شئتم ام ابيتم فالاضراب نجح والحمد لله


امس لاحظت اول بوادر النجاح فى تخفيض اسعار الارز والكلام عن ان التخفيض سيصل لحد اقل بعد استنفاذ البضاعة لدى التجار لانهم بالاصل اشتروا بسعر عالى

الكلام دة من واقع الشارع المصرى وبالتحديد من بائع ارز كان بيبيع امبارح بسعر اقل جنية عن السعر قبل الاضراب

كلمة حق

انا ادعم الاضراب ولكن انتقد ما حدث فى المحلة تحديدا اما الاضراب فى بقية المحافظات فكان سلمى بشكل تام وخاصة فى القاهرة مع العلم ان هناك من يقول بان ما حدث فى المحلة كان على يد بلطجية وليس على يد شعب المحلة


الاضراب القادم 4 مايو وتم انشاء جروب جديدة فى الفيس بوك لدعم الاضراب القادم

__________________
اقرأ القران الكريم

Proud To Be A Muslim


نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

ايه الفائده من تحديف القطار بالطوب ؟؟
هل بكده هنقطع المواصلات مثلاً ؟؟
ولا انتوا عايزين تعلنوا المحله حكم ذاتي
ادي ياعم شعب مصر الواعي ..

الموضوع بسيط جداً البلد فيها قانون طواريء
واللى هيحصل فرض حظر تجوال على المحله بالكامل
وهينيموكوا من المغرب لغايه ماتعرفوا ان الله حق
واللى هينزل الشارع هيضرب بالنار
وده هيكون بتاييد من الشعب فجميع المحافظات
لاننا عايزين نحافظ على النظام والاستقرار
محدش ليه اي مصلحه فى اللى بيحصل فى المحله دلوقتي ..

متعممش كلامك على شعب مصر دى ظاهرة حصلت فى مكان واحد لكن فى كل البلد المظاهرات سلمية ومحترمة وبصراحة فعلا انا معترض على الى حصل فى المحلة ياريت يتعلموا من الى حصل فى كل المحافظات

__________________
اقرأ القران الكريم

Proud To Be A Muslim


نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

ياميدو فى وسط الشعب طبقات جاهله بطريقه متتخيلهاش
مش كل الناس طلبه جامعات ومثقفين
والناس دي من السهل ترفع فيهم درجه الغضب
لكن من الصعب يمكن المستحيل تتحكم في الغضب ده
وده سلاح مينفعش نستغله ضد نفسنا والا هنبقى عراق تانيه ..

معاك حق مش الناس كلها زى بعض

بس الاضراب منجحش عشان الى حصل فى المحلة
الاضراب نجح عشان الناس الى قعدت فى بيوتها والناس الى مشترتش حاجة والناس الى مراحتش الشغل كل دة هز الاقتصاد ومحدش يستهون بيوم دة لو مكانش اثر فيهم مكانش عمل نتيجة ايجابية هنبتدى نحسها اليومين دول يا جماعة يابتوع المحلة الله يهديكوا بلاش كدة

__________________
اقرأ القران الكريم

Proud To Be A Muslim


نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

اقتباس متعدد
Mr.Mido
الاضراب نجح عشان الناس الى قعدت فى بيوتها والناس الى مشترتش حاجة والناس الى مراحتش الشغل كل دة هز الاقتصاد ومحدش يستهون بيوم دة لو مكانش اثر فيهم مكانش عمل نتيجة ايجابية هنبتدى نحسها اليومين دول
الى العرب
ياميدو فى وسط الشعب طبقات جاهله بطريقه متتخيلهاش
مش كل الناس طلبه جامعات ومثقفين
والناس دي من السهل ترفع فيهم درجه الغضب
لكن من الصعب يمكن المستحيل تتحكم في الغضب ده
وده سلاح مينفعش نستغله ضد نفسنا والا هنبقى عراق تانيه
Mr.Mido
متعممش كلامك على شعب مصر دى ظاهرة حصلت فى مكان واحد لكن فى كل البلد المظاهرات سلمية ومحترمة وبصراحة فعلا انا معترض على الى حصل فى المحلة ياريت يتعلموا من الى حصل فى كل المحافظات
انا
ياشباب من منا يضرب اخاه ولا يعترض ولا يقاوم من منا يجد كل من حوله يحاربه فى رزقه وقوته وحياته ولا يقاوم من منا لا يتمنى ان يعيش حياة هادئة مستقرة حتى الذين تسمونهم بلطجية فى كل بلاد العالم عندما يدخلون الى السجون يحولونهم على الاخصائيين النفسيين الاجتماعيين لتحديد مدى تفاعلهم مع المجتمع وافراده ويحاولون اصلاحهم اما نحن فالحكومة تحاول تجنيد هؤلاء البلطجية لصالحها تستغلهم وقتما تشاء وبمقابل جيد جدا الا وهو اطلاق يدهم فى كل الاوقات ليفعلوا بنا ما يشاءون الى حين مؤقتا حتى وقت الحاجة اليهم وفى الحياة العديد والعديد مما احكى عنه وللاسف الشديد الجهل المطبق والظلم والحاجة والسعى الى المال هو الذى يعمى اعيننا عن الحقيقة فيه ناس فاهمة فى البلد لكن قلة وفيه ناس عايزة تفهم وبرضه قلة اما الباقى فلنا ولهم الله

تقريبا انتهى الفصل الاخير من الاضراب .

الملخص

1- مرور اكثر من شهر ونصف على انطلاق اضراب يوم 6 ابريل تضامنا مع عمال غزل المحلة
2- انتشار الدعوى وسط سخط شعبى على الحكومة
3- يوم 1 ابريل كعادة الامن والاعلام (دائما كل شيئ تمام وتحت السيطرة ودى مجرد اشاعات )
4- الاخوان لا يدعمون الاضراب ولاعضاء الجماعة الحرية فى الاشتراك .
5-فجأة مانشتات فى كل الصحف القومية بزيادات فى الرواتب وتخفيض فى اسعار السلع والغاء الجمارك على العديد منها . ( الاهرام , الجمهورية , الاخبار)
6- يوم 4 ابريل بيان رسمي يحذر الشعب من اى وسيلة للاضراب ( الى الان الامن مستتب)
7- يوم 5 ابريل ( نص شعب مصر بقي امن مركزي ) الموضوع دخل فى الجد ومكناش فاكرين كدا.
8- تحذير القنوات على (النيل سات من المبالغة او نقل احداث من شئنها تهييج المواطنيين ) (فى اول تجربة فعلية لوثيقة وزراء الاعلام العرب ) وبعد اغلاق قناة الحوار لنشرها برامج بشكل مركز عن ارتفاع الاسعار فى مصر .
9- يوم 6 ابريل (صباحا ) جو محمل بالاتربة وهدوء فى اغلب الاماكن .
10- يوم 6 ابريل ( خروج الموظفين ) استطاع الامن منع تظهرات بسيطة فى بداية اليوم لعمال غزل المحلة ولكن مع خروج الوردية قامت مظهرات من العمال استمرت لساعات .
11- الشريط الاخباري للقنوات المحلية ( انتظام الدراسة علي مستوي الجمهوية والعمل فى القطاع العام والخاص )
12- فرق من البلطجية قاموا بتكسير عدة محلات ومساكن وتدمير منشأت ومرافق عامة ,بالمحلة الكبري ( دائما الورقة الاخيرة فى ايدى الامن هو الاستعانة بالبلطجية والكل يتذكر الانتخابات ) ( نقلا عن عمال عزل المحلة انفسهم )
13- سارع الامن بخلق حالة من الهيجان بتكسير بعض السيارات الخاصة بة !! (موضحة فى بعض الصور السابقة ) واطلاق القنابل المسيلة للدموع + القنابل المطاطية ( مقتل أحمد علي مبروك (15 عاما) كان يقف في شرفة منزله حين تعرض لاطلاق النار عليه من قبل الجنود)
14- سحل المواطنيين .
15- التلفزيون ووسائل الاعلام ( امتناع عمال غزل المحلة عن المشاركة فى الاضراب التى دعت الية قوي الشر )( نقلا عن التلفزيون المصرى )
16- انتهاء الموقف بزيارة الحكومة الى اماكن الاضراب وتوجيهها الشكر لابنائها من ابناء المحلة والعمال بانهم لم يشاركوا فى هذا الاضراب وتوجية الاتهام الى البلطجية ( نقلا عن التلفزيون المصرى )

17- الحمد لله على كل حال .

ملحوظة كان الاخوان هم كبش الفداء لكن للاسف تفاجأ الامن باعلانهم عدم الاشتراك بشكل رسمي ,
تخيل الموقف اذا اعلن الاخوان تاييدهم بشكل رسمي للاضراب ؟
وحدوث هذة الاعمال للشغب
سيجد الامن صيدهم الثمين فى اتهام الاخوان باعمال التخريب كعادتهم , واستعداء الراي العام على الاخوان , لتكون حادثة المحلة مثل حادثة المنشية (بالاسكندرية ) وتكون نهاية الاخوان . وهم بالفعل العقبة الوحيدة امامهم حاليا .
دمتم بود

ما سبق هو رؤيتى للاحداث وتحتمل الخطأ كما تحتمل الصواب ,

__________________
Time to walk the talk

الجميع حاول المساهمه ومن ساهم بالفعل ولبي النداء اهالى المحله الكبري

__________________
( اللهم إنك عفوٌ كريمٌ تحب العفو فاعف عني )

( إذا نطق السفيه فلا تجبه *** فخير من إجابته السكوت )

I Love You WordPress

يستخدم هذه العضوية شخصان

القمه سابقا

تلخيص رررائع جداا للاحداث اخي ايمن نور و تحليل دقيق و متابع للاحداث .. نقطة اخري لا يعلمها عامة الناس الاخوان و ان لم يشتركوا في الاضراب بشكل جماعي او كجماعة .. شاركوا كأفراد و كل حسب مقدرته ... و انا اؤكد ذلك .. تابع مدونات التي يكتب فيها شباب الاخوان او (مدونوا الاخوان) كما يسميهم الاعلام .. و ان كانوا اشتركوا كجماعة كانت هتبقي مذبحة بجد .. زي حوادث كثيرة جدااا جداا اخدوها مبررا لقمعهم .. و اعتقالهم .. و احب اضيف ايضا بخصوص انتخبات المحليات و اثر الاضراب عليها .. لم يشارك فيها اي حد نسبة 0.001 من الناس .. حتي ان اللجان اغلقت مبكرا جدا .. هذا اصلا ان كثير من اللجان لم تفتح ابوابها اصلا .. و حرامية الوطني بيتشاجرون علي المناصب .. --- تسمح لي اخي ايمن نور بنقل ملخصك لمدونتي في تدوينة مفصلة عن الحدث .. ؟ (طبعا مع ذكر المصدر )

__________________
1- مقدمة دورة html,css
: 2- ماهي لغة html
مدونة أنس بن مالك

Proud to work in islamonline Team Now :)

شكرا اخ انس

بدات تظهر نتائج اضراب 6 ابريل (الاشبه بالزلزال ) وكذلك استعدادات الدولة (الامن) للدعوة لاضراب 4 مايو
واهم هذة النتائج ( المسكنه ) اقالة او استقالة الحكومة المصرية خلال ايام ,

__________________
Time to walk the talk

ليا تعليق واحد علي كلامك أخي أيمن
و أنو الاخوان شاركوا كلهم في الإضراب و ليس كما أعلنوا
و بنسبة حوالي 60 % فيه ناس منهم شاركت في التخريب و التدمير اللي حصل في المحلة
و هما أعلنوا من بدري إنهم مش هيشاركوا لكن كانوا بيخططوا ( من تحت التربيزة ) إنهم هيشاركوا و لو عرفوا يخربوا و إلا يدمروا حاجة هيعملوها
في الآخر ( سواء هما أو غيرهم اللي عمل كده ... المحلة دلوقتي خربت )
ليا رأي كمان هو مش الإضراب كان شعاروا " 6 أبريل خليك في بيتك "
انا كل اما اكتب الرأي ده في اي مكان محدش بيرد عليا
ليه الناس نزلت في الشارع و خربت و دمرت بقي أما شارع الإضراب كان خليك في بيتك


ده من وجهة نظري

شكرا لردك ,
ولكن نرجوا ذكر مصدر ان 60% من الاخوان شاركوا وان ناس اشتركت منهم فى الخريب ؟
حتى الحكومة نفسها تراجعت عن ان اهل المحلة هما الى خربوا وقالت انهم بلطجية فقط . وان العمال واهل المحلة لم يشاركوا فى اى اعمال عنف !!!
التخريب معروف من الى قام بة .. بالصور , الفيديو ( ولا اقول كل التخريب ولكن هم من بدأ بالعنف حتى يكون هناك رد فعل عنيف وتغلق القضية )

اما بخصوص خليك فى البيت . فعلا هو شعار الاضراب ونجح بشهادة اكثر من جهه خارجية وداخلية , وفعلا كثير من شرائح المجتمع التزمت البيت وكثيرين اجبروا على الخروج للعمل . ولم تحدث مسيرات او مظاهرات الا فى المحلة والسبب بسيط وهو
ان المحلة كان متفق ان يكون فيها تظاهر لعمال غزل المحلة وهو جزء من الاضراب

__________________
Time to walk the talk

إقتباس:

المشاركة الأصلية بواسطة ayman nour ولكن نرجوا ذكر مصدر ان 60% من الاخوان شاركوا وان ناس اشتركت منهم فى الخريب ؟

مجرد توقع + استنتاج فقط لا غير

إقتباس:

المشاركة الأصلية بواسطة ayman nour ان المحلة كان متفق ان يكون فيها تظاهر لعمال غزل المحلة وهو جزء من الاضراب

و عمال غزل المحلة لم يشتركوا في الإضراب
إذا من دمر و خرب

الاخوان اتضحت صورتهم جيداً
وتخليهم وتراجعهم عن ماكانوا قد دعوا اليه خوفاً على مصلحتهم
ولا استغرب صدور فتاوي تعلن ان الاضراب حرام شرعاً
وانا كمواطن لا ارحب بجماعه كالاخوان وادعو الجميع الى مقاطعتهم
اجتماعيا وسياسياً ..