انا اسمي عبيد عمري 22 سنه اسكن في جنوب مدينة جده لدي سياره من نوع هوندا اكورد

مديل 93 كل عيال الحاره فاكين معها كيلو

لون كحلي انوار زينون لدي ثلاث اخوان و اختين متزوجتين و اثنين من اخواني خارج

جده واحد منهم متزوج في بيت وعندي ابوي وامي ساكنين معنا و اخيرأ الشغاله او الخادمه

نزردي وهي هنديه تبلغ من العمر 28 سنه من ولايه بمباي جائت لنا في يوم حار ممطر كان

الجو رومنسي فطلب مني ولدي استقباله في مطار وجبتها للبيت و في حقيقه انا من اول

نظره حبيتها وعشقت نظرة عيونها فكتمت حبي لها في قلبي وجفون حياتي فلم استطع

انا اعبر لها ما في قلبي من عشق وهيام لها فهي شغالتنا .. ولا لا

عجزت ابي اصارحها ولكن الظروف القاهره لم استطع انا اوصل الى قلبها والى ماورا عينها

المهم في ذاك اليوم وانا اتقهوى مع ابوي وامي واحاول كيف افاتحهم بموضوع بس ما قدرت

رحت اتصلت على صديقي سعود قلت له السالفه قال بقط معك فسكرت الخط في وجهه

كل شئ قط معي فيه حتى صراويلي وفنايلي وبيقط معي في هاذي ابطت واتصل علي

واعتذر وحب راسي وقال ابساعدك بحكم الصداقه الي بيننا والتضيحه من اجل اسعادك يا

عبيد واموت انا وتعيش سعيد انت المهم طلع يبي شحن سوا مقابل مساعده ال****

قال لي اول شئ لزم تسويه توصل الى قلب نزردي قلت وشلون قال اللحين اكسب طرف

واحد وخلك انت وياه ضد ابوك وامك اثنين ضد اثنين اقنعتني الفكره فكررت يمين يسار كيف

بكسب قلبها قلت مالي الى اني اشبكها بس وشلوون اعطيها شحن موبيلي ولا سوااااا

وتذكرت ان ماعندها جوال قلت مالي اسال سعود تررررن ترررررررن ترررررررن ترررررررررررن

الووو سعود ابي اشبك نزردي وش اسوي قال حاول تحسسها بحب وسعاده معك قلت وشلون

قال شف ياحمار هي وش يضيق صدرها قلت اذا جت تغسل الملابس قال اسعدها وغسل

الملابس معها سكرت الخط بوجهه طووط طوووط واروح والقي نزردي في المصلخ بيتنا تغسل

وداخل عليها وانا اغمز لها وقول شغلي البلوتوث مدريت الى وهي تطق ذيك ابتسامه الي

ضيعتني وبغيت اطيح في الغساله و بديت اغسل معها من دون ماتدري امي وشوي شوي

طلعت معلم غسيل زهي الي تكون وبديت اصارها وقول اي لفيوو نزردي فور ايفر اند يو

وجلست تضحك تحسبني انكت بنجليزي قلت لها بعربي كااش انا احبك وانتي يانزردي

قالت انت يا عبيد مثل اخوي قلت عطينا الثانيه ضحكت قال بفكر قالت اوكيشن رحت

لها من بكره ولقيتها راسمه قلب على سريري عرفت معناها * ^

ودز لها وقلت لي خلاص رووح انا بعدين يجي ماما قلت الليله بكلمك قالت اوكييه

(لحد يروح باله بعيد زيي انا ) رحت لها الليل وكلمتها وقال خلاص انا احبك بس ترا

حركات نص كم ما ابغى انا بنت ناس (افااا) المهم انها قالت انت رجال تبي تعرس علي

اهلن وسهلأ ماتبي سكر باب الملحق برقد قلت طيب قالت وش قلت بكره ابرد عليس

قالت لاتطول قالت طيب قالت جب جوالك بكلم امي قلت لها مافيه الى ريالين قلت مشكلتك

ما انا ام العيال ( هاذا اولها ينعاف تاليها) لكن الحب اعمى اضطريت اني اعطيها الجوال ورحت

رقدت المهم انا وافقت على زواج المهم وانزل ذاك اليوم الصباح لصاله والقي البلبل والببغاء

يتغردون في صاله وانا اعطيتهم تحيه اهليين بابا اهلين ماما قال ابوي هاي ماي كيد قلت الفقه

المهم اني جلست اتحكحك قلت لي امي وش فيك يا عبيد وش عندك قلت لهم تعرفون ان عمري

الحين في العقد الثاني وانا رجال عزوبي و انتم وحيدين و من باب البر لزم اخدمكم اشوف ابوي

جلس يصفق يقول طيب جب مويه ( فاهم البر غلط) جب له صبابه مويه (جركل مويه) وليس جراك

المهم قلت لهم بقوى صوت ابي اعرررس ابي اعرررس ابي اعرسس ولا والله لا انتحر ابوي يقول

باب السطح مفتوح قلت لاوالله تعال معي المهم انا وياه يمين يسار ما وافق ورحت شكيت الحال

للشغاله قالت توظف وظبط عمرك ما ابي واحد جحلطي وزاد همي همين رحت لبوي قلت هونت

منيب معرس ابيك تور لي وظيفه المهم يمين يسار توظفت في شركه طابع تقرير بـ 1800 ريال

وقلت لـ نزردي فرحت المهم بعد شهرين رجعت لبوي بعرس ماعطاني وجه قلت لشغاله قالت لي

تعرف روميو وجليانو قلت لا قال افا قلت ماعليس نتعرف عليهم قالت طيب وكخخخخخخ وقصة

قصتهم ونمت قومتني قالت لزم نشووف حل قلت وش نسوي يا نزردي قالت ننحاش من البيت

وين نروح طيب قالت الهند قلت والفلوس قالت مدبره انت اشتغلت شهرين ومعك 3600 حق تذكرتين

للهند وقلت باقي مصاريف قالت بع الأكورد يوم بغيت اصيح قالت والحب قالت طيب كلمت سعود

قلت اشتر مني الاكورد جاء على طول وعطاني 10 الاف ورحت لنزردي ووريتها الفلوس قالت دبر

بعد وروح وابيع مكيف غرفتي وسريري و كل ما املك حتى بغيت ابيع نفسي ( لأجل الحب )

المهم اني كتب لبوي ورقه قلت له ضف وجهك يا**** ياعايب يا شايب اجل بعرس وتعيي

على ولا شايفني منيب رجال زي الناس ولا اقدر اعرس لكن اوريك وتشوف ولدي رئيس هند

واسافر واتصل على ابوي بعد شهرين اصيح مشتاق له وضمني بحنان الابوه طبعا بتليفون

وقال شف تراني اخذت لك اجازه مته ما تعبت تعال واعتبرها سياحه ورحت لك 5 الاف بـ

البنك امريكي وبيانات الحواله معطيك ايها قلت اوكيه يابابي رحت لقيت البيت ما اقدر اتملكه

لني منيب مواطن هندي ولا جلست بهند فتره طويله نيزردي لقت اهلها وخطيبها الي اختاروه

اهلها لها غصب عنها وحبته مدري كيف المهم طلعت اللعوبه تبي تسافر لا ودها تدفع قيمة

التذكرة ولعبت في حبي لها وفي الاخير استلمت الحواله و رحت وشبيت في بيت نزردي ونحشت

السعوديه ورجعهت لبوي ورجعني لحنان ابووه (ومامسطني بعقال صدق والله ) و زوجني بنت

خاله وعشت حيات سعيده واصبحت من الذكريات الحلوه وعرفت بعدعا انا الحب اخذوه بعذ الناس

لعب في قلوس البشر تحياتي لكم ... نتاوي Riyadh



هاذي كانت من اوال القصص الي انكتبت في منتدى اقلاع لحبيب قلبي نتاوي وهي من بدايات

الي انتشرت من بعدها القصص الخياليه المسليه وكتبت هاذا الموضوع قبل 7 او 8 سنوات

يوم كان نتاوي بـ 18 من عمره ايام الصبا الله يوفقه ان شاء الله بس والله يضيق صدري

اذا شفت فن من فنون الأدب يروح في مهازل غزل و مضيعة وقت ببلا فايده ولو انه

كاتب قصه خياليه فيها عبره احسن ما اعتبه لكن اعاتب الجميع وموفقين وترا هاذي

النسخه الي قدرت اخاذها منه قبل التنسيق املائي وغيرها لن بعد تنسيق ضايعه