السلام عليكم ..
انا لا اؤيد التعميم ولكن بصراحة مشاكل العمالة البنغالية كثيرة , وطبعاً هذا لا يمنع ان منهم المسالمين اللي همهم توفير العيش لأبنائهم .
فيه مشكلة قبل فترة حصلت لوالدي انا وهذي قصة واقعية مو من نسج خيالي , المهم كان عند والدي محل "معرض" اجهزة كهربائية واشياء ثانية معها مشغل فيه بنغالي -على كفالته- الوالد جلس فترة طويلة وهو ماسك المحل ويومياً يكون موجود فيه الصباح والعصر والمساء , ولكن بعد فترة انشغل الوالد وصار البنغالي لحاله في المحل جلس على هالحالة تقريباً سنتين والوالد مأمنة بصفة ان له 12 سنة في السعودية مع الوالد وهو ماقصر معه ابد ولا قد أخر رواتبة ومسكنه على حسابه ويدفع له حق الاكل والشرب وحتى تذاكر سفره هو اللي متكفل فيها ولا يسيء معاملته , صحيح انه عصب شوي ولكن اهم شي انه ما يهينه او يغلط عليه بصفة شخصية وعموماً هو طبعه عصبي , المهم ان البنغالي وبعد 12 سنة قال للوالد انا بروح اشوف اهلي وارجع والوالد على نياته الرجال له 12 سنة ومو اول مرة يروح لاهله قص له تذاكر ذهاب وعودة وجدد اقامته ولا جرد عليه ولا شي لأنه واثق فيه , بعد ماراح الرجال جا صاحبه وقال لوالدي ان الرجال فتح له محل في بنغلاديش نفس نشاط ابوي في السعودية وانه ماعنده نية يرجع ! مسك الوالد المخزن حق المحل وجرده لقى الكراتين فاضية ومصففة على انها جديدة ! واللي داخلها كله مو موجوده .. عاد وش سوى بها الله اعلم هو كان يبيعها بدون كرتون ! وياخذ الفلوس له او انه حملها معه لبنغلاديش مع اني ما اتوقع ! , العبرة من القصة ان بعض العمالة ما ينفع فيه الطيب وينطبق عليه قول الشاعر -اذا اكرمت اللئيم تمردا!- وهذا على ناس كثير مو بس العمالة , ولكن عادةً العمالة تكون اماكنهم حساسه فـ هذا تنبيه لأي شخص عنده محل نشاط تجاري او عند والده او اصحابه انه ينتبه وما يأمن احد مهما كان والا يمكن يجيه ماجا الوالد ! .
وسلامتكم
مع التحية ..
__________________
اللهم أيما امرئ شتمني أو آذاني أو نال مني اللهم إني عفوت عنه, اللهم فأعف عنّي, اللهم إني عفوت عن عبادك فاجعل لي مخرجا أن يعفو عبادك عني .