الموضوع: شروط ومعلومات لو بفتح محل صيانة حاسب؟

السلام عليكم ورحمة الله وبركاته ....

أخواني الكرام ...

حبيت استشيركم في مشروع صغير ... محل صيانة حاسب وشبكات وقطع غيار..


من عنده خبرة في هذا المجال من ناحية رأس المال؟؟؟ قيمة القطع ؟؟ طريقة التعامل مع المندوبين .؟؟ بعض الامور تساعدني بحكم اول مشروع لي وان شااءالله الله يوفقني ويوفق الجميع ....


وفي انتظار ردكم ...


فهد العنزي

يا هلا وغلا بالبناخي


شف اذا تبي تفتح محل قبل كل شي اذا ما كنت متفرق له 100%
اول شي شوف لك فني صيانة كمبيوتر ويفضل الهنود ( خبرات ورواتب بسيطة )

وقطع الغيار على ما اعتقد ما راح تحتاج لان الي اشوفه عندنا بالرياض مافي محل تصليح كل المحلات فك وتغيير

واذا كان قصدك بالشاشات وغيرها شوف عمارة الخليج بسوق الكمبيوتر بالرياض ( على شارع الملك فهد ) يبيعون بالجمله وفيه محلات يبيعون شاشات مستعمله هناك
وما دامك جديد ما انصحك تكثر قطع الغيار وحاول تبداءبمعقول
واذا كنت تبي تبيع اشتراكات انترنت رح للشركات واطلب ارقام الموزعيين بالبدايه يقولون لك نعطيك خصم 10 % لزم عليهم يعطونك نسبة 15 % على القليل

ونظام المندوبين اول مرهع تدفع كاش والثانيه بعد يمكن كاش وبعدها ضبط العلاقات وحاول تزرع الثقه فيك عندهم وراح يعطونك على التصريف



والله يوفقك ان شاء الله

ملاحظة مدري من وين انت بس ان شاء الله تكون بالرياض عشان ما يكون الكلام الي فوق مش حالك

دامك كاتب موضوع يخص التجاره نبي نستفسر بشغلات كثيره معك عادي ولالا تراك بناااخي نمون عليك

طيب والي يبغى يتفح مقهى ايش المتطلبات وكيف نظام الترخيص وكم رأس المال وو كل مايخص المقهى !

هلاوالله المجرات حياك الله أخوي ...

والله يخوي للأسف ماني من الرياض أخوك من الخبر وعلى قولتهم وانا أكلمك من الخبر فجأة أنا في البحرين ههههههههههههه ....


بالنسبة ياخوي للقطع لابد منها لو عالاقل أساسيات الاجهزة والكماليات في الطريق انا هذا رأي ولكن برضه اصحاب الخبرة لهم بال واسع في هذا المجال ...



أرحبوووو تحت نوروووو ..

تفضل طال عمرك الموضوع موضوعك هههههههه ... بالنسبة للمقهى انا لي صديق عنده مقهى وحسب خبرتي في المقاهي اجهزة الحاسب والديكور وخط الانترنت والشغل هذا كله بيوصلك قرابة 120 الف هذا لو كان جيد لاهو فخم او رديء ...

التراخيص انا سمعت انه ماعاد فيه بس اسئل احد يسئلك في البلدية ...




ودمتم سالمين ....

أخوي فهد بارك الله فيك

أنا ممكن أساعدك من ناحيةالإدارة ومن ناحية الشبكات والقطع إلى ما هنالك

بإمكانك إضافتي على الماسينجر

ونتفاهم بإذن الله

ملحوظه: أنا الآن خارج البلاد وبرجع بإذن الله بعد شهرين ، وترى الخبر تعجبني كثير

شف عزيزي أحنا كان عندنا معرض كمبيوتر و صراحة المسألة يبي لها جد و أجتهاد وعروض و كسب زباين لأن الشغلة فيها تنافس و السوق رحبة هذا على الأقل في الدمام ، و الأسعار تتفاوت ، لكن لما يكون شغلكم نظيف و مرتب وعلى أصول .. أهم بالشكليات و البرستيج حاول تدفع للشعار و اللوحة و الديكور والأوراق و الفواتير يعني خل يصير عندك هوية تجارية راقية . أضف لذلك حاول تسوي عروض تسويقية على قد الحال في البداية وحتى لو بعت براس مالك المهم تكسب زباين ويمدوحنك الناس لا تستعجل على الربح و المكسب تقدر تشتغل شهر شهرين بفوائد قليلة .

بالنسبة للصيانة فهي عادة تكون أكبر مكسب للمعارض ولكن شغلها دقيق ومتفوات لذلك تحتاج لتخطيط وتجربة طويلة لإمكانية التسعير لأن أحيانا تنتشب في مشاكل صغيرة وبايخة وأحيانا تتفاجئ بمشكلة أصلا مو مشكلة ، في معرضنا كنا نشغل ثلاثة عمال صيانة واحد فيهم فني هاردوير ومصلح و ثنين صيانة سوفت وير ، لذلك وضعنا شروط دقيقة وعملية جدا لإستلام أجهزة الصيانة أبتداء بانه الجهاز من نستلمه نجبر عامل الصيانة على كتابة شرح للحالة على الفورم ، وكذلك كنا نخبر الزبائن بإن إستلام أي جهاز و العمل عليه بتكلفة 50 ريال على الأقل بغض النظر عن حجم المشكلة إذا كان يحتاج شغل كثير يزيد السعر إذا كان أقل من خمسين أو أقل فالسعر 50

تقدر تستفيد وترتاح لو سويت عقود صيانة لأجهزة بعض الشركات الكبيرة ، وكذلك لو أشتغلت على موضوع الشبكات لكنك تحتاج متخصص .

- تقدر تستفيد لو صرت وكيل وموزع لمنتجات شركة سوفت وير أو هاردوير مطلوب منتجها .

- تقدر تستفيد لو سافرت وجبت قطع كمبيوتر مميزة و رخيصة و مفيدة .

- تقدر تستفيد لو قدرت تسوي بيع بنظام أقساط لكن هذا يحتاج له دراسة مفصلة .

- تقدر تستفيد لو تقدمت وتميزت بموقع إلكتروني جدي يقدم خدمات مساندة لعملية بيعك وتطرح فيه آخر منتجاتك .

وأما إذا تفكر تشتغل شغل كلاسيكي حالك من حال العالم تبيع وتكد لك ألف ألفين ريال في الشهر ..فالشغلة مايحتاج لها سؤال دور أرقام المندوبين من أماكن الكمبيوتر المماثلة . وسوى أتصالات و الشغلة بسيطة مو أصعب من شغلة البقالة

بالتوفيق .

أخوي الكريم Maroc ....

ان شااءالله ترجع بالسلامة وانا ان شاءالله راح اضيفك وراح نتفاهم ونحط النقاط على الحروف بأقرب وقت ان شاءلله ... وشاكر لك اهتمامك...



أخوي الكريم جوهر ..

بصراحة شكلك ماشاءالله فاهم الشغلة وكلامك عدل والله يعني فيه نقطة مهمة كانت خافية بالنسبة لي بس انا مااابغى اشتت تفكيري باشياء كثيرة .. حالياً افكر بمحل صيانة وقطع غيار وبعض الشغلات الخفيفة وزميل لي تخصص شبكات راح يساعدني من ناحية الشبكات ...


ماقصرتو والله ويعطيكم العافيه ونبخل بالمزيد