| |||||||
| المدوّنات | البحث | مشاركات اليوم | اجعل كافة المشاركات مقروءة |
 |
| | LinkBack | أدوات الموضوع |
| |||||
| نصائح هامة لكل من يريد ان يشهر موقعه {موضوع مهم جدا} كل من هب ودب قالك انا شركة اشهار مواقع .. وحطلك صفحتين HTML .. وركبله صور هيفاء وهبي ولا نانسي عجرم وجهز الايميلات اللي اغلبها غير صحيحة وليس لها اصحاب زي aa23@hotmail.com وغيرها اللي مطلعينها من برنامج مو متذكر ايش اسمه ولكن يعطي ملف تكست بالايميلات المسجلة اللي تبتدي بحرف انت تحدده وكذا .. المهم .. هذا الشركة المزعومة اللي يلقاله كم واحد ينصب عليه .. يرسل للايميلات اللي عنده .. قليل من الايميلات اللي عنده يستقبلها اوادم صجيين ..  قليل من هالاوادم يشوفون الرساله قليل من الاوادم يدورون .. وهمة الاوادم المزعجين اللي ما فيه صاحب موقع يحبهم يدخلوا موقعه او منتداه .. مما يؤدي الى : اولا : تشوه صورة الموقع ثانيا : ضررها اكبر من نفعها .. لانه من تجربة احد الاصدقاء .. يجيك بعض المسجلين الهمل يحط صور فاضحة وخرابيط تزعج الاعضاء اللي مسجلين علشان يشاركون ثالثا : كل هذا بدوره يخلي منتداك عنده نقص في العنصر النسائي علشان اذا كان من الاعضاء الحقيقين بنات ويشوفوا المنتدى قلب منتدى *** بيطلعون برا ولا عاد بيردون الموقع .. كمان اصلا محد يدور على هالشغلات الا الشباب  خلينا نكون صريحين مع بعض .. ما تعريفك لكلمة موقع مشهور ؟؟  بالنسبة لي : هو بالتأكيد الموقع اللي عدد زواره واعضائه (( المشاركين )) كبير .. ولكنه علشان يكون مشهور بالفعل لازم يتكلم عنه الشباب والبنات في المدارس والجامعات .. واي واحد يبي شي .. يقوله دش الموقع الفلاني .. واحسن مثلا ( سوالف سوفت ) و ( اقلاع سوفت ) اذا حد مثلا يسألني عن برنامج مثلا .. ادخل اقلاع سوفت .. على طول بقوله اياها او اذا سألني عن شي بال php او سكربت .. بقوله ادخل سوالف .. لا يغرك ترتيب الكسا وغيره من هالشكليات .. بعض المواقع تلقى ترتيب الكسا فيها تحت ال 100 الف ولكن في الحقيقة عدد زوارها ما يتعدى ال50 وليس لها تلك الشهرة .. وهناك كثير مواضيع كلنا نعرفها عن ترتيب اليكسا والبرامج اللي تزودلك اياه .. نصائح شخصية لكي كون موقعك مشهور .. 1- اهم شي يكون موقعك محتواه وتصميمة فريد من نوعه .. وتكون فكرته حلوة .. وانصحك في البداية ان تحدده في احدى الاقسام .. مثلا مو تحط قسم ترفيهي ومعاه مثلا قسم للغات البرمجة في نفس الموقع .. هذا اولا يخربط اصحاب ادلة المواقع في تصنيف موقعك .. ولا بتشتهر سمعة موقعك في شي .. وتره المواقع العامة هذي ما تنفع معها الا شركات زي بوابة العرب ونسيج الخ الخ .. 2- من اهم الشغلات تصميم موقعك .. ابتعد عن (( واجهات المواقع )) المنتشرة واللي هي كلها عبارة عن صور .. لان بتخسر كثير من الزوار من جوجل ومحركات البحث .. وهي اصلا بطيئة في التحميل كما انه بصراحة مؤذي للعين لانها في الغالب كلها لون احمر فاقع ولا وردي وهاذي الشغلات .. ومنتشرة كثير .. 3- ابتعد عن المحرمات في اشهار موقعك .. تره الاثام في هالزمن غرقانين فيها ومو ناقصنا اثام اكثر .. اذا الله وفقك شوي تره بعدين بتندم .. وهذا اللي صار معي من قبل وانفضحنا في سوالف .. مع انها كانت ايام المراهقة والتجارب 4- اياني واياك تتعاقد مع شركات الاشهار .. تره 99.9% منهم نصابين زي ما قلنا من قبل .. 5- في تصميم صفحات موقعك .. لازم يكون لصفحات موقعك Search Engine Optimization حلوة مع محركات البحث .. وهذي خلينا ندخل فيها بالتفصيل شوي .. الهدف ورا كل هالسالفه ان موقعك يطلع في اول نتائج البحث لما يبحثوا عن شيء موجود في موقعك او في تخصص موقعك اهم الشغلات الدومين مثلا www.stupidgames.com اذا حد بيبحث عن game او games بتكون لك اولوية ويطلع موقعك في اول نتائج البحث .. ولكن هذي مو مهمة عندنا العرب علشان كله عندنا بالعرب يوما فيه دومينات بالعربي ابتعد عن استخدام المجلات .. لانها من خبرتي مب ذاك الزود مع محركات البحث ولو انه ممكن تحط عليها MOD_Rewrite .. واصلا هي كلها ثغرات وكل اسبوعين يبيلك تسوي تحديث حق النسخة مالت المجلة واذا كنت تعرف تسوي موقع كامل بال HTML او بال PHP فهذا احسن لانها محركات البحث تعطي اولوية لهذي الصفحات .. انتبه لتايتل موقعك خله مختصر ويدل على محتوى الصفحة .. وعدد حروفه 20 حرف .. يفضل تجيبهم بالضبط علشان محركات البحث تحط هالعدد له اولوية .. وحط اسم موقعك اللي تتوقع الناس اذا دشت موقعك وتحب تدش عليه مرة ثانيه رح تكتبه .. مثلا انا حاط ( شبكة ) و ( موقع ) و ( الشرس ) علشان اذا حد كتب شبكة الشرس او موقع الشرس انا اطلعله مو موقع ثاني ..  و تره المسافة SPACE تنحسب كحرف ..اوعى تكون صفحات موقعك مو مربطوة بالموقع الرئيسي او صفحات الموقع الاخرى .. تره هذا مهم للزوار وايضا لجوجل .. الميتا تاغ .. انا بختصر عليكم وبعطيك اهم الميتا تاغز اللي لازم تكون موجودة بالرغم ان بعض الشباب يقولون ان محركات البحث صارت تحط اولوية للتايتل اكثر وانها ما صارت مهمة كثير الميتا تاغز <meta http-equiv="Content-Type" content="text/html; charset=windows-1256"> هذا حق الانكودنج .. خله جذي اذا موقعك عربي .. علشان ما تخربط الانكودنج <meta name="Description" content="WHAT EVER GOES HERE"> هنا تحط نبذة صغيرة عن موقعك 72 حرف <meta name="Keywords" content="WHAT EVER GOES HERE"> هذا الكيوروردز .. لا تزيد عن 10 او 15 جملة .. مثلا ( العاب ، تحميل ألعاب ، الالعاب الحربية ، .... ) ولا تكرر الكلمة اكثر من مرة .. يعني الا اذا كانت فيها همزة ومرة بال التعريف ومرة بدون .. <meta name="Revisit-After" content="2 Days"> هذا حق كل متى تبي جوجل يعيد ارشفة صفحات موقعك <META NAME="ROBOT" CONTENT="Index,Follow"> هذا اذا تحب جوجل يأشرف الصفحة الرئيسية فقط ولا يكمل ارشفة كلشيء متصل فيها يعني اعتقد هذي اهمها .. والله اعلم !! طيب .. عندكم بعد محتوى الصفحة تقدر تحط فيه اللي تبي .. ومو مهم اذا تعيد الكلمات او ما تعيدها .. خربط فيها على كيفك ولكن بعض الملاحظات .. لا تستعمل الصور .. او روابط الصور علشان جوجل ما يتعرف عليها .. واذا بتحط روابط للصور اضيف للكود alt= .. علشان يكون مكتوب على الصورة وياخذها جوجل كرابط .. حاول تبادل الروابط مع المواقع اللي عندها بيج رانك كبير .. واللي هو مقياس جوجل .. ويكون الرابط يدل على موقعك .. ولا يحسب تبادل الاعلانات الا اذا كان عليه alt= .. اذا بتستعمل السكربيات استعمل اللي تكون صديقة مع محركات البحث .. زي اندكسيو وغيرها ومن اهم الشغلات تضيف موقعك في دليل DMOZ لان هذا اللي يرفع البيج رانك لموقعك ويخليه يطلع في اول النتائج .. رابط الدليل www.dmoz.com لان مئات الادلة مرتبطه بهذا الدليل واذا اضفت موقعك فيه .. ادري واعلم انك قد اضت موقعك في مئات الادلة العالمية اللي بدورها تعمل على رفع البيج رانك حق موقعك .. الحين طيب واذا عندي منتدى ؟؟ من احلى الشغلات وكل انواع المنتديات عندها منه .. الارشيف .. اللي يخلي موقعك كذا مع محركات البحث وبالنسبة لي اغلب الزوار من الارشيف على المنتدى .. وتقدر تحط في الهيدر حق الارشيف الميتا تاغز .. وتربطه في صفحات المنتدى عن طريق روابط وايضا صفحات الموقع .. محركات البحث ما تحب ال sid= .. ويفضل انك تخلي حق كل موضوع ومنتدى صفحة خاصة به يعني احسنلك تستخدم MOD_REWRITE على المنتدى .. وانا بالنسبة لي ما ادري بالفي بي ولكن اعرف انه لل PHPBB كثير من الهاكات بخصوص mod_rewrite .. ومستعملها في المنتدى انا .. www.alshares.com تقدر تحط الميتا تاغ بالهيدر .. وانصحك بازالة الميتا تاغ الموجود في التمبلت من الاصل علشان في الغالب بيكون حقوق حق المصمم  المهم .. انا يمكن شرقت وغربت ونسيت شغلات كثير .. لكن على الاقل عطيتكم فكرة .. و اذا تبي شغلات اكيدة ومن ناس عندها خبرة ومتخصصة في هالشي .. عندك مواقع كثيرة .. عربية : www.moffed.com عالمية : www.seochat.com واحسنلك ادخل على جوجل واكتب Search Engine Optimization وابحث .. واقرا بالانجلش .. بتستفيد كثير الحين خلصنا من خرابيط جوجل ومحركات البحث وصار موقعنا جاهز للاشهااااااااااااااااااار  الحين نجي على بعض الطرق الحلوة في الحملة الاعلانية .. وتره لازم تتعب علشان يكون موقعك مشهور ..  1- اضف موقعك في كل محركات البحث اللي تعرفها واللي ما تعرفها لها علاقة حلوة بجوجل ولا مالها علاقة حلوة بجوجل .. ببساطة دش جوجل واكتب / دليل مواقع .. واقعدلك 5 ساعات تضيف بموقعك ماهي مشكلة .. وانصحك تضيف اكثر من مرة .. مثلا اذا كان عندك منتدى او موقع .. تضيف المنتدى والموقع ..ولازم يكون الاسم يدل على موقعك .. وقد ما يجيك زوار يجي .. 1 /2 / 20 .. مو مشكلة .. لانها تعطيك على كل حال علاقة جيدة بجوجل ان موقعك منتشر وروابط لموقعك في مواقع اخرى .. 2- اذا كنت في بداية موقعك اشترك في احدى برامج التبادل الاعلاني زي ارابيك توب مثلا .. وحطه في الفوووتر وقد ما يجيك زوار منه يجي .. 100/200 .. شي حلو .. 3- وين ما تشوف ( سباق مواقع ) ضيف موقعك .. وحط البانر .. وانسى سباق المواقع .. ممكن يجيك منه 5 ولا 10 بالغلط كل اسبوع .. مو مشكلة احسن من ولا شي .. 4- فيه شي حلو وجميل جدا جدا انصحكم به .. وهو برنامج تبادل الزيارات من مرابح .. http:/www.marabe7.com/free وهذا برنامج حلو والله .. اذا عندك ADSL واكثر من جهاز وحاب تجيب زوار فقط كذا زوار بدون ان يكون موقعك مشهور .. سجل هناك وحطلك توولبار الكسا علشان يوفق ال pop-up .. وشغل لما تخلص من الانترنت او وانت رايح تتغدا او كذا .. حركات .. خلي الصفحة اللي تسجل فيها هناك فيها برنامج التبادل البنرات حق ارابيك توب وغيره علشان كل زيارة تحسبلك ظهور منها تجيب زوار ولو انهم حكي فاضي .. ومنها تاخذلك ظهور لبانرك في برنامج تبادل الاعلانات 5- اضف موقعك في محركات البحث وابتعد عن الشغلات الغير مشروعة زي انك تضيف نتائج بحث جوجل اللي توصل على موقعك في ام اس ان وكذا .. يعني اشتغل عدل .. لا تقعد تلعب وتلف وتدور .. وبعطيكم روابط حق كل شيء انشالله بعد لا اخلص .. 6- اذا انت من اللي يدورون على ترتيب الكسا .. حط توولبار الكسا على الجهاز وتصفح المنتدى من اوله لاخره .. كل يوم .. وانشالله ترتيبك خلال اسبوع اكثر من 100 الف .. 7- تبادل اعلانيا مع المواقع التي تسمح بذلك .. ولا تقعد تتشرط على اللي بتتبادل معاه .. ترتيبك 60 الف وانا ترتيب 55 الف في السكا .. زوارك 500 وزواري 520 8- اذا عندك جروب او موقع ثاني ..اعلن فيه .. او مثلا موقع اخوك او صديقك .. وخله واضح ولا تكثر .. يعني يكون اعلان واحد فقط وثلا مو تحط فتحة الموقع و اعلان فوق واعلان تحت وكذا .. لانك بتخرب على نفسك في الموقع الاولاني 9- وين ما تشوف مكان ممكن تحط فيه موقعك مثلا موقع حق بكسلات مجاني .. حط انت وش خسران ؟؟ 10- ادخل المنتديات المشهور االلي تعرفها .. اقلاع - بوابة العرب الخ .. واعطيهم صفحة من صفحات موقعك بدون ان يكون كأعلان مثلا فلاش مصحك يؤدي الى رابط الفلاش في موقعك .. وهكذا  11خلك متفاعل انت بعد يعني لا ترقد .. ( جدد صفحات موقعك ) - ( تفاعل مع الاعضاء ) - ( ارسل رسائل لهم عن طريق المنتدى ) وهكذا .. يتبع | |||||
|
| |||||
|
النصائح السابقة كلها مجانية .. وهذا وجهي اذا ما زاد زوارك عن ال3 الاف خلال اول شهر من العملية وانصحك انك تروح تعلن في المواقع الثانية .. علشان اذا انت دافع استضافة وتعبان عليه .. ما يسوى تكون شهرة الموقع محدودة .. قوم اشهره اكثر واكثر .. علشان كل الناس تصير تعرف الموقع .. اعلن في المواقع اللي بالفعل تعتقد انها ممكن تجيبلك زوار ..ولا يقصون عليك بترتيب الكسا .. روح شوف عدد الزوار من رتب ولا اي شي ..وتأكد انه ما يستعمل طرق غير مشروعة مثلا في سوالف او ترايدنت او غيره ..وهذا رح يكون واضح مثلا : اعضائه 30 الف ومواضيعه ما تتجاوز الفين موضوع مثلا ..هذا على طول كنسل تسوي معاه اي شي من تبادل اعلاني او غيره .. على العموم اتوقع انا خربطت كثير .. ولكنني كتبت الموضوع بسرعة ونقلته من بعض محادثات المسنجر اللي كنت اكتبها والاسايمنت اللي عملته حق الانترنيت .. هذي روابط مهمة .. http://www.moffed.com شوف اداوت اشهار المواقع والمنتدى حق اشهار المواقع جميل جدا جدا .. http://www.seochat.com اذا تعرف انجليزي .. مستحيل ما تصير فطحل في اشهار المواقع http://www.earngate.net/e/webmaster/...ch-Engines.php بعض الروابط لادراج موقعك لمحركات البحث اذا منتداك PHPBB هذي احلى الهاكات حق المنتديات http://www.phpbb.com/phpBB/viewtopic.php?t=225146 http://www.phpbb.com/phpBB/viewtopic.php?t=371752 http://www.phpbbarabia.com/board/viewtopic.php?t=15725 دليل مواقع اندكسو صديق جوجل http://www.swalif.net/softs/showthread.php?t=138640 http://www.arank.com من احلى سباقات المواقع اذا حبيت تشترك ولو لمدة بسيطة اذا كنت تبحث عن الزوار بسرعة http://www.arabictop.com/ افضل شبكة تبادل اعلانات عربية .. من تجربتي http://www.marabe7.com/free هذا اللي كنا نتلكم عنه .. برنامج حلو جديد على عالمنا العربي بالرغم انه مليان في الغرب http://www.222z.net/ احسن دليل مواقع من جهتي .. http://www.dmoz.com لازم لازم لازم تضيف موقعك هناك ولو انه بياخذ موقت حتى يتم اضافته لكن فوائده كبيرة http://www.google.com/search?hl=en&q=دليل+مواقع اكبر دليل ادلة مواقع عالمي .. http://www.google.com/search?hl=en&q=سباق+مواقع اكبر دليل سباقات مواقع عالمي .. http://www.linkvendor.com/seo-tools/ موقع بالفيفورتس حقي وانا ادورلكم على الروابط .. حلو وفيه خدمات كثيرة http://www.webmaster-toolkit.com/ موقع اخر زي اللي قبله ولكن افضل بكثيييييييير http://www.moffed.com/tools/seo ادوات شهرة المواقع في مفيد ---------------------------------------------------------- المواضيع الحلوة .. http://forum.moffed.com/bb/about1004.html سين جيم محركات البحث http://forum.moffed.com/bb/about1431.html للمبتدئين - مصطلحات مهمة لمحركات البحث .. http://www.swalif.net/softs/showthread.php?t=132854 [هام] شرح تغيير المنتدى إلى صفحات html .. --------------------------- http://www.swalif.net/softs/showthread.php?t=104947 جوجل صديقا لموقعك (الجزء الأول) http://www.swalif.net/softs/showthread.php?t=111767 جوجل صديقا لموقعك (الجزء الثاني) --------------------------- سلسلة اخوي انترنت بلس الرائعة http://www.swalif.net/softs/showthread.php?t=115991 موقعك و جوجل و الـ PageRank - دراسة مفصلة موقع قد يوفر عليك تعديل الملفات وما الى ذلك ..جميل لاشهار المواقع بال Search Engine Optimization http://www.ishhaar.com/ http://www.swalif.net/softs/showthread.php?t=137658 جوجل بسهولة ------------------------------------------------------------ احلى النصائح http://www.3z.cc/web/ ما شاء الله .. ما فيه داعي للشرح ومشكورين يا شباب لحسن استماعكم بالرغم اني كنت اخربط كثير ويمكن يبيلكم علشان توصل المعلومة من الخرابيط اللي كنت اكتبها نص ساعه .. لكن اللي فهم فهم والحمدلله ويارب يدعيلي .. واللي ما فهم .. مو مشكلة .. انشالله تفهم من مواضيع الكبار في هذا المجال واللي اعطيتكم اياها وادعولي بعد انتبهو على تصميم الموقع انه يتناسب مع كل الشاشات يعني الرزلوشن .. واشتغلوا على روحكم علشان يصير اسمك فعلا مدير موقع مو حكي فاضي .. مو منتدى من استضافه مع واجهة وقص عليك واحد وقالك بشهرلك موقعك (( هذا اللي منتشر الحين ))  يالله شباب الله يوفقكم ويوفقنا .. ويارب تكونوا استفدتو احسنلكم من اللي يقصون عليكم واللي انتشرت فيهم المواضيع  مع التحية / ليث الخليلي http://www.alshares.com انتهى ملحوظة يا شباب .. يا ليت ما احد ينقل بدون ذكر المصدر لاني حوالي 4 ساعات اكتب هالكلام .. ومشكورين مقدما .. | |||||
|
| |||||
|
ياسلام كفيت ووفيت تسلم ايدك اليوم نشوف 50 موقع يفتح و50 موقع يسكر كل من معه قرشين فتح عالم الانترنت هذا مثل المنشار اذا مابديت صح الكل بفكر الشهرة مافيها خسارة بالعكس هل تعرف الشهرة فيها صرف هل تعرف ان الشهرة تسبب ضغط والضغط يحتاج سرفر هل تعلم ان اذا تواجد عندك 200 بس طوال الوقت لازم توسع في مفهوم احب اضيفة عند الاعلان لازم تنتقي نوعية زوارك ومن وين اجيبهم مثال لو موقعي تصميم او استظافة وين اول موقع افكر فيه ؟ مباشرة سوالف سوفت و traidnt والويب العربي الخ ليش لان زواري اصحاب مواقع طيب ايش رايك انا استظافة وتصميم وانزل مواضيع هذي مضيعه للوقت الانترنت عالم سريع اذا مادخلت قوي بتظل ضعيف تحتاج الى اعلانات تعريف وتفيد أكثر من كل يوم تنزل عروض وغيرك ينزل عشرة عروض ودور موضوعك نجي للمواقع والمنتديات والدردشات هذا يبغى زوار اكيد ماراح يعلن في سوالف ولا المواقع المشابه سوالف سوفت و traidnt والويب العربي الخ ليش لانه موقع دردشة ومنتديات عادية وش ابغى فيك ياصاحب الموقع بتجي تسحب مواضيعي ؟ ابغى زوار اذا هنا أهم نقطة انتقائك للموقع قسم بالله وخذها لك نصيحة وهذي تجربتي ترتيب اليكسا كله ماراح ينفع زوارك انا شفت مواقع ترتيبه تحت 10 الف في اليكسا عنده صفحة عادية فيها شات فاضي ومنتديات المنتديات فيه 4 الف موضوع مشاركات ولا شي عدد اعضائه 6 الف اطالع الزوار ولا شي التحليل هل من المعقول هذا ترتيب بالعقل ماتدخل طيب موقع شفته ترتيبه جيد ماعليه تحت 30 الف عدد مواضيعه 60 الف مشاركاته ماشاء الله تبارك الرحمن 3000 الف اعضائه 9 الف عضو زوار ماشاء الله كثير مفتوح الموقع تابعته بنفسي وجدت هذا الموقع اذا فكرت اعلن عنده مباشرة بدون اي تردد لو حبيت اعلن لان اعضائه كتاب عضو واحد لو جاني كفاية يفيدني ويكتب بدل مايجيني شخص ينسخ ويطلع او يصرف ترافك بتفرج ويطلع ابغى ناس تكتب انتقي موقع بسيط عنده كتاب تكتب وتشرح علشان ترفع مستوى موقعك. طيب موقع مشهور جداً فيه مليون اعلان هذا وش نصيبك منه حتى لو زواره كثير وين بتروح بين الاعلانات الي اذا دخلت صفحة لقيت مليون اعلان مرة نصحت صاحب لي عدم الاعلان في موقع كبير ولا ودي اذكر ولكن لا حياة لمن تنادي بافعل الظهور عدد كبير والوصول مافي احد طيب قلنالك هذا مليون اعلان عنده 50% داخل ياخذ غرض ويطلع 50% اصحاب وبزنس وزوار وبالفعل حصيلته في شهر كان شيء يفشل. طيب نجي للفتحات خلونا صريحين من منا يدخل مايحصل فتحه ويسكرها كلنا انتشرت بالانترنت اوك بتحقق ترتيب جيد وبعدين حط يدك على خدك وصرف وضغط سرفر وتفرج داخل طالع وش استفدت ولا شي الا من رحم ربي طيب ياخوك انت اعطيتنا كل هذا بدون حلول الحلول بيسطة صدقوني اول شيء انس المنقول وركز على شرحك انت ياأخوان فشلنا وفشل الكل اول نشوف عالم تشرح الان مافي والسبب اطفال الانترنت هذا ياخذ من عندي وهذا ياخذ من عندك ماعاد في شرح مثل اول طيب وش ابي فيك اذا انا في موقع هذا الي يقوله الزائر منتدى في مليون شكل في أحلى وش عندك اذا لم تتميز بنفسك وتشرح وتكتب من افكارك مثلك مثل غيرك متأخر على طول من فشل الى فشل طالع الان في مواقع متخصص علوم متخصص ونجحت ليش لانه تخصص ومن شرحة فأكيد انا يوم اتخصص في برمجة php ماراح آخذ من سوالف لاني بفشل خلاصة الكلام اجعل موقعك من تعبك وانسى النقل وحث اعضائك على التعب فهوا سبب نجحك ودخول الكثير علشان تاخذ معلومه منك وليس معلوماتك هي معلوماتي الشي الثاني اعلن اعلن اعلن عند مواقع ومنتديات ترتيبها جيد وليس لها اعلانات كثير وابتعد عن المواقع الي عنده مليون اعلان وترتيبه قوي اطلع حبه حبه او سلم سلم لا تستعجل كثرة الاعضاء ترفع ضغط السرفر كثرة الزوار ترفع ضغط السرفر يجد شخص موقعه كل شوي مسكر لود من الاسباب كثرة الزوار واستهلاك الموارد يضطر الى ريسلر او سرفر وهو ماعنده اعضاء مثال واضح سوالف و traidnt ماعندهم اعضاء ولكن طالع الترتيب زوار واستهلاك جابكم بالنصائح والتحدي علشان اثبت لكم ركز ثم ركز هنا تمام واذا لم تكن النتيجة 100% تعال قول ياخي كلامك غلط ابحث في الدرجة الاولى على ادله inks مضافة لموقع قوي مثال علشان ماحد يجي ويقول قصدك اشهار موقعك مثال http://www.arabsgate.com/links/index.html دليل بوابة العرب تحدي كبير قم بإضافة موقعك في دليل ترتيبة قوي في اليكسا وقم بإضافة موقعك في موقع قوي في قوقل اصبر كم يوم ارشفت قوقل وبحث عن اسم موقعك اذا ماكان موقع في الدرجة الاولى في links طالع بعكس الادله الي ترتيبها قوي في اليكسا قول كلامك غير صحيح كيف تبحث هذي بتركها لكم يوجد الكثير أهم بالدرجة الاولى بالموقع الكبير القوي في قوقل عنده دليل links وهذا دليلي http://www.flashfp.com/dalil/index.phpالسؤال ليش انت قلت كذا بكل صراحة الادله يرفعها اصحاب المواقع من كثر زياراتها وكلنا مركبين التول بار والف زائر معه تول بار يفي بالغرض لجعلك قوي في اليكسا ولكن في الوقت الحالي انا ابحث عن ارتباط قوي لقوقل حتى يدخلني قوقل من اقوى المواقع لانتشاري اسم موقعي بسرعة وخاصة للي مواقعه جديد ويقول قوقل مايدخل او ماسجل او ماظهر مجرد اضافة موقعك لمواقع قوية في قوقل راح تدخل بأسرع وقت هذا لا يعني فشل الادله لا مطلوبه أكيد ولكن اجعل اهتمامك بالأول في الاقوى في قوقل وبعطيكم مثال آخر سريع كلنا كاتبين اسم موقعنا في سوالف سوفت صح الان أضيف موقعك في موقع ضعيف في قوقل قوي في اليكسا وسوي بحث عن موقعك بتجد اول المواقع هم الاوائل في قوقل شيء آخر عندنا سباقات مواقع عدد زوارك كم اذا كان كبير جداً انصحك بشدة الدخول في سباق مواقع لان النصيب الاكبر من زوار السباق هم الاكثر ترشيح بتحصل ارسلت انت مثلاً 10 الف واخذت 3 الف زوار جدد لاحظ جدد طبعاً الي دخل موقعك راح يسكر الترشيح المباشر يعني 50% السباق غير مستفيد منك ولكن حقق زوار جدد من السباق طيب هل زوار بسيط ابحث عن سباق بسيط وحصل على زوار جدد دائماً الاكثر نصيب الصفحة الاولى والثانية وممكن الثالثة اما البقية قليل استهلاك على الفاضي ولا تقول زائر افضل من لا شيء بهذا الكلام انت تهمل او معطي عدم الاتمام في زوارك وتقول اي شيء اقتباس:
واذا ميتا وبيتا والاكواد تنفع انا لا عندي ميتا ولا بيتا ولا اهتميت بشي اسمه ميتا وبيتا ولله الحمد والشكر مواقعي تعتمد على قوقل والياهو وباقي المحركات البحث لاني بنيت صح حبه حبه يصلني يومي من قوقل ولله الحمد 400 زائر على الاقل والياهو على فكرة اقوى مليون مرة من قوقل قديمك نديمك اقسم بالله الياهو يصلني اقول باضعاف من قوقل وكان اهتمامي بداية الموقع هو الياهو قبل قوقل ولا اهتميت في قوقل سوى اضفت مرتين ولكن الى يومكم اهتم بالياهو أكثر ومركزي المفضل الياهو والكثير درجة درجة لم يكن حلمي الترتيب ولا الزوار بقدر اني اخدم الزوار فبحمد الله الزائر يدخل ويحصل مايشاء من معلومات تعبنا وبينينا فيها مع كم شخص طلعنا حبه حبه ولكن للاسف نشوف موقع فرحان في ثلاث شهور صار ترتيبه 50 الف ويبشر العالم مسوي حمله اصبر عليه ثلاث شهور وارجع له تلقاه رجع للـ 200 الف اذا ماطلع برا الترتيب وفي اشياء كثيرة جداً تقدر تحصل زوار وترتيب جيد مع الوقت ولكن اتوقع طولت عليكم كثير وصاحب الموضوع بيزعلن هههههه وان شاء الله ماحد يزعل من النصائح وتبادل المعلومات ارجوا اني ماكثرت عليكم وسامحوني ...
__________________ لتكون الأفضل أتبع الأفضل منتديات فلاش للمحترفين http://www.flashfp.com/vb/index.php flashfp#hotmail.com | |||||
|
| |||||
|
اخوي alshares.com اخوي FLASHFP تسلم يمينك انت وياه  موضوع في صميم وفية خلاصة التعريف بالمواقع واشهارها الصحيح الموضوع رغم بساطته الا انه كنز لاصحاب المواقع وياليت ايام عندي مواقع لقيت موضوع مثل كذا يكون مرجع لي والاهم في الموضوع كله ان بيرفع ضغط النصابيــــــــــــــــــــــــــــــــن لان اساليبهم مستحيل تكون شيء من النقاط الى فوق تحياتي لكم
__________________ Under Construction No 4 Spam للمراسلة http://allawi.baridy.com | |||||
|
| |||||
|
الله يوفقك اخوي alshares.com فعلا موضوع قوي لمن اراد اشهار موقعة بنفسة وبدون تكاليف لكن اخوي عندي نقطة واحدة في موضوعك وهي انه مو كل اصابعك واحد ومشكلة المشهرين هاليومين هوه انا صاحب هالموقع يروح عند احد المشهرين ويطلب اشهار لمننداة والمشهر يضع رابط التسجيل منتدى المعلن بتمرير رسالة فضيحة نانسي عجرم ادخل هنا ويكون الرابط هوه رابط التسجبل في المنتدى ماذا تتوقع ان يكون هذا العضو الذي سجل لديك هل هوه عضو فعال ام عضو يدخل المنتدى لمرة واحدة ؟؟؟ والسلام عليكم | |||||
|
| |||||
|
والله كلامك كله زبد في زبد يعني عاجبني وبس ... تسلم اناملك الي كتبت هالكلام
__________________ --------------------------------------------------- كم نحن بحاجة إلى إحتضان إبداعك عبر شبكتنا www.neoon.net --------------------------------------------------- | |||||
|
| |||||
|
أخي الفاضل أبداً ما شفتك خربطت أو بالغت بالعكس كل كلامك منطق وجودة فالله يبارك فيك وفي وقتك وجهدك.. في شغلة معقدتني بالمواقع العربية وبصراحة بتخجل وما غريب إنه نبقى في ذيل المتقدمين والمتطورين وهي: معنى تصميم موقع عندهم أو فكرة موقع هي كالتالي: في الأعلى صورة إمرأة أو فراشة أو وردة أو وجه حلو أو صورة بنت مع حركة شديدة و"منرفزة" في الفلاش بالوسط صندوث الدردشة وبعدين بتهل عليك الإعلانات من حيث لا تدري وعلى اليمين والشمال بتلاقي الاختصارات والسوبر واللينكات المعروفة يعني بالله ما ضل في مخيلتني إلا هاد لا وبتلاقي عاملين عليه قصة يعني غبت 8 أشهر تقريبا ما فتحت موقع عربي إلا موقعين او ثلاث وتصفحت مواقع اجنبية ما وجدت تشابه بمعلومة بين موقع وآخر وكلها مواقع مفيدة حتى الترفيهية منها بقدم محتوى والديزاينات رايقة احنا الحمد لله لا ديزاين ولا محتوى ولا شيء.. طيب شو بنعمل بسوالف وبالمواقع اللي متلها متى بدنا نتطور متى بده يصير عنا ذوق.. الله يبارك فيك اخي مرة أخرى سلامي
__________________ http://www.nawafithna.com | |||||
|
| |||||
|
مشكورين شباب على التفاعل هذي مواضيع اخرى .. http://forum.moffed.com/bb/about383.html محركات البحث والمنتديات وايظا .. اود ان اشرح لكم .. كيفية اضافة موقعك في DMOZ 1- ادخل قسم المواقع العربية في دموز .. الرابط : http://dmoz.com/World/Arabic/ 2- قم بالدخول الى التصنيف الذي تود اضافة موقعك فيه ويجب ان يكون فعلا تصنيف موقعك يعني مو تصنيف اخر لان فيه اجرائات شديدة حول اضافة المواقع في دموز مو اي دليل عادي هو يعني 3- عندما تصل الى المكان الذي تود اضافة موقعك فيه اضغط على اضف موقع في الشريط اللي فوق اقتباس:
لان كل شي من هناك ورايح مفهوم .. والعملية راح تاخذ وقت طويل يعني ممكن شهور حتى يتم اضافتك .. هذا بالنسبة لكل من يود السؤال عن كيفية اضافة موقعه في دليل دموز وعندي لكم بعد موضوع حليو .. اذا تحب تحط سكربت ياخذ دليل دموز في موقعك .. الرابط : http://forum.moffed.com/bb/about487.html انتهى الموضوع ويسلموا مرة ثانيه على التفاعل | |||||
|
| |||||
|
اقل شي يقال عن هالموضوع انه يستحق التثبيت وبجداره خلاصة كامله لكل من يبحث عن نشر موقعه بالطرق السليمه تماما
__________________ سحر الفنون http://www.sehralfnon.com مواقع ستايلات منتديات شعارات مونتاج فديو لوقو انيمشن بروشور admin@sehralfnon.com مؤسسة سعودية رسميه | |||||
|
| |||||
|
مشكور اخوي على تفاعلك .. اخر الاضافات الحلوة .. دليل الادلة ... مجموعة كبيرة من الادلة .. اضف موقعك فيها http://www.aladlh.com | |||||
|
|
| |
| |
| أدوات الموضوع | |
| |
