الاتصال بنا



النتائج 1 إلى 10 من 10

الموضوع: هذا اللي صار

  1. #1
    عضو سوبر نشيط
    تاريخ التسجيل
    Mar 2000
    المشاركات
    988


    السلام عليكم و رحمة الله و بركاته ...

    سلامي لكل عضو جديد و قديم و سلام خاص لاعضاء الشلة ...

    شوفو يا جماعة ... بخبركم بسالفة صارت لي ...

    شفتو في حياتكم قطو متكبر و شايف نفسه؟ هذا القطو يا جماعة الخير ما يحب يرقد الا في الغرفة و تحت السرير و لازم الكنديشن شغال ...

    اسمعو السالفة ...

    بيتنا من بين كل بيوت الفريج يحبونه القطاوة و دايما يتيمعون صوبنا .. مسوين عصابات ... عاد وين لما يتظاربون ..ماشي الا كل قطاوة المنطقة يتيمعون في فريجنا و بالتحديد صوب بيتنا ...ما ادري حد قايل لهم انا نوزع سمك بلاش .. و لا يمكن حد قايل لهم ان ابوي سماك ... ؟؟؟ حلاته عاد يوم اخوي الصغير اشترا له حوض سمك و يا اليوم الثاني لقا القطاوة ماكلينهم ...و كل ما يشوف قطوة يركض وراها يبا ينتقم ... اخوي صعيدي ...

    عاد من كثر ما هم ماخذين علينا .. صارو ما يخافون ... و دايما يتنقلون في البيت .. اللي يقول بيت ابوهم هالقطو ...
    و في وحدة منهم (القطاوة يعني) عينها قوية .. ما تخاف .. و ياماحصلت ظربات و رفسات من اخواني لكن ما تتوب ... هذي القطوة تدخل الصالة و احيانا نحصلها تحت الدرج او في الميلس ..
    المهم ...
    في يوم من الايام ... حسيت بالتعب ... و طبيعي اني اروح ارقد .. دخلت الغرفة .. قفلت الباب ... شغلت الكنديشن .. و رقدت ...لحد الان السالفة ماشية تمام ..
    الساعة 5 و ربع الفجر ... سبحان الله ما ادري شو اللي صحاني . فتحت عيني و تخيلو شو شفت يدامي ؟...
    شفت قطوة ... قلت هذا جني ... ما في مجال اكيد جني .. و سميت و تعوذت من ابليس و ماخليت دعاءالا ودعيته .. عاد القطوة كانت يدام السرير و مشت صوب الباب تبا تظهر .. الظاهر بنت الذين شبعت رقاد ... مديت ايدي صوب الدريشة قلت سبحان الله يمكن نطت منها ... لكن الدريشة مقفولة ... بعد شوي لما شافتني ردت مكانها تحت السرير .. و انا كنت ميتة من الخوف .. قمت من على السرير و شوي شوي ... بحركة بطيئة جدا فتحت الباب و ركظت صوب غرفة امي .. دقيت الباب بكل قوتي .. طلعت لي امي ... خير انشالله شو في ... قلتلها ... قطوة قطوة في غرفتي ما ادري كيف دخلت ... يت امي الغرفة وياي دورنا مني مناك ما في شي .. بعدين خبرت امي انها تحت السرير ... امي عاد يابت البروش و يلست تسوي حركات لين ما ظهرت القطوة ... فتحنا للشيخة الباب و راحت عند اهلها تتفاخر بانها رقدت في فندق خمس نجوم ( بالنسبة لهم طبعا) ...
    انا عاد قمت و صليت و رديت مرة ثانية للـ ... خخخخخخخخخ ... للرقاد ....
    زيـــــــــــــــن ... هذي مو المرة الوحيدة اللي تدخل فيها القطوة غرفتي ...
    مرة ثانية اختي كانت بترقد وياي ... دخلنا الغرفة ... اختي راحت تصكر الدريشة ... و انا عطيتها ظهري عشان اقفل الباب .. فجأة سمعت اختي تصرخ ... يماااااااااااااااااااااااااااا .. بسم الله الرحمن الرحيم .. شو صار ..؟ اختي فاتحة عينها ... و مصدومة ... لما التفت وراي شفت القطوة ... اللعنة عليها .. عاد هالمرة غيـــــر .. الحلوة معصبه ... يلست تتنقز لي في الغرفة .. فوق السرير .. على التواليت و ماخلت شي مكانه .. قلبت الغرفة لزبالة ... و احنا نصرخ .. و ما نروم نبطل الباب لانها تتنقز يمين و شمال حتى الستارة تعلقت فيها ... بعد شوي مديت ايدي للباب و فتحته .. ما صدقت على طول ظهرت ... الباب الثاني عاد و اللي يوصل للصالة كان مصكر ... و هي واقفة تتنقز عالباب عشان يتبطل ( غبية تراها) رحت لها و خوفتها شوي لين ما خازت عن الباب و فتحتة .. و ظهرت .. لكن وين بيتنا متاهة بالنسبة للقطاوة .. الباب اللي في الصالة و اللي يوصل للحوي .. مصكر .. و هم اصلا بابين .. و تتراكض من باب لباب ... اخر شي اختي راحت بطلت لها الباب و ظهرت ... افففففف حشا مو قطوة ابليس ...

    شفتو عاد .. هالقطاوة وايد يحبوني ... دوم يالسين في غرفتي ..
    و من هاك اليوم و انا حذرة منهم ما اظهر من الغرفة الا و انا متأكدة ان الباب مصكر ...
    مياو و مياو ...
    على طاري المياو ...
    في مرة قطوتين يالسين ياكلون من زبالة موجودة صوب بيت ناس ... و هالناس ظهروا من البيت .. اتفقو القطوتين ان وحدة تاكل و الثاني تراقب و بعدين يتبادلون الادوار ... القطوة اللي يالسة تاكل تقول للثانية .. مياااااااااو ... هذيج ترد عليها .. لا ما ياو ...







    سهام الحب غير متواجد حالياً


  2. #2


    هه هه هه هه هه هه

    والله خوش قطاوه

    كل هذا تسويه قطاوه!!!!!





    __________________
    قالت من انت وقلت مجموعة انسان ***من كل ضد وضد تلقين فيني
    فيني نهار وليل وافراح واحزان***اضحك ودمعي حاير وسط عيني


    مجموعة انسان غير متواجد حالياً

  3. #3
    عضو سوبر نشيط
    تاريخ التسجيل
    Mar 2000
    المشاركات
    988


    مجموعة انسان ...
    شفت شلون....؟؟





    سهام الحب غير متواجد حالياً

  4. #4
    عضو نشيط جدا
    تاريخ التسجيل
    Apr 2000
    المشاركات
    400


    والله قطاو أخر زمن


    لوووووووووول







    __________________
    من الجميل أن تبتسم للآخرين ولكن من الأجمل أن تجعل الآخرين يبتسمون

    booom غير متواجد حالياً

  5. #5


    حلو كلام القطط ،،، وقصصهم ما تنتهي ،،
    الله يستر على اللي عندهم قطو مثل سلفيستر
    انا بقول شي يضحك لي مع القطط
    عندنا القطاوه ، تخاف موت من اي واحد ،،
    يعني دايما مطقوقه من الكل ،،
    انا تعودت اني اذا شفت قطو لو بيني وبينه شعره ما اعطيه ويه
    ولا كأنه موجود ،،، حتى لقطاوه صاروا ما يخافوا مني ،،،
    حاجه تضحك مو شديه
    ذكرتيني بموضوع قديم كتبه واحد من الشله ،، عن واحد راح يبي يضيع القطوه وردت ومره راح يضيعها ما دل يرد بيتهم ،، خلاها تدليه الطريق

    موضوع حلو
    اخوكم
    قلم الحب مرمر





    قوس الحب غير متواجد حالياً

  6. #6

    مياااااااااى



    مساء الخير وانقولش غدا شرش من هالقطوه عساها طلعت الحين هاها

    أولا بالنسبة للقطاوا من ناحية بيتكم على فكرة هذولى شلة شباب مو قطاوه الظاهر الأخت جميلة وما تعطينهم وجه واحقدوا على هالأسلوب واتفقوا على انهم يتقربون منش بس بالطريقة السليمة والى اتزهق من ناحييتش مع إن لو تقعدين مع نفسش شوى تضحكين أحيانا,, وصار تحدى منهو إلى يقدر التقرب أكثر منش وخاصة الوصول إلى غرفتش وطبعا توصل العاشق إلى الهدف وخاصة أنا أهنيه لما وصلش الغرفة وانتى نايمه مع إن شوى زوده لما طول الجلسة, أما بالنسبة لما حاولت إختش إنه تنام وياش زعل لأنه ما يبى أحد وياش عشان ياخذ راحته لأن إذا فيه وياش أحد يخرب أفكارش
    وعلى فكرة أنا مانى مفسر أحلام ولانى ساحر هذا مجرد تعبير حسب المكتوب وأتمنى إن ما يكون شئ يجرح من هالكلام


    بقولش ثلاثه ترف رايحين البر من الصبح ويبون يخيمون لين آخر النهار قال واحد منهم ؟؟
    ليش ما نصبتوم الخيمة ؟
    قال واحد منهم . ما عندنا كتلوج

    سلام من الكويت





    __________________
    قدر ظروفى بالفضى (dont forget)
    (open ) لنا من جنة أحلامك (door )
    كادبورى غير متواجد حالياً

  7. #7
    عضو فعال جدا
    تاريخ التسجيل
    Apr 2000
    المشاركات
    2,473


    هلا سهام كيفك ؟؟

    الله يعينكم عليهم اكرهم ما ادانيهم بعيشة الله هالقطاوه ...





    __________________
    لو اني تحت غيمة حنانه وضامي..كسير ذابحني العطش ما اترجاه
    لأزحف ولو ماشال جسمي عظامي..عن موقفه وادفن عن الريق مجراه
    سلطان نجد غير متواجد حالياً

  8. #8
    عضو سوبر نشيط
    تاريخ التسجيل
    Mar 2000
    المشاركات
    988


    booom : هذيل قطاوة العولمة ..

    قوس الحب: الاماكن اللي القطاوة حافظينها في بيتنا اثنين ... المطبخ و غرفتي ...
    لا وازيدك من الشعر بيت .. مرة شفنا القطوة يالسة في الصالة تطالع التلفزيون .. والله جريئة ..

    كادبوري : يم يم يم يم ...
    و الله تفسيرك جايز و يمكن القطاوة كانو مخططين لهالشي .. بس وين بيسيرون .. انا لازم اخبر ابوي ولا اخواني عشان يفوقفونهم عند حدهم .. شو يتحرون بنات الناس لعبة .. لا و شوف الجرءة لوين وصلتهم .. يتراهنون على منو يدخل غرفتي ...

    سلطان نجد : انا بخير و الحمد لله ... بيني وبينك يمكن القطاوة هم اللي ما يدانونك ...ها ها ها (joking) لا والله صج بيتنا صاير .. وكر لعصابات القطاوة ...

    وشكرا





    __________________
    لا أعد سقوطي في أي مجال سقوطاً أبدياً.. إنما هو مجرد انحناءة كتلك التي تسبق القفز الى أعلى ...
    سهام الحب غير متواجد حالياً

  9. #9
    عضو جديد
    تاريخ التسجيل
    Dec 2000
    المشاركات
    15


    حلوة سالفة القطاوة مالتكم

    بس في ناس يربو قطاوة يحبوها مثل عيالهم
    يأكلوها و يحمموها و يرقدوها في غرفهم بعد

    بس سهام الحب انتي معذورة والله قطاوة الشوارع وصخين و يمكن ينقلو لك الامراض
    انتبهي مرة ثانية عن يعظونك؟

    ميااااااااااااااااااااااااااااااااااو





    __________________
    أكبر تحدي أن تبتسم و الناس تنتظر بكاءك
    xoxoxo غير متواجد حالياً

  10. #10


    سهام الحب ،،،
    عندي واحد من اخواني سفاح قطاوه ،،،
    تبين صورته ،،، لما تحطونها في بيتكم ،، راح تشرد مو بس القطط الموجوده في البيت ،، راح تشرد كل قطط الاماره
    ____






    __________________
    قـــ قوس ـــلم الحـــ الحب ـــب
    قوس الحب غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0