النتائج 1 إلى 9 من 9

الموضوع: الشرطي00الجبان00

  1. #1
    عضو نشيط جدا
    تاريخ التسجيل
    Apr 2000
    المشاركات
    315



    اخواني 00واحبتي في سوالف000

    طبعا اكيد كل انسان تعرض لعدة مواقف00ولكن موقف مثل هذا ما ضنتي00تدرون ليش00لان الموقف اللي تعرضت له يخوف؟؟؟؟؟؟؟
    اسمعوا القصه وقولوا رايكم000
    اول شي ابسألكم اذا تعرضتوا لحادث _لا سمح الله_اومحاولة خطف,او
    سرقه 00بالله من تلجؤن له بعد الله مو قسم الشرطه(999)00
    اكيد يتقولون نعم نروح للشرطه او نتصل فيهم وهم يقومون باللازم00
    الحين اقولكم قصتي وتحملوا شوي 00الله يعينكم00بس خليكم منصفين00

    القصه تبدا00قبل شهر وانا طالعه من سوق العروبه بلازا00
    بعد ما اشتريت حاجاتي اخذت ليموزين 00وانا في طريقي للبيت كالعاده من بعض الشباب هداهم الله يلحقون البنت الين بيتها00وانا في هاللحظه ما انتبهت من وراي ولا من قدامي 00اللي لا حظته ان السائق غير اتجاه الطريق
    وما دريت الا وانا في احياءغريبه اول مره اشوفها وكان اسأل السائق
    انت وين رايح قال لي هذا نفر كلام سوى00سوى طريق00قلت له نعم ؟؟؟نفر؟؟نفر 00مين؟؟؟كان التفت وراي وش اشوف 00سياره كشخه وفيها خمسه من الشباب
    كان ارتجف من الخوف 00وقمت وخانقت السائق قلت له ليش تسمع كلامه00؟؟
    قال السائق:انا 00مسكين00انا غريب00انا 00خوف00
    قلت له الله ياخذ عمرك انت مسكين 00اجل انا الحين وش اصير 00
    المهم الحمدالله ان معي الموبايل قلت احسن اتصل بثلاثة تسعات هم اللي بيفزعون لي00وش رايكم يا جماعه00
    قلت للسائق ما فيه الا البوليس00انا اكلم تلفون شرطه وخلاص00
    تدرون وش صار00 صار السائق ما معه اقامه وقام يرجف ويقولي انزل00
    المشكله انا في مكان هادي ما اقدر انزل من السياره (الخوف00ماكل جسمي)
    المصيبه واللي اكبر منها 00اني بعد ما اتصلت بالشرطه اللي يقولون عنهم شرطه00اول ما علمتهم ان فيه سياره تلاحقني واني ما اقدر اروح البيت00
    تدرون وش قال الشرطي الجبان00تدرون000
    قال آآآ00ا والله انتي من انتي منهو ابوك 00انا ما اقدر اجي اتصلي على ابوك 00اقول انا ما عندي 00قوه كل السيارات طالعه | || || |00
    اقول اذا وصلتي البيت علميني00
    اخاف انهم؟؟00؟؟؟
    يا جماعه وش قاعد هذا يقول 00اولا ابوي ما هو موجود00
    لو كان ابوي عندي مارحت في لموزين ولا تبهذلت البهذله هذي 00
    المهم انا صرت بين السائق الجبان0والشرطي الجبان اللي ما فيه نخوه
    00
    وش رايكم بها الموقف مو يحزن ويبكي 00ويخوف00


    اسفه على الاطاله 00الغرض من رواية القصة 00الحذر والحيطه من 0000ومن0000

    ------------------
    مرحباكثرماهل وبل المطر
    ياشوق ياموق يابعدالنظر

    <B><small><small>[ تم تعديل الموضوع بواسطة   جمانه_وبس   يوم   06-05-2000]

    [b]<small><small>[ تم تعديل الموضوع بواسطة &nbsp; جمانه_وبس &nbsp; يوم &nbsp; 06-05-2000]





    جمانه_وبس غير متواجد حالياً


  2. #2
    عضو سوبر نشيط
    تاريخ التسجيل
    Apr 2000
    المشاركات
    837


    والله عورتِ قلبي .. هذا عشان ما تركبي ليموزين وتشترين سيارة أو إنك ما تطلعين من البيت لوحدك..
    ------
    أبتسم الأن ، فقد لاتقدر على ذلك غداً.





    عادي غير متواجد حالياً

  3. #3
    عضو نشيط
    تاريخ التسجيل
    Mar 2000
    المشاركات
    193


    الاخت جمانه العزيزه00اولا نتكلم عن الشباب00 والبنات بصفه عامه00فيهم الصالح والطالح00نتكلم عن الطالح00اللي ياذي بنات خلق الله00انا اعتقد ان طريقة واسلوب لباس البنت ومشيتها وامور اخرى توحي لهؤلاء الشباب بان هذي البنت صيده00صدقيني البنت المحترمه ما احد يتجرا يكلمها ولا يا ذيها000ترى كل هالكلام ماهو انتي المقصوده فيه ياجمانه ومن غير زعل000الموقف اللي حصل معاكي علشان ما معاكي رجال يحميكي 00
    بالنسبه للشرطي00تقدرين تقدمين بلاغ لاقرب مركز شرطه ويكون مكتوب بوقت الاتصال وتاريخه ورقم موبايلك اللي اتصلتي منه وايش اللي حصل بالضبط وصدقيني هالشرطي بيعرفونه من خلال تسجيل للمكالمات وبيروح فيها00ياختي ترى هذا السكوت منك ومن غيرك على اي تقصير يزيد اهمال وتراخي الشرطي وغيره00طيب كيف المسئوليين بيدرون عن الاهمال والتراخي؟؟؟

    ------------------
    الأختلاف في الرأي لايفسد للود قضيه0وسلامتكم


    [b]<small><small>[ تم تعديل الموضوع بواسطة &nbsp; NAWAF &nbsp; يوم &nbsp; 06-05-2000]





    NAWAF غير متواجد حالياً

  4. #4
    عضو نشيط جدا
    تاريخ التسجيل
    Apr 2000
    المشاركات
    315




    الاخ عادي شكرا 00على هذي المشاعر00
    اخوي نواف00000
    والله ان بعض الشباب بس يشوفون زول اسوديبدون في المطارد 000
    صدقني00

    ما هو على لبس العبايه على قولتك وبس00لا 00ولا00ولا اذكر قصه صارت مع وحده ماشيه في السوق وماخذه جدها معاها00كبير في السن لكنه نشيط
    _ما شالله عليه_ المهم والحاصل ان الشباب قاعدين يعاكسونها هي وجدها الين التفت عليهم وقالهم وانا ابو محمد0000انا اتعاكس بعد هالسن00
    بصراحه كان جدها لابس بشت اسود 00بالله وش اللي فيه يجذب على شان يعاكسونه000يعني واضحه 00طيب وش الفرق بين الثنين (البنت وجدها)







    جمانه_وبس غير متواجد حالياً

  5. #5
    عضو فعال جدا
    تاريخ التسجيل
    Dec 1999
    المشاركات
    3,841



    الحمدلله انها مرت بخير...
    بس ماقلتيلنا .. شو صار بعدين؟؟؟
    شو سويتي؟؟؟





    المرشد غير متواجد حالياً

  6. #6
    عضو نشيط جدا
    تاريخ التسجيل
    Apr 2000
    المشاركات
    315


    اخوي المرشد000
    اولا :وعليكم السلام ورحمة الله وبركاته
    اما بالنسبه وش صار 000انا اقول لك اخوي00
    هذيك الليله سائق الليموزين اصر اني انزل من السياره لانه ما معه اقامه00وخاف لا يمسكونه مع التخلفين00
    قلت انزل بكرامتي واتوكل على الله وانا قاعده اقرأ الايات والمعوذات00
    واشوف محل ملابس00واركض 00ركض وادخل فيه وجلست اراقب الجماعه اقول يمكن يملون ويروحون00لكن الجماعه شكلهم قاصديني00قمت افكر 00قلت ما فيه الا اني اشهر سلاحي00وهو الشجاعه 00واقول في نفسي يا بنت لا تصيرين جبانه 00يضحكون عليك وانا ارد على نفسي واقول اي والله يا ويلهم لو قربوا لمي ابن امهم ما انخلق 000وبعد ما دعمت نفسي بالشجاعه طلعت من محل البوتيك00
    وبسرعه وقفت سيارة ليموزين ثانيهبس شوفوا الفرق السواق مصري00
    وجريء اعجبني00 بعد ما فهمته عن السيره اللي تلاحقني 0000
    قال 00يا بت احنا رحنا فين والله محدش يئدر يهوب ناحيتكداحنا رقاله

    الله وا فرحتي يوم شفت ان الدنيا بخير00المصري وقف جنبي 00والله بعد كذا ولا واحد قدر يتجرأ 00علي00والبركه برحمة الله ثم شجاعة المصري00
    الين وصلت البيت وانا لوني مخطوووووووووف00
    وانا اقول انكتب لي عمر جديد
    تمـــــــــت

    ------------------
    مرحباكثرماهل وبل المطر
    ياشوق ياموق يابعدالنظر

    [b]<small><small>[ تم تعديل الموضوع بواسطة &nbsp; جمانه_وبس &nbsp; يوم &nbsp; 06-05-2000]





    جمانه_وبس غير متواجد حالياً

  7. #7
    عضو فعال جدا
    تاريخ التسجيل
    Dec 1999
    المشاركات
    2,235


    الحمدالله مرت على خير ..

    هذولة كلهم اشباه ريايل ..

    والا مب رجال الا يترك بنت ضعيفة ومايدافع عنها ..

    بالنسبة لي اروح فيها ولا اني اشرد ..

    يعجبني المصري ريال والله ... والنعم فيه ..



    ------------------
    ان تضئ شمعة خير لك من أن تلعن الظلام








    بويوسف غير متواجد حالياً

  8. #8
    عضو نشيط جدا
    تاريخ التسجيل
    Mar 2000
    المشاركات
    363


    الحمدلله على السلامه
    واتصورج معاد تطلعين بروحج الحين وهذا لازم يصير والله

    واحلى سلام للقدعان من مصر ابطال اكتوبر
    مدرسينا
    هما اللي حرروا الكويت بعد الله
    قدعان والله

    ــــــــــــــــــــــــــــــــــــــــــــــــ
    ــــــــــــــــــــــــــــــــــــــــــــــــ
    اخوكم كوكو





    كوكو غير متواجد حالياً

  9. #9



    اختي جمانه....

    اولا لا تعفين نفسك من الغلط الله يخليك..لانك ساعدتي بحدوث هالمهزله.

    المال السايب يعلم السرقه والا انا غلطان.

    ما اعتقد انه كان في سبب ضروري يخليك تطلعين من البيت لحالك...

    عشان ايش شوية اغراض كان من الواجب انك تاجلينها لين يكون معاك محرم.

    الحال يا اختي كل مالها وهي بانحدار وانا اشوف زين وش الة اليه حالة

    شبابنا وخصوصا الجيل الجديد الي اعمارهم 21 22 سنه..

    نقول ان الدنيا بخير طيب لاكن لازم نتذكر ان ابليس شاطر وعيال الحرام

    موجودين لامحاله في كل مكان ...

    موضوع ان البنت تطلع لحالها الى السوق والله اعتبره قمة الغباء والاستهتار

    والمشكله انها تتضايق من الشباب وسخافاتهم وخصوصا لما تكون لابسة اخر

    موديل للعبايه اللي صارت للموضه ماهي للستر والعفاف..

    اقول احمدي ربك انها جت على خير والا كان صارت لك مصيبه والعياذ بالله..

    بعدين ياليتك كنت مع سواقكم المشكله ليموزين والشباب لهم نظره خاصه

    للبنت اللي راكبه ليموزين؟؟؟؟؟؟؟؟

    بالنسبه للشرطي اعتقد انك مع الربكه ما عرفتي وش قال والا وش قلتي

    بالضبط والا مااعتقد انه رجل امن وجالس على سنترال الشرطه يرد بهالاسلوب

    على بنت تطلب النجده....

    على العموم الحمد لله على السلامه....


    ------------------
    والله لو ان الحب يشرى بالاثمان
    لاشريه من خبل واحطه بصاحي





    مجموعة انسان غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض