النتائج 1 إلى 7 من 7

الموضوع: ابيع عيوني الثنتين قبل انج تخونيني ؟؟؟

  1. #1
    عضو نشيط جدا
    تاريخ التسجيل
    Mar 2000
    المشاركات
    363


    مرحبا
    شوفو القصيده هذي واقروها عدل وعطوني رايكم
    ؟؟؟
    مو بس اللي يحب الشعر حتى اللي مايحب الشعر ابيه يحاول يقراها ويفهمها ويعطيني رايه
    ؟؟
    صدفتج معجبه فيني وياليت الغرام :اعجاب
    وتراج انتي الهنوف اللي هقيتج تستحقيني
    عطيتج عشق من قلبي .. وسلمت لغلاج ارقاب
    وغيـرج يحتـرق قلبه ولايقـدر يحـاكيـني
    انا قبلج صدفت عيون ولكن ويش جاب لجاب؟
    ترى كل العيون اللي لقتـني ماتكفيـني
    رمـاني حضـي العاثر عليج وجيت لج طـلاب
    ولاانتي اللي عشقتيني ولاانتي اللي عتقتيني
    تعالي واعتقي ذاك الخفوق المولـع المرتاب
    مهب لجلي. عـشان الله يجـازيج ويجازيـني
    تعدي في سما عشقي ولو عشقي خراب اصـحاب
    وصوني بالهوى نفسج قبل لانتي تصـونيني
    وشيـليـني على متنـج خفـوق باري منصاب
    ومن فوق الغرام العذب شيليني وحطيني
    ولامنج هقيتيـني شـجـاع وما يطيق يهـاب
    انا لج بالهوى والله مثل مانتي هقيتيـني
    اناماأمشي ورا غيرج ولو انه يطق الباب
    وترى عيب عليّ اطعن ولو كثرت سكاكيني
    زهـود مايطـيـق الـدم لادايـن ولا طـلاب
    شجاع وعارف نفسي وأظن انج تعرفيـني
    غيـور ماعرفت اظـحك العذر ببرود اعصاب
    ابيع اعيوني الثنتين قبل انج تخونيني
    اذاشد الغرام اترك خفوقي بين ناب وناب
    لفرقى تتكسر اظلوعي ولا عشق يوطّيـني
    انا رجل ولاغيـره واذا شفت الهـوى كذاب
    تثور بقلبي الفزعه ولاتـهدي شياطـيني
    سؤالج لو يزعزع بي كياني ماقبلـت عتاب
    اجي لج وأسألج نفس السؤال اللي سألتيني
    عن العشق القديم ابواب تقفيها كثير ابواب
    بعد ذاك الحبيب اللي خدعني وانخدع فيني
    أبي عشق تحسب له كل نظرات العيون احساب
    وابي قلب على قلبي وابي دين على ديني
    وابي نظره عطا توفي ولاتخلف بدون اسباب
    وابي منـج قبل لانتي تصـديني .. توديني
    وابي درب على العذال صعب متعب غلاب
    وابي نفس الطريق الصعب يبعدهم ويدنيني
    ترى لو للقلوب عيون ولدموع العيون اهداب
    حشى ماتنزل الدمعه لغيرج لو تركتيني
    أنااول من عرف قدرج وانا توي صغير وشاب
    وابي منج مدام انج عرفتيني تحبيـني
    مادام اني لقيتج في طريق اسمه غرام احباب
    دخيل الله، وبعد الله دخيلج.. لاتخليني
    مادام ان كل من يحيا على وجه التراب تراب
    عسى تنساني الدنيا اذا انتي ذكرتيني
    ؟؟؟
    اتمنى تعجبكم


    ------------------
    مدام النفس من داخل مذبوح الأمل فيها
    واعز الناس مو سائل عن دمعات اداريها





    كوكو غير متواجد حالياً


  2. #2
    عضو سوبر نشيط
    تاريخ التسجيل
    Feb 2000
    المشاركات
    756


    حلوه حيل


    اللى العيون ابخل بهاما اقدر اعطيك ؛ واش فايدة دنياى من دون شوافك


    اختيار موافق كوكو

    ------------------
    انتى وانا معا الى الآبد جسدا وروحا وقلبا واحد يا سلطانة الحب وحبيبة القلب يا -----؟ حبيبتى

    [b]<small><small>[ تم تعديل الموضوع بواسطة &nbsp; NICE-MAN &nbsp; يوم &nbsp; 14-05-2000]





    NICE-MAN غير متواجد حالياً

  3. #3
    عضو فعال
    تاريخ التسجيل
    Jan 2000
    المشاركات
    1,480


    كلام جميل منك يالكوكو

    مادرينا انك شاعر .. سوالف قامت تطلع مواهب

    ------------------
    عشووووووووووون عيل





    حجايه غير متواجد حالياً

  4. #4
    عضو فعال
    تاريخ التسجيل
    Mar 2000
    المشاركات
    1,395


    اخوى كوكو
    حلو اختيارك
    وفعلا القصيده جميله جدا
    والشاعر هذا بدا يثبت وجوده يوم بعد يوم
    مشكور على اختيارك
    ومشكور اكثر على تعبك فى كتابة القصيده لانها طويله

    يعطيك العافيه حبيبى


    ------------------
    لاتطرد المقفى ولاتعتنى فيه**اصبر فلابد الليالى تجيبه







    ROMANCY25 غير متواجد حالياً

  5. #5
    عضو نشيط
    تاريخ التسجيل
    Apr 2000
    المشاركات
    123



    ابصراحة حلوة واجد يا كوكو تدرى لي حلوة؟؟
    عشانك كاتبهة من قلب ....او اى شخص سواء كان شاعر او كاتب
    يكتب حاجة ابصدق توصل للناس بسرعة ويحبونهة

    ------------------
    سلامى






    وفاء غير متواجد حالياً

  6. #6
    عضو فعال جدا
    تاريخ التسجيل
    Apr 2000
    المشاركات
    2,473


    كوكو : كل هذا علشان المجنونه خويتك ايوالله من الحب ما قتل ....
    بس والله كلام حلو ....

    ------------------
    احبك لو تحب غيري..وتنساني وتبقى بعيد
    عشان قلبي بيتمنى..يشوفك كل لحظه سعيد





    سلطان نجد غير متواجد حالياً

  7. #7
    عضو نشيط جدا
    تاريخ التسجيل
    Mar 2000
    المشاركات
    363


    نايس مان عيونك الحلوه والله

    مشكوره ياحجايه
    اممممم حلوه سوالف قامت تطلع

    رومانسي مشكور يابعد جبدي
    والعفو التعب لكم انتم راحه والله

    مشكوره يا وفاء بس تدرين ليش قلتي عنها حلوه ؟؟
    لأنج انتي الحلوه
    ومشكوره

    سلطان نجد حبيبي اللي كاهرني وهم احبه

    اللي تقول عنها مجنووونه هذي هذي متطوعه بالمستشفى
    وطلعت عسل واهي اكبر مني يعني حبي لها عشان نصايحها وسوالفها الحلوه اللي ماتنمل والله
    ولا الحب لواحد ثاني احيانا تحاول تعرف اللي احبها وانا اقولها اسف لايمكن اعلمج
    تقولي مابي اراضيكم ابي اتعرف عليها اكيد انها حبوبه واقول انا اي والله حبوبه

    بس هم ماقلتلها ولا راح اقولها

    هم كاهرني
    لوووووووووووووول



    ------------------
    مدام النفس من داخل مذبوح الأمل فيها
    واعز الناس مو سائل عن دمعات اداريها





    كوكو غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض