| |||||||
| المدوّنات | البحث | مشاركات اليوم | اجعل كافة المشاركات مقروءة |
 |
| | LinkBack | أدوات الموضوع |
| |||||
| ابي استشارتكم ونصايحكم في وظيفة السكرتير  انا شاب خريج ثانويه عامه ولله الحمد,,, وبعدها اخذت دورات نجحت فيها وأخذت عليهم شهادات ولله االحمد,,, ودرست لغه انقليزي في الخارج في انقلترا وأخذت عليها شهاده,,, واليوم انا شفت مصنع في الرياض في الصناعيه يطلبون سكرتير أهم شرط انه يكون لغته الانقليزيه ممتازه,,, فانا قدمت عليها وان شاء الله انهم وافقو علي,,,اخذو شهاداتي وسو مقابله شخصيه معي في المصنع,,, وما باقي علي الا اني انهي الاجرائات والأوراق اللازمه ان شاء الله,,, ولأني أول مره أتوظف بغيت نصايح مثل:- 1- ايش المفروض اني أضيف على عقد العمل قبل لا أوقع عليه؟ 2- ايش المفروض اني أطلب من صاحب العمل؟ 3- كم المفروض اني أطلب للراتب من صاحب العمل كوظيفة سكرتير في مصنع بمؤهل مثل مؤهلي اللي فوق؟ في فترة الثلاثة أشهر التجريبيه وبعد ما تنتهي الفتره التجريبيه؟ وخاصه انه المصنع في الصناعيه قرب مخرج 16 وانا ساكن عند أسواق التميمي اللي في شارع الثلاثين يعني مشوار 30 دقيقه من بيتي لمقر العمل المصنع كأقل تقدير اذا كان الطريق مافيه أي زحمة سير!!!!!!!!!!!!!!! 4- هل لازم أطلب منهم بدل مواصلات نظراً للمشوار الطويل اللي راح أقطعه؟؟؟ 5- هل لازم أطلب بدل سكن نظراً لأني ساكن وسط المدينه مثل ما قلت لكم فوق ومقر العمل خارج الرياض قرب مخرج 16؟؟؟ 6- هل لازم اني أطلب بدلات ثانيه؟؟ مثل ايش؟؟؟وليش؟؟؟ ّّّّّّّّّّّّ================================================= معلومات عن الوظيفه اللي انا متقدم لها:- اوقات الدوام راح تكون من الساعه 7 الصبح الى الساعه 4 ونص العصر من السبت للأربعاء ومن الساعه 7 الصبخ للساعه 1 الظهر يوم الخميس ويوم الجمعه مافي دوام الراتب في اول ثلاثة شهور اللي هي الفتره التجريبيه راح تكون ان شاء الله 2500 ريال وبعدها مدري كم راح يزيدونها!!!! التأمين من شركة ميد قولف =================================================== أي نصايح أو ملاحظات ثانيه؟؟ وشكرا لكم
__________________ العضويه لغير الاستخدام الشخصي هي لغيري ليستخدموها بمقابل مادي حسب نوع الاعلان اما اذا ما كان اعلان فهو مجاني وبشروط بسيطه لضمان عدم الاستخدااام الخاطئ لها سالم العيسى الرياض | |||||
|
| |||||
|
وانا اطلب من اللي يقرأون الموضوع انهم على الأقل يضيفون رد بدعوه لي في وظيفتي الجديده بارك الله فيكم واشكر وادعو لصاحب العضويه بالتوفيق على خدمته واتمنى انه يتم فتح التسجيل قريبا علشان اسجل معاكم ان شاء الله اخوكم ابو عبدالرحمن ماسنجر هوتميل 8 آت hi.org
__________________ العضويه لغير الاستخدام الشخصي هي لغيري ليستخدموها بمقابل مادي حسب نوع الاعلان اما اذا ما كان اعلان فهو مجاني وبشروط بسيطه لضمان عدم الاستخدااام الخاطئ لها سالم العيسى الرياض | |||||
|
| |||||
|
الله يوفقك ويزيدك من خيره شوف بارك الله فيك عادة يتم الاخذ و التفاوض في الراتب يعني انت اقرى العقد بتمعن وخذ راحتك و اطلب كوب قهوه ... وقولهم انا راح اقدم لكم عمل كبير و اشوف ان الراتب ما يتناسب مع مؤهلاتي و مع ما اقدمه لكم ان شاء الله و اطلب الزياده الى XXXX وينضر في كم البدلات ( بدل سكن و بدل مواصلات ) و كم الراتب الاساسي و هل يوجد تأمين صحي ام لا عموما من كلامك فهمت ان عدد ساعات العمل هي ::: 9 ساعات في اليوم * 5 ايام + 6 ساعات في يوم الخميس - 5 ساعات راحه خلال العمل = 46 ساعه في الاسبوع و المسموح به في نظام العمل هو 48 ساعه كحد اقصى اذا لا يوجد اوفر تايم - اسأل عن الدورات التدريبية . و نصيحه اخويه اخي الكريم اتقي الله في العمل و احرص على الحظور و الانصراف كما في العقد لأن قيمة الراتب في بركته و ليست في كميته .. اعرف ناس رواتبهم كبيره ولكن غارقين في الدين وكله بسبب ضياع البركه من اموالهم . عندي كلام كثير لمن هم مثلك( لأني كنت مثلك براتب 3000 ريال ولكن اثبت نفسي ولله الحمد و الان راتبي 6900 و اخذت مكافأه الشهر الماضي كبيره ولله الحمد .. كل هذا في 8 شهور فقط ) كتبت هذا في عجاله ولي عوده بإذن الله . | |||||
|
| |||||
|
ملاحظه قبل لا يطلع صاحب العضويه اكتبها في عجاله اانا ما تفاوضت مع صاحب العمل بخصوص الراتب,,, هو سألني كم تبي راتبك؟؟؟ فانا رديت وقلت له: انا أول مره أتوظف وكسكرتير فمالي أي خبره علشان أحدد رقم معين! فقال لي 2500 يناسبك؟؟ فقلت له: اوكي! فقال لي: هذا الرقم فقط في الفتره التجريبيه الثلاث أشهر وبعدها نزيدها حسب شغلك بعد التجربه.... ولي رجعه ان شاء الله للتعليق على رد اخوي alforum
__________________ العضويه لغير الاستخدام الشخصي هي لغيري ليستخدموها بمقابل مادي حسب نوع الاعلان اما اذا ما كان اعلان فهو مجاني وبشروط بسيطه لضمان عدم الاستخدااام الخاطئ لها سالم العيسى الرياض | |||||
|
| |||||
|
الله يوفقك يااخوي بس حرام يااخوي شنو هذا دوامك من السبت الى الاربعاء ومن 7 الصبح الى 4 العصر هذي 9 ساعات يااخوي حرام راتب قليل 2500 على هذا الشغل الكبير 2500 يعني 200 دينار كويتي يااخوي انا اثنين من اخواني مدرسين دوامهم من 8 الصبح الى 1 الظهر ومن السبت الى الاربعاء وفي اجازه 5 شهور بالسنه كامله وهي اجازه شهر 1 و 6 و 7 و 8 و 9 كل هذا وراتب كل واحد فيهم وصل 800 دينار كويتي اللهم لا حسد يعني تقريبا 10 الاف ريال يااخوي حرام راتبك قليل والله المفروض على شغلك هذا تاخذ 7000 ريال والله يوفقك يارب
__________________ اخوكم في الله | |||||
|
| |||||
|
اخوي العزيز chockri طبيعي هذا الراتب وحلو جدا حصل راتب 2500 في بدايت عمله؟ لاحظ انها بدايه يااستاذ ماله ادنى خبره في اي عمل انا اشتغل ببرامج عبداللطيف جميل لخدمة المجتمع واجيب حصر وظيفي من الشركات اعلى راتب وصلت له 2500 والباقي كله تحت بالنسبة للثانوي اما الكفائة فـ 2000 وتحت لكن الجامعي او الي عنده خبراته ودورات رواتبهم لاتقل عن 3000 او 4000 ريال لاتقول حرام ومدري ايش طبيعي جدا الراتب .. بعدين هو وش بيسوي عشان يستلم 7000 ؟ لكن خله يترقى او يبتكر كثير راح يرفع راتبه بالتوفيق لصاحب الموضوع
__________________
علماً بأن تغذية الأقسام لم تكتمل بعد ! | |||||
|
| |||||
|
شوف أخوي كبداية حاول انك تتميز وتبحث عن الشئ المميز لترقي شغلك وبعد الثلاث أشهر إذا شفت إن الراتب مازاد الا شئ بسيط حاول تبين للإدارة انك راح تبحث عن وظيفة اخرى أنا بحكي لك تجربتي في الشغل انا لدي دبلوم شبكات حاسب ولدي عدة دورات ولله الحمد بداياتي كان الراتب قليل ولما بديت بديت بقوة طورت الشغل في الشركة الي انا اعمل فيها وكنت أبذل مجهود وأضيف أفكار تطويرية لجميع الأقسام والحمدلله بمرور سنتينت فقط على شغلي أصبحت مدير قسم الحاسب الاَلي بالشركة وكل الأفكار التطويرية للشركة أخذتها من الأنترنت ومن الأصدقاء والأهل وراتبي في إزدياد ولله الحمد بعد اول خمسة اشهر زاد الضعف وأضافوا لي بدلات أخرى (ماشاء الله) مثل بدل طبيعة عمل وبدل مواصلات وبالنسبة لدوامي الحالي من الساعة 8 الى الساعة 5 مساءً والله يوفقك بهذه الوظيفة يارب | |||||
|
| |||||
|
__________________ وَمَنْ يَقْنَطُ مِنْ رَحْمَةِ رَبِّهِ إِلاَّ الضَّالُّونَ -------------- منتديات المرسى القوارة نزار قباني | |||||
|
| |||||
|
يااخواني حرام شلون دواماتكم جذي من الصبح الى العصر الاخ كاتب الموضوع دوامه من 7 الصبح الى 4 العصر والاخ جود دوامه من 8 الصبح الى 5 العصر شنو هذا نصف يوم شلون تشوفون اهلكم شلون تنامون شلون تاكلون شلون تدشون النت شلون تقعدون مع زوجاتكم وعيالكم ؟ مافي وقت كلش شلون ؟ ممكن احد يجاوبني يعني ترضون انتو بوظيفه تاخذ وقتكم كله على راتب خفيف
__________________ اخوكم في الله | |||||
|
| |||||
| اقتباس:
وش عندك يالي مولود وفي فمك ملعقة ذهب  الي اوله شقى .. تاليه راحة ..
__________________ خالد
| |||||
|
| |||||
| اقتباس:
الدوام راح يكون 9 ساعااات ونص يومياً وطبعا نشيل منها فترة استراحة صلاة الظهر وفترة الغدا وفترة صلاة العصر يعني نقول 15 دقيقه لصلاة الظهر و15 دقيقه لصلاة العصر 15 دقيقه للغدا والا لا؟ وللحين مادري بالنسبه للاجازات الثانيه غير حق اخر الاسبوع!! وبالنسبه للراتب ماقدر اعطي رقم محدد لاكثر من سبب منهم اني ما قدر توظفت كسكرتير ولا توظفت في اي وظيفه ثانيه بشكل عاااااااام,,,,,, ولاني للحين ما بعد بديت في الوظيفه علشان اشوف طبيعة العمل وكمية الشغل وفترات الاستراحه الخ............ لكن اللي متوظف منكم,,,,,,, وبالاخص اللي سكرتير راح يقدر يفيدني بنصايح كثيره ويقدر يعطيني رقم محدد للراتب الخ والنقطه الثانيه مدري اتوقع فيه اختلاف في راتب السكرتير عند جيراننا الكويتيين وعندنا حسب الظروف الاقتصاديه الخ والا لا؟ اقتباس:
فعلاً انا متردد في قبول الوظيفه لسببين مهمين: الأول: هو انه الدوام يبدأ من 7 الصبح!!!! الى 4 ونص العصر!!!!!!!! + اني ساكن بعيد جداً عن مقر العمل!!!! يعني راح أضطر اني أطلع من امممم 6 الصبح علشان يكون الطريق فااااضي وعلشان الطورائ في حال بنشر علي كفر او وقفت علي السياره او لأي سبب ثاني ما أتأخر عن الدوام وأطلع الساعه 4 ونص العصر!! يعني أوصل تقريباً امم الساعه 5 او 5 ونص للبيت!!!!!!! ما راح أحصل وقت أقعد فيه معي أهلي!!!!! راح اقعد معاهم من المغرب للعشاء!!!!!!! وخاصه انه لازم علي اني اتابع البنات في دراستهم والوالده أجلس معاها الخ................ لو كان فترة الانتهاء من الدوام 1 مثلاً راح يكون حلو جداً ومستحي اني أسألهم عن ذا الشي السبب الثاني: بعد مقر العمل,,,,,, يعني لو كان مقر العمل داخل الرياض كان هانت لاني ما راح أضيع حوالي ساعه الى ساعتين في مشوار الطلوع والخروج من الدوام في السياره ولا أشيل هم المشوار والبترول البترول اللي راح ياخذ الربع في الصباح و الربع في الرجوع,,,, معي كابريس يصرف بترول مو مثل السيارات الصغيره ام ست سلندر او اربع اخوك ابو عبدالرحمن
__________________ العضويه لغير الاستخدام الشخصي هي لغيري ليستخدموها بمقابل مادي حسب نوع الاعلان اما اذا ما كان اعلان فهو مجاني وبشروط بسيطه لضمان عدم الاستخدااام الخاطئ لها سالم العيسى الرياض | |||||
|
| |||||
| اقتباس:
اخوك ابو عبدالرحمن
__________________ العضويه لغير الاستخدام الشخصي هي لغيري ليستخدموها بمقابل مادي حسب نوع الاعلان اما اذا ما كان اعلان فهو مجاني وبشروط بسيطه لضمان عدم الاستخدااام الخاطئ لها سالم العيسى الرياض | |||||
|
| |||||
| اقتباس:
وانا فعلاً خريج ثانويه فقط مع دورات ثانيه مثل شهادة لغه انقليزيه (FULL TIME) سنه كامله من احدى جامعات انقلترا,,,,,,,, وشهاده لمدة سنه في كورس حاسب,,,,,,,, وكورس ثاني في السعوديه لمدة كم شهر,,,,,,كل الكورساات اجتزتها بامتياز ولله الحمد ما عدا الثانويه ما توفقت فيها طلعت بتقدير جيد نظراً لظروي العائليه وقتها,,,,طبعاً ماقد اشتغلت مثل ما انا ذكرت لكم اخوك ابو عبدالرحمن
__________________ العضويه لغير الاستخدام الشخصي هي لغيري ليستخدموها بمقابل مادي حسب نوع الاعلان اما اذا ما كان اعلان فهو مجاني وبشروط بسيطه لضمان عدم الاستخدااام الخاطئ لها سالم العيسى الرياض | |||||
|
| |||||
| اقتباس:
اخوك ابو عبدالرحمن
__________________ العضويه لغير الاستخدام الشخصي هي لغيري ليستخدموها بمقابل مادي حسب نوع الاعلان اما اذا ما كان اعلان فهو مجاني وبشروط بسيطه لضمان عدم الاستخدااام الخاطئ لها سالم العيسى الرياض | |||||
|
| |||||
| اقتباس:
ومساعد مرحل جوي وش طبيعة هذي الوظيفه؟ ما فهمتها!! اخوك ابو عبدالرحمن
__________________ العضويه لغير الاستخدام الشخصي هي لغيري ليستخدموها بمقابل مادي حسب نوع الاعلان اما اذا ما كان اعلان فهو مجاني وبشروط بسيطه لضمان عدم الاستخدااام الخاطئ لها سالم العيسى الرياض | |||||
|
| |||||
|
انا للحين متردد في قبول الوظيفه مع انهم مستعجلين في اني أبدأ بالوظيفه وبانهاء الأوراق والاجراءات اللازمه اللي للحين ما أكملتها,,,, انا متردد للسببين الرئيسيين: الأول:أوقات الدوام الطويله اللي راح تبعدني عن اهلي ويمكن تأثر فيهم من ناحية المواصلات والدراسه والمتابعه لهم الخ............ الثاني: بعد مقر العمل............. اما بخصوص الاشياء الثانيه اعتقد انها مناسبه!! واقدر اتناقش معاهم بعدين بخصوصها لانه الشخص اللي سوا معي المقابلع فعلاً رجل وطيب وحسيت منه انهم يبون واحد لغته ممتازه لانهم يتعاملون مع شركات وجهات اجنبيه ,,,,,,, وخاصه اني دارس لغه بره ونجحت فيها ولله الحمد بخلاف المتقدمين الثانيين اللي اغلبهم لغتهم الانقليزيه جيده والا ضعيفه حسب اللي فهمته من الرجال,,,,, وانا اللي ما تناقشت معاه بحريه اكبر والا هو كان مستعد وفتح لي المجال لكني استحيت وبصراحه كنت مثل المرتبك,,,,, مقابله شخصيه انت لو كنت في مثل مكاني وش كنت راح تسوي؟ انه عندك اهلك اللي مالهم الا الله ثم انت,,,,,عندك اخواتك لازم تتابعهم وتتابع معهم دروسهم ومتطلباتهم,,, وتجلس مع الوالده,,,,ولا تقدر تجيب لهم خدامه او سائق لانك ما تأيدهم!! وراح تطلع يومياً من حوالي 6 الصبح تدقها مشوار من بيتك اللي في شارع الثلاثين الى المصنع اللي قرب مخرج 16 في آآآآآخر الدنيا!!!!!!!!!!!!!مع زحمة الطرق واختنااق السير والحر الخ......وش تسوي؟ الوظايف الثانيه اللي قدمت عليها بالأول ما ناسبتني لأنها يا اما تكون راتبها قليل 1500 او تحتاج واحد يكون لسانه طلق وله معار الخ مثل وظيفة مندوب المبيعات والبنوك اللي اعتذرت منهم...........
__________________ العضويه لغير الاستخدام الشخصي هي لغيري ليستخدموها بمقابل مادي حسب نوع الاعلان اما اذا ما كان اعلان فهو مجاني وبشروط بسيطه لضمان عدم الاستخدااام الخاطئ لها سالم العيسى الرياض | |||||
|
| |||||
|
الله يوفقك ويقويك لكن ونا اشيك قسم الادارة بموقع الاقلاع لقيت واحد يبحث عن موظف شف دق عليهم ونسف يمكن لك نصيب وأقرب لبيتكم مطلوب موظف لفترة دوام واحده براتب 3500 مطلوب موظف استقبال لشركة كبرى يابانية سعودية عالمية الدوام من 8 ونص الى 5 ونص يتخللها ساعه راحة . المؤهل المطلوب ثانوي . يلزم لغة انجليزية تحدثاً وكتابة . الراتب 3500 مع البدلات . الخميس والجمعه اجازة . الترقيات مستمره في الشركة وبشكل كبير . تأمين طبي . موقع الشركة في شارع المعذر . الوظيفة لشخص واحد والسبب ترقية الموظف السابق . اغلب موظفين الاستقبال ما يكملون ثمانية شهور الا وهم مرقينهم . للاستفسار 0555994355 عبدالله . | |||||
|
|
| |
| |
| أدوات الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ابي نصيحتكم ___ بفتح موقع | al-moshtag | خدمات البيع والشراء والإعلانات التجارية | 16 | 11-09-2006 07:34 PM |
| شباب ابي هالنسخه نظيفة | منسي | إصلاح وصيانة المنتديات | 4 | 30-06-2006 04:34 PM |
| ابي اشتري عروسه او افصل لي وحده | Unixer | سوالف عامة | 6 | 13-05-2006 11:29 PM |
| ابي اعلان بأسرع ما يمكن .. ابي اعضاء خليجين بسرعه ..الي عنده ويضمن يدخل وغير كذا لا | عسول | خدمات البيع والشراء والإعلانات التجارية | 12 | 27-09-2005 01:28 PM |
