الاتصال بنا



النتائج 1 إلى 3 من 3

الموضوع: شبابنا والسياحه000

  1. #1


    الشاب يقول لابوه ولامه:-انا عزمت انا وحمد وصالح نزور الطايف والباحه وابها00في اسبوعين000
    الوالد والوالده:-الله معك ياولدنا وتروح وتجي بالسلامه00
    الشاب يقفل عليه غرفته في الليل ويطلع من الكيس اللي جابه من السوق ملابس00بناطيل وشورتات وفلاين كت وقمصان ملونه وبدل اخر موضه00ومسجل صغير واشرطه منها راشد الماجد وام كلثوم لزوم الجو الهادي00ونضاره شمسيه00وكريم للشعر عشان يلمع جنب البحر000وبعض الاغراض الاخرى الخاصه 00ويقفل عليها بشنطه جديده وينزل من غرفته بالليل يمشي بشويش00ويحطها في شنطة الموتر00اه اه يتذكر حطيت التذاكر والجواز والا لالالا000دقيقه افتح الشنطه واشوف000الجواز موجود00والتذاكر موجوده جده-كازبلانكا-اغادير-طنجه-مراكش-فاس00كلها موجوده00ممتاز00يقفل الشنطه00ويطلع لغرفته00ويكلم صالح وحمد بالجوال وبشويش00هاه ياشباب جهزتوا اغراضكم00لاتنسون المكسرات00والهدايا00ولاتنسون تصرفون دراهم ودولارات00ترانا نبي ننبسط00يله مع السلامه وبكره ملتقانا بالمطار000في الصباح يقوم الشاب ويفطر مع ابوه وامه ويجيب شنطته القديمه قدامهم ويحط فيها ثيابه وغترته وطاقيه وفلاين وسراويل00وبناطيل رياضه00ومسواك00وورقة بلوت00وتقوله امه:-لاتنسى ياولدي خذ هذي السجاده والمصحف معاك عشان ربي يقاك ويحميك000ويتاثر الشاب شوي000وثم يقوله ابوه:-ياولدي ترى الانسان اذا جا يسافر الى ديره ونيته زينه وطيبه ومات قبل يوصل 00مات حسب نيته00وترى فيه شباب يطيرون بالطيارات بين سما وارض وبين يدي الرحمن ونيتهم لفساد وخلاعه00وشلون لو طاحت بهم الطياره00باي وجه يقابلون ربهم000الشاب بدا وجهه يحمر ويبان عليه الاظطراب000الوالد يقول:ياولدي00امس دق جوالك وانت بالحمام ورديت عليه00وكان الحجز يبلغني بتاكيد حجزك للمغرب00
    000والموضوع تراه مازال بين ايديك00وتراك لو سافرت للشر والفساد00اعتقد ان هذا البيت الطاهر ماراح يقبل رجوعك مره ثانيه00000الشاب تدمع عيونه اسى واسف ويقبل يد وجبين والديه ويتاسف منهما00ويعاهدهما بالا يكرر ماحدث00وان الله حماه00من هذه الرحله التي لم يكن يعرف مصائبها وامراضها000ورفع الشاب يديه لله وقال:الحمد لك يارب000

    ------------------
    يازمان العجايب وش بقى ماظهر000ان حكينا ندمنا وان سكتنا قهر






    فارس مشاعر غير متواجد حالياً


  2. #2
    عضو فعال جدا
    تاريخ التسجيل
    Jan 2000
    المشاركات
    2,799





    قصه مؤثره...







    LoOoOoL غير متواجد حالياً

  3. #3



    الله يستر





    قوس الحب غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0