السلام عليكم ورحمة الله وبركاته ....
ندخل في الموضوع على طول
كلنا سمعنا ببرنامج الإبتعاث الخارجي للدول العربية ( البحرين والأردن ومصر )
وكما تعلمون أن هناك شروط للدخول لبرنامج الإبتعاث هذا
وهذه الشروط من موقعهم ( وزارة التعليم العالي ) :
1- ألا تقل نسبة الثانوية العامة عن 90% في قسم (العلوم الطبيعية) أو ما يعادلها.
2- ألا تقل الدرجة عن 70%.
3- أ ألا تقل درجة الاختبار التحصيلي عن 77%.
4- ألا يكون قد مضى على حصوله على شهادة الثانوية العامة أكثر من سنتين بدءاً من العام الدراسي 1427- 1428هـ , والا يزيد عمر المتقدم عن 24 سنه .
وللتأكد هذا الرابط :
http://www.mohe.gov.sa/Arabic/Adver...Pages/ads6.aspx

لاحظ في الشروط أي أن درجة القدرات لاتقل عن 70 والتحصيلي 77والآن موقع وزارة التعليم العالي يعلن النتائج
ويفضح نفسه بوضع أرقام السجلات المدنية الخاصة بالطلاب المقبولين !!
الآن انظر الى هذه الصفحة الخاصة بالنتائج وموجود بها أرقام السجلات المدنية للمقبولين :
http://www.mohe.gov.sa/Arabic/Adver...ages/ads-8.aspx

وكما هو معروف نستطيع الحصول على نتيجة اختبار القدرات واختبار التحصيلي
عن طريق السجل المدني في موقع القياس
http://www.qeyas.com/

للحصول على درجة القدرات مباشرة على الرابط:
http://www.qeyas.com/Qdraat/

للحصول نتائج الاختبار التحصيلي للكليات العلمية - بنين
http://www.qeyas.com/TahseelyM/

والآن لـــ نجرب ونأخذ اي رقم عشوائياً لنرى نتيجته هل هي مستوفية للشروط أم لأ !!
رقم السجل المدني للطالب المقبول = نتيجته في الإختبار التحصيلي
1074914282 = 59
1123723957 = 59
1067997112 = 53
1069201547 = 53
1066731512 = 53
1070258882 = 58
1077751103 = 56
1082637784 = لايوجد نتائج ...تأكد من الرقم المدخل ( أي أنه لم يدخل هذا الأختبار التحصيلي برمته ! )
1077110581= لايوجد نتائج ...تأكد من الرقم المدخل ( أي أنه لم يدخل هذا الأختبار التحصيلي برمته ! )
1066881440= لايوجد نتائج ...تأكد من الرقم المدخل ( أي أنه لم يدخل هذا الأختبار التحصيلي برمته ! )
والقائمة تطول ........
وهذا فيض من غيض
وما هذه إلا تجربة بسيطة لبعض الأرقام


وللتاكد تستطيع أنت الآن أن تجرب أرقام أخرى من هذا الرابط:
http://www.mohe.gov.sa/Arabic/Adver...ages/ads-8.aspx
ثم ادخل رقم السجل المدني على رابط مركز القياس
للقدرات: http://www.qeyas.com/Qdraat/

ثم ادخل رقم السجل المدني على رابط مركز القياس
للتحصيلي:http://www.qeyas.com/TahseelyM/


الموضوع منقول و العضوية مستعارة

بالاخير الموضوع لطلابنا الأعزاء اللي نسبهم فوق الـ 90 و الشروط موجودة عندهم و تم رفضهم فهذا هو السبب !
هل تتوقعون نظام القبول عشوائي ؟

طيب لو اقولك في اشخاص يجيبون لك قبول في البرنامج لبعثه دراسيه بـس تدفع له 10 الاف ريال
تصدق ؟؟

انا سمعت ستة شباب من نفس العائلة طلعوا لكن سالفة العـ 10 آلاف ما سمعت فيها جديده هذي

واحد من الشباب لما درس بالمعهد الصيفية اللي راحت يقول صادفت واحد متخرج نسبته 62 من الثانوي علمي , و مبتعث غلى حساب الحكومة

والله الصيده في الصميم وقاتله

مرات اقول الدنيا عندنا تمشي بالبركه

وهي فعلاً تمشي بالبركه

__________________
استغفر الله واتوب إليه

لعل الأشخاص اللي ما دخلوا الاختبار أو نسبة تحصيلهم قليلة .. قدموا من الخارج ؟

لأنه حسب ما سمعت انك تدرس مدة معينة على حسابك ، وتقدم على الملحقية ، ويتم قبولك ... والأغلبية يعمل هذي الطريقة .. لأن من السعودية صعب جدا ً ...

__________________
أخي [ محمد الفارس ] في كل رد اقول .. شكراً لك ...
البانر.نت .. نصنع من الافكار دليل

للأسف الشديد نعيش مع فساد إداري ملموس .

__________________
اللهم اغفر لي الذنوب التي تهتك العصم
اللهم اغفر لي الذنوب التي تنزل النقم
اللهم اغفر لي الذنوب التي تغير النعم
اللهم اغفر لي الذنوب التي تحبس الدعاء
اللهم اغفر لي الذنوب التي تنزل البلاء .

الفساد في كل مكان
الله يحفظنا

اللهم اخرجنا من هذه الدنيا على خير

مااعتقد انها واسطات او شئ
لاتنسى انه التحصيلي نسبة 77 نادر احد يجيبها
تحصل اللي قدمو في الابتعاث افضل واحد فيهم 59
فتبغاهم مايقبلون احد يعني !!
فآخذو النسبة من الافضل الى الاقل
بعدين ترا قليل اللي يروح بعثه للاردن
مثلا لو بريطانيا او امريكا نادر تحصل لان الطلب عليهم قوي
فآكيد اغلبهم على الشروط

وبالنسبة للآخ اللي قال ماخذ 62 نسبته راح الاول على حسابه بعدين سوا طلب التحاق
يجيه القبول زي السلام عليكم
انا لاادافع او شئ كل الدوائر فيها واسطات وبالنسبة للابتعاث شفت كثير
بس بخصوص الابتعاث للاردن مثل ماوضحت بداية ردي

كفشه أليييمه

__________________
وليد خالد - Waleed's MIND

والله حلاتك تدز خطاب لوزارة الداخلية ووزارة الخارجيه اكيد تلعب دور

انا اتوقع واحد من الطلبة مستقعد لهم يدور عليهم اي خطا

وايضاً اتفق مع الاخ صحراء .. اعرف شخص اسمه صالح من نفس الحي تبعي .. نسبته بالثانويه بالستينات وسافر الى امريكا على حساب ابوه(موظف ارامكو عنده خير يعني) ... ولمدة شهرين تحول على حساب الحكومه كيف ماادري ! بس بدون واسطه لانه ماعنده ماعند جدتي والغريب في الامر الولد مايبي يدرس خير شر .. بس اجباراً من ابوه وسبحان الله شوف الحظ كيف معاه

وايضاً لدي ولد عمه نفس الحكايه سافر على حساب ابوه (ايضاً موظف ارامكو سنير) .. بس نسبة الولد بالـ 88 وهو صديق لصالح الي سافر قبله وجارهم ومع هذا حتى الان يدرس على حساب ابوه بسبب تغير الانظمه قالوا له ادرس سنتين ولا بعد لازم تجيب معدل عشان تحول على حساب الحكومه , شفتوا وجهه النحس خخخخخخ) فرق شهرين عنه وعن صديقه

ويرسل لولده شهرياً 10.000 ريال .. اي بحدود 110 الف ريال بالسنه ناقص شهر اجازة ( اي فوق نص مليون ريال طوال فترة تواجده بامريكا) الله يكون بعونه كل هذا من اجل سبيل العلم وايضاً ان ماخاب ظني يدخلون عيالهم لشركة ارامكو او يحصلون الوظيفه الحكوميه من طبق من ذهب لان معروف حتى الشركات الخاصه تقعد تطارد وراهم بسبب شهادتهم الامريكيه

وحبيت اضيف معلومه وعلى حد كلامه لمدة سنه واربع شهور دراسه تحضيريه للغة الانجليزيه في المعهد التابع للجامعه وبعدها يتوجهون لدراسة الهندسه .. مو حنا هنا بالسعوديه معقدين السالفه !! شوفوا شروط القبول بالهندسه عندنا ( نسبة مركبة من القدرات والتحصيلي والثانويه) الي يقول بيطلعون علماء مع العلم ان ولد العمه قدم بالجامعات ولا وحده منهم اقبلته ونسبته 88% علمي , صحيح ان فلوسك تعزك وبس مع هذا حكومتنا مو مقصره هي الي تدفع لعيالنا مكافات بس عيبها بالفترة الاخيرة الشروط التعجيزيه للقبول ومحطمه لطموحات الطلبة وهذا راجع لاشخاص ومسئولين هم السبب , وارجع اقول عشان لحد يزعل .. حكومتنا وبقيادة الملك بومتعب مو مقصره لخدمة الطلاب وابناء شعبها لاكن هناك فئة لم يحمدوا النعمه الي هم فيها وقاموا يحطون شروط مالها داعي ومحاولة تطفيش الشخص لجعله عاطل , مهمل , يعمل الجرائم , واشياء كثيرة هم سبب تعاسة الشباب ) ووالله في جعبتي اشياء ماابي اقولها لاني تعبان نفسياً في الوقت الحالي بسبب العطاله والبطاله وش ذنبي مع اني خريج جامعي !! وبمعدل لايقل عن 3 والوظايف الحكوميه ماتبيني مع انها هي من اسستني لخدمتها وطالعين لك بموضه جديدة الاشتراط لغة انجليزيه وحاسب وخبرة ثلاث سنوات ,,, انا حارق اعصابي اللغة الانجليزيه هل العيب فيني ولا العيب بالمنهج الدراسي حقهم بسبب سوء التدريس لهذه اللغه وايضاً الحاسب للغير المهتمين فيه ,, والخبرة من وين اجيبها !! وانا توني خريج واخص بذلك الوظائف الحكوميه .. مااقول الا الله يكون بالعون وحسب الله على من كان السبب والله كريم وانا اشكو له لان الشكوى لغيره مذله ,, وبصبر لين الله يفرجها علينا . وفي النهاية ارجو دعواتكم لهذه الايام لاخوانكم بالمدارس والكليات والجامعات والمعاهد بالتوفيق والنجاح

__________________

• http://www.tvquran.com

• email+ Msn: abo_turki@ msn.com

حبيبي يقولون لك الوزاره كل شي قدرنا عليه الا الواسطه مالقينا حل @ والله يرزق المبتعثين ولو نسبتك توافق شروطهم وماقبلوك فهذا شي يقهر !

__________________
twitter

الاغلبيه كذا

اول كورس وبعدها تحول بعثه ماهو مهم موضوع النسبه في القدرات والخرابيط هذي اهم شي المعدل

__________________
سبحان الله وبحمده سبحان الله العظيم

اخوي الباسل الله يوفقك
وتحصل الوظيفة اللي تتمناها بالراتب اللي تتمناه

أخوي صحراء ممكن يكون كذا بس ما اتوقع لأنه فيه اكثر من قريب له على نفس الملحقية
و بالنسبة للدول العربية بشكل عام فقليل اللي يرغبون فيها مثل ما قلت اللي يبي يأخذ بعثة يبي بريطانيا و إلا امريكا
,,,
الباسل اخوي الله يعينك ويوفقك إن شاء الله و تتوفر لك الوظيفة اللي تبيها .

بالنسبة للإنقليزي فهو سئ ما تستفيد منه شئ .

ان شاء الله يقبلوني على كندا
نسبتي ثانوي 98 والقياس 78 باقي التحصيلي والله اني متخوف منه
لكن ان شاله نعديه على خير
وان شاء الله كلكم تنقبلون

بالتوفيق أخوي صحراء و إن شاء الله يقبلونك بس دبر الواسطة قبل التقديم ^^

و بالنسبة للقياس أشوف الشباب اللي اختبروا يقولون درجاتنا نفس درجات الاختبار الاول من السنة ذي هل هذا صحيح ؟

ههههه والله الواسطة موجودة ماعليك بس اخاف مااتضبط بواسة بعد
ههههه
لا انا نقصت في الاختبار الاخير واللي قبله كان اسهل اختبار مر بتاريخ القياس
لاني قرنت لاكثر من واحد الاخير مزفت فيه واللي قبله جايب درجه حلوة
انا جبت بالاخير 74 اللي قبله 78 واللي قبله 68 واللي قبله 63
هههههه اختبرت كل الفرص

واوك وينه ذ1 ؟ اعطيه 20 مهب 10
ليتني طايحن به منذ مبطي

__________________
ولا واحد يستخدم العضويه :D