الاتصال بنا



النتائج 1 إلى 9 من 9

الموضوع: أبو البنات؟؟؟؟؟؟؟؟؟؟

  1. #1


    السلام عليكم ورحمة الله وبركاته.......

    أول شي هذه المقاله برعاية" مجلة كل من أيدو ألوه" والشي الثاني حبيت أني اسوي نفسي أبو خمس بنات فديت خشتي وانا جالس بينهم تقول فريد شوقي جالس بين خمس بنات مستهترات!!!! أو الفرق اللي بيني وبينه أنه يشتغل فراش وانا أشتغل مضمد بعارين" ومبسوط يا خي" المهم بحكم أني شايب تلقاني دايم بين مجالس الشيبان والمسجد ولا في حوش البيت ومبسط وأذني ماغير أتبوس في سماعة الراديو تقول أذني مسدوده بقطنه ولا كني يوم اقرب اذني من صوب السماعه بصير في وسط الحدث المهم من المعروف ان ابو البنات دايم يفكر وشلون بيخلص من الغفر اللي عنده أحياناً يحس انه جالس بين ربعه ماهوم بناته ويا شينهن يوم كل وحده توها تقوم من نومها تقولك صبحك الله بالخير يبا والله ودك تهفها بكف على هالحلق يسد أبها ريحة المجاري الفواحه!! والبلاأن الخشم حقك كل صبح يصبح الهدف الرئيسي لحلوقهم المهم الواحد دايم شايل همهن ووده يزوجهن ويسعدهن ويأمن حياتهن ويدعو لهن بالتوفيق . وكان عندنا حاره كلها شباب ما شاءالله محترمين مررره وطيييبن؟؟!!دايم يحبون يساعدوني(!!)بس الغريبه ان غلاهم زايد اشوي مره تلقاهم يوم يفش عندي التاير " الكفر", " الأطار",هذا يفك البلط وذاك يرفع " الجيك " , ولا بغيت الوايت"شاحنةماء"خمس دقايق ولا الوايت عندي ولا مرضت لقيت كل شباب الحاره عندي في وسط البيت ولا جيت أروح المسجد ولا مخاويني للصلاه وتشوفهم جزاهم الله خير لاشافوا الفواتير على الباب يروحون يدفعون عني فواتير التلفونات وأحياناً الكهرب بس الكهرب ماهوب دايم لكن التلفون يحرصون عليه مدري ليه
    " واحد يستعبط " المهم حصل في يوم من الأيام ان واحد من شباب الحاره وهو متزوج طلب مني أيد حدا بناتي وكنا جالسين بالمسجد وقلت له المسجد ماهوب مكان للخطبه تعال البيت ويصير خير وقام وباس راسي وجبهتي وخشمي وراح
    " واحد تغيرت ملامح جبهته وخشمه من كثر البوس", وجاني ثاني يوم كاشخ الولد ومسكر ياقته وعيونه طالعه من شدة الخنقه تقول واحد جالس وراها يرفس برجله لبرا قلت له سم أمر من هي اللي تبي تخطبها؟..قال : الأولي يا عمي,قال انا ودي زواجي سر بيني وبينك قلت ليش حنا نبي نسرق..قال لاياعم بس انا زوجتي الأولى مريضه وأخاف تعرف يجيها تجلط في القلب وانا أشوف لو نخليه" خشخاشي " أبرك..قلت انت شايف هالشكل " واحد حاس انه يدير ليدي هوم "قال ايه يا عمي قلت على العموم الزواج اللي من هالنوع انا رافضه بس عطني يومين اشاور البنت فيها وارد عليك,وجيت لبنتي وقلت لها يا بنتي جارنا ابو فلان جا يخطبك ووده ان الزواج يكون " مسيار " وانتي تعرفين يا بنتي ان زواج المسيار مذمود وسمعته شينه وغير هذا بينقدون علينا الناس ولا أمداني اكمل كلامي الا وهي مقاطعتني وقالت:لالالا أبد مافيه شي زواج المسيار كل رفيجاتي تزوجوا مسيار ولافيه شي مزين منه أنت وافق ولا عليك "واحد أنصدم ما يدري هذي بنته ولا مديحه كامل في فيلم الساقطه "وتقول اختها الثانيه رفعه فديت خشتها مطيبها وعلى فكره هي اعقل خواتها جعلها تحيا وتبقى المهم قامت وقالت لأختها: انتي ما تستحين على وجهك لعنبوا دارك أنتي بنت صلب ولا بنت شوارع أستحي على وجهك تبين البنات بكره يخلونك مشروب سواليفهم خلالاص غاب عنك الحياوالله اللي يشوفك ما يقول هذي بنت أجاويد قامت الأولى وردت مقاطعه اختها: لو سمحتوا أنهوا الموضوع هذي حياتي وأنا حرره فيها " مقطع من فيلم أبو البنات " المهم حطيت للبنت الغرفه اللي تحت عشان تقطيع السلطه وتصدقون من عقبها كل ماشوف المرايه أحس ان أذاني طوال أشبه الى حد كبير اللي ينقاله " بالعنقليزي " دونكي...مدري شنو يسمونه بالعربي " لاهو نفسه أفرح " المهم ما أخذت أسبوع الا كل خلق الله كلها تدري....وصار حضر على المتزوجون ممنوع الخروج من الساعه 9بالليل وصاروا المتزوجين ما يسلمون عليّ عشان يخافون من حريمهم ومضرب الهريس وصاروا الشيبان ما يسلمون عليّ وليا رحت مجلس الرجاجيل مغير يتساسرون بينهم وصرت منبوذ بينهم...ويوم اقول للواحد: كيف الحال ابو فلالالان..يقول الحمدلله بخير بس خل بيني وبينك خمس " مراكي " يعني مساند,أخاف العدوه تصيبني ويصيبني جنون الشيبان...المهم ضاق صدري وحسيت أن قيمتي بالحاره ماهي بمثل اول..الا بعض الشباب والمتزوجين اللي حاطيني ضمن الخطه الخمسيه القادمه!!!المهم مر شهرين الا واحد ثاني يبي يتزوج بنتي الثانيه قلت له يا هلا ومرحبا هذي الساعه المباركه, والله ماتعز عليك والله لولا الحيا لجيبها لبيتك بعباتها..قال:لالالالا شنو تجيبها البيت انا اللي ابي اجي عندكم" وجه أنصدم وانصفر "..قلت ليش..قال : عشان ابي زواجي يكون خشخاشي" سكاتي " ما ابي احد يعرف" واحد حاس انه ما راح يخلص من هالأدراه " قلت أسمع انا معارض الزواج هذا لكن عشان ابري ذمتي بقولها. وجيت للبنت الثانيه وقلت لها:ههاهاهاه واحد حمار جاي يبي يخطبك مسيار والله ضحكني ما يدري انه لو يقول هالكلام قدامك كان هفيتيه بطاسة اللبن هاهاهاهاه...وعقب ما خلصت ضحكتي قلت لهاانا بصبر أشوي وأطرده اللحين لكن مسوي نفسي جاي أستشيرك"وجهه يغمز "..قالت : وليه يبه تطرده بالعكس ما فيها شيئ زواج على سنه الله ورسوله قلت بس يا بنتي هذا جاي مسيار قالت:طيب وشنو فيهالاأنا اول وحده ولا أخروحده" أمحق عاقله " قلت: قولي وربي ..قالت وربي هاااااشنو عندك" وجهه ضايق "...........

    خلاص ما أقدر اكمل شنو عاد تبون أتعرفون أكيد صرت كني أشارة مرور ماغير أفتح الأشاره للي جاي من اليمين واليسار وأصير أسجل حضور وغياب لزواج بناتي, والله اني عجزت وانا أقطع بسلطة البيتزاهت حسبي الله على من أخترع زواج المسيار ماعاد ناقص غير اني أحط طاوله على الباب وأعطي تأشيرات دخول....لالالالالالاتصدقون أني ابو البنات تراني توني اصغير وكتكوت ماغير 22لالا23لالا24سنه,ابصراحه ناسي" مقطع من مقابلة ليلى علوي يوم أسئلوها عن عمرها "...بس صدقوني حتى وانا مسوي نفسي ابو البنات والله اني حاس بعار كبير...بكيت من باع..وفديت من شرا العز والشرف والكرامه...

    والله أنقرف أظهري..من الكتابه...واخوي الصغير جنبي يمليني "غلط "..هاهاهاهاهاهاها :

    ------------------
    لعيونك السود جيتك رافعا شاني....شيخا خذا ثار خاله من ولد عمه


    [b]<small><small>[ تم تعديل الموضوع بواسطة &nbsp; أحساس &nbsp; يوم &nbsp; 20-11-2000]





    أحساس غير متواجد حالياً


  2. #2
    عضو فعال
    تاريخ التسجيل
    Apr 2000
    المشاركات
    1,362


    وعليكم السلام ورحمة الله وبركاته

    الله يعطيك العافيه عزيزي إحساس على هالقصه

    لا واللي عجبني ..سالفة إذنك وهي تبوس الراديو ههههههههه شلون طافت الرقابه هذي

    المهم إن هذاتنبيه وتوعيه لبعض الأباء اللي يوافقون على زواج المسيار لبناتهم !!!

    الله يهديهم بس


    تحياتي لك أخوي إحساس
    وعقبال ماتصير أبو البنات بس مو مثل اللي بالقصه



    ------------------
    والله شرايكم






    bahraini غير متواجد حالياً

  3. #3


    هلالالالالا والله فيك أخوي وعزيزي بحريني...

    مشكور على قرأتك " لملحمة الألياذه" مالتي...وان شاءالله تكون نالت على رضاك ورضا أخواني أعضاء سوالف...

    مع العلم اني كنت ابيها على حلقات بس شفت الدعوه طويله وقلت خلها جذيه أحسن...

    أما سالفة اني اكون " ابو البنات " فهذي بعيده كل البعد لأني لاأريد اني أتوهق مع جيراني....



    ------------------
    لعيونك السود جيتك رافعا شاني....شيخا خذا ثار خاله من ولد عمه






    أحساس غير متواجد حالياً

  4. #4
    عضو نشيط جدا
    تاريخ التسجيل
    Apr 2000
    المشاركات
    393


    )





    فتى الشمال غير متواجد حالياً

  5. #5
    عضو سوبر نشيط
    تاريخ التسجيل
    Mar 2000
    المشاركات
    988



    هلا احساس ،،،،

    والله موضوعك وايد حلو ،، لكن بيني و بينك ترا ابو البنات اجره كبير لأن البنات مسؤولية عظيمة و اللي يحسن تربيتهم يكون له اجر عند ربه اكثر من غيره ...
    بس في حالتك انت ويا بناتك الله يعينك عليهم و على زواجهم ...
    تحياتي ،،،،





    سهام الحب غير متواجد حالياً

  6. #6


    هلا حبييي سهام الحب....


    هاهاهااه...مشكور حبي على ردك اللطيف..واقولك لا يامعود اذا البنات جذيه انا ما أبيهم...



    ------------------
    لعيونك السود جيتك رافعا شاني....شيخا خذا ثار خاله من ولد عمه






    أحساس غير متواجد حالياً

  7. #7
    عضو فعال
    تاريخ التسجيل
    Mar 2000
    المشاركات
    1,395


    صراحه صراحه
    موضوع روعه

    بس تدري أعجبتني شخصية البنت العاقلة اللى كانت تنصح أختها ,وآخر شى يوم جاها الدور خربتها.
    دورها كان خرافي

    الله يعطيك ألف عافيه على هالموضوع
    وبقولك شى
    كسر خاطري أخوك

    تدري كل شوي قاعد أشوف الموضوع وأقول الله يعطيه العافية
    متأكد أن الموضوع أخذا منك جهد واجد
    وفعلا موضوع ممتع وله مغزى .


    إحساس
    جيب اذنك شوي
    ترى سهام الحب بنت ماهي ولد


    تحياتي لك الغالي



    ------------------
    أحب الصدق وأعمل به كسبته وكنت أنا الخسران ** ولو صدقي يخسرنى تشرفني خساراتي





    ROMANCY25 غير متواجد حالياً

  8. #8


    السلام عليكم جميعاً.....

    هلا والله أخوي وعمري وحبي رومانسي " واحد متحطم حده "..هاهاها

    مشكور حبيبي على ردك اللي جاء متأخر أشوي ولكن مو مشكله, راح أغفر لك هالمره ولكن حبيبي كنت متمني أنك تقوم " بنقد " الموضوع ولكن مادام جت جذيه اوكيه ..يعني هالمره سلمت من لسانك..وعلى فكره أنتظر موضوعي الجاي تررررررررراه..." اقوووى " من جذيه.

    أما سالفة "جيب أذنك أشوي " هاهاهاهاه..انا والله على نيتي.


    تحيه خاصه جدا جدا جدا...لأختي " سهام الحب " وانا اسف كتير كتير..




    ومع الف الف الف سلامه وفمان الله.
    ROMANCY25....أنا منتظر أفكار لك مترابطه اوكيه...هاهاه..انت فاهمني.
    BYE

    ------------------
    لعيونك السود جيتك رافعا شاني....شيخا خذا ثار خاله من ولد عمه






    أحساس غير متواجد حالياً

  9. #9
    عضو فعال
    تاريخ التسجيل
    Mar 2000
    المشاركات
    1,395


    وعليكم السلام ورحمة الله وبركاته

    والله قاعد تحرجني بسوالفك احساس
    صرت أشك بعمري الحين

    بالنسبة لتأخر الرد والله والله مو بإيدي
    أما بخصوص النقد
    أنا مو ناقد ولاعندي معرفة بأصول النقد ,لكن موضوعك فعلا رائع رائع رائع
    فعلا جلست أقراه وأنا مستمتع
    قريته وضحكت
    قريته وفكرت ببعض شخصياته
    قريته وإقتنعت بالمغزى والفكرة اللى تبي توصّلها لنا
    كان تسلسل الأحداث فيه منطقي
    والسرد كان فعلا مميز
    والتعليقات اللى مرات أموت من الضحك عليها كانت أكثر من رائعه

    أنا الحين أنتظر موضوعك الجاي
    وان شاء الله تكون مواضيعك أجمل وأجمل وأجمل

    تحياتي الغالي وأعذرني على التأخير


    ------------------
    أحب الصدق وأعمل به كسبته وكنت أنا الخسران ** ولو صدقي يخسرنى تشرفني خساراتي





    ROMANCY25 غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0