الاتصال بنا



صفحة 1 من 2 12 الأخيرةالأخيرة
النتائج 1 إلى 15 من 16

الموضوع: مشروع رأيكم يهمني فيه

  1. #1
    عضو فعال
    تاريخ التسجيل
    Jun 2001
    المشاركات
    1,410

    مشروع رأيكم يهمني فيه



    ايه الاخوة الكرام ماهو توقعكم لمشروع شجعني عليه احد الاخوة وهو ليس عنده عنه اية خلفية

    المهم المشروع او تاجير دبابات يعني يقولي ابتاع لك خمسة دبابات ثم اعرضها للتاجير

    وانا صراحة اجهل هذا المشروع وانا ماحب ان ادخل في مشاريع اجهلها

    ماهو توقعكم لمثل هذا المشروع وهل لها مشاكل وهل الدبابات كثيرة العطل ؟

    امل ان تشاركوني بماعندكم من الخبرة والخلفية في مثل هذه المشاريع







  2. #2
    عضو نشيط
    تاريخ التسجيل
    Jan 2005
    المشاركات
    258


    ما ادري اخوي وش تقصد بالدبابات:
    هل دبابات بحرية (جت سكي )
    او دبابات برية اربع كفرات في اماكن سياحية على الشطئ مثلا

    بالنسبة للأول اللي هو الدبابات البحرية فكرت فيه قبل فترة وسويتله دراسة جدوى باكثر من طريقة وكان المشروع ناجح 100 % ولكن يحتاج راس مال حوالي 300 الف ريال سعودي علما ان ايجار ساعة دبابات البحر في خارج المواسم تكون بين 500 الى 800 ريال اما في المواسم مثل الصيف تكون بين 600 - 1500 ريال

    الثاني اعتقد انه ناجح ولكن وممتاز وتكلفته اقل من الاول بكثير ومرغوب بشرط تختار مكان مناسب





    __________________
    || ديجي توث ||
    ||DigiTooth.com||

  3. #3
    عضو فعال
    تاريخ التسجيل
    Jun 2001
    المشاركات
    1,410


    اشكرك اخي الكريم على ماقدمت

    ولم نزل بحاجة الى أراء باقي الاخوة الكرام






  4. #4
    عضو نشيط جدا
    تاريخ التسجيل
    Jun 2005
    المشاركات
    520


    المشروع ناجح .. واذا كنت من قطر تقدر تسوي هالمشروع في سيلين .. وان شاء الله ينجح ..





    __________________
    لا اله الا الله محمد رسول الله

    ----------
    شركة قطر هوست
    www.Qatarhost.com

    شركة قطرية رسمية بسجل تجاري في دولة قطر

    للمراسلة : billing@qatarhost.com

  5. #5


    الي اعرفه موسمهم بالربيع

    بس لو حصل لأحد شيء جراء ركوب الي تسمونه دباب بيكون دمه برقبتك

    أقول افتك منه احسن لك

    شوف مشروع احسن





    __________________
    فريق مصممين الإبداع [إستضافة - برمجة - تصميم - تطوير]

    www.cr-d.com
    www.cr-d.org
    www.cr-d.biz
    www.cr-d.info
    www.cr-d.ws
    www.cr-d.net الدعم الفني

    غيرهم ليس لنا

    المسنجر Support@cr-d.com

  6. #6
    عضو فعال
    تاريخ التسجيل
    Jun 2001
    المشاركات
    1,410


    خوفتني يابو تركي ايش هذا الكلام انا ايش دخلي اذا كان الانسان متهور


    على العموم نستمع لرأي باقي الاخوة الكرام






  7. #7
    عضو سوبر نشيط
    تاريخ التسجيل
    Mar 2003
    المشاركات
    755


    يأخي مشروع الدبابات البرية مربح وان شاء الله لن تكون هناك خسارهـ


    بس أهم شي تنقص من سرعة الدبابات للحفاظ على سلامة المستخدمين



    تحياتي لك






  8. #8
    عضو فعال جدا
    تاريخ التسجيل
    Nov 2003
    المشاركات
    2,439


    شف انا بقولك رأيي الشخص عن تجربه

    قد تشاركنا انا وصديق لي

    شرينا تقريباَ 12 دباب منوعه من حجم 90الى 150 وشرينا وكاله

    صراحه الشغله مربحه جداَ اذا كانت بالبر بمكشات عوائل

    لكن بنفس الوقت مو زينه وزينه ...

    زينه بربحها كويس والحمدلله خلال شهرين طلعت حقهم وزياده

    مو زينه مثلاَ لو ورع قلب بالدباب بتكون انت المسؤل اذا انت أستاجرت له

    لازم يكون اب او اخ كبير علشان تقدر تتسأجر للطفل هذا اولاَ

    ثانياَ خرابات الدبابات الكثيره مافي اي خرابات الا على حسب النوع

    مثلاَ في نوع ينقاله الهنوف ممتاز جداَ وفي انواع كثيره طبعا الانواع الي كانت عندي هي من نوع بانشي احجام صغيره لكن مب غيار عادي ... توماتيك

    طبعاَ لازم تكون فاهم بخراباته وكذا

    الخرابات الدايمه >> تصفيه>>رقع الكفرات

    التصفيه سهله والرقع كذلك لكن تحتاج لعده معينه

    ولو تروح لمحل تصليح ياخذ عليك بالتصفيه لكل دباب 3دنانير كويتي والرقع كذلك سعره غالي شوي

    يعني لو تتعلم هالشغلتين وطريقة ربط سلفه او تشغيله من زر داخلي بكذا تكون تمام بالشغل

    وصراحه انا الحمدلله بعد ماربحت بهم لمدة سنتين وبعتهم بأسعار رخيصه جداَََ

    وقبل كم يوم قد ذكر لي شخص في دبابات مستعمله عن عائله (حضريه مب بدويه)وللبيع
    طبعاَ الحضر قليل مكشاتهم يعني لو تروح تسوم الدباب بأي سعر يبيعه لك

    وشف موسم الدبابات احسنهم الاعياد
    يعني كل عيد تصف لك كل 4دبابات بحي بمكان براحه كبيره ... بتشوف العيال كلهم عندك..

    والله كنت اطلع حق الدبابات بكل عيد وزياده والحمدلله طبعا من اول يوم العيد الى ثالث يوم عقب اوديهم للبر بالمخيم اصفهم قدامه والحمدلله ماكانو يصفطون اقل من نصف ساعه يعني الحمدلله 24ساعه مستأجرين
    وكنت اكثر شي استأجره للاطفال العوائل لانه استخدام الاطفال غير الشباب

    الشباب من ياخذه مايرجعه لك صاحي الا وبه خراب .. يعني مانصحك بهم الاولويه للعوائل والاطفال

    مع ذلك كان اكثر من 200دباب صافه بجنب مخيمي للأستأجار والحمدلله الشغل ماشي تمام وفي شخص ينزل السوق وفي شخص يرفع والحمدلله على كل حال
    وابد جب لك بنغالي يفهم بعد جبه من اي محل تصليح قله دبر لي موظف يفهم وكذا بالدبابات وعطه لو انه الف ريال شهري لانه بيفيدك بكل عطل

    ادري كثرت عليك بالكلام وكان ودي اكمل واكمل ووالخ لكن بثقل عليك ..

    اتمنى اني افدتك بالمشروع عدل





    __________________
    سئل أحد الحكماء : أي عز يكون بالذل متصلاً ، فقال العز في خدمة السلطان

    -
    محب الله ورسوله
    شخص احببته فالله واحترمه واتمتع بمشاهدة مشاركاته , كذلك أنصحك إنت بعد تبحث عن مشاركاته ..

  9. #9
    عضو فعال
    تاريخ التسجيل
    Jun 2001
    المشاركات
    1,410


    حبيبي تح تح والله انك روعة ارجوك كمل الموضوع بكل صغيرة وكبيرة لم تذكرها قبل ما اقدم على هذا المشروع


    ارجوك اوضح لي كل شئ وبعدين كم كنت تجر الدباب يعني هل فيه فرق في السعر في الاعياد عن غيرها

    امل ان توضح لي الكثير بارك الله فيك ووفقك لما يحب وبرضى


    بنتظارك ياخوك






  10. #10
    عضو فعال جدا
    تاريخ التسجيل
    Nov 2003
    المشاركات
    2,439


    أفضل انك انت تسألني افضل وانا اجاوبك لانه ردي الي فوق به توضيح شبه شامل

    بخصوص الاسعار

    بالاعياد لاتستأجر ساعات نهائياَ .. خل استأجارك بالعيد نظام فرات

    مثلاَ تحط كفر بعد 150متر تقريباَ وتقوله يروح يفر عليه ويرجع بـــ على حسب عملتكم انا احسبها بالكويتي ربع دينار


    اما اسعار الساعات اذا عند المخيم تبعي ابدأ فيها من ثلاث دنانير

    لكن اذا طلعت برا يعني رحت اخذتها وحركتها عند العوائل والوراعين وكذا اوصل السعر ل5دنانير

    اي سؤال انا حاضر انت أسال وبجاوبك





    __________________
    سئل أحد الحكماء : أي عز يكون بالذل متصلاً ، فقال العز في خدمة السلطان

    -
    محب الله ورسوله
    شخص احببته فالله واحترمه واتمتع بمشاهدة مشاركاته , كذلك أنصحك إنت بعد تبحث عن مشاركاته ..

  11. #11
    عضو فعال
    تاريخ التسجيل
    Jun 2001
    المشاركات
    1,410


    اشكرك اخي الكريم على ماقدمت لأخيك

    اخي الكريم ماهي افضل نوع يعني فيه نوع اسمه ياماها وفيه نوع اسمه سزوكي وفيه انواع اخرى المهم كلها يابانيات

    ماهو النوع قليل المشاكل وقليل العطل

    وكم يعمر الواحد منها عندك يعني هل ممكن الواحد منها ان يعمر عندي سنتين اذا سار يوجر كل يوم اقصد العمر الافراضي

    وهل تؤيد ان الواحد يشتري جديد ولا مستعمل نضيف

    وكمهي اسعارها في الكويت اقصد الجديد والمستعمل

    وهل الافضل ان اخذ الكبار التي يستاجرونها الشباب الكبار التي اعمارهم في العشرينات او اني اخذ الصغار خمسين سي سي يعني ماهو الذي يمشي فيها اكثر هل هي الصغار او الكبار

    اشكرك اخي الكريم على المساعدة بيض الله وجهك






  12. #12
    عضو فعال جدا
    تاريخ التسجيل
    Nov 2003
    المشاركات
    2,439


    اخي الكريم ماهي افضل نوع يعني فيه نوع اسمه ياماها وفيه نوع اسمه سزوكي وفيه انواع اخرى المهم كلها يابانيات

    الانواع كثيره وياماها زين وفي نوع اسمه الهنوف ممتاز جداَ .. بخصوص الخرابات بتحصلها بكل الانواع ... لانه الخراب يجي على حسب الاستعمال ..


    وكم يعمر الواحد منها عندك يعني هل ممكن الواحد منها ان يعمر عندي سنتين اذا سار يوجر كل يوم اقصد العمر الافراضي

    شف انا استعمالي كنت متعبهم كثير لانه بعد ماخلص استأجار بعد ماتغيب الشمس اوديها لمخيم العائله واخلي الوارعين يلعبون

    يعني كنت محللهم هههههه ... بخصوص المده بيجلسن معك فتره لكن على حسب الاستعمال

    وهل تؤيد ان الواحد يشتري جديد ولا مستعمل نضيف
    اذا تبي نصيحتي اذا تبي تستخدمهم للاستأجار خذ لك مستعمل ... لانه بتطلع حقه ودبله بسرعه
    اما الجديد بيجي سعره غالي وصعب تطلع حقه بسرعه ... والجديد يصلح للعائلتك كذا مايصلح للاستاجار

    وكم هي اسعارها في الكويت اقصد الجديد والمستعمل ؟
    شف الجديد غالي غالي جداَ .. والمستعمل رخيص بالصيف اما بالشتاء غالي بعد
    مثلاَ انا قبل شهر تقريباَ انعرضو علي اكثر من دباب حجم 90 على 70 و80 دينار كويتي يعني الف ريال
    واذا تبي تاخذ خذ من هالحين قبل الموسم .. لانه هالحين قربت المدارس والكل يبي يبيعهم بعد

    وهل الافضل ان اخذ الكبار التي يستاجرونها الشباب الكبار التي اعمارهم في العشرينات او اني اخذ الصغار خمسين سي سي يعني ماهو الذي يمشي فيها اكثر هل هي الصغار او الكبار ؟

    شف خذ لك 50 مطور يعني يجي حجمه كبير مو صغير مررره

    وخذ لك 90 و100 هذي الاحجام المناسبه للاطفال

    أشكرك اخي الكريم على المساعدة بيض الله وجهك

    العفو عزيزي وتحت خدمتك





    __________________
    سئل أحد الحكماء : أي عز يكون بالذل متصلاً ، فقال العز في خدمة السلطان

    -
    محب الله ورسوله
    شخص احببته فالله واحترمه واتمتع بمشاهدة مشاركاته , كذلك أنصحك إنت بعد تبحث عن مشاركاته ..

  13. #13
    عضو فعال
    تاريخ التسجيل
    Jun 2001
    المشاركات
    1,410


    اشكرك اخي الكريم على هذا الجهد الرائع بارك الله فيك


    اخي الكريم هل عندكم سوق للدبابات المستعملة

    يعني هل ممكن اني اجد دبابات مستعملة نضيفة بسعر معقول في الكويت


    يعني كيف اقدر احصلها في الكويت ؟






  14. #14
    عضو فعال جدا
    تاريخ التسجيل
    Nov 2003
    المشاركات
    2,439


    اقتباس المشاركة الأصلية كتبت بواسطة Al7addi
    اشكرك اخي الكريم على هذا الجهد الرائع بارك الله فيك


    اخي الكريم هل عندكم سوق للدبابات المستعملة

    يعني هل ممكن اني اجد دبابات مستعملة نضيفة بسعر معقول في الكويت


    يعني كيف اقدر احصلها في الكويت ؟
    صراحه الاسواق هي نفسها محلات التصليح

    لكن هالحين بدا يترفع السعر مررره


    ماقلت لي انت اي بلد؟





    __________________
    سئل أحد الحكماء : أي عز يكون بالذل متصلاً ، فقال العز في خدمة السلطان

    -
    محب الله ورسوله
    شخص احببته فالله واحترمه واتمتع بمشاهدة مشاركاته , كذلك أنصحك إنت بعد تبحث عن مشاركاته ..

  15. #15
    عضو فعال
    تاريخ التسجيل
    Jun 2001
    المشاركات
    1,410


    انا من قطر اخي الكريم


    بارك الله فيك اخي الكريم ووفقك في الدنيا وفي الاخرة






صفحة 1 من 2 12 الأخيرةالأخيرة




ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0