أبيات شعريه على ذوقى وان شاء الله تعجبكم..............

لاصار غيرى ماآخذن من حنينك ** خلك معه مابيك مابيك مابيك
ولاتنثر دموعك على وجنتينك ** تحتاجها لابان للغير ماضيـــك
*************************
دامك تمن بشوفتك ياأريش العين ** الله يسهل لك طريق السلامه
********************************************************************
الا عيونى ابخلبها ماأقدر اعطيك**وش فايدة دنياى من غير شوفك
********************************************************************
لو اتصور فى منامى اراضيك ** والله لاحرم عينى النوم كله
********************************************************************
انساك لحظه واذكرك باقى العام**حتى وانا ناسى نسيت وذكرتك
********************************************************************
اخطيت يوم انى طلبتك حنانك**لاصرت فاقد شى وشلون تعطيه
********************************************************************
فكرت بالدنيا بلياك وشلون**فى ساعة التفكير هلت دموعى
********************************************************************
صارت سوى فرقاك عندى ولقياك**وذكراك دمعه وطاحت من عيونى
********************************************************************
من هو حبيبك غايتى بس اهنيه**على حسن حظه انك حبيبه
*******************************************************************
حبن قصير وحب ماله نهايه**وحبن يموت وحب اقوى من الموت
********************************************************************
كانك بكيتى ساعتن فى لحظة احساس**وش هو يقول اللى بكى العمر كله
********************************************************************
بعض العرب لو هو بعينك تمناه**ودك لو بعينك عيون وتشوفه
وبعض العرب تسعد عيونك بفرقاه**ودك تشوف الموت من دون شوفه
********************************************************************
عطنى جميع هموم قلبك بدنياك**واعطيك همن من همومى تشيله
********************************************************************
يمناى تصرف مااملكه من هبالى**هبال طيب ولاصحاوة رخامه
*******************************************************************
اعمل وتلقا والجمايل بضاعه**وعند النشاما ماتبور البضايع
ولاتزرع المعروف فى غير قاعه **الطيب فى بعض الرجاجيل ضايع
*******************************************************************
حكمة ولى العرش خلاك مزيون**حط الجمال بواحدن مابه احساس
*******************************************************************
كان الرجا فى شوفتك يوم فرقاك**الله يجيب مفارقك لاجل اشوفك
*******************************************************************
يامعدى المرقاب خله لمشتاق**وخر وخل معذب القلب يرقا
ياليت ربى ماخلق حب وفراق**والا خلق حبن على غير فرقا
*******************************************************************
ياسعود وان كانك احترت من صورة الزين ** وش عاد انا اللى قد لعبت بشعرها
ضميتها ياسعود بين الذراعيــــــــن ** ولاعبت عقدن هايمن فى نحرهــــــــا
********************************************************************
جيت اتسلى بس فيها تغنيت **روحن على وصل الحبايب حنونه
لو مالقيتك فى عيونى تمنيت **انى عيون اللى تشوفه عيونه
********************************************************************
قال لو حبيت غيرك وش تقول ** قلت احاول قد ماقدر امنعك
قال وان عيت تطاوعك الحلول** قلت احبه يابعد عمرى معك
********************************************************************
ليتك تذوق الحب وتجرب الآه ** واصبح مكانك وانت تصبح مكانى
******************************************************************
يامبعدن رغم اختصار المسافات**ياخالدن فى زاوية ذكرياتى
*******************************************************************
لاصار قدرى فى عيونك قصيده**عدينى احلا ماقريتى من ابيات
********************************************************************
دامى بقايا انسان ليه اشتريتيه**دامى طفل من علمك عشق الاطفال
********************************************************************
مثل البحر مهما عطى للسفينه**يبخل على العطشان فى شربة المى
********************************************************************
جيتك مشاعر جارفه مالها حد**شوق والم فى خوف تجفى حياتى
دام الطريق الموت تكفين لابد**اغرق فبحر عيونك الساحراتى
********************************************************************
ادرى الكرامه ماتساوى ربع مقدار **حبك ولكن لاتهين الكرامه
وفى خاطرى ياما من اسرار واسرار **ومليون جرح وجرح تحته علامه
*********************************************************************
الشيب ماهو عيب مابه عذاريب**لاشك عيبه يبعد البيض عنى
********************************************************************
انا كتبتك بس شلون ابا امحاك**ياللى بكل اوراق عمرى قريتك
صارن جناحين السفر عش ذكراك **من وين ماوجهت وجهى لقيتك
********************************************************************
عجزت لاثبت لك غلاى اعذرينى**انتى بنيتى حاجز الشك والخوف
ياناشده عن صدق الاحساس فينى**بقولها ولاننتظر منك معروف
كل شى يحلف به كذب صدقينى**الا المشاعر مابها كذب وحلوف
********************************************************************
البيت الاخير ابى اقول قصته
فيه وحده هى واختها جالسات بالغرفه لحالهم فالاخت الصغيره قاعده تتزين ,ويوم شافتها اختها الكبيره وشافت جمالها قالت هذا البيت

هذا وانا اختك قدرتى تفتنينى**وشلون لو انى من الناس رجال
********************************************************************
واعذرونى ادرى ان الموضوع شوى طويل بس حبيت اكتبلك بعض الابيات اللى اعجبتنى
وكل واحد يحط رايه بالابيات اذا هى حلوه والا لا
وكل عام وانتم بخير




------------------
لاتطرد المقفى ولاتعتنى فيه**اصبر فلابد الليالى تجيبه

اخوي رمانسي
رفقا بالقوارير فهذه الأبيات كلها رائعة وتدل على ذوق رفيع بالأختيار
وأتمنى المزيد منها
وسوف أحاول أن اضيف اليها ابيات موجوده عندي في اقرب وقت ممكن
.................................
ملاحظة: عندي سؤال انت تحب اكيد, بس هل الحب من طرف واحد والا.....؟
أخوك junglebird

------------------
وامطرت لؤلؤ من نرجس وسقت وردا وعضت على العناب بالبردي

اخوى junglebird
اذا كانت الابيات رائعه فهذا من ذوقك الغالى
ويكفينى انك قرأتها
وأتمنى انك تضيف الابيات اللى عندك لانى متاكد من ذوقك


اما بالنسبه للملاحظه:امتنع عن التصويت :) :)


------------------
لاتطرد المقفى ولاتعتنى فيه**اصبر فلابد الليالى تجيبه

السلاااااااام عليكم
اخوي والله الابيات جميله بس وين الوزن ووين القافيه تراي شاعر وما اقولها من فراغ وما اقصد اني احطمك اخوي انا جالس انصحك وشكرا والى الامام
اخوك رامي

------------------
اعيش في حاله فكر***والتفكير يكون احسن حالاتي

:) :) :) لوكان لبيت الشعر عملاق
لكنت اجدر من يستحق العملقة

اهنئك يا ROMANCY25 على ذوقك الرفيع في انتقاء الاشعار

والى الامام

:) :) :)

------------------
ردي ظلام الليل عن صبح وجهك

اخوى رام999
انا قلت ان هذى ابيات شعريه وماقلت قصيده وكل بيت له وزن وقافيه لحاله :)
ادرى انك فهمت غلط :) :)
مشكور اخوى على تواصلك وعلى قراءة الابيات

اخوى الظلام
احرجتنى بكلامك ومادرى والله شلون ارد عليك
اذا كانت الابيات اعجبتك فهذا من ذوقك الغالى
ويكفينى والله انك قراتها وعزيز وغالى :)
لاحظ انى متلخبط لكن الكلام الحلو حقك والله يلخبط
:) :) :)


------------------
لاتطرد المقفى ولاتعتنى فيه**اصبر فلابد الليالى تجيبه