الاتصال بنا



صفحة 1 من 2 12 الأخيرةالأخيرة
النتائج 1 إلى 15 من 17

الموضوع: استشارة حول شراء محمول ... لاتبخلون علينا ياخوان

  1. #1
    عضو سوبر نشيط
    تاريخ التسجيل
    Feb 2003
    المشاركات
    680

    استشارة حول شراء محمول ... لاتبخلون علينا ياخوان



    بسم الله الرحمن الرحيم

    السلام عليكم ورحمة الله وبركاته

    نويت اشتري جهاز محمول وفلوسي 3000 ريال سعودي

    ماهو الجهاز المناسب ؟

    اشيروا علي ياخوان

    وشكرا لكم





    __________________
    [CENTER]
    لا شئ اعجب في الآنام من بشر
    يـرجو الـخـلائـق والخـلاق مـوجــود
    ____________________
    منتديات شبكة الرس الأولى
    www.alrs1.com/vb

    اضف موقعك الى الدليل
    www.alrs1.com/links


  2. #2
    عضو فعال
    تاريخ التسجيل
    May 2006
    المشاركات
    1,477


    وأنا ايضاً ناوي اشتري وانا اخوكـ والحمد لله انكـ كتبة موضوع وريحتني

    بالنسبه لكـ مادام افلوسكـ توصل 3000 زد عليها شوي وطق لكـ DLLE وريح راسكـ

    بالنسبة لجهاز اللي ابه انا وشار علي وحد من الشاب فيه هو HP
    وهذا اسم المنتج hp pavilion centrino Duo
    قيمة 6000 ريال مع كرت شاشة برام مستقله غير رام الجهاز

    ابي رايكم بعد في هذا الجهاز وخاصه انه مخصص لجرافكس وابي من واقع تجربه هل هو افضل ولا فيه افضل منه
    وسعره حول هذا





    __________________
    استمع واشكرني

  3. #3
    عضو سوبر نشيط
    تاريخ التسجيل
    Feb 2003
    المشاركات
    680


    اخوي هاجس ليل

    ماعرف جهاز اسمه DLLE يمكن قصدك DELL

    لاتشره علي ياخوي تراي عليمي بالاجهزة

    طيب وش رايك بالتوشيبا

    وشكرا لك





    __________________
    [CENTER]
    لا شئ اعجب في الآنام من بشر
    يـرجو الـخـلائـق والخـلاق مـوجــود
    ____________________
    منتديات شبكة الرس الأولى
    www.alrs1.com/vb

    اضف موقعك الى الدليل
    www.alrs1.com/links

  4. #4
    عضو فعال
    تاريخ التسجيل
    May 2006
    المشاركات
    1,477


    هو حولكـ حواليكـ مارحت بيعد
    لكن من حيث الجودة في الاسمع عنه ومن شخص قريب يمدحه بالحيل
    حتى انا مافهم فيها زين .. ولا ليش حاط رد في موضوعكـ





    __________________
    استمع واشكرني

  5. #5
    عضو نشيط جدا
    تاريخ التسجيل
    Nov 2005
    المشاركات
    305
    __________________
    ألا كلُّ شيءٍ ما خلا اللهَ باطِلُ .... وكلُّ نعيم لا محالةَ زائلُ

  6. #6
    عضو سوبر نشيط
    تاريخ التسجيل
    Jun 2004
    المشاركات
    723


    Toshiba
    إذا كنت تبغى جهاز تعتمد عليه إعتماد كلي لكن عيبه الحجم والوزن، وممكن تلقى جهاز رائع بزيادة 500 ريال أو 1000

    Sony
    إذا كنت تبغى جهاز كشخة لكن عيبه الغلا، ولا تكفي 3000 ريال له





    __________________
    سبحان الله وبحمده---سبحان الله العظيم
    برامج عربية:
    البوابة العربية
    المدونه العربيه
    MySmartBB

  7. #7
    عضو فعال
    تاريخ التسجيل
    May 2006
    المشاركات
    1,477


    طيب اوخوي Suliman1
    لوبغيت جهاز توشيبا وكل المواصفات تكون ممتازه ومناسبه لكل مصمم
    ماذا تنصحني فيه وكم السعر المفروض له





    __________________
    استمع واشكرني

  8. #8
    عضو نشيط
    تاريخ التسجيل
    Sep 2006
    المشاركات
    34


    انا انصحك بالدل وانا خوك سعر مناسب ومواصفاات خيالية

    وقيمته ماتتاثر مثل غيره ويتحمل اسال مجرب






  9. #9


    اخي الكريم ما قلتلنا ايش هي استخداماتك عشان نعرف اي لابتوب يناسبك اكثر ..

    عالعموم , اذا كانت استخداماتك بسيطه , فأي لابتوب جديد من توشيبا او HP راح يكون مناسب , وانا افضل هالشركتين على DELL خصوصا بعد مشكله البطاريات اللي تنفجر فيهم .. فأنصح بـ HP Pavilion أو Toshiba Satellite

    واذا كانت استخداماتك قويه , وتشتغل في برامج 3d أو تلعب Games عاللابتوب فأخذ لابتوب بكرت شاشه مفصول Dedicated .. واهم شي يكون المعالج ايضا جديد Core Duo او Core 2 Duo اذا كان موجود .. اما اذا كانت اهتماماتك بعمر البطاريه وماتشتغل على برامج 3d فأي كرت Integrated راح يمشي الحال , حتى لو تستخدم الفوتوشوب .. لأنه برنامج 2d.

    ماحبيت ادخل بالتفاصيل وايد , واذا عندك اي سؤال لا تتردد .. وانصحك تروح مكتبه جرير او اي مكان يبيع لابتوبات وشوف الموديلات اللي تناسبك بالسعر وتعجبك واحنا نقولك ايش الافضل فيهم , بس اهم شي تجيب رقم واسم الموديل صح .

    اخوك عبدالله





    __________________
    لا إله إلا أنت سبحانك إني كنت من الظالمين

    A.K.A Thread Killer

    Contact Me

  10. #10
    عضو فعال
    تاريخ التسجيل
    May 2006
    المشاركات
    1,477


    اقتباس المشاركة الأصلية كتبت بواسطة هاجس ليل
    وأنا ايضاً ناوي اشتري وانا اخوكـ والحمد لله انكـ كتبة موضوع وريحتني

    بالنسبه لكـ مادام افلوسكـ توصل 3000 زد عليها شوي وطق لكـ DLLE وريح راسكـ

    بالنسبة لجهاز اللي ابه انا وشار علي وحد من الشاب فيه هو HP
    وهذا اسم المنتج hp pavilion centrino Duo
    قيمة 6000 ريال مع كرت شاشةمنفصل برام مستقله غير رام الجهاز

    ابي رايكم بعد في هذا الجهاز وخاصه انه مخصص لجرافكس وابي من واقع تجربه هل هو افضل ولا فيه افضل منه
    وسعره حول هذا
    FaNNaN يالليت تعطيني رايك فيه وفي سعره وهل تنصحني فيه إذا كان استخدامي فوتوشوب إلى حد كبير





    __________________
    استمع واشكرني

  11. #11
    عضو سوبر نشيط
    تاريخ التسجيل
    Feb 2003
    المشاركات
    680


    اشكركم جميعا اخواني

    وابشركم شريت توشيبا وهذي بعض مواصفاته

    السرعه 1700 سنترينو ديو

    الرام 512

    الشاشة 15 كريستال

    قاريء وناسخ

    القرص الصلب 80

    سلكي لاسلكي

    مخرج تلفزيون

    بلوتوث

    هذي ابرز المواصفات

    عطوني معه شنطة وماوس

    اشتريته بسعر 3700

    احس انها كثيره شوي لكن يالله

    الله يعوض علينا

    باركولي





    __________________
    [CENTER]
    لا شئ اعجب في الآنام من بشر
    يـرجو الـخـلائـق والخـلاق مـوجــود
    ____________________
    منتديات شبكة الرس الأولى
    www.alrs1.com/vb

    اضف موقعك الى الدليل
    www.alrs1.com/links

  12. #12
    عضو فعال
    تاريخ التسجيل
    May 2006
    المشاركات
    1,477


    8
    8
    على البركه الله يعطيك من خيره ويكفيك شره





    __________________
    استمع واشكرني

  13. #13


    بالمبارك اخوي مشعل ..

    اخوي هاجس ليل , بالنسبه للابتوب اللي تقول عنه , مع انك ماحددت النوع بالضبط , لأن الـ Pavilion انواع .. لكن بشكل عام الـ HP ممتاز وانصحك به , واذا كان استخدامك فوتوشوب فقط وتستعمل اللابتوب عالبطاريه كثير . فخذ كرت صوره مدمج , لأنه مايفرق .. لكن اذا فكرت انك تستخدم برامج 3d في المستقبل او تستخدمه في الالعاب وهالسوالف .. فخذ كرت منفصل لأنه راح يكون افضل بـمليون مره .. ولو كان 128mb .. لكنك راح تضحي بعمر البطاريه شوي ..

    انت تبغي 15 ولا 17 انش ؟ انصحك روح لوكيل HP واسأل عن HP Pavilion dv9000t اذا كنت تبغي 17 . لكن اذا تبغي 15 اسأل عن dv6000t .. لأنها موديلات جديده , وتجي بـ core2duo وكاميرا مدمجه ومايك وكرت صوره ممتاز .. وهو موديل جديد توه نازل من شهرين تقريبا .. والموديلات اللي موجوده بجرير والمحلات اعتقد كلها قديمه dv8000t و dv5000t ..

    والله يوفقك ان شاء الله , واذا عندك اي سؤال انا حاظر ..

    اخوكم عبدالله





    __________________
    لا إله إلا أنت سبحانك إني كنت من الظالمين

    A.K.A Thread Killer

    Contact Me

  14. #14
    عضو فعال
    تاريخ التسجيل
    May 2006
    المشاركات
    1,477


    FaNNaN عافاك الله ياقلبي

    انا ماعندي ذيك الخبره في الاجهز كل اللي عندي معلومات اجمعها من هنا وهناكـ لكن ؟
    تنصحني بالاتش بي افضل من توشيبا إذا كان استخدامي فوتوشوب واحتمال كبير اني مراح استخدم الثري دي إلا إذا طرى ولكن انا احب يكون الجهاز اللي رايح اجيبه يكون يغنيني 3 سنوات إلى قدام بما في ذاك تطويره الوندز إذا نزل الاصدار الجديد .

    Pavilion انت تقول منها انواع كثيرة انا متأكد لو رحت لسوق يبي يقابلني مصري يلحس مخي ويدوخني وبالتالي مراح اخذ الشي اللي مقتنع فيه زين .. انت وش رايك وش المديل المناسب لي علما اني يكون جهاز مايعلق ويتحمل العمل على ثلاث برامج ومن بينها الفوتوشوب دون مايأثر على سرعته او يصير فيه تهنيق ...

    وطبعا اتمنى لو عندك معلومات عن القطع الاخرى إذا كنت ابي جهاز توب التوب
    ويالليت الاسعار المحتمله وكمان من هو وكيل اتش بي بالرياض





    __________________
    استمع واشكرني

  15. #15


    اخوي هاجس ليل , والله ماقدر اقولك HP افضل من Toshiba لأن الشركتين عندي في مرتبه واحده , والراي الأخير يرجعلك انت , ايش اللي تحس انه يناسبك اكثر وايش تحتاج من المواصفات وكذا ..

    وفي اللابتوبات مافي شي اسمه الافضل .. لأنه الافضل بالنسبه لك انت اكيد يختلف عني وعن الناس .. واللي يناسب احتياجاتك انت يعتبر هو الافضل ..

    عالعموم , بخصوص توشيبا , انا من فتره كنت راح اخذ Satellite P100-221 وهو يعتبر التوب في التوشيبا satellite من ناحيه الـ power يعني , ولكن اعتقد انك ماراح تحتاج هذي القوه في اللابتوب لأنه مناسب اكثر للألعاب وكذا , وماعندي خلفيه عن الانواع الثانيه الموجوده من توشيبا ..

    اما HP فأنا اشوف ان موديل dv9000t مناسب جدا لك , لأنه مثل ما قلتلك يجي بمعالج Core 2 Duo وهذا افضل لأنه يشغل البرامج 64bit ويجي بعضه بـ 4MB L2 Cache , وبرمجيات الـ 64bit حاليا مب موجوده بشكل كبير , لكنها تعتبر مستقبل البرمجيات , ووجود هذي الميزه في المعالج راح تغنيك عن تغيير اللابتوب مثلا بعد سنه او سنتين لو حبيت تستعمل هالبرامج .. واللابتوب يجي بكرت صوره متوسط Nvidia Go7600 256mb.. ممتاز جدا لاستخداماتك , وحتى لو حبيت تستخدم اللابتوب بعد سنه او سنتين راح تقدر تشغل فيه برامج الـ 3d والالعاب .. وبعدين راح تقدر ترقى لويندوز vista الجديد , وحتى بنسخه ال 64bit , وتشغل الواجهه الجديده Aero بسلاسه لوجود كرت مفصول .. وفيه كاميرا webcam و microphone مدمج بالابتوب نفسه , لو انت مسافر مثلا تقدر تكلم اهلك وربعك بسهوله ..

    بصراحه هاللابتوب كان وايد عاجبني .. حتى تصميمه جديد وعصري . . ولو كان فيه اختيارات في كرت الصوره اقوى كنت شريته .. لكنه للأستخدام اللي تبيه انت ممتاز جدا .. وانصحك به .. وبخصوص الفوتوشوب والتهنيق لا تشيل هم .. واذا شريته خذه بـ 2GB رام .. لأنه مفيد جدا .. وخصوصا اذا كنت تحب تستخدم برامج كثيره في نفس الوقت .

    لكنك ايضا ماجاوبت على سؤالي بحجم اللابتوب اللي تبغيه .. اللابتوب اللي اتكلم عنه انا حجمه 17 انش .. ولكن في منه موديل 15 انش باختلاف بعض الاشياء ..

    اهم شي في اللابتوب المعالج وكرت الصوره .. واللابتوب اللي قلتلك عنه انا ممتاز جدا .. انا من قطر على فكره .. لكن لقيت وكيل hp في الرياض من الموقع وهذا هو :

    Riyadh
    Al Fasaliah Tower
    5th Floor, po Box 67280
    Riyadh 11598

    Phone: 00966 1 273 1200
    Fax: 00966 1 273 1202

    Saturday - Wednesday 9:00 AM - 6:00 PM

    مر عليهم ولا اتصلهم والله يوفقك ان شاء الله . . ولاتتردد بطرح اي سؤال انا حاظر وبالشوفه ..

    اخوك عبدالله





    __________________
    لا إله إلا أنت سبحانك إني كنت من الظالمين

    A.K.A Thread Killer

    Contact Me

صفحة 1 من 2 12 الأخيرةالأخيرة




ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0