السلام عليكم ورحمة الله وبركاتة
اصبح على الجميع بالخير
اخواني الموضوع ومافيه
اني كنت متفق مع الاخ فواز الي هو صاحب شركة مثال للتصميم
مثال لخدمات تصميم المواقع example 4D for web site design
وكنت مكلمه قبل مايجي عيد الفطر ب5 ايام تقريباً على انه يصمم لي تصميم محترم للمنتدى والموقع ومركز التحميل الخاص فيني
فقالي مو مشكلة .. وقالي عندي عرض مناسب لك .. الي هو المنتدى والرئيسية ومركز التحميل ومكتبة بلوتوث جميعهم ب1500 ريل .. وكان اتفاقنا على ذالك .. وانا وافقت وقلت على بركة الله
المهم قالي بس لازم تحول الفلوس علشان يمدينا نبدى قلت حقك وماطلبت شي
ورحت وحولت له 1500 ريال مثل ماطلب .
المهم الاخ كان متعاون في البدائية قالي بخلص لك التصميم قبل العيد و انا كنت شارط عليه ذالك بعد
المهم سلمني التصميم المنتدى ليلة العيد .. وركبته ولله الحمدالله
وركب لي تصميم مكتبة البلوتوث وكان فيه مشكلة بالتمدد يعني مايصير مضبوط بالشاشة مقاس 800 × 600 مايكون مضبوط الا في اجهزة الاب توب ذات المقاس الاكبر . طبعاً اهو نفس تصميم المنتدى ماتغير شي ابداً
الهيدر نفس الهيدر والفوتر نفس الفوتر . انا توقعت يوم قالي 4 تصاميم بيكون هناك تصاميم مختلفة
ولاكن قلنا الله المستعان ومو مشكلة المهم ركب البلوتوث والمنتدى وباقي مركز التحميل والواجهاء
طيب الان قال تعرف فترة عيد ومشغولين اشوي قلت الرجال ماقصر وفترة عيد مابي اضغط عليه واكلف عليه .. ومر 3 ايام العيد وبعدها مر اسبوعين وبدت الدراسة قلت بتصل فيه
اتصلت اتصلت اتصلت ..
كسرت الجوال مايرد
قلت يمكن مسافر ولا مشغول العيد يمكن عندهم مابعد ينتهي .
تخبرون انا بالشرقية عندنا 3 ايام العيد مادري بالرياض كم يوم يمكن شهر
لن اطيل فيها . تميت اتصل فيه بالجوال والايميل والدعم الفني بعد مرور تقريباً شهر
ولا جاني رد . فقلت مادري وش قصته ؟ ونسيت انا الرجال .. مع اني مخطط ارتب للواجهاء ومركز التحميل
المهم نسيت الرجال يمكن شهر .يعني صارت المهلة شهرين ..
وبعد مرور شهرين جلس اسئل عنه
مادري هو حي ميت صار فيه شي لان مو معقولة شهرين ولا احد يرد على رسائل الدعم ولا على رسائل الجوال ولا على ولا على المكالمات
فكلمة رجال طيب وفيه خير جلست اشكي له الحال الي هو (( بو فيصل )) امين القحطاني
رجل سنايدي والله وفيه خير قلت له قالي اعرف انا صاحبه فقلت له خله يكلمه ولا يشوف حل
قالي ابشر والله ماقصر كلمه والرجال الثاني كلم راعي الشركة التصميم فقال خله يحط موضوع وان شاء الله خير
قالي بو فيصل حط موضوع وقله جايك من طرف بو فلان قلت طيب
حطيت الموضوع وقلت جايكم من طرف بو فلان
وقلت داخل الموضوع كل الي ابيه
المهم من ضمن الاشياء الي طالبها انهم يصلحون التمدد ويركب لي منفذ شات بدل صورة بالهيدر
وتسليمي بقية التصاميم وملف التصميم لان االاقسام الي بالهيدر اقسام مثل ميقولن وهمية
ليس لها صحة كنت كاتبها انا بالرئيسية فقط على انها فقط اقسام شكلية ليس لها صحة
الرجال كتبها بالهيدر في التصميم . قلت مو مشكلة ابي التصميم علشان اكتب الي ابي
فالمهم ردو علي اليوم الي بعده
قالو لي سيتم عمل التعديلات خلال 3 ايام قلت يبن الحلال زين الي انتظرت شهرين متنظر 3 ايام
وانتظرنا
وكتب لهم مرت 3 ايام ونبي التعديلا وينها
بعدها اتصلو علي اليوم الي بعده . وقالو لي نبي معلومات الاف تي بي علشان نرتب التصميم
قلت مو مشكلة وعطيتهم معلومات الاف تي بي الدومين الفرعي لمكتبة البلوتوث علشان يضبطونها
انتظرت 4 ايام ازيادة غير الثلاثة الي في البدائية ولا شفت الا اغبار ماصار شي جديد
وبعدها سوو وعدلو التمدد والمنفذ
وردو على التذكرة وقالو لي تم التعديل بعضها وجاري تعديل الباقي
هذي امرها بسيط نبي التصاميم الباقية وينها والملف المفتوح علشان نخلص شغلنا احنا
رديت عليهم وشكرتهم وقلت نبيكم تكلمون الباقي عاد
والله وكيلكم اني انتظر 20 يوم ازيادة ولا شي جديد ولا احد يرد على التذاكر
انتظرت يكمل شهر و10 ايام علشان نحتفل ب100 يوم على التصميم الي لم يسلم
وقلت له بتسلمني ولا شلون ولا في رد
المهم الواحد له حد في الصبر وانا الحقيقة 100 يوم ونفذ صبري وقلت له بتسلمني التصميم والتعديلات ولا انزل موضوع بسوالف بعطيك 48 ساعة علشان تخلصني
عطيته 48 ساعة ورد علي بالتذكرة قال عطني 24 زيادة علشان انخلص تصميمك
قلت مو مشكلة صابرين 3 اشهور وش المشكلة لو زادة يوم
ولا جاني رد الى يومكم هذا .. فقلت انا لي عنده تصميمين والتعديلا وكلهم من حقي لاني ماقلت له وش الاقسام الي ابي يكبتها لي ولا شي على كيفه سواها .. وانا الان بنزل لكم صور التذاكر بالاثبات وركزو في التواريخ بين كل رد
قبل ماحط شي في تذاكر مابحبيت احطها لان كنت اقوله اتصل فيني ومثل كذا وكانت بعد متاخر علي بسبوعين او 3 اسابيع
فنبتدي في التذكرة الاولى الي يمكن تاخر علي فيه حوالي شهر وشوي
ولا جاني رد منه
فاكلمت بو فيصل وقلت له عن مشكلتي وكلم لي الرجال الي هو له معرفه بالشركة (( وجزاه الله كل خير ماقصرو اثنينهم )) رايتهم بيضه
بعدها حطيت التكذرة هذي
وجاني رد عليها اليوم الي بعده وفي الرد رقم 3 بالصورة الي بالاسفل اتصلو علي يطلبون بينات الاف تي بي علشان يسوي تعديلات البلوتوث
فجلست انتظر كم يوم الى ان رد
فرديت عليه وشكرته . وطلبت انه يكمل الباقي
ولا جاني رد منهم ابداً ..
فضطريت اغير الاسلوب والطريقة الي تعاملت معهم ابها في البدائية وفتحت تذكرة جديدة
ومثل مانتم شايفين رد علي وقالي عطني 24 ساعة ازيادة قلت له مو مشكلة
واكتملت 24 ساعة ولا صار شي
وهذا ردي الاخير له
وللعلم ياخوان شفته قبل شهر بالماسنجر وقلت له وقالي التصميم مفتوح وبقية التصميم بتجيك وبشر وبعدها ماشفته ابداً. .. واهو راعي موقعين لهم سمعت طيبة بين المواقع العربية ولا اريد اذكر اسماء
ياخوي انا ماطلب شي منك انا كل الي اطلبه منك فقط حقي الي شريته منك
بتسلمني بقولك يعطيك العافية . مو مسلمني اياه رجع لي افلوس . والوجه من الوجه ابيض
ام انك تنقعني بالشهرين والثلاث ولاترد علي وتماطل هذي والله مو حلوة عند الرجال .. ماتبي تسوي قلت لي من البدائية مابي اسوي
انا مثل ماقلت لك معطيك حقها 1500 ريال ماني لاقيها في الشارع والحمدالله عندنا وعندكم خير وكلنا اعيال نعمة (( مشاء الله تبارك الله ))
انا لاطلب منك الا فقط تسلمني التصميم مفتوح والمعلومات الي بالتذكرة مثل ماهو موضح لديك وتكمل الي اتفقنا عليه تركب التصميمن
وانا الي ابيه تسلمني التصميم .. مانت مسلمني اياه .. تراني اقسم بالله لا ادعي عليك عند كل صلاة اصليها . وخل 1500 تنفعك
وياخوان اسف على الاطالة ولاكن حبيت اني افرق كل القهر الي بصدري في هل الموضوع
واتمنا الي عنده نقد على كلامي ولا على شي قلته تراني اتقبل المووضوع برحابت صدر ..
حتى لو كان ضدي او لي
وان برسله الرابط ونشوف اخرتها
والله يعطيكم العافية
3 اشهور انتظر التصميم من شركة مثال لتصميم المواقع example4d.com ولا استلمته 
