بسم الله الرحمن الرحيم
طبعا انا نقلت لكم هالموضوع والقصد اننا نعرف ونمتنع من جشع بعض الوكلاء بالسعودية
الواحد الي يبي يكسب يكسب شيء يدخل العقل ما يشتري سيارة 100 الف ويبيعها بـ200 الف
الشباب بالذت الي من السعودية بيعرفو اسعار السيارات عندنا بالسعودية وبالذات اسعار تويوتا وليقزز
انها مبااااااالغ فيها بالحيل
عموما نبي نتناقش في الموضوع هذا بحيث انا نخرج بفائدة من هالموضوع على فكرة انا عندي واحد من الشباب في امريكا وبالتحديد في فلوريدا يحلف لي بالله اسعار السيارات هناك تراااب
وتوه مكلمني
وبعدين تكون نظيفة ولا فيه امل ان الواحد بيضحك عليك لان في تقرير مكتوب فيه جميع الي استعملو السيارة وايضا تكون مفحوصة بالكمبيوتر ياما ناس من الشباب شروا من هناك
والشي الثاني هو تقرير شركات التأمين عن حالة السيارة من لحظة خروجها من المصنع ومن ثم بيعها لأول مشتري إلى لحظة وقوفها في المزاد أو المعرض لبيعها لك، وهو تقرير الكارفاكس اللي ممكن ينقذ حياتك - بدون مبالغة - لو شريت سيارتك المستعمله من أمريكا بناء على التوصية الفنية الموجوده بآخر التقرير.
مع الكارفاكس ما في أحد يقدر يضحك عليك ويصرف عليك سيارة فيها مشاكل مخفيه لا أنت ولا الوكاله في السعودية تقدروا تكتشفوها بسهوله..
عموما الطريقة أسهل مما تتصورون ,,,,,,,,,,,
كل ماعليك هو التوجه لأحد مكاتب أستيراد السيارات في جدة أو الرياض أو الدمام
وأنصح بالتوجه للمكاتب القديمة والمعروفة في السوق ولديهم مجموعة سيارات
في نفس الولاية التي فيها مندوبهم
تختار السيارة ومواصفاتها واي شئ تبيه فيها حتى لو تبي تشتري جنوط
أو أدوات تلغيم للمكينة أي شئ ويوضع في شنطة السيارة مع الشحن
ولا يطلبون منك ولا ريال واحد حتى تستلم سياراتك في الميناء وتفحصها بعد
إذا أعجبتك يخلصونها لك
وتعطيهم قيمتها + الجمرك + عمولتهم من 3000 آلآف إلى 5000 ريال شاملة مصاريف الشحن وصلى الله وبارك
وإذا لم تعجبك أو بها عيب فلوسك في جيبك والسيارة يبيعونها هم ويأخذون مكسبها
أعيد وأكرر ماتدفع لهم ولا ريال حتى تصل السيارة وتعجبك بعد
أخوي قبل شهر أشترى لكزس 2000 ماشي 70 ألف ميل نظييييييفة
وعندما عاينها في الميناء في جدة وأعجبته دفع لهم حقهم كامل
كلفته مشترى وعمولة وشحن وجمرك 34 ألف ريال فقط
وساموها منه في معارض جدة بــ 43 ألف ريال مكسب 9 آلآف ريال
ورفض بيعها من نظافتها ويريد أستخدامها وراح أنزلكم صورها بإذن الله
أشتريت منهم جيب لكزس 2002 شاشة يكلف 68 ألف ريال
غير الجمرك 5 % من القيمة بإذن الله راح يوصل بعد أسبوع أو 10 أيام
ولم أدفع لهم ولا ريال وأعتذر عن وضع أسم المكتب أحتراماً لقوانين المندى
لكن أسألوا عن مكاتب الأستيراد وراح يدلونكم عليها كثيييييرة جداً
وللمعلومية 80 % من المتعاملين معهم شريطية وأصحاب معارض
وإذا سألتهم يخوفونك ويحبطونك بقولهم حرامية يضحكون عليك ومن هالكلام
صعب ومرمطة وتعب وهم كذاااااااااابين الشغلة بسيطة جداً
تختار السيارة + تنتظر 45 يوم + تشوفها أعجبتك خلص معهم أنتهى
لكن أصحاب الصنعة لا يريدونكم أن تتعلمواها فتكسروا عليهم السوق
تحيااتي للجميع
