الموضوع: وين أفضل مكان أقضي فيه شهر العسل

السلام عليكم ورحمة الله وبركاته ...



شباب أنا زواجي في إجازة عيد الفطر المبارك وبصراحة أنا أدخل ساعات أدور لي بلدان سياحية أو جزر للسفر والسياحة


وأبي منكم مساعدتي من واقع تجربة جربها في زواجه أو زواج أخوه أو .. أو .. أو ..


بس رجاء خاص لا أحد يقول أروح لأي بلد عربي


أبي نطلع برى ..... بالعربي أبي طبيعة ساحرة أبي خضرة وجمال خلاب



لكن أبيكم تراعون معي شغلات معينة وهي إن هالبلد ما يستنكر الحجاب يعني مثلاً أثناء بحثي عن الأماكن السياحية لقيت شغلات تهبل في لوس إنجلوس


لكن عارف الشعب الأمريكي عنده حساسية من المسلمين وخصوصاً في شعيرة الحجاب


يعني مستحيل أطلع سياحة تحت ضغط نفسي من نظراتهم وعباراتهم وبرضه مستحيل أخلي زوجتي تصير متكشفة وبدون حجاب


يعني تناقض رهيب والسياحة وقتها ما تسوى ريال



يعني مثلاً المالديف شيء عادي هالكلام فيه ... برضه ماليزيا



بس أنا ما أبي أروح مكان لأن كثير عرب يروحون له ... إنما أبي مكان بناء على طبيعته الساحرة أكثر من كونه بلد الكل يذهب له



يعني أهم شيء في الموضوع


يكون البلد يحترم الإسلام وشعائره ... لأني أبي أصلي جهاراً نهاراً عنوة قدامهم ما أبي أحد يضيق علي

وأبي زوجتي بحجابها بدون أي مضايقات من أي طرف من الأطراف





يا ليت تتفاعلون يا إخوان في الموضوع لأنه يهمني بشكل كبير وقلت مالي إلا شباب سوالف سوفت

السلام عليكم ..

انا بالنسبه لي اخوي قضى شهر عسله في ماليزيا وتايلند ..,

ماشاء الله مناظر خلابه .., سواءً في جينتينج عالبحر .. او في افاموزا كـ منتجع سفاري .. وفي الجبال كـ الكاميرون .., [ ماليزيا ] ..

وفي تايلند بعد .. عندك بوكيت كـ مدينة ساحلية ..,

واتوقع هذي المدن من افضل الأماكن اللي تنفع لـ شهر العسل ..,

لكـ تحياتي

نيوزيلندا ...أستراليا ...أيطاليا ...فرنسا...
وعندك الجزر

بنظري هذي الافضل ...

طيب البلاد اللي ذكرتوها يستلزم لغة إنجليزية تامة للتخاطب المباشر


أو ممكن نمشيها بالعربي لو على نطاق لا بأس به

حكم القوي الجزء الأول
http://www.qassimy.com/7akmalq1.htm

http://www.travel4arab.com/

والله ...يبيلك شوي لغه شان تعامل الرسمي معاهم ولانه معهم جدآ
خصوصا بالمطارات والحجوزات وغيره



لكن لو تحب اكتب وانقل موضوعك ..لموقع العرب المسافرون راح تلقى أهل الاختصاص هناك


وراح يعطونك كل الأجوبه الشافيه....

السلام عليكم

اول شيئ مبروك مقدمى وجعلها جيزة موفقة ورزقك بنين وبنات


اشو تروح افغانستان جبال تورا بورا

امزح معاك


تريد تنبسط وتمتع بجمال الطبيعة

روح اليونان ومنها تزور الجزر التابعة لها ولا اجمل من ذلك ولا اروع

مبروك يا غلا اعتمد على الله وروح ايطاليا وابعد عن البلاد الى فيها حرب

الف الف مبروووووووووووك :nice:

عقبالى يارب :shy:

تايلند × ماليزيا × باريس :nice: :nice: :nice:

بس تحتاج شوية لغه :eek2:

مافي مكان الا فيه عرب اما مقيمين بشكل نظامي او جايين تهريب!

ما عدا جبال التبت في الصين

المشاركة الأصلية كتبت بواسطة jalal

مافي مكان الا فيه عرب اما مقيمين بشكل نظامي او جايين تهريب!

ما عدا جبال التبت في الصين

حلوه ذي
عجبتني


تصدق في عرب كثير مقيمين في الاسكا و هاواي


اخوي الخليج المتقدمة

في ماليزيا في جزر اسمها Langkawi
مثل هاواي هي
الرمل ابيض و ناعم مثل البودر
و البحر صافي و نظيف تقول حلم مو علم
و تحت البحر اسماك تتمشى كل سمكه تشوفها تقول سبحان الخالق

هذا غير داخل الجزيره من طبيعه خلابه

انا رحتها الجيزره هذي ولا فيها عربي واحد لا مقيم ولا تهريب

بس تبي الصراحه
انا ندمت لما رحت
لان الجزيره هذي تنفع حق شهر عسل مو عزابي مثلي رايح لحاله

شيك على الصور و شوف
http://www.flickr.com/search/?q=Langkawi

سلامي

مالك الا النمسا اسأل مجرب مكان رووعه والطقس مناسب للفتره التي سيتم اتمام زواجك بها .


أسأل الله انه يتمم لك على خير


واذا ناوي النمسا حط في بالك


10000 دولار لعشرين يوم في اماكن غايه في الروووعه .

الله يزوجكم كلكم


بس اللي قالوا روح لفرنسا وإبطاليا ما يدرون إنهم هناك نشبة على الحجاب



======

خاف الله فيني أندلسي الحين وش حلاتي عريس بتخليني أروح تورا بورا خاف الله ياخي

======


عبدالكريم الصور ما طلعت معي في الصفحة اللي عطيتني رابطها لكن على قد وصفك فهي إلى حد كبير تشبه جزر المالديف






تبون الصدق خاطري يكون عرسي الليلة مو علشان العرس إنما علشان أسافر



وربي رملنا يسد النفس وش حلاة رملهم يهبل مرة تقول بوردة على الأرض

انصحك تروح لندن

عادي وانت تتمشى تشوف رجال لابس شماغ وعقال خخخخخخخخخ
لندن او النسما ..

اذا في خاطرك تروح لوس انجليس توكل على الله , انا اخوي راح فلوريدا ولوس انجليس ونيويورك اكثر من مره هو وزوجته وعادي هناك الحجاب شي طبيعي لأن في مسلمين هناك . وما اشتكى ابد من سالفه الحجاب ولا ماكان راح اكثر من مره , هو يمدح فلوريدا اكثر شي , لكن حط في بالك انك ماتطلع وتتمشى في وقت متأخر في الليل لأن في اماكن خطيره هناك للسياح بشكل عام .

واذا تبي رأيي انا , فكر في المانيا , زرتها مره انا وبصراحه روووعه واشوفها احلى بلد في اوروبا , طبيعه خلابه ومناظر رهيبه , لكنها غاليه شوي .

والله يوفقك ان شاء الله وتلاقي مكان حلو وتقضي شهر عسل ما يننسي ..

اخوك عبدالله