الاتصال بنا



صفحة 1 من 5 12345 الأخيرةالأخيرة
النتائج 1 إلى 15 من 70

الموضوع: اطرف موقف...:)

  1. #1
    عضو فعال جدا
    تاريخ التسجيل
    Dec 1999
    المشاركات
    3,841



    بما ان الموضوع طرح اكثر من مرة...لكن في اعضاء جدد لم يخبرونا عن المواقف الطريفة التي مرت بهم...


    فماهو الموقف الطريف الذي مر بك اخي العضو و اختي العضوة؟؟





    المرشد غير متواجد حالياً


  2. #2
    عضو فعال جدا
    تاريخ التسجيل
    Mar 2000
    المشاركات
    2,183



    فكره حلوه

    مادري وايد
    ممممم مممممم

    بفكر وبعدين بقول

    ------------------
    مايهم اكون في عينك أمير...المهم ..أكون رمز للوفا..






    بنت_البحر غير متواجد حالياً

  3. #3


    كيف يالمرشد

    لازم تكون انته اول واحد يعطينا الموقف الطريف

    وارجو انه ما يكون محرج لك

    اخوك الظلام

    وشكرا

    ------------------
    ردي ظلام الليل عن صبح وجهك






    الظلام غير متواجد حالياً

  4. #4
    عضو نشيط جدا
    تاريخ التسجيل
    Mar 2000
    المشاركات
    301


    انا حياتي كلها مواقف مو بس طريفه ومحرجه الا بعد مبكيه
    اذكر اول كورس لي في الجامعه من الشطاره الزايده قعدت في الصف الاول وانا توني مطلعه مقلمتي من جنطتي وماسكرتها الزبده ان اللي قاعده يمي رفستها عن غير عمد وطاحت كل اوراقي واغراضي تطشرت من اول القاعه لتاليها وقاموا ثلاث بنات يساعدون بلم الاوراق عقبها حرمت اقعد فب الصف الاول.





    أريج غير متواجد حالياً

  5. #5
    عضو فعال جدا
    تاريخ التسجيل
    Dec 1999
    المشاركات
    3,841



    حلو الموقف... يفشل...


    ان شاء الله بقول عن موقف ...بس عطوني وقت...





    المرشد غير متواجد حالياً

  6. #6
    عضو فعال جدا
    تاريخ التسجيل
    Jan 2000
    المشاركات
    2,799




    و الله قبل فتره .... طحت من الدري و في الجامعه ...و أربع بنات شافني

    المشكله إني لين ألحين ما أدري كيف طحت و لا ليش طحت ...بس حسيت بعمري أدربح على الدري .... لا و بعد قبل ما أطيح يالسه أرمس مصري (((أستاهل لاه ؟؟)))

    و من بعيد أشوف بنات ... يوم نشيت من الطيحه لقيتهن واقفات معالي راسي

    و طبعا كالعاده قعدت أضحك .... و أنا فيا صيحه

    من ذاك اليوم حرمت أرمس مصري و أنا أنزل من الدري ...

    ------------------
    smile...smile...smile








    LoOoOoL غير متواجد حالياً

  7. #7
    عضو فعال جدا
    تاريخ التسجيل
    Mar 2000
    المشاركات
    2,183


    حلوه لوله

    انا يااااامه طحت بس ساكته

    مره وانا طالعه من السياره سكرت
    باب السياره على عباتي ..
    والسواق مالاحظ هو يرجع بالسياره
    على وره وهي تسحبني وانا اركض وراه
    قلت خلاص ألحينه بيسحبني وراه في الشارع
    وانا خايفه ..ومن حظي اختي كانت
    في السياره يوم شافتني تمت تصارخ وقف
    وهو مو مستوعب بعده يسوق..فعطته
    كف على ويهه وبعدين وقف..

    بس يستاهل ..

    ------------------
    مايهم اكون في عينك أمير...المهم ..أكون رمز للوفا..






    بنت_البحر غير متواجد حالياً

  8. #8
    عضو فعال جدا
    تاريخ التسجيل
    Jan 2000
    المشاركات
    2,799





    عجييييييييييبه إختج ...

    و الله أحيانا خاطري أعطي دريولنا طراااق .......

    بس موقف بصراحه .... يفطس ... أتصورج تركضين في الشارع ..lol





    ------------------
    smile...smile...smile








    LoOoOoL غير متواجد حالياً

  9. #9
    عضو فعال جدا
    تاريخ التسجيل
    Dec 1999
    المشاركات
    3,841


    والله بنت النوخذة ضحكتيني....
    هاهاهاهاهاهاها
    لووول.. موقفك يصير ويا كل الناس... عادي...
    اوماااال اييييييييييه...

    ------------------
    الصلاة الصلاة

    ســــــــبـــــــــحـــــــــــان مـــــــــغــــــــيــــــــــــــر
    الاحــــــــــــوال






    المرشد غير متواجد حالياً

  10. #10
    عضو فعال جدا
    تاريخ التسجيل
    Dec 1999
    المشاركات
    3,841


    الحين بقولكم موقفي... والله هو موقف مؤسف مب طريف..بس ماعليه هذا الي اذكره الحين...


    حفلة التخرج( الثانوية العامة)... الكل فرحان .. الكل سعيد.. الكل في عيد .. الكل ناسي عمرة من الفرحة و ما يحيد.. ....
    مرشد يتحوط في قرية البوم و يصور هذا الحدث التاريخي بالكاميرا فيديو.. كالعادة .. كله يصور... يصور و يصور ..كل شي.. من مصخرة على الاساتذة .. من التكريم .. من الاكل ...من حواطة على الخور ... من من من .....

    اخر الحفلة .. بعد ما انتهى كل شي ... الشباب كالعادة .. لازم يصيحون ويلات و يخربون سياييرهم....
    انا ركبت سيارة ربيعي و فتحت فتحت السقف... ربطت الغترة على العقال عسب مايطيرون... باقي على الفلم 5 دقايق.. و البطارية بعد 5 دقايق.. قلت .. انصور هذه الخمس دقايق.... الشباب انخرشوا ... على حسابي انا .. مرشد فوق.. و السيارة تمشي و تمشي ... الحبيب الي يسوق تسابق ويا واحد ...
    و الشارع سيره و رده... شارعين شارع سيرة و شارع رده ... طبعا السيارة الثانية وين بتدخل.. الي نتسابق وياها ... ؟؟؟ انخش في الشارع الثاني...
    و مرشد بعده المسكين فوق يصور... و السيارة على اليسار .. و الحبيب الي يسوق سيارتنا ... في الشارع العكسي.. رونج سايد...


    مرة وحدة ... انشوف سيارة يايه صوبنا ... وجها لوجه .. و مرشد فوق يصور ... كل شي صار في لحظة .... انا لما شفت المنظر... قلت ... انودع الدنيا .. مع السلامة... بااااااااااااااااااي ... سبحان الله سبحان الله . يوم الله يحب عبده ...يسوي الي مايصدقه الانسان انه ممكن يستوي... الي يسوق ..لف...كيف مادري .... المهم لف... و الصريخ واصل حده في السيارة... و مرشد فوق شو..؟؟؟ يصور...... لف الي يسوق... و وقفنا .. و و و و .....خلص الفلم.......

    شفت الموت بعيني... الي في السيارة ماكان بيستويلهم شي... اما انا .. كنت بوقع على السيارة الي جدام... بس الله ستر.....

    تمينا نعيد الفلم و نعيد الفلم و نعيد..مووو مصدقين الي صار.......

    تصوروا يا جماعة .... واحد طالع من البيت و الكل فرحان ..ساير لحفلة تخرجه... و يمر عليه هذا الموقف...
    شو بيصيرله و لربعه و اهله ... لو لا ان الله ستر؟؟؟؟


    رديت البيت و صليت لين مانقع راسي من السجود......


    هذا هو موقفي ........
    شو رايكم؟




    ------------------
    الصلاة الصلاة

    ســــــــبـــــــــحـــــــــــان مـــــــــغــــــــيــــــــــــــر
    الاحــــــــــــوال






    المرشد غير متواجد حالياً

  11. #11
    عضو فعال جدا
    تاريخ التسجيل
    Mar 2000
    المشاركات
    2,183



    بنت النوخذه!!!!!
    ده كان زماااااااان؟؟
    هو انت لسه فاكر!!


    شوووو لوله حلوه لاه وانا
    قاعده اربع...بس خلوني اسكت احسلي
    تصدقين كان نفسي انا ألي اعطيه
    طراق شو موقف خلني اطيح فيه.. هو اصلا كان نايم
    على نفسه علشان شذي ماانتبهلي..

    ------------------
    مايهم اكون في عينك أمير...المهم ..أكون رمز للوفا..


    <B><small><small>[ تم تعديل الموضوع بواسطة   بنت_البحر   يوم   26-03-2000]

    [b]<small><small>[ تم تعديل الموضوع بواسطة &nbsp; بنت_البحر &nbsp; يوم &nbsp; 27-03-2000]





    بنت_البحر غير متواجد حالياً

  12. #12
    عضو فعال جدا
    تاريخ التسجيل
    Mar 2000
    المشاركات
    2,183


    شووووو مرشد الحمدالله انك طلعت منها
    سالم ..شو شباب كل سياير سياير !!
    واكثر الويلات وين ؟؟ جدام باب الكليه!!
    الله يهديكم بس..
    على طاري السياير في موقف استوى
    مو حقي حق ربيعتي ساقت بيكب محمله
    بعلف ..وهي ماعندها ليسن عاد شو
    تتوقعون مسكتها الشرطه ..وهم ماشي
    معصبين كيف بنت تخلونها تسوق..هي تقول
    ماسكين بعد أولاد ماعندهم ليسن بس
    خلوهم بس هي لا !!
    شوووو رايكم موقف غريب شويه ؟؟

    ------------------
    مايهم اكون في عينك أمير...المهم ..أكون رمز للوفا..






    بنت_البحر غير متواجد حالياً

  13. #13
    عضو فعال جدا
    تاريخ التسجيل
    Jan 2000
    المشاركات
    2,799


    بسم الله ... صدق سلمت سلامه ....

    ..............

    أذكر مره ... أظني العين كانت ماخذه الدوري ... و كانوا حاطين في التلفزيون المسيره ..و الكل كان قاعد يشوفها ... و الوالده .. قاعده تقول الله يهديكم ... الله يهديكم ...الله يحفضكم لأمهاتكم ...المهم شفت واحد يالس فوق السياره ... يعني يالس يالس و متربع بعد و قاعد يصور و السياره تتحرك ...الوالده تقول الله يهديك ..الله يهديك ... قلت أنا شو الله يهديه ,يستاهل يطيح ....
    المهم... في اليوم الثاني قاعده أكلم ربيعتي في التيلفون ..و أسألها شحالكم ؟؟ شخباركم ؟؟ شو الاهل ....... قالتلي بحزن والله أخوي حليله في المستشفى..... ليش؟؟ خير عسى ما شر ... ماشفتيه البارحه ؟؟ ظهر في التلفزيون ..يالس فوق سياره ..... و يصور ... يوم لفت السياره طاح و إنكسر خشمه ....إنصدمت ... دددددددد...ماعرفت شقول ... سكرت عنها..
    رحت عند الوالده أخبرها ....قالتلي حسبي الله على بليسج عينتي الولد ..كسرتيله خشمه ....تلومت هذاك اليوم ... و حرمت ...
    حتى الوالده ذبحت عليه ذبيحه .....
    و من هذاك اليوم ... يوم أسمع أمي تدعي ... أنا.. إن شاء الله إن شاء الله




    ------------------
    smile...smile...smile




    [b]<small><small>[ تم تعديل الموضوع بواسطة &nbsp; LoOoOoL &nbsp; يوم &nbsp; 26-03-2000]





    LoOoOoL غير متواجد حالياً

  14. #14
    عضو فعال
    تاريخ التسجيل
    Mar 2000
    المشاركات
    1,011


    مواقفي اشكثرها بقولكم واحد
    اول يوم لي بالكليه وبمعنى اصح اول محاظره كنت قاعده جدام اول مادخل الدكتور جان يسلم وانا من خبالي وقفت لاأرادي على بالي للحين بالثانويه

    ------------------
    أختكم في الله نووونه





    نووونه غير متواجد حالياً

  15. #15


    مواقفكم حلوة ..... و خصوصا موقف المرشد الانتحاري .. لأني شفت الشريط .. فعلا نجوا بأعجوبة .. لوووووول ...

    انا عاد لين ما اتذكر موقف .. اترك المجال لكم و اسير اتغدى ( استويت عبداللطيف الصايغ )

    تحياتي

    ------------------
    ارق التحيات من دار الحي







    سعيد الثاني غير متواجد حالياً

صفحة 1 من 5 12345 الأخيرةالأخيرة




ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0