسمى الأخوان المسلمين وبقيت المجلس كله كان من الحزب الوطني باستثناء 7 أعضاء من المعارضة اللي لغوها بعد كده .



    الابن: مين كان رئيس مجلس الشعب ده ؟



    الأب: كانوا بيقولوا انهم ناوين يعينوا واحد اسمه مصطفى الفقيه رئيسا لمجلس الشعب ساعتها بس ياعينى ملحقش لانه حصلته أزمة تزوير حادة نقلوه بسببها للمستشفى واحتاج نقل دم بسرعة ولما جم ينقلوله الدم كانت المفاجأة المدوية والاكتشاف العلمي الخطير وقتها إنهم اكتشفوا أن فصيلة دمه من نوع جديد اسمه (M) وهى اختصارMozawr) ) وكانت أول مرة يشوفوا النوع ده من الدم.



    الابن: وبعدين ؟



    الأب: كان في وقتها الريس ماشى جنب مجلس الشعب بالصدفة فقال لما ادخل اصبح عالناس الحلوة بتاعتنا اللي جوه . ولما دخل فوجئ بالمنظر الرهيب دة وهو أن 100 عضو من المجلس كانوا ناس مش عارفهم وقال الله مش ده المجلس بتاعى!! .وساعتها وقف في وسط مجلس الشعب وقال الكلام دة تهريج، لا يا عم مش لاعب فقرر انه يقفل مجلس الشعب ويلغيه وحوله سوبر ماركت كبير يخدم منطقة شارع مجلس الشعب سابقا والقصر العيني وسموا شارع مجلس الشعب بعد كدة شارع السوبر ماركت



    الابن: طب وعمل إيه في الدستور ؟



    الأب: ما هو علشان ما يدايقش الدستور أسس مجلس جديد سماه مجلس البنيأدمين مكون من 100 عضو : 70 عضو بالتعين منه شخصيا و 27 عضو بالتزوير والثلاث أعضاء الباقين يقسمون كالتالي : نصف عضو من القاهرة ، نصف عضو من الجيزة ، نصف عضو من الاسكندريه ، نصف عضو من محافظات البحر الأحمر، نصف عضو من الصعيد ، نصف عضو من بره مصر وعلشان برضه يحكيلنا إيه اللي بيحصل بره.



    الابن: طب ومدة المجلس ده كام سنة ؟



    الأب: 50 سنة



    الابن : طب والكلام دة مادايقش الأمم المتحدة ؟



    الأب: طبعا دايقهم بابني .



    الابن: طب وعملوا إيه ؟



    الأب: بدأت أمريكا تفتح ملفات التلكيك وبخاصة أنها كانت مجهزة ملف لمصر عشان تقدمه لمجلس الأمن عشان يفرضوا عقوبات على مصر زي ما عملوا مع إيران في ملفها النووي



    الابن : وايه هو الملف دة يا بابا؟



    الأب: الملف الزراعي ياحبيبى .



    الابن : طب وده كان ماله بالعقوبات ؟



    الأب: أصلهم اكتشفوا أن في مصر شخص إرهابي كبير اسمه يوسف وال كان بينفذ مخطط بأنه يحول الشعب المصري لشعب نووي عن طريق تغذية الشعب بطعام مشع من اللي بيتزرع في مصر .



    الابن : طب وعملوا يه في يوسف والى دة يا بابا؟



    الأب: اعدموه في ميدان عام بأنهم مشيوا علية بدبابة



    الابن : يعنى إيه دبابة يا بابا؟



    الأب: دى آله عسكرية تستخدم في الحرب وكان عندنا منها في مصر قبل ما أمريكا الله يسامحها بقى تأمم الجيش المصري وتصادرة بعد هذه الأحداث و احتلت أمريكا مصر في عام 2008



    الابن : طب والاحتلال دة استمر كام سنة؟



    الأب: استمر 75 يوم يا ابني.



    الابن: ياه ده على كدة بقى المصريين دول كانوا جمدين آوي ساعتها.



    الأب: الحكاية مش ذي ما أنتا فاكر ياابني.... الحكاية أن بعد احتلال أمريكا لمصر بشهر وبعد ما رجع الظباط الأمريكان في إجازات لأمريكا بدأ يظهر تأثرهم بالحياة في مصر على المجتمع الأمريكي فبدا يظهر تيارات وأحزاب في أمريكا تطالب بتقنين الرشوة وتطالب بتفعيل قانون الإكرامية والفهلوة لما وجدوا أن الحكاية وصلت لكده قرروا فورا الانسحاب من مصر



    الابن: طب والريس كان فين ساعتها ؟



    الأب: الريس ساعتها اخذ الكرسي وهرب والحكاية دى عملت أزمة سياسية خطيرة في العالم خلت شعوب العالم تتنبه للحركة دى وقرروا لزق كراسي الحكم بتاعتهم في ارض القصر الجمهوري أو الملكي في هذه البلاد....و فضلت مصر من غير حاكم ولا كرسى للحكم وده خلى أمريكا ما تعرفش تعمل في مصر زي ما عملت في العراق بأنها تجيب حاكم جديد بعد هروب صدام لان الريس خد كرسى الحكم معاة فالحاكم الجديد مش هيلاقى كرسى يقعد علية



    الابن : وبعدين ؟



    الأب: بعد محاولات مستميتة من الأمم المتحدة استطاعوا أن يقنعوا الريس بأنه يرجع للحكم علشان يمنعوا الفوضى في المنطقة ومن ساعتها الريس ومجلس البنيأدمين بتاعه هما اللي بيحكموا مصر.



    الابن: وايه اللي حصل في مجلس البنيأدمين ده ؟



    الأب: مارس المجلس مهامه من سرقة ونصب واحتيال على الشعب المصرى الغلبان وتعاقب عليه اكثر من رئيس أشهرهم احمد محمد احمد فتحي سرور، واحمد محمد كمال الشاذلي واحمد محمد صفوت الشريف.



    الابن: طب وأنت إيه رأيك في اللي بيحصل واللي حصل ده ؟



    الأب: يا أبني اللي نعرفة احسن من اللي مانعرفوش وربنا يخلى مصر لمبارك.





    __________________
    إسلام ابراهيم - دعم فنى
    شركه الانترنت المتقدمه - المنصوره - مصر
    شركه ابداع للدعايه والاعلان - الخرج - السعوديه
    arabiancoder [@] htomail.com


  2. #2
    عضو نشيط
    تاريخ التسجيل
    Nov 2005
    المشاركات
    167


    رائعه اخي
    الله الستعان






  3. #3
    عضو نشيط
    تاريخ التسجيل
    Aug 2004
    المشاركات
    127


    جميل جدا ...





    __________________
    مؤسسة برود وي لخدمات و حلول الانترنت و الكمبيوتر

    دولة الكويت - منطقة الفروانية - شارع حبيب مناور
    مجمع العربيد بلازا - الطابق الثالث - مقابل المعهد الآثري

    تلفون المكتب : 4762594
    www.BroadWN.net

  4. #4

    تاريخ التسجيل
    Jun 2006
    المشاركات
    1,370


    انه في يوم 1 سبتمبر عام 2055 وقد اقتربت انتخابات مجلس الشعب(البني ادمين) الجديد دار هذا الحوار بين أب وابنه :-
    هو حسني مبارك حيفضل عايش لسنة 2055 :looking: :looking:

    لاحول ولاقوة الا بالله مع هل بلوه





    __________________
    @_@

  5. #5
    عضو نشيط
    تاريخ التسجيل
    Oct 2003
    المشاركات
    280


    والله باين الراجل ده مش هيموت
    الواحد بس نفسه يسمع مصطلح " الرئيس السابق " في اي بلد عربي





    __________________
    سبحان الله وبحمده سبحان الله العظيم

    العضوية يستخدمها اكثر من شخص
    Nabeel A. Galal
    Hawk Eye
    nabeel.galal AT hotmail.com

  6. #6
    عضو نشيط
    تاريخ التسجيل
    Jan 2005
    المشاركات
    258


    شباب رجاءً هدَوا اللعب شوية

    كلنا عندنا كلام نفسنا نقوله ولكن حفاظاً على الغلبانة سوالف سوفتس





    __________________
    || ديجي توث ||
    ||DigiTooth.com||

  7. #7
    عضو نشيط
    تاريخ التسجيل
    Apr 2001
    المشاركات
    260

  8. #8
    عضو نشيط
    تاريخ التسجيل
    Apr 2004
    المشاركات
    281


    اقتباس المشاركة الأصلية كتبت بواسطة Moh@Mmed
    شباب رجاءً هدَوا اللعب شوية

    كلنا عندنا كلام نفسنا نقوله ولكن حفاظاً على الغلبانة سوالف سوفتس
    ميه ميه كلامك ياباشا :nice:






  9. #9
    عضو نشيط
    تاريخ التسجيل
    Jul 2001
    المشاركات
    209


    اقتباس المشاركة الأصلية كتبت بواسطة hawkeye
    والله باين الراجل ده مش هيموت
    الواحد بس نفسه يسمع مصطلح " الرئيس السابق " في اي بلد عربي

    عندك لبنان






  10. #10
    عضو فعال
    تاريخ التسجيل
    Aug 2004
    المشاركات
    1,354


    اقتباس المشاركة الأصلية كتبت بواسطة arabiancoder


    الابن: مين كان رئيس مجلس الشعب ده ؟






    الأب: بدأت أمريكا تفتح ملفات التلكيك وبخاصة أنها كانت مجهزة ملف لمصر عشان تقدمه لمجلس الأمن عشان يفرضوا عقوبات على مصر زي ما عملوا مع إيران في ملفها النووي



    الابن : وايه هو الملف دة يا بابا؟



    الأب: الملف الزراعي ياحبيبى .



    الابن : طب وده كان ماله بالعقوبات ؟



    الأب: أصلهم اكتشفوا أن في مصر شخص إرهابي كبير اسمه يوسف وال كان بينفذ مخطط بأنه يحول الشعب المصري لشعب نووي عن طريق تغذية الشعب بطعام مشع من اللي بيتزرع في مصر .



    الابن : طب وعملوا يه في يوسف والى دة يا بابا؟



    الأب: اعدموه في ميدان عام بأنهم مشيوا علية بدبابة



    الابن : يعنى إيه دبابة يا بابا؟



    الأب: دى آله عسكرية تستخدم في الحرب وكان عندنا منها في مصر قبل ما أمريكا الله يسامحها بقى تأمم الجيش المصري وتصادرة بعد هذه الأحداث و احتلت أمريكا مصر في عام 2008



    .

    والله ياريت يحصل كده لوالى وينخرب بيته كمان وكمان مش كفايه المواد المشعه اللى بالزراعه والمواد المسرطنه والماء الغيرصالح للاستهلاك الادمى بعصره ويارب القضاء يحكم عليه وهو محبوس الان بالاعدام رميا بالرصاص مش شنقا :court:










ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0