العمل على النت ، الدراسة على النت ، والمشكلة اني أدمنت النت قبل مادرس فيه وقبل ماعمل عليه من سنين كثيرة ، والله مادري متى بديت فيه وعرفته ، عشت فيه حياة ثانية ، تعرفت على أمم ، شفت وعرفت فيه كل انواع الناس.
أكثر من 7 خطوط عليها فواتير بالهبل بسبب جلساتي على النت ، على ايام الدايل اب وملحط صغير سن ماعندي فلوس اسدد فيها الفواتير ، كل ماقربت فاتورة الخط الحالي ، اروح اسرق كرت العائلة واخذ منه كوبي ، وأختار أسم جديد اطلع فيه ( new line ) ، واجهز كل شي قبل مايفصل الخط الحالي ، لانو مستحيل يمر علي يوم من دون نت .
جيراننا اللي فوق استلمت خطهم فتره ، من بعد الساعه 1 بالليل الى 5 الفجر ، هذا على خط الجيران لعل وعسى أقدر اوفر شوي!! بالاخير ( كفشوني )
الدينمو حق الموية ، سمعت صوته وقلت منو اللي شغل الدومين ؟ يقولون وشو الدومين ؟ الدومين حق الموية اللي بالحوش ياهوه وش فيكم انتم ؟ بكامل قواي العقلية.
اصحى من عززز نومي ، اطبق فكرة خطرت على بالي ( بالحلم ) ، والمثير اني انجح بتطبيقها ( برمجة ) ، من كثر التفكير أصل لمرحلة هذيان وسوسة أرق تعب.
تصحيني أمي ... أقوم مفزوع اسألها ، يايمه منو اللي طفى السيرفرات ؟ وش سيرفراته اللي يرجع لك عقلك ، قم قم افطر اذن المغرب! <-- هذي جديدة للأسف
الناس حولي ماعرفهم نسيت 99% من علاقاتي برى النت انتهت وبقيت ( alone ) . تخرجت بنسبة 68% من الثانوية. طبعاً ثالث ثانوي درست تقريباً شهر واحد ، والباقي كله تفريك عشان ارجع بسرعه اجلس على النت.
الوالد الله يحفظه أحد الايام ، شالني فوق وعطاني الارض ، وشال الصندوق ورماه فوقي ، وشاله مره ثانيه وصكه بالارض وعطاه ثالثه ورابعه بالارض ، طلع من الغرفة ورجعت شبكت الجهاز زي المهبول والحمدلله لا أنا ولا الجهاز تضرر
موقف مستحيل انساه!
صداقاتي وعلاقاتي الرسمية ابنيها في النت ، مستحيل اخليها توصل لبرى الا نادراً.
باقي لي شوي وأفصل خلاص ، مع ان اهلي مفكرين اني فصلت من زمان ومراعين حالتي دائماً
موضوع رائع جداً
وهنالك عائلات بها مشاكل بسبب ظاهر الانعزال هذه , ليس فقط عن العائلة الموسعة وحتى عن الزوجة والاولاد.
.
انا هني افقد تركيزي وأعيد ثاني مرة احاول افهم الكود واكون مركز ويجي اخوي يطلب مني شئ يشتت تفكيري وبعض الاحيان اكون مع عميل ويجي اخوي يطلب مني شئ ارجع للعميل القاه Ofline 
