الاتصال بنا



النتائج 1 إلى 13 من 13

الموضوع: الجزءالأول:أحلام, مع وقف التنفيذ...؟؟؟؟

  1. #1


    بسم الله الرحمن الرحيم..........

    طبعأَ هالمقاله مقدمه من " حارة كل من أيدو ألو المحدوده "خمطتها وغيرت العنوان...والحين ببدا قصتي اللي من نسج خيالي,مدري خيالي ذا وين بيوديني والله لو انه " وانيت " عجز ما شالني بحكم اني رجل أعمال يعني بزنس مان على وزن سوبر مان.

    حبيت أني اروح لندن عشان أحضر أجتماع سنوي للبزنس مان"واحد ماهي راكبه على حلقه".
    وكنت راكب درجه اولى بس كنت في الكرسي الثاني لأن الاول كان فيه حريم "طيارة نقل جماعي".
    المهم قلت في نفسي لازم اريح عمري واركب طياره راقيه ولها سمعه من ناحية الخدمه ,أبصراحه أحترت بين الخطوط الأثيوبيه ولا السودانيه ولا السعوديه ولا الكويتيه ولا الأيرانيه,كلهم خطوط ماخذه جوائز,المهم قلت ليش أحتار,اسوي حدرا بدرا...واللي تطلع أركب فيها.

    المهم يوم الله اراد أني ارتاح بالخطوط الجويه؟؟؟؟؟وتأكدت اني على الخطوط الجويه؟؟؟؟؟يوم اني قلت للموظيف: لو سمحت انا وجبتي ما أكلتها.
    قال:وش تبيني أسويلك,أطبخ لك,ولا أطلب لك مندي من MCDONALDS,أقول ما تضف وجهك وتقعد في كرسيك ازين لك....عرفت وقتها أني على الخطوط الجويه؟؟؟؟؟
    " واحد كح وهو يقولها ".
    قلت له :طيب ماي.قال:وين انت جالس في قهوه بالنسيم, أقول أنثبر لاأطبلها على راسك اليوم " واحد يبي السلامه " قلت له : ان شاءالله.

    المهم جلست محترم من الخرعه ماني عارف أوازن وجهي من رقص العروق فيه من الفشله...المهم جلست وقلت أضيع السالفه وأسولف مع اللي جنبي ويوم بدينا بدا المهرجان بالألعاب الصاروخيه تلاه تلاوة من ايات الذكر الحكيم تلاه كلمة السيد الرئيس اللي جنبي تلاه الصواريخ اللي بغت أتفجر راسي تلاه انا رديت وسويت نفسي نايم من كثر كذبه حسبي الله عليه " واحد يسوي نفسه عمره ما كذب "

    المهم وحنا طايرين قال الطيار: الرجاء من الأخوه ربط الأحزمه قدامنا طعوس هوائيه هاهاه ,وعرفت ان الطيار حقنا من يطلع من بيتهم وهو مقابل وجهه أبو فلاح,يتقهوون وحاطين بساطهم وعزبتهم على الشارع الأصفر ولابس الغتره وفوقها طاقيته اللي يطير بها .ولا أسئله ابو فلاح ,وراك لابس طاقيتك ...قال:تحسباً لأي مطبه هوائيه " صج خبل وطاح على BOING 747 تويوتا دفع خلفي "....المهم يوم راحت المطبه الهوائيه قال الطيار:فكو الأحزمه مافيه الا الخير ووسعوا أصدوركم...وبعدها قال : يا نهاد..وهو يقصد الموظيفه..قالها: قهوي الربع يا هلا ومرحبا فيكم ياهلا....؟!
    المهم مشت الطياره" يالخبل الطياره تزحف ما تمشي " ..وطارت وأسرعت ,على وزن أسفرت وأنورت..المهم يوم جتنا نهاد ولا هذيك المزيونه اللي تقول للقمر قم وانا أجلس محلك,جابت نهاد القهوه وقالت :بدك تشرب ولا لا!!" قالتها بدون نفس"
    عاد انا حبيت أتميلح وأطول بالحكي وياها..قلت:من شاور ما عطا....
    قالت لي:شو عطا شو صلاح بدك تشرب ولا لا" وخر لاتكفخك على فرتك "
    قلت: يايبه عسى ماشر شفيها أخلاقك تجاريه...قالت:شو انت بدك تستزرف حالك,خلصنا يالله بدك ولا لا " تكفا قل لا ".
    قلت:لا
    قالت:أحسن...قلت في قلبي: عسى ماني راكب على حساب أبوك وانا مدري
    قالت: شو بتبرطم بتقول " وجهه منعفس فوق تحت "
    قلت: والله مافي شي واقسم بالله....قالت: بحسب........

    المهم رديت لطرزان خوينا ابو السوالف الشجاعه اللي بجنبي وقلت له السالفه...وقال: والله انك مسكين,والله لوه انا كان جبتها كفين وخليت وجهها ما يطلبه الملاكمون...وما مدا خوينا يكمل سالفته الا وقاموا ثلاثه وكل واحد وياه رشاش وقالوا الطياره مخطوفه" واحد متأثر بالأفلام الهنديه "...وبحكم اننادرجه اولى أمحق اولى..والله يالكراسي كراسي نيسان باترول موديل 78مع تلبيس جلد مروح...وبحكم اننا درجه اولى قالوا: كل واحد يطلع أثبته الشخصي...يعني انهم متعشمين يلقون سياسيين ويانا...وقلت انابقلبي طبعاً:راح فيها خوينا لأن من ضمن سوالفه انه كان عازم بيل كلينتون في مطعم بخاري في الجهراء.............

    يتبع في الأيام القليله المقبله.......

    ------------------
    لعيونك السود جيتك رافعا شاني....شيخا خذا ثار خاله من ولد عمه




    [b]<small><small>[ تم تعديل الموضوع بواسطة &nbsp; أحساس &nbsp; يوم &nbsp; 02-12-2000]





    أحساس غير متواجد حالياً


  2. #2


    السلام عليكم ورحمة الله وبركاته..........

    أخوي : أحساس........." الوايلي على ما أعتقد"..

    انا جداً معجب بمقالاتك هذه بحكم انك تجيد هذا الفن او هذا النوع من المقالات...وأيضاً تعجبني ردودك على أخواني رومانسي وهايل...

    على العموم انا من متابعيك وأريد منك ان تعرف ان من خلفك متابعين.....وانا أنتظر الجزء الثاني وارجو انه لايطيل علينا

    ولك مني خالص الحب والتقدير.....أخوك: وايلي رابع ..



    ------------------
    من أنا يا ترى....حاول....فكر....قد تجدني حولك؟؟!!

    [b]<small><small>[ تم تعديل الموضوع بواسطة &nbsp; قاهرالجلطات &nbsp; يوم &nbsp; 02-12-2000]





    قاهرالجلطات غير متواجد حالياً

  3. #3


    السلام ياهلالالالالالالالا...

    هلا والله فيك أخي قاهر الجلطات...ولو ان أسمك مخيف أشوي ويثير " الدبابيس" من حولنا....وانا شاكر لك هذا الرد السريع جداً

    والجزء الثاني...ان شاءالله قريب

    اما انك وايلي...فهذا والله شيئ انا جداً سعيد به .....والظاهر على أخر السنه هذي نبي نخلي " سوالف "...كلها قبليه....هاهاهاهاه

    ------------------
    لعيونك السود جيتك رافعا شاني....شيخا خذا ثار خاله من ولد عمه






    أحساس غير متواجد حالياً

  4. #4


    والله انك فطستني ضحك والله العظيم صحيح ............

    والله اني احسدك على هذه الموهبه الفذه .............
    ماشاء الله عليك ..............
    بيني وبينك على المضيف لوانا بدالك حتى لو خلتني عجين لا اقول لها ( صلاتي على النبي محمد اعملي فيي كتر ما بد ك ) ( بس بالبدوي)........


    ------------------
    النازي الى الابد





    البرنس ناز غير متواجد حالياً

  5. #5


    هلالالا بالبرنس ناز

    بدون تعليق...... " واحد وجهه ينقط حيا "..

    ------------------
    لعيونك السود جيتك رافعا شاني....شيخا خذا ثار خاله من ولد عمه






    أحساس غير متواجد حالياً

  6. #6


    مرحبا اخي احساس احب اقولك اني اندمجت مع القصه المثيره وانصحك تسويها فيلم .....الصراحه انا كنت شاكه انك جهراوي بس بالاخير تاكدت.
    والنعم فيك اخوي.....بس نبي نعرف اشصار بعدين؟





    ليمونه غير متواجد حالياً

  7. #7


    هاهاهاهاهاهاهاه

    هلا فيك اختي او اخوي " ليمونه"....

    انا مو جهراوي بس شنو الشيء اللي يخليك أتشك فيني؟؟؟

    ويعطيك العافيه على ردك المهضوم بالفعل .اماالجزء الثاني ان شاءالله باجر بأذن الله.....


    " ليمونه " كان لي في السابق موضوع اسمه" ابو البنات ",اتمنى انك تقرأه وتقرأينه...وانا متأكد انه راح يعجبك...
    بس ابي منك" نقد " للموضوع اذا قراته ان شاءالله.
    ------------------
    لعيونك السود جيتك رافعا شاني....شيخا خذا ثار خاله من ولد عمه


    [b]<small><small>[ تم تعديل الموضوع بواسطة &nbsp; أحساس &nbsp; يوم &nbsp; 05-12-2000]





    أحساس غير متواجد حالياً

  8. #8


    الله يعطيك العافيه على هالمواضيع الحلوه.....بس اخر مره بسالك انت اكيد مو جهراوي..........على العموم انا بانتظار الجزء الثاني ......والله يقويك.........بس انت اكيييييييييييد مو جهراوي؟؟؟؟؟؟؟
    انا مازلت شاكه فيك .........هههههههههه.





    ليمونه غير متواجد حالياً

  9. #9


    مرحبا " ليمونه ".............

    شلون اثبت لج هالشيء...والله اني مو جهرواي ولكن قضيت نصف عمري بالجهراء.....وانا كلي فخر بذلك...

    ولكي مني فائق التحيه والأحترام


    ------------------
    لعيونك السود جيتك رافعا شاني....شيخا خذا ثار خاله من ولد عمه






    أحساس غير متواجد حالياً

  10. #10
    عضو فعال
    تاريخ التسجيل
    Mar 2000
    المشاركات
    1,395


    هلا احساس

    ؟؟؟؟؟؟؟=السعودية

    " حارة كل من أيدو ألو المحدوده "
    أعجبتني فكرتها وكأنك تقول إياك أعني فاسمعي ياجارة

    تدري شنو أكثر شىء عجبني
    وصف الطيارة

    وشخصية أبو صواريخ اللى جالس جنبك

    بس والله إنت خيالك مو طبيعي
    شلون طرت عليك الفكرة

    ترى حمستنا للجزء الثاني
    لايكون تتورط وتنقذهم
    ترى حذرتك


    الله يعطيك الف عافية على الموضوع اللى فعلا قاعد تثبت فيه انك تملك قلم مو طبيعي

    تحياتي لك الغالي ولاتنسى الجزء الثاني



    ------------------
    أحب الصدق وأعمل به كسبته وكنت أنا الخسران ** ولو صدقي يخسرنى تشرفني خساراتي





    ROMANCY25 غير متواجد حالياً

  11. #11


    شوف الجزء الثاني وانت اتعرف اذا انقذتهم ولا انقذوني





    __________________
    لعيونك السود جيتك رافعا شاني....شيخا خذا ثار خاله من ولد عمه
    أحساس غير متواجد حالياً

  12. #12
    عضو نشيط جدا
    تاريخ التسجيل
    Apr 2000
    المشاركات
    400


    هلا احساس


    والله عندك حس فكاهي موتني من الضحك









    __________________
    من الجميل أن تبتسم للآخرين ولكن من الأجمل أن تجعل الآخرين يبتسمون

    booom غير متواجد حالياً

  13. #13


    مشكوووور boom





    __________________
    لعيونك السود جيتك رافعا شاني....شيخا خذا ثار خاله من ولد عمه
    أحساس غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0