السلام عليكم

الحال في السعودية مع إرتفاع الأسعار صار مايطاق .

كل شيء في إرتفاع مواد غذائية , مواد إستهلاكية , غيارات السيارات وغيرها .

مافيه شي ينزل سعره عندنا إلا الأسهم .

اليوم طلعت من البيت مريت محل الشاورما وطلبت وعطيته الحساب , قالي ناقص قلت وش ناقص انا كل اسبوع اخذ كذا , قال لي الصاروخ صار سعره 6 ريال , قلت هاتها بـ 5 ريال ولا خلها عندك , طبعاً رفض .



مشيت قلت مالنا الا كبسة أدخل المطعم وأطلب حبة مندي , جهزت 22 ريال كالعادة قالي سلامتك الدجاجة الحين بـ 24 ريال قلت زين ماشين على المقاطعة أجل .


وين وزارة التجارة ؟ اللي يومياً يطلع ويقول مافيه إرتفاع ؟
وين اللي يقول بدأنا حرب إرتفاع الأسعار ؟



ياخوفي بكره البيبسي بـ 5 ريال .



الله يعين .

__________________
* راسلني

فعلا احس اننا صرنا في المطارات ... الموية والبيبسي والشاهي كلها بـ 5 ريال , وياخوفي البقالات تصير زي المطارات

والله الحالة حالة والظــاهر ان الربع استانسوا لان الشعب ساكتين ويدفعون ماعندهم مشكلة .. مالها الا ان الواحد يتعلم الطبخ والنفخ

اليوم رحت اغير زيت السيارة وعلبة زيت الفوكس سوبر جي تي صارت بـ 14 ريال وكانت بـ 13 بعد ماكانت قبل 4 سنين بـ 8 ريال ونقول غالية ... الله يعين بعد 4 سنين جاية كيف بتصير اسعــارنا

مالنا الا الدعاء ... اللهم أرخص اسعارنا والطف بحالنا

وزير التجارة راتبه 45 ألف شهرياً يعني اللي بـ 10 يصير بـ 20 ماعنده مشكلة الراتب يغطي وزيادة , لكن المصيبة الباقين اللي رواتبهم على 7 و 8 ألاف ريال ولا أقل

قلنا ماشي الرز إرتفع علشان الفيضانات اللي في الهند وسعر الدولار , لكن المصيبة الألبان والدجاج الي يصنع محلياً ( مثل الوطنية والتنمية وغيرهم ) والخضروات والفواكة على أي اساس ترتفع وهي محلية ماتتأثر لابرفع الدولار ولاغيره وإذا جيت للمطعم وقلت شاورما قال بـ 4 ريال والأسبوع اللي فات بـ 3 >> إرتفاع أسعار
والطماط اللي بـ 15 ريال صار بـ 30 وهو محلي ,,
لكن ماأقول إلا الله يعجل بشيلت وزير التجارة

أما زيت السيارة قصة ثانية
من 8 ريال إلى 14 ريال ,, والسبب طمع التجار ومع الخيل ياشقراء رفعوا المواد الغذائية رفعنا معهم
لكن نصيحة اللي يبي زيت السيارات يروح يشتري كرتون من سوق الجملة بـ 210 وتطلع عليه العلبة بـ 7.58 ولا 8 ريال ,, قال إيش 14 ريال > _ >
والكلام على الزيوت الباقية وقطع الغيار

إذا لم تكن ذئب أكلتك الذئاب

__________________
” كذب من قال الدنيا هي نفسها الدنيا بعيني من بعدك ياأبو محمد “
﴿ كُلُّ نَفْسٍ ذَآئِقَةُ الْمَوْتِ ... ﴾ رحمة الله عليك
*عدم ردي على بعض الرسائل لايعني تجاهلي لها

الشاورما بـ 3

اعرف لك محل راح فيها

راعيه سوري حق فلافل !! صار يبيع الصبة بـ 3 اللي هي صغير والكبير بـ 4 ريال

وقعد يومين تشوف محله مايدخل احد ابداً ابداً والمسكين راح فيها كككككك

واللحين رجع اسعاره ورجع شغله !!!

بس لو الشعب يفتهمون ويقاطعونهم !! راح ينزلون السعر ويمكن ينزلونه دبل هع

يالله الله يعين زظ

__________________
خدمات التصميم
Amazing4Design ~ لتصميم المواقع وخدمات المواقع
- العضوية يستخدمها شخصين :D
##########
# لا إله إلا الله #
##########

البيبسي بـ المملكه ( بريال ,80 فلس )
عـندناا بـ 100 فلس !

الشاورمـاً ..
عندنا بــــ 250 فلس يعني 3 ريال تقريباً
كل فتره مطعـم يزيدَ يدعون اللحوم الطازجـه والذيذه < - خير أن شاءالله

المشكله ليست من المحلات او تجارنا و لكن في انخفاض الدولار الامريكي قارنه ببقيه العملات التي نستورد و يستورد منها تجارنا البضاعه. معضم عملات دول الخليج تعتمد عملاته كليا ع الدولار الامريكي ماعدا الكويت التي قد اعتمدت ع سله عملات.

في قطر الشاورما ب 5 ريال



كبسة اللحم من مطعم الكاتم ب 49 ريال
وكبسة الدجاج من مطعم الكاتم ب 19 ريال

__________________
لا اله الا الله محمد رسول الله

----------
شركة قطر هوست
www.Qatarhost.com

شركة قطرية رسمية بسجل تجاري في دولة قطر

للمراسلة : billing@qatarhost.com

انا اقولك الأشياء اللي حصلت معي خلال هالأسبوع فقط :

-مرة رحت افصل ثوب طبعا عارف سعر الثوب لأني قبل شهر مفصل نفس المقاس ونفس القماش يوم جيت احاسب قال لا باقي 20 ريال ؟؟؟ قلت طيب الرز وعرفنا انه ارتفاع عالمي والدجاج ومشيناها !! انتم ليه ترفعون سعر الثياب ؟؟ قال لي وقفت علينا ياخي كول الناس بترفع الأسعار خلينا نسترزق ؟؟

-فيه محل بالتخصصي يبيع شاورما يوميا امر من عنده واخذ شاورما بـ 3 ريال اليوم مريت يقول لا صارت بـ 5 قلت ليه قال اللبناني والله هذي اسعارنا !!


-بطارية السيارة ارتفعت دبل سعرها

-الإستراحات ضعف السعر

......الخ

__________________

• مدونة مسولف
• مدونة اقتصادية
• MSN : abdallah.2004 [@] hotmail.com
• العضويه تستخدم لـ أكثر من شخص.

كفيتو ووفيتو . .

طيييب في شيء لازم ننتبة له إنة في ناس محددودين بالراتب الشهري وليس لديهم مصادر اخرى .. إذا كان يكفية شهرية مصاريف معيشة 4000 مثلا الان صارت تقريبا 7000 مع الزيادات اللي صارت في كل شيء له دخل بالارتفاع والا مالة دخل .. الان الــ 3000 !!! من وين يجيبها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟



في امان الله

عادي خل تجي بالسعوديه هالاسعار بس يعاملونا مثلكم

لا فواتير كهرباء وتخفيص اسعار مكلمات الجوال ,,, وغيرها الي تعطيكم اياها الحكومه


حنّا بالسعوديه من كل جهه ضرب *_* بالاسعار

__________________
p-king-p@hotmail.com


الرجاء مراجعة الموضوع للجميع :
http://www.swalif.net/softs/swalif12/softs302945

إن شاء الله يتغير وانا اخوٍكـ

وإذآ ماتغير بتلعم الطبخ اصرفلي ( خبزٍ + جبن + موٍيـه )

__________________
p-king-p@hotmail.com


الرجاء مراجعة الموضوع للجميع :
http://www.swalif.net/softs/swalif12/softs302945

الحمدلله راتبي 2700 ومستانس بس عاد كل اخر شهر اسدد البقالة واشتري خيشه رز وكيس سكر وكرتون دجاج وحفايظ بزر الله يعزكم وغيار زيت سيارة طبعا انا مقتصد اعبي بنزين في الاسبوع مره والبزر حليب علبتين في الاسبوع من ابو 19 ريال طبعا كهرباء بحدود 150 ريال طبعا رغم انها توصلني احيانا دبل وتلفون مقتصد جدا شهريا 90 ريال لي و90 للحرمة ودي اس ال وتلفون كل شهر تقريبا بحدود 200 ريال وايجار بـ 1200 ريال غرفتين ومطبخ وحمام وصاله وش رايكم نجي نحسبها

بقالة 300
رز بـ 45
سكر 22
دجاج 80
مستلزمات الطفل 400 وعليها شوي من مراهم وغذاء وخرابيط مدري وش تبي بس يحتاجها البزر
ايجار 1200
بنزبن 130
كهرباء 150
تلفون جوال 180 لي وللمدام
انترنت وتلفون ثابت 200 شهريا

الناتج طال عمركم 2707 ريال

شفتو هذا للحد الادنى علشان اعيش انا وطفل وأمة والحمدلله على كل حال مانبي نتكلم عن الاعياد ولا نبي نتكلم عن رمضان ولا نبي نتكلم عن الاجازات ولمعلوماتكم ماعندنا شي اسمه مطعم ولاعندنا شي اسمه تمشيات يعني فقط اكرف للشركات يوميا لمدة 9 ساعات عدى يوم الجمعة لمدة 11 شهر والشهر الاجازة اكرهه لاني اقضيه في البيت وطبعا مافيه فترة تقدر تشتغل فيها بعمل اضافي لان عندك الدوام على فترتين وكم واحد بنفس هالحالة كثير تقريبا جميع موضفي القطاع الخاص .

طبعا انا ماقول هالكلام شكوى لا واحمد الله على الي انا فيه لان للاسف الشديد ياكثرهم شباب اعرفهم رواتبهم على 1200 وعلى 1500 وان طقتهم الحمى 2000 ريال ابي افهم كيف يصرفون الله يرزقهم بس

وغلاء الاسعار سببه وزارة التجارة وليس العرض والطلب لان اغلب المنتجات الغذائية تنتج في بلدنا بل نصدر لبقية دول الخليج فلماذا ترفع الاسعار

السلام عليكم ورحمة الله وبركاتة ..


الله يكون في عونكم اخواننا في السعودية ..

نحن عندنا نفس الحال في الإمارات ..
بس نحن حماية المستهلك في صفنا .. من يرفعون الاسعار نزلوها .. واللي تتم مرتفعه اشياء غير استهلاكيه ..

أنا عن نفسي راتبي 70 الف .. 68 الف لي و 2000 لـراتب التقاعد ..

البترول عندنا نار
الشيشه نار
السينما يوم يرفعون الاسعار ويوم ينزلون
الفنادق * الاستراحات * ابو النار اللي كان بــ 600 صار بــ 1200 .. على الله
اسعار السيارات نار .. التويوتا لاند كروزر 8 سلندر اللي كنا نشتريه بــ 148 الف مواصفات كامله رقم واحد صار بــ 214 الف ..

الله كريم بس

__________________
رحمك الله يازايد الخير وطيب الله ثراك

نسأل الله أن تنخفض الأسعار وأن يلطف بنا ويرحمنا


هذي ليست حماية المستهلك بل حماية التجار

__________________
شعبيات

المشكلة يااخوان بالحكومة نفسها ماتحركت مفروض يتشددون بالامور هاذي اذا خلينها تصير سايبة الامور

ثاني شيء البطالة ياعالم ذبحتنا وذبحت هالشباب


تخيلوا سنتين عااطل رحنا للعسكرية قطاع الداخلي ورفضوا وحتي الجيش رفضوا ليش لانة ناقصني كم سانتي

ياعالم اذا تركنا الامور كذا خلاص الشباب ينتهون والشعب بيكون بفقر

__________________
سبحان الله وبحمدة سبحان الله العظيم

صدقت والله كل شيء بارتفاع

حتى غيارات الاطفال "الله يكرمك">> **** ابو التشبية لاتشبه بذي الحاجات ترانا بمنتديات تطويرية


انت شف الصورة اللي فوق يوقلك " ايها الجمهور الكريم" >> قاعدين يخرجون دفعه

و مزايين الإبل بالملايين !!

لا حول و لا قوة الا بالله

__________________
سبحان الله و بحمده سبحان الله العظيم .
random-x@hotmail.com
-------------
بين الفينة و الأخرى ... لماماً أظهر !