الاتصال بنا



النتائج 1 إلى 4 من 4

الموضوع: محاوره شعريه بين شاعر و(جنيه)

  1. #1



    تخيلوا شاعره من الجن تخاطب شاعر من الانس !!!!!!

    هذا اللي صار فعلا ورواه الشاعر المبدع (محمد الدحيمي) الذي لا اشك في

    ان السالفه من نهج خياله كما اكدته ونشرته احد المجلات..

    لاكني اعترف انها احد اروع اروع اروع النصوص الشعريه التي قراتها طول

    عمري ..

    القصه راح تعرفونها من خلال القصيده ,,, فتعالوا واقرأوا اجمل الكلام..

    ******************************************

    (الملحمه)
    ليلة البارح رقد بعضي ينازعه اغلبي***ليلة بآخر ليالي الحج غدرا مظلمه
    كني اللي نايم ما بين داب وعقربي***هي حقيقه هي خيال سج؟هي حلم احلمه
    قمت من صوت دعاني وانثنيت على ركبي***والا اناظر قبالي(ناقة متكلمه)
    (يانيازك لو عرجتي فوق دخان اشهبي***اعلقي في زئبقي في مارج متنجمه)
    قلت وش قومك؟وش انتي؟واصدقي لا تكذبي***جاوبتني:شاعره من الجن وانظم مبهمه
    وقبل تنشدني ترى اسمي(ابكمه)ياصاحبي***وادر كانك ما دريت ان اشعر الجن ابكمه!
    اسكن(البرلس)على وادي يسمى (المحلبي)***في نهاية(طور موسى)جل رب كلمه
    جيت ابسمع منك شعر الوصف..وآشب لهبي***كان توصف مثل(جدك)ياعسى الله يرحمه
    جدك اللي من سمع شعره ذهل واستغربي***مثل وصفه ل..اجمل سنينه ب..نوق مدرهمه
    قلت:حياك ارحبي ثم ارحبي ثم ارحبي***في ضيافة شاعر يثني القصيد ويلجمه
    شاعر ورد هواجيسه على ماهو يبي***واصدق الشعر اصدقه في اغربه في اجهمه
    من شيوخ دحيم جدانه..وخاله تغلبي***ان طلع عز وشرف..والا طمن في مكرمه
    قد..ورثت الطيب قبل الشعر من جدي وابي***ولابتي سيل الخفوق اللي تزاير مرزمه
    واشهد اني من سنام الشعر دسمت شنبي***وهاتي اشعر شاعر من الجن..نذر لا افحمه
    ودام يستهويك شعر الوصف ب..انظم واطربي***ع..القوافي نفسها قدامك الحين انظمه
    واصف حلو الترايب والقوام الاكعبي***وابتدي:بسم الله الرحمن سمعي يا
    (ابكمه):-
    ###############
    جادل بحجاجها..فجر زبنه المغربي***عنز ريم نثرتني بين خزر وسلهمه
    في سواد عيونها فاجر يقول انه:نبي***كل صابي يتبعه ويصدقه..يهدر دمه
    وفي لحظها..جاكم سفاح متهور غبي***يطلب الرحمه لميته يوم شبع من لحمه
    وفي هدبها..مدهل راعيه شيخ يعربي***اجودي نوب يعزمني..وانا نوب اعزمه
    راعني بوجنتها تقل..عبد مسبي***حارس روض الزهر من كل يمنا مجرمه
    ومن قليب اللون..جا ثعبان فضي لولبي***من لعق سمه..يقول:الشهد مر وعلقمه
    كلما بلل شفق عنابها قال:عحبي***راح ينشد لولهاهي مشركه؟ هي مسلمه؟
    يوم جا اللول بيجاوب قلت:ربي روف بي***ناض براق الشمان..وسال وادي عكرمه
    الندى..عود غدا باوجهانها..طفل يحبي***والعطر راعي باثرها يحدي ابله وغنمه
    ومن جدايلها تجلى فارس قال:العبي***واستفزي الريح يابنت الهبوب المدهمه
    وفي نحرها..كافر لعيوني يقول:اذنبي***كل ما ياكل رطب شوفي..حذفني بعجمه
    في ترايبها..ثمر طاح بنهم عين اشعبي***جا يقول لخصرها المياس:حذرامااتهمه
    انثنى الخصر وتمايل..قال:قلبك مر بي***توه اللي كان ضيفي وانظر آثار قدمه
    الجمل..هج وتذير يوم شاف الاحدبي***الحدب قال:اش معه؟ماينظر لحدب سنمه
    كل نظره روحت حبلى.. تجي معها صبي***راح جوعه ينشد امه وش بلاها تفطمه
    لا مشت..في مشيها خطو الكحيل الاشهبي***لا انثنت(حايل ثنيه)لارباع ولا قحمه
    كنها لا لدت النظره خجل عا المنكبي***صادق يستودع الفتان سر يكتمه
    في خجلها بنت شيخ طاحت بحب اجنبي***في غنجها..مهرة تتلي الصهيل يهمهمه
    في رضاها..حصني يتلذذ بحض عنبي***في عتبها..ظالم حطوه قاضي محكمه
    لا اقبلت..مثل حمام ولا ادبرت..مثل الظبي***لا وقفت طير الهداد ولا جلست تقل رخمه
    لاوردتي يامغاتيري على العد اشربي***وهيجني يا حي ذا المبسم ومنهو مبسمه
    مبسم يوم يبتسم كل عرق صاح بي***وتلني..قوم الثمه..نذر علي ان تلثمه
    اذن الفجر ووقفت..الا(ابكمه)تقول:طلبي***يالدحيمي هذي القصيده سمها بالملحمه

    ##################@@@@@@@@@@@@@@@@@@@@@@@@@@@@@@@@@








    مجموعة انسان غير متواجد حالياً


  2. #2



    حلوة
    وايد ،،
    فن يستحق التقدير ،،
    شكراً لنشرك هذه الروعة ،،







    قوس الحب غير متواجد حالياً

  3. #3


    قوس الحب

    شكرا لك على تذوقك لكل ما هو جميل ...




    ------------------
    قالت من انت وقلت مجموعة انسان ***من كل ضد وضد تلقين فيني








    مجموعة انسان غير متواجد حالياً

  4. #4
    عضو فعال جدا
    تاريخ التسجيل
    Apr 2000
    المشاركات
    2,473




    جميل جميل

    اجل تبي تاكله ؟؟؟
    طبعا ما عرفت وش اقصد ... اقصد ذاك الحيوان الي يدخل ويطلع بالنار ولا يجيه شي ....

    ------------------
    احبك لو تحب غيري..وتنساني وتبقى بعيد
    عشان قلبي بيتمنى..يشوفك كل لحظه سعيد






    سلطان نجد غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0