السلام عليكم ورحمة الله وبركاته

احتجاجا على الغلاء وارتفاع الاسعار الجنونى داخل مصر واحتجاجا على من يموتون بطوابير العيش واحتجاجا على الحد الادنى للاجور اعلن شعب مصر يوم 6 ابريل يوم الاضراب العام للشعب


تم الاتفاق حتى الان على الاتى
1- الاجماع على تعليق علم مصر فى البلكونات

2- الاجماع على ارتداء ملابس سوداء و يفضل مطبوع عليها اى شعار للإضراب لو
امكن مع حمل شاره او اى اعلان عن "إنى مضرب إحتجاجا على الأسعار

3- تم بالإجماع الاتفاق على الإضراب عن شراء أى سلعه لتمثل وسيلة تهديد للحكومه التى لا تعيرنا اى انتباه و لا تحترم وجودنا ولا تحس بمعاناتنا و كذلك الاضراب عن شراء السلع يعتبر تهديد لاى تاجر يرفع الاسعار اننا يمكن ان نتحد لمواجهته
عند حدوث حالة شلل فى هذا اليوم سيفكر الجشعون الاف المرات امام هذا الشعب الواعى

4- تم الاتفاق على ان يحاول الجميع قدر استطاعته بكل السبل على الاضراب عن العمل و الغياب عن العمل هذا اليوم و اعلان ذلك قبلها و اعلان الاضراب

5- اجمع جميع الطلبه على الاضراب عن الدراسه فى ذلك اليوم و اعلان ذلك مسبقا

6- لإصحاب المهن الحرجه كالطبيب مثلا أو ما شابه و كذلك لمن لن يستطيع ابدا ابدا ان يمتنع عن العمل و كذلك بالنسبه للطلبه الذى يتوافق 6 ابريل مع امتحاناتهم فإنهم سيضطرون للذهاب لمصالحهم مع اعلان الاضراب لبعض أو كل الوقت و كذلك الاعتصام السلمى فى مجموعات إن امكن

7- على من يستطيع النزول للتظاهرات التى ستكون فى الميادين الرئيسيه بالمحافظات يمكنه ذلك و لكن بعد الاتفاق مع القوى السياسيه و منظمات المجتمع المدنى على ميعاد و مكان التظاهرات .. و حتى الان تم الاتفاق على ميدان التحرير فى القاهره .. و ميدان الحقانيه بالاسكندريه ... و ميدان الساعه بدمنهور
.. و ميدان المحطه بالشرقيه ... و امام مبنى المحافظه بالمنصوره
و ستبدا الوقفات الإحتجاجيه الساعه الحاديه عشر و تستمر طوال اليوم فى اسلوب متحضر محترم بدون أى سلوك او الفاظ غير لائقين
و خيار التظاهر مفتوح لمن يريد .. و من لا يريد عليه الختيار أحد الاختيارات من كل الاختيارات السابق ذكرها

8- على الجميع العمل بجد منذ اليوم حتى يوم 6 ابريل على نشر كل تلك الافكار بين الشعب المصرى و هم اهلنا و اصحابنا و اقاربنا و زملائنا فى العمل مستخدمين فى ذلك كل الوسائل المشروعه من دعوات صريحه عامه او فرديه او ارسال رسائل محمول او مكالمات هاتفيه او البريد الالكترونى و المنتديات و المدونات و المواقع الاعلانيه و الجرائد و الصحف و المجلات و الاتصال بالفضائيات .. و كذلك تعليق الالافتات و ارتداء تى شيرت أو شاره يحمل الدعوه للإضراب من الان حتى ميعاد الاضراب
و على طلاب الجامعه نشر كل تلك الافكار بين اصدقائهم و زملائهم و محاولة النشر بكل الوسائل السلميه




يوم إضراب عام في مصر

يوم 6 إبريل
خليك قاعد في البيت
أوعي تنزل

ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر

عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان

مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا

قول لأصاحبك مايروحوش الشغل همه كمان وخليهم يدخلوا الإضراب


( حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابة المحامين - حركة أستاذه الجامعات

للانضمام الى الالف من المضربين دة رابط الجروب

Login | Facebook

انا عن نفسى مش هشترى اى حاجة اليوم دة وهعلق علم مصر على البلكونة

متستهونوش وكل واحد يقول انه مش هيفرق مع الناس دى احنا 82 مليون مصرى لو كل واحد امتنع عن الشراء ليوم واحد وبحد ادنى 5 جنية لكل واحد هنعمل رقم يزيد عن 2 مليار مبيعات فى يوم واحد ياريت نعمل اكتر واكتر عشان يحسوا باللى احنا فيه


انا بدعوا كل المصريين يمتنعوا عن الشراء فى اليوم دة احرمهم ولو من جنية زى مابيعملوا فينا

__________________
اقرأ القران الكريم

Proud To Be A Muslim


نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

ماتروحشي الشغل
ماتروحشي الجامعه
ماتروحشي المدرسة


راح تطلع اكثر من بيع السوق عليكم....
والله يكون في عونكم وعون الجميع
مادري ايش السبب في ارتفاع الاسعار في العالم وخصوصا في العالم العربي
شئ غريب يمكن تكون نوع من انواع الحروب ؟! <<< قاعد يتفلسف

__________________
العاب

والناس تجوع يعنى علشان نعمل اضراب ولا نحوش لبكرة وبعدو علشان نعمل اضراب

استاذى الفاضل ما سوف يحدث ما هوة الا شكل صورى لن يجد اى تحرك فعلى

وتذكر وضع امامك هل ستنحل الامور بهذا الافعال

من يقول لك ايوة اعلم انه لا يفهم شىء

سلام عليكم

__________________
ان كنت تبحث عن الفتنه الحقيقيه بين العرب بعضهم البعض

وخاصة بين المصريين بعضهم البعض

فعليك الدخول ومتابعة قناة و موقع العربيه نت

مش مشكلة نضحى بيوم مانت تبقى غلطان لو فاهم ان الموظفين اصلا الى بيروحوا مرتبهم مكفيهم عيش حاف

احنا هنا بنتكلم عن اضراب يحقق هدفين اول هدف هو اننا نعرف الحكومة اننا كشعب نقدر نتحد و نبقى على موقف واحد ونقدر زى مابياخدوا الى فى جيبونا اننا نخسرهم كتير والهدف التانى اننا نوصل كلمتنا بشكل ايجابى للمسئولين عن ارتفاع الاسعار فيعرفوا ان البلد لسه فيها بنى ادمين عايشين ويعيدوا التفكير فى ارتفاع الاسعار الجنونى عالاقل يوقفوه ويرفعوا الاجور

الارتفاع فى مصر جنونى شبه يومى الله المستعان

__________________
اقرأ القران الكريم

Proud To Be A Muslim


نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

الناس تجوع يوم بمزاجها عشان ميجيش اليوم الى يجوعوا طول الشهر غصب عنهم

انت حكمت عالى هيقول اه انه ميفهمش حاجة دة رايك وانت حر فيه بس انا رايى ان الى مش هيشارك فى رد فعل الشارع المصرى تجاه ارتفاع الاسعار فهو انسان جبان ويحب يمشى جنب الحيط ومعاه فلوس مكفياه وباصص تحت رجله مبيشوفش العالم الغلبانة الى فى يوم قريب هتموت من الجوع, انا الحمد لله مستورة لكن كل واحد لازم يبقى له راي ولو انت شايف ان دة مش هيحل حاجة عالاقل لازم تيجى تقولنا ايه الى هيحل من وجهة نظرك احنا مش خرفان بيسوقوها

__________________
اقرأ القران الكريم

Proud To Be A Muslim


نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

كلامك جميل

لاكن فكرة ان ننظر لانفسنا كالخرفان ( كما ذكرت بردك ) هذا لا يصح لان تفكيرنا وعادتنا كشعب مصرى لا تتوافق مع تلك الالفاظ الرجعيه

ملحوظة: الاضراب لا وجود له على الاطلاق بالشارع المصرى سوى على الانترنت فقط ( يمكن شارع او اتين لو لقيت ) يعنى للاسف موجة للناس اللى معاها فلوس وهوة دة اللى اقصدو يا استاذى

__________________
ان كنت تبحث عن الفتنه الحقيقيه بين العرب بعضهم البعض

وخاصة بين المصريين بعضهم البعض

فعليك الدخول ومتابعة قناة و موقع العربيه نت

ماوددت الرد ولكن هذه الجملة استفزتني قليلا برغم ان لست مصري ولكن مسلم وعربي احتجوا وقولوا كما شئيتم استم الرئيس اشتموا الحكومة اعتصموا ... بس العلم يعني وطنك وإنتمائك والوطن لا يمكن ليوم ان يجور على ابنائه ...

وان أخطاءت صوبني

__________________
################################ PHP.SD ########
We're not first,But We're the BEST

##

اخ حمادة انت فهمت ايه من تعليق العلم فى البلكونة ؟
احنا نقصد من تعليق العلم شعار لينا كمصريين يجمعنا سوا ويظهر ان المضربين هم الشعب المصرى

__________________
اقرأ القران الكريم

Proud To Be A Muslim


نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

مع انى متفق معاك فعلا ان عاداتنا لا تتوافق مع الالفاظ دى ولكن دى سياسة الحكومة معانا وانا بطبعى مش من محبى السياسة والتظاهر والكلام دة بس احنا حاليا بنتكلم عن اتخاذ موقف جماعى لايقاف ارتفاع الاسعار الجنونى عشان الناس تعبت وبعدين الاضراب يوم 6 مش النهاردة ولا بكرة والاضراب زى ماقولنا مش هيكون بتظاهر الشعب كله بس عالاقل هيكون فيه امتناع عن ادخال اى اموال للحكومة والقطاع العام والخاص عن طريق الامتناع عن شراء اى شئ لمدة يوم واحد فقط انت مش هتلاحظ حاجة فى الشوارع مختلفة اليومين لو دة الى كنت فهمته من كلامى

__________________
اقرأ القران الكريم

Proud To Be A Muslim


نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

بتموتون حر مع الشمس الحارقة

الله يعينكم الحال من بعضه

__________________
سبحانك ، وبحمدك لا إله إلا أنت استغفرك وأتوب إليك

العاب

الى يقدر يعمل حاجة يعملها الحجات دى مش اجبارى على قد ماهى شكل تنظيمى بس وبعدين احنا لسه مدخلناش فى الصيف

__________________
اقرأ القران الكريم

Proud To Be A Muslim


نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

والله انها فكره جنونيه .. لو نسويها بالخليج اشهدننا بنهزهم هالتجار

__________________
سئل أحد الحكماء : أي عز يكون بالذل متصلاً ، فقال العز في خدمة السلطان

-
محب الله ورسوله
شخص احببته فالله واحترمه واتمتع بمشاهدة مشاركاته , كذلك أنصحك إنت بعد تبحث عن مشاركاته ..

دة اقل حاجة ممكن نعملها بس احنا اتعودنا عالسكوت
محدش يقول الاخ دة خارج فى كل المظاهرات انا اصلا بعيد عن السياسة تماما بس عايزك تبص عالصورة دى



ومش لاقيينه الناس كمان الناس بتموت بسبب الطوابير قولولنا نفضل ساكتين ازاى طيب

__________________
اقرأ القران الكريم

Proud To Be A Muslim


نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

بتسوي مظاهرة ؟

يسطحونك للحفر وانت منت مخطط لها

__________________
مربع لخدمات الاستضافة
http://www.murabba.net.sa

التظاهر بادب مش بالتكسير لازم برضو نبقى محترمين واحنا بنعبر عن راينا

__________________
اقرأ القران الكريم

Proud To Be A Muslim


نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

مش عارف ابدأ ازاى لكن يوم 6 ابريل مع كل الشعب انا موجود يوم 6 ابريل مع صرخة الم موجود يوم 6 ابريل يوم نتحد فيه حتى لو غلط انا موجود فاكر لسة من فترة بسيطة من اقل من شهرين خرجت مصر عن بكرة ابيها ( مش بيقولوا كده برضه ) خرجت الجحافل الشعبية لتعبر عن فرحتها بفوز الفريق الوطنى بكأس الاممم الافريقية يومها بكيت واقسم بالله اولا لانى مصرى فرحان بكيت لانى فرحت اخيرا........... وكيف ..................فرحت كثيرا ولكتى يا اخوان بكيت اكثر على اننا لماذا لانتحد هكذا ضد الطغيان والظلم والفساد لماذا لانتحد هكذا ضد الحقد والفقر والاحتياج لماذا لانتحد هكذا ضد الرشوة والمحسوبية والقذارة امسكت باوراقى اكثر من مرة ولملمت حاجاتى ونويت الرحيل والى الابد ولكنى فى كل مرة اصطدم بهمسة عابرة تعيدنى الى وطنى مرة اخرى قبل الرحيل ولكنى معكم دائما فى حب مصر احلم بها معكم احبها معكم ولكنى اقولها لكم الان قبل ان تسمعوها من غيركم
نداء الى كل عربى - سوالف سوفت
هيا نبدأ بأنفسنا اولا هيا نحاسب نفسنا ماذا فعلنا لها وماذا فعلنا بها وليكن بعد ذلك ما يكون ولنامل من الله خيرا فى هذه الوقفة الجريئة والتى نتمنى ان تمر بدون اى اختراقات امنية او اجرامية او يكسب فيها ومنها من هم يريدون بنا وبهذا الوطن سوءا اكثر واكثر
تعالوا نحلم بمصر ........جديدة
تعالوا نحب مصر فى الحقيقة
تعالوا نضع اول خطوات اصلاح حقيقية ونبدأ بأنفسنا

عندي إمتحان والله يستر لأتلم معاكم وأنا مليش ذنب
لأني لا بتاع مظاهرات ولا بشارك فيها
لكني معفي اللحية والله هو الحامي بإذن الله

مع احترامى لك احنا فى زمن الرأس ماليه

سبب اللى انت فيه ببساطه انك مش تعرف حقوقك او واجباتك انا كنت فى مناظره عامه مع مسؤولين من الحزب الوطنى امام بعض الاحزاب والمناقشه انتهت بالاعلان الصريح من المسؤول ان السبب الشعب نفسه

سؤال لما الحكومه تعلن عن توفير فرص عمل طلب موزعي عيش بلدى ابو شلن على تروسيكل براتب 500 جنيه ومايتقدمش شباب ده معناه ايه

لما انت وغيرك تتهربوا من الخدمه العسكريه ده معناه ايه

لما انت وغيرك مش عارفين قانون بلدكم ده معناه ايه

لما انت وغيرك مش عارف حقوق بلدكم عليكم وبنتهرب من ضريبه الدم ده معناه ايه

لما انت وغيرك تقبلوا تدفعوا رشاوى يبقى بتساهموا فى الفساد هاتقول الموظف يرفض اشتكيه لرئيسه رئيسه نفض

فى الجهاز المركز للمحسابات فى لجان حقوق المستهلك لو مشكلتك فى سلعه فى تنظيم الاتصالات لو مشكلنك فى اتصال رفضوا فى قضاء يحكم
لما انت تعمل كده وغيرك يعمل كده ونرفض ندفع رشوه اظن الاحوال تصبح افضل

لما الشاب يعرف ان الحكومه مش هاتوظف لحد 2015 وده حقيقه وسيبك من الكلام الى غير كده سوى بعض التعيينات مكان المحالين للمعاش يعنى بضعه الاف فقط يبقى ده معناه ننزل ندور بدل ماحنا قاعدين على القهاوى

لما الناس تفهم اننا فى عصر السرعه مش عصر النوم 18 ساعه وان عرصنا عمل واحد لايكفى يبقى فى حل

لما يكون الشعب كله مؤهلات عليا يبقى حاجه غلط فى اولياء امورنا
لما ابن يكون غبى وابوه عارف انه غبى ويدخلوا ثانويه عامه بدل مايعلمه صنعه يبقى ده غلط

ملحوظه فى مهن فى مصر انقرضت بسبب مايسمى فوبيا ماشتغلش الا فى اللى انا متخرج منه


انا ضد المظاهره لانى مقتنع اننا اللى عملنا كده لكننا بندور على حد نلومه وخلاص

هوا ده الكلام السليم

الادب ثم الادب

يارب فعلا يطلع شئ يليق باسم مصر

__________________
العاب-برامج-عالم حواء-برامج سوفت-منتدى

صدقني لو سويتو مظاهرات وقلبتو الارض فوق تحت ماراح تطلعون بفايده
اولا مصر مافيها فلوس ولا نفط ولا شي يستحق انه يكسب ذهب
ثانيا مصر تتلقى تبرعات من امريكا سنويا
ثالثا عدد شعبكم وصل المليار ومافي مكان يكفيكم حتى هواء بمصر مافي للتنفس
رابعا اغلب الشباب المصري اتخذ من الانترنت وسيله للكسب من الخليجيين وسوالف شاهده على ذلك

استاذ عبد الله

لو مصر مافيها نفط
مافيها ذهب
مافيها مياه
الثروه البشريه اهم ثروه تمتلكها الدول وابسط مثال اليابان لاتمتلك اى شىء واصبحت قوه لايستهان بها حتى المياه لاتمتلكها

وهذا ماقوله ان التحرك يكون من ناحيتنا احنا مش باضراب او خلافه بل بالاجتهاد بالعمل وتاديه عملنا على اكمل وجه

عدم انتظار حسنه تاتينى او مبلغ بلا جهد بل اذهب لاعمل

ان اعرف حق دولتى على واعطيها لها بالكامل

ان اعرف حقوقى بدولتى واخذها بالكامل

وللاسف لاحد يعرف حقوقه او واجباته وازيدك من الشعر بيت لاحد يعرف قانون دولته ودستورها

لو سالت اى شخص قوله من وزير الزراعه هايقولك ماعرفش يعنى مايعرفش حكام بلده اساسا

التغيير مننا احنا مش من مظاهره هانخلى الكون يتغير المظاهره لما يكون لينا حق لكن احنا مالناش حق

وردود الحكومه فعلا حقيقيه لانملك وظائف للشباب

لانملك حل سحرى للفساد

لانملك حل سحرى للرشاوى

لان ببساطه الحلول فى ايدك انت

ظابط ضربك اشتكيه والباب مفتوح لحد وكيل وزاره الداخليه
ماحدش عبرك اكتب شكوى فى اى جريده والجرايد كتير

عندك مشكله مع موظف عايز رشوه اشتكيه مانفعش امتنع عن سداد الرشوه بل عندك مباحث اداريه تقدر تنسق معاها وتحبس الموظف فى حاله تلبس وانت بتدفع له

عايز حل للفساد لما تشوف حاجه غلط ماتستكتش


كل ده عيوب فينا احنا احنا

الماء يفحر في الصخر ليس بقوتها ولكن باستمراره
اللهم اعانا علي كل من يقف في مصلحه مصر لمصلحته الشخصية

وفي قران ربي " اليس الفجر بقريب " وانا مؤمن بكلامي ربي وغير مؤمن باي كلام تاني
فشكرا لردك علي هذه الجزئيه

فان شاء الله هنطلع بفايده لان زمان مكنشي حد بيتكلم الوقتي الناس طهقت وبدات تكلم بعد شويه هتبدأ تعمل بعد شويه هيحصل تغيير والله المستعان

وبخصوص مصر مش عنده نفط ذكرتني ببيت للشاعر نزار قباني لا اود ان اذكره حتي لا يتضايق بعض الاخوه لكن مصر يا عزيزي تنهب علي مر العصور من الاتراك والانجليز و... الخ وحتي الان تعيش اضف الي ذلك
قناه السويس ( لو تم تحويل العمله الرئيسيه الي الجنيه المصري سيتحول مصير قوة الجنيه المصري )
عندك مشروع توشكي ( اللي خيره مش لنا ) والد صديق لي يعيش في فرنسا كان في اجازة يقسم ان كيلو الطماطم القوطه المصري اغلي من كيلو الطماطم الفرنسي في فرنسا
ب6 يورور

هذا تعليقا علي ردك


لكن من هما من اتباع الحزن اللاوطني الدموي قراطي ( الحزن الوطني سابقا )

معنديش رد عليه .. لان الرد مش هيفيد كتير

بس هقوله موقف كنت في رحله للعريش مع شخص اتضح لي بعد فتره انها احد رجال الحزن اللاوطني رئيس مكتب الحزن اللاوطني في مدينه ....... بمحافظة الدقهليه

وجلس يتقاول علي رجال المعارضة في مدينتنا باسماء وهميه من دماغه ويقول الرجل ده بتاع حريم الرجل ده بتاع شرب الرجل ده بتاع ... والخ وانا ساكت وعامل فيها مش عارف حاجه

سالته سؤال بسيط اما تقف قدام ربنا يوم القيامه هتقول الكلام ده وتقول انك صادق فيه
قالي والدمع هينزل من عينيه اه
والله يعلم انه كاذب

سالته قولتله ايه اول مبدا من مبادي الحزب الوطني

قسما بالله ما عرف يرد وطني عارف مبادئه صح

مش عارف مبادئ الحزب يا استاذ .,.


اقولك انا ايه مبادئهم مصلحتك اولا وصاحبك دوسه بالجذمة يوم مش تحتاجه ومشي حالك


بخصوص الموضوع

تسلم يا ميدو وان شاء الله مصر كلها هتبقي موجوده ومش منتظرين نتائج فوريه لان النتائج الفوريه بتروح لكن عاوزين نزرع الشعور ده في المصريين
ده واجبنا اجنا كشباب

واي حد والده يقولك امشي جنب الحيط قوله الحيط فرقت مني

__________________
Ahmed Elhady
Coder

رد مكرر

__________________
Ahmed Elhady
Coder

جزاك الله خير ميدو ,,,


.

.


.

.

.

.




الغاز يتباع تقريبا ببلاش لاسرائيل ,, والشعب مش لاقى ياكل

تقريبا 40 شخص هما الى بيقرروا كل شيئ فى مصر

__________________
Time to walk the talk

اولا شكرا استاذ ميدو على النشر والدعم الرائع للموضوع منك ونشرة جيدا ..

ونحن مع مصر هذا اليوم ان شاء الله .. مش مهم النتيجة بس المهم ان الناس تحس بينا ويعرفوا ان فى شعب بيتحرك وبيقول الى جواة وان شاء الله نتطلع بنتيجة جيدة ونرى رد الفعل للحكومة المصرية .. ولكننا نتمنى ان يتم ذلك بكل ادب واحترام وعدم تخريب ونكون شاكرين للشعب المصرى كثيرا

تحياتى لكم تحياتى لكم شعب مصر العظيم ..

عمرو محمد